| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
5. உப்பாத³ஸங்யுத்தங்
5. Uppādasaṃyuttaṃ
1. சக்கு²ஸுத்தங்
1. Cakkhusuttaṃ
312. ஸாவத்தி²னிதா³னங் . ‘‘யோ கோ², பி⁴க்க²வே, சக்கு²ஸ்ஸ உப்பாதோ³ டி²தி அபி⁴னிப்³ப³த்தி பாதுபா⁴வோ, து³க்க²ஸ்ஸேஸோ உப்பாதோ³, ரோகா³னங் டி²தி, ஜராமரணஸ்ஸ பாதுபா⁴வோ. யோ ஸோதஸ்ஸ உப்பாதோ³ டி²தி…பே॰… யோ கா⁴னஸ்ஸ உப்பாதோ³ டி²தி… யோ ஜிவ்ஹாய உப்பாதோ³ டி²தி… யோ காயஸ்ஸ உப்பாதோ³ டி²தி… யோ மனஸ்ஸ உப்பாதோ³ டி²தி அபி⁴னிப்³ப³த்தி பாதுபா⁴வோ, து³க்க²ஸ்ஸேஸோ உப்பாதோ³, ரோகா³னங் டி²தி, ஜராமரணஸ்ஸ பாதுபா⁴வோ. யோ ச, பி⁴க்க²வே, சக்கு²ஸ்ஸ நிரோதோ⁴ வூபஸமோ அத்த²ங்க³மோ, து³க்க²ஸ்ஸேஸோ நிரோதோ⁴, ரோகா³னங் வூபஸமோ, ஜராமரணஸ்ஸ அத்த²ங்க³மோ. யோ ஸோதஸ்ஸ நிரோதோ⁴…பே॰… யோ கா⁴னஸ்ஸ நிரோதோ⁴… யோ ஜிவ்ஹாய நிரோதோ⁴… யோ காயஸ்ஸ நிரோதோ⁴… யோ மனஸ்ஸ நிரோதோ⁴ வூபஸமோ அத்த²ங்க³மோ, து³க்க²ஸ்ஸேஸோ நிரோதோ⁴, ரோகா³னங் வூபஸமோ, ஜராமரணஸ்ஸ அத்த²ங்க³மோ’’தி. பட²மங்.
312. Sāvatthinidānaṃ . ‘‘Yo kho, bhikkhave, cakkhussa uppādo ṭhiti abhinibbatti pātubhāvo, dukkhasseso uppādo, rogānaṃ ṭhiti, jarāmaraṇassa pātubhāvo. Yo sotassa uppādo ṭhiti…pe… yo ghānassa uppādo ṭhiti… yo jivhāya uppādo ṭhiti… yo kāyassa uppādo ṭhiti… yo manassa uppādo ṭhiti abhinibbatti pātubhāvo, dukkhasseso uppādo, rogānaṃ ṭhiti, jarāmaraṇassa pātubhāvo. Yo ca, bhikkhave, cakkhussa nirodho vūpasamo atthaṅgamo, dukkhasseso nirodho, rogānaṃ vūpasamo, jarāmaraṇassa atthaṅgamo. Yo sotassa nirodho…pe… yo ghānassa nirodho… yo jivhāya nirodho… yo kāyassa nirodho… yo manassa nirodho vūpasamo atthaṅgamo, dukkhasseso nirodho, rogānaṃ vūpasamo, jarāmaraṇassa atthaṅgamo’’ti. Paṭhamaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 5. உப்பாத³ஸங்யுத்தவண்ணனா • 5. Uppādasaṃyuttavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 5. உப்பாத³ஸங்யுத்தவண்ணனா • 5. Uppādasaṃyuttavaṇṇanā
