| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
6. கிலேஸஸங்யுத்தங்
6. Kilesasaṃyuttaṃ
1. சக்கு²ஸுத்தங்
1. Cakkhusuttaṃ
322. ஸாவத்தி²னிதா³னங் . ‘‘யோ, பி⁴க்க²வே, சக்கு²ஸ்மிங் ச²ந்த³ராகோ³, சித்தஸ்ஸேஸோ உபக்கிலேஸோ. யோ ஸோதஸ்மிங் ச²ந்த³ராகோ³, சித்தஸ்ஸேஸோ உபக்கிலேஸோ. யோ கா⁴னஸ்மிங் ச²ந்த³ராகோ³, சித்தஸ்ஸேஸோ உபக்கிலேஸோ. யோ ஜிவ்ஹாய ச²ந்த³ராகோ³, சித்தஸ்ஸேஸோ உபக்கிலேஸோ. யோ காயஸ்மிங் ச²ந்த³ராகோ³, சித்தஸ்ஸேஸோ உபக்கிலேஸோ. யோ மனஸ்மிங் ச²ந்த³ராகோ³, சித்தஸ்ஸேஸோ உபக்கிலேஸோ. யதோ கோ², பி⁴க்க²வே, பி⁴க்கு²னோ இமேஸு ச²ஸு டா²னேஸு சேதஸோ உபக்கிலேஸோ பஹீனோ ஹோதி, நெக்க²ம்மனின்னஞ்சஸ்ஸ சித்தங் ஹோதி. நெக்க²ம்மபரிபா⁴விதங் சித்தங் கம்மனியங் கா²யதி, அபி⁴ஞ்ஞா ஸச்சி²கரணீயேஸு த⁴ம்மேஸூ’’தி. பட²மங்.
322. Sāvatthinidānaṃ . ‘‘Yo, bhikkhave, cakkhusmiṃ chandarāgo, cittasseso upakkileso. Yo sotasmiṃ chandarāgo, cittasseso upakkileso. Yo ghānasmiṃ chandarāgo, cittasseso upakkileso. Yo jivhāya chandarāgo, cittasseso upakkileso. Yo kāyasmiṃ chandarāgo, cittasseso upakkileso. Yo manasmiṃ chandarāgo, cittasseso upakkileso. Yato kho, bhikkhave, bhikkhuno imesu chasu ṭhānesu cetaso upakkileso pahīno hoti, nekkhammaninnañcassa cittaṃ hoti. Nekkhammaparibhāvitaṃ cittaṃ kammaniyaṃ khāyati, abhiññā sacchikaraṇīyesu dhammesū’’ti. Paṭhamaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 6. கிலேஸஸங்யுத்தவண்ணனா • 6. Kilesasaṃyuttavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 6. கிலேஸஸங்யுத்தவண்ணனா • 6. Kilesasaṃyuttavaṇṇanā
