| Library / Tipiṭaka / ติปิฎก • Tipiṭaka / สํยุตฺตนิกาย • Saṃyuttanikāya |
๖. กิเลสสํยุตฺตํ
6. Kilesasaṃyuttaṃ
๑. จกฺขุสุตฺตํ
1. Cakkhusuttaṃ
๓๒๒. สาวตฺถินิทานํ ฯ ‘‘โย, ภิกฺขเว, จกฺขุสฺมิํ ฉนฺทราโค, จิตฺตเสฺสโส อุปกฺกิเลโสฯ โย โสตสฺมิํ ฉนฺทราโค, จิตฺตเสฺสโส อุปกฺกิเลโสฯ โย ฆานสฺมิํ ฉนฺทราโค, จิตฺตเสฺสโส อุปกฺกิเลโสฯ โย ชิวฺหาย ฉนฺทราโค, จิตฺตเสฺสโส อุปกฺกิเลโสฯ โย กายสฺมิํ ฉนฺทราโค, จิตฺตเสฺสโส อุปกฺกิเลโสฯ โย มนสฺมิํ ฉนฺทราโค, จิตฺตเสฺสโส อุปกฺกิเลโสฯ ยโต โข, ภิกฺขเว, ภิกฺขุโน อิเมสุ ฉสุ ฐาเนสุ เจตโส อุปกฺกิเลโส ปหีโน โหติ, เนกฺขมฺมนินฺนญฺจสฺส จิตฺตํ โหติฯ เนกฺขมฺมปริภาวิตํ จิตฺตํ กมฺมนิยํ ขายติ, อภิญฺญา สจฺฉิกรณีเยสุ ธเมฺมสู’’ติฯ ปฐมํฯ
322. Sāvatthinidānaṃ . ‘‘Yo, bhikkhave, cakkhusmiṃ chandarāgo, cittasseso upakkileso. Yo sotasmiṃ chandarāgo, cittasseso upakkileso. Yo ghānasmiṃ chandarāgo, cittasseso upakkileso. Yo jivhāya chandarāgo, cittasseso upakkileso. Yo kāyasmiṃ chandarāgo, cittasseso upakkileso. Yo manasmiṃ chandarāgo, cittasseso upakkileso. Yato kho, bhikkhave, bhikkhuno imesu chasu ṭhānesu cetaso upakkileso pahīno hoti, nekkhammaninnañcassa cittaṃ hoti. Nekkhammaparibhāvitaṃ cittaṃ kammaniyaṃ khāyati, abhiññā sacchikaraṇīyesu dhammesū’’ti. Paṭhamaṃ.
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / สํยุตฺตนิกาย (อฎฺฐกถา) • Saṃyuttanikāya (aṭṭhakathā) / ๖. กิเลสสํยุตฺตวณฺณนา • 6. Kilesasaṃyuttavaṇṇanā
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / สํยุตฺตนิกาย (ฎีกา) • Saṃyuttanikāya (ṭīkā) / ๖. กิเลสสํยุตฺตวณฺณนา • 6. Kilesasaṃyuttavaṇṇanā
