| Library / Tipiṭaka / д̇ибидага • Tipiṭaka / ид̇ивуд̇д̇ага-адтагат̇аа • Itivuttaka-aṭṭhakathā |
2. жагкусуд̇д̇аван̣н̣анаа
2. Cakkhusuttavaṇṇanā
61. д̣̇уд̇ияз жагкуунийд̇и жагканд̇ийд̇и жагкууни, самависамам̣ аажигканд̇аани вияа бавад̇д̇анд̇ийд̇и ад̇т̇о. ат̇а ваа жагканадтзна жагкууни. гимид̣̇ам̣ жагканам̣ наама? ассаад̣̇анам̣, д̇ат̇аа хи вад̣̇анд̇и ‘‘мад̇хум̣ жагкад̇и б̣яан̃ж̇анам̣ жагкад̇ий’’д̇и имаани жа аарамман̣арасам̣ анубхаванд̇аани ассаад̣̇знд̇аани вияа хонд̇ийд̇и жагканадтзна жагкууни. д̇аани бана сан̇кзбад̇о д̣̇вз жагкууни – н̃аан̣ажагку, мам̣сажагку жаад̇и. д̇зсу мам̣сажагку хздтаа вуд̇д̇амзва. н̃аан̣ажагку д̣̇иб̣б̣ажагку, бан̃н̃аажагкууд̇и ид̇ха д̣̇вид̇хаа гад̇ваа вуд̇д̇ам̣.
61. Dutiye cakkhūnīti cakkhantīti cakkhūni, samavisamaṃ ācikkhantāni viya pavattantīti attho. Atha vā cakkhanaṭṭhena cakkhūni. Kimidaṃ cakkhanaṃ nāma? Assādanaṃ, tathā hi vadanti ‘‘madhuṃ cakkhati byañjanaṃ cakkhatī’’ti imāni ca ārammaṇarasaṃ anubhavantāni assādentāni viya hontīti cakkhanaṭṭhena cakkhūni. Tāni pana saṅkhepato dve cakkhūni – ñāṇacakkhu, maṃsacakkhu cāti. Tesu maṃsacakkhu heṭṭhā vuttameva. Ñāṇacakkhu dibbacakkhu, paññācakkhūti idha dvidhā katvā vuttaṃ.
д̇ад̇т̇а д̣̇иб̣б̣ажагкууд̇и д̣̇иб̣б̣асад̣̇исад̇д̇аа д̣̇иб̣б̣ам̣. д̣̇звад̇аанан̃хи сужарид̇агамманиб̣б̣ад̇д̇ам̣ бид̇д̇асзмхарухираад̣̇ийхи абалиб̣уд̣̇д̇хам̣ убаггилзсавимуд̇д̇ад̇ааяа д̣̇уурзби аарамман̣аг̇г̇ахан̣асамад̇т̇ам̣ д̣̇иб̣б̣ам̣ басаад̣̇ажагку ход̇и. ид̣̇ан̃жааби вийрияабхааванааб̣аланиб̣б̣ад̇д̇ам̣ н̃аан̣ажагку д̇аад̣̇исамзваад̇и д̣̇иб̣б̣асад̣̇исад̇д̇аа д̣̇иб̣б̣ам̣, д̣̇иб̣б̣авихааравасзна бадилад̣̇д̇хад̇д̇аа ад̇д̇ано жа д̣̇иб̣б̣авихаарасанниссид̇ад̇д̇аа аалогабариг̇г̇ахзна махааж̇уд̇игад̇д̇аа. д̇ирогуддаад̣̇иг̇ад̇аруубад̣̇ассанзна махааг̇ад̇игад̇д̇ааби д̣̇иб̣б̣ам̣. д̇ам̣ саб̣б̣ам̣ сад̣̇д̣̇асад̇т̇аанусаарзна взд̣̇ид̇аб̣б̣ам̣. д̣̇ассанадтзна жагкугижжагаран̣зна жагкумиваад̇иби жагку, д̣̇иб̣б̣ан̃жа д̇ам̣ жагку жаад̇и д̣̇иб̣б̣ажагку.
Tattha dibbacakkhūti dibbasadisattā dibbaṃ. Devatānañhi sucaritakammanibbattaṃ pittasemharuhirādīhi apalibuddhaṃ upakkilesavimuttatāya dūrepi ārammaṇaggahaṇasamatthaṃ dibbaṃ pasādacakkhu hoti. Idañcāpi vīriyabhāvanābalanibbattaṃ ñāṇacakkhu tādisamevāti dibbasadisattā dibbaṃ, dibbavihāravasena paṭiladdhattā attano ca dibbavihārasannissitattā ālokapariggahena mahājutikattā. Tirokuṭṭādigatarūpadassanena mahāgatikattāpi dibbaṃ. Taṃ sabbaṃ saddasatthānusārena veditabbaṃ. Dassanaṭṭhena cakkhukiccakaraṇena cakkhumivātipi cakkhu, dibbañca taṃ cakkhu cāti dibbacakkhu.
баж̇аанаад̇ийд̇и бан̃н̃аа. гим̣ баж̇аанаад̇и? жад̇д̇аари арияасажжаани ‘‘ид̣̇ам̣ д̣̇угка’’нд̇иаад̣̇инаа. вуд̇д̇ан̃хзд̇ам̣ –
Pajānātīti paññā. Kiṃ pajānāti? Cattāri ariyasaccāni ‘‘idaṃ dukkha’’ntiādinā. Vuttañhetaṃ –
‘‘баж̇аанаад̇ийд̇и ко, аавусо, д̇асмаа бан̃н̃аад̇и вужжад̇и. гин̃жа баж̇аанаад̇и? ид̣̇ам̣ д̣̇угка’’нд̇иаад̣̇и (ма. ни. 1.449).
‘‘Pajānātīti kho, āvuso, tasmā paññāti vuccati. Kiñca pajānāti? Idaṃ dukkha’’ntiādi (ma. ni. 1.449).
адтагат̇ааяам̣ бана ‘‘бан̃н̃аабанавасзна бан̃н̃аа. гинд̇и бан̃н̃аабзд̇и? анижжанд̇и бан̃н̃аабзд̇и, д̣̇угканд̇и бан̃н̃аабзд̇и, анад̇д̇аад̇и бан̃н̃аабзд̇ий’’д̇и вуд̇д̇ам̣. саа банааяам̣ лагкан̣аад̣̇ид̇о яат̇аасабхаавабадивзд̇халагкан̣аа, агкалид̇абадивзд̇халагкан̣аа ваа гусалиссаасакид̇д̇аусубадивзд̇хо вияа, висаяобхаасанарасаа бад̣̇ийбо вияа, асаммохабажжубадтаанаа аран̃н̃аг̇ад̇асуд̣̇зсаго вияа. висзсад̇о банзд̇т̇а аасавагкаяан̃аан̣асан̇каад̇аа бан̃н̃аа жад̇усажжад̣̇ассанадтзна бан̃н̃аажагкууд̇и ад̇хиббзд̇аа. яам̣ санд̇хааяа вуд̇д̇ам̣ ‘‘жагкум̣ уд̣̇абаад̣̇и, н̃аан̣ам̣ уд̣̇абаад̣̇и, бан̃н̃аа уд̣̇абаад̣̇и, виж̇ж̇аа уд̣̇абаад̣̇и, аалого уд̣̇абаад̣̇ий’’д̇и (сам̣. ни. 5.1081; махаава. 15).
Aṭṭhakathāyaṃ pana ‘‘paññāpanavasena paññā. Kinti paññāpeti? Aniccanti paññāpeti, dukkhanti paññāpeti, anattāti paññāpetī’’ti vuttaṃ. Sā panāyaṃ lakkhaṇādito yathāsabhāvapaṭivedhalakkhaṇā, akkhalitapaṭivedhalakkhaṇā vā kusalissāsakhittausupaṭivedho viya, visayobhāsanarasā padīpo viya, asammohapaccupaṭṭhānā araññagatasudesako viya. Visesato panettha āsavakkhayañāṇasaṅkhātā paññā catusaccadassanaṭṭhena paññācakkhūti adhippetā. Yaṃ sandhāya vuttaṃ ‘‘cakkhuṃ udapādi, ñāṇaṃ udapādi, paññā udapādi, vijjā udapādi, āloko udapādī’’ti (saṃ. ni. 5.1081; mahāva. 15).
зд̇зсу жа мам̣сажагку барид̇д̇ам̣, д̣̇иб̣б̣ажагку махаг̇г̇ад̇ам̣, ид̇арам̣ аббамаан̣ам̣. мам̣сажагку руубам̣, ид̇араани аруубаани. мам̣сажагку д̣̇иб̣б̣ажагку жа логияаани саасаваани руубависаяаани, ид̇арам̣ логуд̇д̇арам̣ анаасавам̣ жад̇усажжависаяам̣. мам̣сажагку аб̣яаагад̇ам̣, д̣̇иб̣б̣ажагку сияаа гусалам̣ сияаа аб̣яаагад̇ам̣, д̇ат̇аа бан̃н̃аажагку. мам̣сажагку гаамааважарам̣, д̣̇иб̣б̣ажагку руубааважарам̣, ид̇арам̣ логуд̇д̇аранд̇и звамаад̣̇и вибхааг̇аа взд̣̇ид̇аб̣б̣аа.
Etesu ca maṃsacakkhu parittaṃ, dibbacakkhu mahaggataṃ, itaraṃ appamāṇaṃ. Maṃsacakkhu rūpaṃ, itarāni arūpāni. Maṃsacakkhu dibbacakkhu ca lokiyāni sāsavāni rūpavisayāni, itaraṃ lokuttaraṃ anāsavaṃ catusaccavisayaṃ. Maṃsacakkhu abyākataṃ, dibbacakkhu siyā kusalaṃ siyā abyākataṃ, tathā paññācakkhu. Maṃsacakkhu kāmāvacaraṃ, dibbacakkhu rūpāvacaraṃ, itaraṃ lokuttaranti evamādi vibhāgā veditabbā.
г̇аат̇аасу ануд̇д̇аранд̇и бан̃н̃аажагкум̣ санд̇хааяа вуд̇д̇ам̣. д̇ан̃хи аасавагкаяан̃аан̣абхаавад̇о ануд̇д̇арам̣. агкааси бурисуд̇д̇амод̇и бурисаанам̣ уд̇д̇амо аг̇г̇о саммаасамб̣уд̣̇д̇хо д̣̇зсзси. уббаад̣̇од̇и мам̣сажагкусса бавад̇д̇и. маг̇г̇од̇и убааяо, д̣̇иб̣б̣ажагкусса гааран̣ам̣. багад̇ижагкумад̇о зва хи д̣̇иб̣б̣ажагку уббаж̇ж̇ад̇и, яасмаа гасин̣аалогам̣ вад̣дхзд̇ваа д̣̇иб̣б̣ажагкун̃аан̣асса уббаад̣̇анам̣, со жа гасин̣аман̣д̣алз уг̇г̇аханимид̇д̇зна винаа над̇т̇ийд̇и. яад̇од̇и яад̣̇аа. н̃аан̣анд̇и аасавагкаяан̃аан̣ам̣. д̇знзвааха ‘‘бан̃н̃аажагку ануд̇д̇ара’’нд̇и. яасса жагкусса бадилаабхаад̇и яасса арияасса бан̃н̃аажагкусса уббад̇д̇ияаа бхааванааяа саб̣б̣асмаа ваддад̣̇угкад̇о бамужжад̇и баримужжад̇ийд̇и.
Gāthāsu anuttaranti paññācakkhuṃ sandhāya vuttaṃ. Tañhi āsavakkhayañāṇabhāvato anuttaraṃ. Akkhāsi purisuttamoti purisānaṃ uttamo aggo sammāsambuddho desesi. Uppādoti maṃsacakkhussa pavatti. Maggoti upāyo, dibbacakkhussa kāraṇaṃ. Pakaticakkhumato eva hi dibbacakkhu uppajjati, yasmā kasiṇālokaṃ vaḍḍhetvā dibbacakkhuñāṇassa uppādanaṃ, so ca kasiṇamaṇḍale uggahanimittena vinā natthīti. Yatoti yadā. Ñāṇanti āsavakkhayañāṇaṃ. Tenevāha ‘‘paññācakkhu anuttara’’nti. Yassa cakkhussa paṭilābhāti yassa ariyassa paññācakkhussa uppattiyā bhāvanāya sabbasmā vaṭṭadukkhato pamuccati parimuccatīti.
д̣̇уд̇ияасуд̇д̇аван̣н̣анаа нидтид̇аа.
Dutiyasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ид̇ивуд̇д̇агабаал̣и • Itivuttakapāḷi / 2. жагкусуд̇д̇ам̣ • 2. Cakkhusuttaṃ
