| Library / Tipiṭaka / ติปิฎก • Tipiṭaka / สํยุตฺตนิกาย • Saṃyuttanikāya |
๖. จาลาสุตฺตํ
6. Cālāsuttaṃ
๑๖๗. สาวตฺถินิทานํฯ อถ โข จาลา ภิกฺขุนี ปุพฺพณฺหสมยํ นิวาเสตฺวา…เป.… อญฺญตรสฺมิํ รุกฺขมูเล ทิวาวิหารํ นิสีทิฯ อถ โข มาโร ปาปิมา เยน จาลา ภิกฺขุนี เตนุปสงฺกมิ; อุปสงฺกมิตฺวา จาลํ ภิกฺขุนิํ เอตทโวจ – ‘‘กิํ นุ ตฺวํ, ภิกฺขุนิ, น โรเจสี’’ติ? ‘‘ชาติํ ขฺวาหํ, อาวุโส, น โรเจมี’’ติฯ
167. Sāvatthinidānaṃ. Atha kho cālā bhikkhunī pubbaṇhasamayaṃ nivāsetvā…pe… aññatarasmiṃ rukkhamūle divāvihāraṃ nisīdi. Atha kho māro pāpimā yena cālā bhikkhunī tenupasaṅkami; upasaṅkamitvā cālaṃ bhikkhuniṃ etadavoca – ‘‘kiṃ nu tvaṃ, bhikkhuni, na rocesī’’ti? ‘‘Jātiṃ khvāhaṃ, āvuso, na rocemī’’ti.
‘‘กิํ นุ ชาติํ น โรเจสิ, ชาโต กามานิ ภุญฺชติ;
‘‘Kiṃ nu jātiṃ na rocesi, jāto kāmāni bhuñjati;
โก นุ ตํ อิทมาทปยิ, ชาติํ มา โรจ 1 ภิกฺขุนี’’ติฯ
Ko nu taṃ idamādapayi, jātiṃ mā roca 2 bhikkhunī’’ti.
พนฺธํ วธํ ปริเกฺลสํ, ตสฺมา ชาติํ น โรจเยฯ
Bandhaṃ vadhaṃ pariklesaṃ, tasmā jātiṃ na rocaye.
‘‘พุโทฺธ ธมฺมมเทเสสิ, ชาติยา สมติกฺกมํ;
‘‘Buddho dhammamadesesi, jātiyā samatikkamaṃ;
สพฺพทุกฺขปฺปหานาย, โส มํ สเจฺจ นิเวสยิฯ
Sabbadukkhappahānāya, so maṃ sacce nivesayi.
‘‘เย จ รูปูปคา สตฺตา, เย จ อรูปฎฺฐายิโน;
‘‘Ye ca rūpūpagā sattā, ye ca arūpaṭṭhāyino;
นิโรธํ อปฺปชานนฺตา, อาคนฺตาโร ปุนพฺภว’’นฺติฯ
Nirodhaṃ appajānantā, āgantāro punabbhava’’nti.
อถ โข มาโร ปาปิมา ‘‘ชานาติ มํ จาลา ภิกฺขุนี’’ติ ทุกฺขี ทุมฺมโน ตเตฺถวนฺตรธายีติฯ
Atha kho māro pāpimā ‘‘jānāti maṃ cālā bhikkhunī’’ti dukkhī dummano tatthevantaradhāyīti.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / สํยุตฺตนิกาย (อฎฺฐกถา) • Saṃyuttanikāya (aṭṭhakathā) / ๖. จาลาสุตฺตวณฺณนา • 6. Cālāsuttavaṇṇanā
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / สํยุตฺตนิกาย (ฎีกา) • Saṃyuttanikāya (ṭīkā) / ๖. จาลาสุตฺตวณฺณนา • 6. Cālāsuttavaṇṇanā
