| Library / Tipiṭaka / তিপিটক • Tipiṭaka / সংযুত্তনিকায (অট্ঠকথা) • Saṃyuttanikāya (aṭṭhakathā) |
৬. চালাসুত্তৰণ্ণনা
6. Cālāsuttavaṇṇanā
১৬৭. ছট্ঠে কো নু তং ইদমাদপযীতি কো নু মন্দবুদ্ধি বালো তং এৰং গাহাপেসি? পরিক্লেসন্তি অঞ্ঞম্পি নানপ্পকারং উপদ্দৰং। ইদানি যং মারো আহ – ‘‘কো নু তং ইদমাদপযী’’তি, তং মদ্দন্তী – ‘‘ন মং অন্ধবালো আদপেসি, লোকে পন অগ্গপুগ্গলো সত্থা ধম্মং দেসেসী’’তি দস্সেতুং, বুদ্ধোতিআদিমাহ। তত্থ সচ্চে নিৰেসযীতি পরমত্থসচ্চে নিব্বানে নিৰেসেসি। নিরোধং অপ্পজানন্তাতি নিরোধসচ্চং অজানন্তা। ছট্ঠং।
167. Chaṭṭhe ko nu taṃ idamādapayīti ko nu mandabuddhi bālo taṃ evaṃ gāhāpesi? Pariklesanti aññampi nānappakāraṃ upaddavaṃ. Idāni yaṃ māro āha – ‘‘ko nu taṃ idamādapayī’’ti, taṃ maddantī – ‘‘na maṃ andhabālo ādapesi, loke pana aggapuggalo satthā dhammaṃ desesī’’ti dassetuṃ, buddhotiādimāha. Tattha sacce nivesayīti paramatthasacce nibbāne nivesesi. Nirodhaṃ appajānantāti nirodhasaccaṃ ajānantā. Chaṭṭhaṃ.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ৬. চালাসুত্তং • 6. Cālāsuttaṃ
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ৬. চালাসুত্তৰণ্ণনা • 6. Cālāsuttavaṇṇanā
