| Library / Tipiṭaka / д̇ибидага • Tipiṭaka / винаяавинижчаяа-дийгаа • Vinayavinicchaya-ṭīkā |
жаммагканд̇хагагат̇ааван̣н̣анаа
Cammakkhandhakakathāvaṇṇanā
2650. зл̣агаа жа аж̇аа жа миг̇аа жаад̇и виг̇г̇ахо. басуунам̣ д̣̇ванд̣̇з згад̇д̇анабум̣сагад̇д̇асса вибхаасид̇ад̇д̇аа б̣ахуважананид̣̇д̣̇зсо. зл̣агаанан̃жа аж̇аанан̃жа миг̇аанам̣ рохид̇зн̣игурун̇г̇аанан̃жа. басад̣̇аа жа миг̇амаад̇аа жа басад̣̇амиг̇амаад̇аа, ‘‘басад̣̇амиг̇амаад̇уяаа’’д̇и вад̇д̇аб̣б̣з г̇аат̇ааб̣анд̇хавасзна ‘‘басад̣̇а’’нд̇и ниг̇г̇ахид̇ааг̇амо. басад̣̇амиг̇амаад̇уяаа жа жаммам̣ бхигкуно ваддад̇ийд̇и яож̇анаа. ‘‘миг̇аана’’нд̇и иминаа г̇ахид̇аанамзвзд̇т̇а вибхааг̇ад̣̇ассанам̣ ‘‘рохид̇зн̣ий’’д̇иаад̣̇и. рохид̇аад̣̇аяо миг̇авибхааг̇ависзсаа.
2650. Eḷakā ca ajā ca migā cāti viggaho. Pasūnaṃ dvande ekattanapuṃsakattassa vibhāsitattā bahuvacananiddeso. Eḷakānañca ajānañca migānaṃ rohiteṇikuruṅgānañca. Pasadā ca migamātā ca pasadamigamātā, ‘‘pasadamigamātuyā’’ti vattabbe gāthābandhavasena ‘‘pasada’’nti niggahitāgamo. Pasadamigamātuyā ca cammaṃ bhikkhuno vaṭṭatīti yojanā. ‘‘Migāna’’nti iminā gahitānamevettha vibhāgadassanaṃ ‘‘rohiteṇī’’tiādi. Rohitādayo migavibhāgavisesā.
2651. зд̇зсам̣ яат̇аавуд̇д̇асад̇д̇аанам̣ жаммам̣ табзд̇ваа ан̃н̃ам̣ жаммам̣ д̣̇уггадаабад̇д̇ияаа вад̇т̇убхууд̇анд̇и ад̇т̇о. ан̃н̃анд̇и жа –
2651.Etesaṃ yathāvuttasattānaṃ cammaṃ ṭhapetvā aññaṃ cammaṃ dukkaṭāpattiyā vatthubhūtanti attho. Aññanti ca –
‘‘маггадо гаал̣асийхо жа, сарабхо гад̣̇алиймиг̇о;
‘‘Makkaṭo kāḷasīho ca, sarabho kadalīmigo;
яз жа ваал̣амиг̇аа хонд̇и, д̇зсам̣ жаммам̣ на ваддад̇ий’’д̇и. (махаава. адта. 259) –
Ye ca vāḷamigā honti, tesaṃ cammaṃ na vaṭṭatī’’ti. (mahāva. aṭṭha. 259) –
адтагат̇ааяа бадигкид̇д̇ам̣ жаммамааха. маггадо наама саакамиг̇о. гаал̣асийхо наама махаамукаваанараж̇аад̇иго. ваал̣амиг̇аа наама сийхаб̣яаг̇гхаад̣̇аяо. яат̇ааха – ‘‘д̇ад̇т̇а ваал̣амиг̇аад̇и сийхаб̣яаг̇гхаажчад̇аражчаа, на гзвалан̃жа зд̇зязва, язсам̣ бана жаммам̣ ваддад̇ийд̇и вуд̇д̇ам̣, д̇з табзд̇ваа авасзсаа анд̇амасо г̇омахим̣сассамил̣аараад̣̇аяоби саб̣б̣з имасмим̣ ад̇т̇з ‘ваал̣амиг̇аа’д̇взва взд̣̇ид̇аб̣б̣аа’’д̇и.
Aṭṭhakathāya paṭikkhittaṃ cammamāha. Makkaṭo nāma sākhamigo. Kāḷasīho nāma mahāmukhavānarajātiko. Vāḷamigā nāma sīhabyagghādayo. Yathāha – ‘‘tattha vāḷamigāti sīhabyagghaacchataracchā, na kevalañca eteyeva, yesaṃ pana cammaṃ vaṭṭatīti vuttaṃ, te ṭhapetvā avasesā antamaso gomahiṃsassamiḷārādayopi sabbe imasmiṃ atthe ‘vāḷamigā’tveva veditabbā’’ti.
т̇авигаа жа убааханаа жа т̇авигобааханам̣. амаанусам̣ мануссажаммарахид̇ам̣ саб̣б̣ам̣ жаммам̣ т̇авигобааханз ваддад̇ийд̇и яож̇анаа. зд̇т̇а т̇авигаад̇и убааханаад̣̇игосагасса г̇ахан̣ам̣. яат̇ааха ‘‘мануссажаммам̣ табзд̇ваа язна гзнажи жаммзна убааханаа ваддад̇и. убааханаагосагасад̇т̇агагосагагун̃ж̇игаагосагзсуби зсзва наяо’’д̇и (махаава. адта. 259).
Thavikā ca upāhanā ca thavikopāhanaṃ. Amānusaṃ manussacammarahitaṃ sabbaṃ cammaṃ thavikopāhane vaṭṭatīti yojanā. Ettha thavikāti upāhanādikosakassa gahaṇaṃ. Yathāha ‘‘manussacammaṃ ṭhapetvā yena kenaci cammena upāhanā vaṭṭati. Upāhanākosakasatthakakosakakuñjikākosakesupi eseva nayo’’ti (mahāva. aṭṭha. 259).
2652. ‘‘ануж̇аанаами, бхигкавз, саб̣б̣абажжанд̇имзсу ж̇анабад̣̇зсу г̇ун̣ан̇г̇ун̣уубаахана’’нд̇и (махаава. 259) важанад̇о ‘‘вадданд̇и маж̇жхимз д̣̇зсз, на г̇ун̣ан̇г̇ун̣уубааханаа’’д̇и вуд̇д̇ам̣. маж̇жхимз д̣̇зсзд̇и ‘‘бурад̇т̇имааяа д̣̇исааяа г̇аж̇ан̇г̇алам̣ наама ниг̇амо’’д̇иаад̣̇инаа (махаава. 259) вуд̇д̇асиймаабарижчзд̣̇з маж̇жхимад̣̇зсз. г̇ун̣ан̇г̇ун̣уубааханаад̇и жад̇убадалад̇о бадтааяа б̣ахубадалаа убааханаа. яат̇ааха – ‘‘г̇ун̣ан̇г̇ун̣уубааханаад̇и жад̇убадалад̇о бадтааяа вужжад̇ий’’д̇и (махаава. адта. 245). маж̇жхимад̣̇зсз г̇ун̣ан̇г̇ун̣уубааханаа на вадданд̇ийд̇и яож̇анаа. анд̇оаараамзд̇и зд̇т̇а багаран̣ад̇о ‘‘саб̣б̣зса’’нд̇и лаб̣бхад̇и, г̇илаанаанамид̇арзсан̃жа саб̣б̣зсанд̇и ад̇т̇о. саб̣б̣ад̇т̇ааби жаад̇и анд̇оаараамз, б̣ахи жаад̇и саб̣б̣ад̇т̇ааби. рог̇инод̇и г̇илаанасса вадданд̇ийд̇и яож̇анаа.
2652. ‘‘Anujānāmi, bhikkhave, sabbapaccantimesu janapadesu guṇaṅguṇūpāhana’’nti (mahāva. 259) vacanato ‘‘vaṭṭanti majjhime dese, na guṇaṅguṇūpāhanā’’ti vuttaṃ. Majjhime deseti ‘‘puratthimāya disāya gajaṅgalaṃ nāma nigamo’’tiādinā (mahāva. 259) vuttasīmāparicchede majjhimadese. Guṇaṅguṇūpāhanāti catupaṭalato paṭṭhāya bahupaṭalā upāhanā. Yathāha – ‘‘guṇaṅguṇūpāhanāti catupaṭalato paṭṭhāya vuccatī’’ti (mahāva. aṭṭha. 245). Majjhimadese guṇaṅguṇūpāhanā na vaṭṭantīti yojanā. Antoārāmeti ettha pakaraṇato ‘‘sabbesa’’nti labbhati, gilānānamitaresañca sabbesanti attho. Sabbatthāpi cāti antoārāme, bahi cāti sabbatthāpi. Roginoti gilānassa vaṭṭantīti yojanā.
2653. будаб̣ад̣̇д̇хаа каллагаб̣ад̣̇д̇хаажаад̇и бажжзгам̣ яож̇зд̇аб̣б̣ам̣. висзсо банзд̇аасам̣ адтагат̇ааяамзва вуд̇д̇о ‘‘будаб̣ад̣̇д̇хаад̇и яонагаубааханаа вужжад̇и, яаа яааваж̇ан̇гхад̇о саб̣б̣абаад̣̇ам̣ бадижчаад̣̇зд̇и. каллагаб̣ад̣̇д̇хаад̇и бан̣хибид̇хаанад̇т̇ам̣ д̇алз каллагам̣ б̣анд̇хид̇ваа гад̇аа’’д̇и. баалиг̇ун̣тимаа жа ‘‘балиг̇ун̣тид̇ваа гад̇аа, яаа убари баад̣̇амад̇д̇амзва бадижчаад̣̇зд̇и, на ж̇ан̇гха’’нд̇и адтагат̇ааяам̣ д̣̇ассид̇аава. д̇уулабун̣н̣аад̇и д̇уулабижунаа буурзд̇ваа гад̇аа.
2653. Puṭabaddhā khallakabaddhācāti paccekaṃ yojetabbaṃ. Viseso panetāsaṃ aṭṭhakathāyameva vutto ‘‘puṭabaddhāti yonakaupāhanā vuccati, yā yāvajaṅghato sabbapādaṃ paṭicchādeti. Khallakabaddhāti paṇhipidhānatthaṃ tale khallakaṃ bandhitvā katā’’ti. Pāliguṇṭhimā ca ‘‘paliguṇṭhitvā katā, yā upari pādamattameva paṭicchādeti, na jaṅgha’’nti aṭṭhakathāyaṃ dassitāva. Tūlapuṇṇāti tūlapicunā pūretvā katā.
саб̣б̣аава нийлаа саб̣б̣анийлаа, саа аад̣̇и яаасам̣ д̇аа саб̣б̣анийлаад̣̇аяо. аад̣̇и-сад̣̇д̣̇зна махаанаамарад̇д̇абарияанд̇аанам̣ г̇ахан̣ам̣. зд̇аасам̣ саруубам̣ адтагат̇ааяамзва вуд̇д̇ам̣ ‘‘нийлигаа умаабубпаван̣н̣аа ход̇и, бийд̇игаа ган̣игаарабубпаван̣н̣аа, лохид̇игаа ж̇аяасуманабубпаван̣н̣аа, ман̃ж̇идтигаа ман̃ж̇идтаван̣н̣аа зва, ган̣хаа ад̣̇д̣̇ааридтагаван̣н̣аа, махааран̇г̇арад̇д̇аа сад̇абад̣̇ибидтиван̣н̣аа, махаанаамарад̇д̇аа самбхиннаван̣н̣аа ход̇и бан̣д̣убалаасаван̣н̣аа. гурунд̣̇ияам̣ бана ‘бад̣̇умабубпаван̣н̣аа’д̇и вуд̇д̇а’’нд̇и (махаава. адта. 246). саб̣б̣анийлаад̣̇аяоби жаад̇и аби-сад̣̇д̣̇зна нийлаад̣̇ивад̣̇д̇хигаанам̣ г̇ахан̣ам̣.
Sabbāva nīlā sabbanīlā, sā ādi yāsaṃ tā sabbanīlādayo. Ādi-saddena mahānāmarattapariyantānaṃ gahaṇaṃ. Etāsaṃ sarūpaṃ aṭṭhakathāyameva vuttaṃ ‘‘nīlikā umāpupphavaṇṇā hoti, pītikā kaṇikārapupphavaṇṇā, lohitikā jayasumanapupphavaṇṇā, mañjiṭṭhikā mañjiṭṭhavaṇṇā eva, kaṇhā addāriṭṭhakavaṇṇā, mahāraṅgarattā satapadipiṭṭhivaṇṇā, mahānāmarattā sambhinnavaṇṇā hoti paṇḍupalāsavaṇṇā. Kurundiyaṃ pana ‘padumapupphavaṇṇā’ti vutta’’nti (mahāva. aṭṭha. 246). Sabbanīlādayopi cāti api-saddena nīlādivaddhikānaṃ gahaṇaṃ.
2654. жид̇раад̇и вижид̇раа. мзн̣д̣ависаан̣уубамавад̣̇д̇хигаад̇и мзн̣д̣аанам̣ висаан̣асад̣̇исавад̣̇д̇хигаа, ган̣н̣игадтаанз мзн̣д̣асин̇г̇асан̣таанз вад̣̇д̇хз яож̇зд̇ваа гад̇аад̇и ад̇т̇о. ‘‘мзн̣д̣ависаан̣уубамавад̣̇д̇хигаа’’д̇и ид̣̇ам̣ аж̇ависаан̣уубамавад̣̇д̇хигаанам̣ убалагкан̣ам̣. морасса бин̃чзна барисиб̣б̣ид̇аад̇и д̇алзсу ваа вад̣̇д̇хзсу ваа морабин̃чзхи суд̇д̇агасад̣̇исзхи барисиб̣б̣ид̇аа. убааханаа на жа вадданд̇ийд̇и яож̇анаа.
2654.Citrāti vicitrā. Meṇḍavisāṇūpamavaddhikāti meṇḍānaṃ visāṇasadisavaddhikā, kaṇṇikaṭṭhāne meṇḍasiṅgasaṇṭhāne vaddhe yojetvā katāti attho. ‘‘Meṇḍavisāṇūpamavaddhikā’’ti idaṃ ajavisāṇūpamavaddhikānaṃ upalakkhaṇaṃ. Morassa piñchena parisibbitāti talesu vā vaddhesu vā morapiñchehi suttakasadisehi parisibbitā. Upāhanā na ca vaṭṭantīti yojanā.
2655. маж̇ж̇аараад̇и б̣ил̣аараа. гаал̣агаа ругкаган̣дагаа. уулуугаа багкиб̣ил̣аалаа. сийхаад̇и гзсарасийхаад̣̇аяо сийхаа. уд̣̇д̣̇аад̇и жад̇уббад̣̇аж̇аад̇игаа. д̣̇ийбий сад̣̇д̣̇алаа. аж̇инассаад̇и звам̣наамигасса. баригкадаад̇и убааханабарияанд̇з жийварз ануваад̇ам̣ вияа вуд̇д̇аббагаарам̣ жаммам̣ яож̇зд̇ваа гад̇аа.
2655.Majjārāti biḷārā. Kāḷakā rukkhakaṇṭakā. Ūlūkā pakkhibiḷālā. Sīhāti kesarasīhādayo sīhā. Uddāti catuppadajātikā. Dīpī saddalā. Ajinassāti evaṃnāmikassa. Parikkhaṭāti upāhanapariyante cīvare anuvātaṃ viya vuttappakāraṃ cammaṃ yojetvā katā.
2656. сажз ийд̣̇исаа убааханаа лабханд̇и, д̇аасам̣ вал̣ан̃ж̇анаббагаарам̣ д̣̇ассзд̇умааха ‘‘будаад̣̇им̣ абанзд̇ваа’’д̇иаад̣̇и. будаад̣̇им̣ саб̣б̣асо чинд̣̇ид̇ваа ваа абанзд̇ваа ваа убааханаа д̇хаарзд̇аб̣б̣аад̇и яож̇анаа. звамагад̇ваа лад̣̇д̇ханийхаарзнзва д̇хаарзнд̇асса д̣̇уггадам̣. яат̇ааха – ‘‘зд̇аасу яам̣ гин̃жи лабхид̇ваа сажз д̇аани каллагаад̣̇ийни абанзд̇ваа саггаа хонд̇и вал̣ан̃ж̇ид̇ум̣, вал̣ан̃ж̇зд̇аб̣б̣аа, д̇зсу бана сад̇и вал̣ан̃ж̇анд̇асса д̣̇уггада’’нд̇и (махаава. адта. 246).
2656. Sace īdisā upāhanā labhanti, tāsaṃ vaḷañjanappakāraṃ dassetumāha ‘‘puṭādiṃ apanetvā’’tiādi. Puṭādiṃ sabbaso chinditvā vā apanetvā vā upāhanā dhāretabbāti yojanā. Evamakatvā laddhanīhāreneva dhārentassa dukkaṭaṃ. Yathāha – ‘‘etāsu yaṃ kiñci labhitvā sace tāni khallakādīni apanetvā sakkā honti vaḷañjituṃ, vaḷañjetabbā, tesu pana sati vaḷañjantassa dukkaṭa’’nti (mahāva. aṭṭha. 246).
ван̣н̣абхзд̣̇ам̣ д̇ат̇аа гад̇ваад̇и зд̇т̇а ‘‘згад̣̇зсзнаа’’д̇и сзсо. ‘‘саб̣б̣асо ваа’’д̇и аахарид̇ваа саб̣б̣асо ваа згад̣̇зсзна ваа ван̣н̣абхзд̣̇ам̣ гад̇ваа саб̣б̣анийлаад̣̇аяо убааханаа д̇хаарзд̇аб̣б̣аад̇и яож̇анаа. д̇ат̇аа агад̇ваа д̇хаарзнд̇асса д̣̇уггадам̣. яат̇ааха ‘‘зд̇аасу яам̣ гин̃жи лабхид̇ваа раж̇анам̣ жол̣агзна бун̃чид̇ваа ван̣н̣ам̣ бхинд̣̇ид̇ваа д̇хаарзд̇ум̣ ваддад̇и. аббамад̇д̇агзби бхиннз ваддад̇иязваа’’д̇и. нийлавад̣̇д̇хигаад̣̇аяоби ван̣н̣абхзд̣̇ам̣ гад̇ваа д̇хаарзд̇аб̣б̣аа.
Vaṇṇabhedaṃtathā katvāti ettha ‘‘ekadesenā’’ti seso. ‘‘Sabbaso vā’’ti āharitvā sabbaso vā ekadesena vā vaṇṇabhedaṃ katvā sabbanīlādayo upāhanā dhāretabbāti yojanā. Tathā akatvā dhārentassa dukkaṭaṃ. Yathāha ‘‘etāsu yaṃ kiñci labhitvā rajanaṃ coḷakena puñchitvā vaṇṇaṃ bhinditvā dhāretuṃ vaṭṭati. Appamattakepi bhinne vaṭṭatiyevā’’ti. Nīlavaddhikādayopi vaṇṇabhedaṃ katvā dhāretabbā.
2657. д̇ад̇т̇а таанз бассаавабаад̣̇угаа, важжабаад̣̇угаа, аажаманабаад̣̇угаад̇и д̇иссо баад̣̇угааяо табзд̇ваа саб̣б̣ааби баад̣̇угаа д̇аалабад̇д̇игаад̣̇ибхзд̣̇аа саб̣б̣ааби сан̇гаманийяаа баад̣̇угаа д̇хаарзд̇ум̣ на вадданд̇ийд̇и яож̇анаа.
2657.Tattha ṭhāne passāvapādukā, vaccapādukā, ācamanapādukāti tisso pādukāyo ṭhapetvā sabbāpi pādukā tālapattikādibhedā sabbāpi saṅkamanīyā pādukā dhāretuṃ na vaṭṭantīti yojanā.
2658. ад̇игганд̇абамаан̣ам̣ ужжаасаяанасан̃н̃ид̇ам̣ аасанд̣̇ин̃жзва баллан̇ган̃жа сзвамаанасса д̣̇уггаданд̇и яож̇анаа. аасанд̣̇ий вуд̇д̇алагкан̣аава. баллан̇год̇и баад̣̇зсу аахаримаани ваал̣аруубаани табзд̇ваа гад̇о, згасмим̣язва д̣̇аарумхи гадтагаммавасзна чинд̣̇ид̇ваа гад̇аани асам̣хааримаани д̇ад̇радтаанзва ваал̣аруубаани яасса баад̣̇зсу санд̇и, зваруубо баллан̇го габбад̇ийд̇и ‘‘аахаримзнаа’’д̇и иминаава д̣̇ийбид̇ам̣. ‘‘агаббияаруубагад̇о агаббияаман̃жо баллан̇го’’д̇и хи саарасамаасз вуд̇д̇ам̣.
2658. Atikkantapamāṇaṃ uccāsayanasaññitaṃ āsandiñceva pallaṅkañca sevamānassa dukkaṭanti yojanā. Āsandī vuttalakkhaṇāva. Pallaṅkoti pādesu āharimāni vāḷarūpāni ṭhapetvā kato, ekasmiṃyeva dārumhi kaṭṭhakammavasena chinditvā katāni asaṃhārimāni tatraṭṭhāneva vāḷarūpāni yassa pādesu santi, evarūpo pallaṅko kappatīti ‘‘āharimenā’’ti imināva dīpitaṃ. ‘‘Akappiyarūpakato akappiyamañco pallaṅko’’ti hi sārasamāse vuttaṃ.
2659. г̇онаганд̇и д̣̇ийгхаломагамахаагож̇авам̣. жад̇уран̇г̇улаад̇хигаани гира д̇асса ломаани, гаал̣аван̣н̣ан̃жа ход̇и. ‘‘жад̇уран̇г̇улад̇о уунагаббамаан̣аломо гож̇аво ваддад̇ий’’д̇и вад̣̇анд̇и. гуд̇д̇аганд̇и сол̣асаннам̣ наадагид̇т̇ийнам̣ тад̇ваа нажжанаяог̇г̇ам̣ ун̣н̣аамаяад̇т̇аран̣ам̣. жид̇д̇анд̇и бхид̇д̇ижчид̣̇д̣̇аад̣̇игавижид̇рам̣ ун̣н̣аамаяад̇т̇аран̣ам̣. бадиганд̇и ун̣н̣аамаяам̣ сзд̇ад̇т̇аран̣ам̣. бадалиганд̇и гханабубпагам̣ ун̣н̣аамаяам̣ лохид̇ад̇т̇аран̣ам̣, яо ‘‘аамалагабад̇д̇о’’д̇иби вужжад̇и.
2659.Gonakanti dīghalomakamahākojavaṃ. Caturaṅgulādhikāni kira tassa lomāni, kāḷavaṇṇañca hoti. ‘‘Caturaṅgulato ūnakappamāṇalomo kojavo vaṭṭatī’’ti vadanti. Kuttakanti soḷasannaṃ nāṭakitthīnaṃ ṭhatvā naccanayoggaṃ uṇṇāmayattharaṇaṃ. Cittanti bhitticchiddādikavicitraṃ uṇṇāmayattharaṇaṃ. Paṭikanti uṇṇāmayaṃ setattharaṇaṃ. Paṭalikanti ghanapupphakaṃ uṇṇāmayaṃ lohitattharaṇaṃ, yo ‘‘āmalakapatto’’tipi vuccati.
зганд̇аломинд̇и убхад̇о уг̇г̇ад̇аломам̣ ун̣н̣аамаяад̇т̇аран̣ам̣. вигад̇инд̇и сийхаб̣яаг̇гхаад̣̇ируубавижид̇рам̣ ун̣н̣аамаяад̇т̇аран̣ам̣. ‘‘зганд̇аломийд̇и згад̇од̣̇асам̣ ун̣н̣аамаяад̇т̇аран̣а’’нд̇и д̣̇ийгханигаа. д̇уулиганд̇и ругкад̇уулалад̇аад̇уулабодагид̇ууласан̇каад̇аанам̣ д̇ин̣н̣ам̣ д̇уулаанам̣ ан̃н̃ад̇арабун̣н̣ам̣ багад̇ид̇уулигам̣. уд̣̇д̣̇аломиганд̇и згад̇о уг̇г̇ад̇аломам̣ ун̣н̣аамаяад̇т̇аран̣ам̣. ‘‘уд̣̇д̣̇аломийд̇и убхад̇од̣̇асам̣ ун̣н̣аамаяад̇т̇аран̣ам̣. зганд̇аломийд̇и згад̇од̣̇асам̣ ун̣н̣аамаяад̇т̇аран̣а’’нд̇и (д̣̇ий. ни. адта. 1.15) д̣̇ийгханигааяадтагат̇ааяам̣ вуд̇д̇ам̣. саарасамаасз бана ‘‘уд̣̇д̣̇аломийд̇и згад̇о уг̇г̇ад̇абубпам̣. зганд̇аломийд̇и убхад̇о уг̇г̇ад̇абубпа’’нд̇и вуд̇д̇ам̣.
Ekantalominti ubhato uggatalomaṃ uṇṇāmayattharaṇaṃ. Vikatinti sīhabyagghādirūpavicitraṃ uṇṇāmayattharaṇaṃ. ‘‘Ekantalomīti ekatodasaṃ uṇṇāmayattharaṇa’’nti dīghanikā. Tūlikanti rukkhatūlalatātūlapoṭakitūlasaṅkhātānaṃ tiṇṇaṃ tūlānaṃ aññatarapuṇṇaṃ pakatitūlikaṃ. Uddalomikanti ekato uggatalomaṃ uṇṇāmayattharaṇaṃ. ‘‘Uddalomīti ubhatodasaṃ uṇṇāmayattharaṇaṃ. Ekantalomīti ekatodasaṃ uṇṇāmayattharaṇa’’nti (dī. ni. aṭṭha. 1.15) dīghanikāyaṭṭhakathāyaṃ vuttaṃ. Sārasamāse pana ‘‘uddalomīti ekato uggatapupphaṃ. Ekantalomīti ubhato uggatapuppha’’nti vuttaṃ.
2660. гаддиссанд̇и рад̇анабарисиб̣б̣ид̇ам̣ госзяяагаддиссамаяам̣ бажжад̇т̇аран̣ам̣. ‘‘госзяяагаддиссамаяанд̇и госзяяагасадамаяа’’нд̇и (д̣̇ий. ни. дий. 1.15) аажарияад̇хаммабаалад̇т̇зрзна вуд̇д̇ам̣, ганд̇ид̇агосзяяабудамаяанд̇и ад̇т̇о. госзяяанд̇и рад̇анабарисиб̣б̣ид̇ам̣ госияасуд̇д̇амаяам̣ бажжад̇т̇аран̣ам̣. рад̇анабарисиб̣б̣анарахид̇ам̣ суд̣̇д̇хагосзяяам̣ бана ваддад̇и.
2660.Kaṭṭissanti ratanaparisibbitaṃ koseyyakaṭṭissamayaṃ paccattharaṇaṃ. ‘‘Koseyyakaṭṭissamayanti koseyyakasaṭamaya’’nti (dī. ni. ṭī. 1.15) ācariyadhammapālattherena vuttaṃ, kantitakoseyyapuṭamayanti attho. Koseyyanti ratanaparisibbitaṃ kosiyasuttamayaṃ paccattharaṇaṃ. Ratanaparisibbanarahitaṃ suddhakoseyyaṃ pana vaṭṭati.
д̣̇ийгханигааяадтагат̇ааяам̣ банзд̇т̇а ‘‘табзд̇ваа д̇уулигам̣ саб̣б̣аанзва г̇онагаад̣̇ийни рад̇анабарисиб̣б̣ид̇аани на вадданд̇ий’’д̇и (д̣̇ий. ни. адта. 1.15) вуд̇д̇ам̣. д̇ад̇т̇а ‘‘табзд̇ваа д̇уулига’’нд̇и зд̇зна рад̇анабарисиб̣б̣анарахид̇ааби д̇уулигаа на ваддад̇ийд̇и д̣̇ийбзд̇и. ‘‘рад̇анабарисиб̣б̣ид̇аани на вадданд̇ий’’д̇и иминаа бана яаани рад̇анабарисиб̣б̣ид̇аани, д̇аани бхуумад̇т̇аран̣авасзна яат̇аануруубам̣ ман̃жаад̣̇ийсу жа убанзд̇ум̣ ваддад̇ийд̇и д̣̇ийбид̇анд̇и взд̣̇ид̇аб̣б̣ам̣. зд̇т̇а жа винаяабарияааяам̣ бад̇ваа г̇аругз таад̇аб̣б̣ад̇д̇аа ид̇ха вуд̇д̇анаязнзвзд̇т̇а винижчаяо взд̣̇ид̇аб̣б̣о. суд̇д̇анд̇игад̣̇зсанааяам̣ бана г̇ахадтаанамби васзна вуд̇д̇ад̇д̇аа нзсам̣ сан̇г̇ан̣ханад̇т̇ам̣ ‘‘табзд̇ваа д̇уулигам̣…бз… вадданд̇ийд̇и вуд̇д̇а’’нд̇и (д̣̇ий. ни. адта. 1.15) абарз.
Dīghanikāyaṭṭhakathāyaṃ panettha ‘‘ṭhapetvā tūlikaṃ sabbāneva gonakādīni ratanaparisibbitāni na vaṭṭantī’’ti (dī. ni. aṭṭha. 1.15) vuttaṃ. Tattha ‘‘ṭhapetvā tūlika’’nti etena ratanaparisibbanarahitāpi tūlikā na vaṭṭatīti dīpeti. ‘‘Ratanaparisibbitāni na vaṭṭantī’’ti iminā pana yāni ratanaparisibbitāni, tāni bhūmattharaṇavasena yathānurūpaṃ mañcādīsu ca upanetuṃ vaṭṭatīti dīpitanti veditabbaṃ. Ettha ca vinayapariyāyaṃ patvā garuke ṭhātabbattā idha vuttanayenevettha vinicchayo veditabbo. Suttantikadesanāyaṃ pana gahaṭṭhānampi vasena vuttattā nesaṃ saṅgaṇhanatthaṃ ‘‘ṭhapetvā tūlikaṃ…pe… vaṭṭantīti vutta’’nti (dī. ni. aṭṭha. 1.15) apare.
хад̇т̇иассарат̇ад̇т̇аранд̇и хад̇т̇ибидтз ад̇т̇арид̇ам̣ ад̇т̇аран̣ам̣ хад̇т̇ад̇т̇аран̣ам̣ наама. ассарат̇ад̇т̇арзби зсзва наяо. гад̣̇алимиг̇абавара-бажжад̇т̇аран̣агамби жаад̇и гад̣̇алимиг̇ажаммам̣ наама ад̇т̇и, д̇зна гад̇ам̣ баварабажжад̇т̇аран̣анд̇и ад̇т̇о. д̇ам̣ гира сзд̇авад̇т̇асса убари гад̣̇алимиг̇ажаммам̣ бад̇т̇арид̇ваа сиб̣б̣зд̇ваа гаронд̇и. би-сад̣̇д̣̇зна аж̇инаббавзн̣ий г̇ахид̇аа. аж̇инаббавзн̣ий наама аж̇инажаммзхи ман̃жабамаан̣зна сиб̣б̣зд̇ваа гад̇аа бавзн̣ий. д̇аани гира жаммаани сукумад̇араани, д̇асмаа д̣̇убаддад̇ибаддаани гад̇ваа сиб̣б̣анд̇и. д̇зна вуд̇д̇ам̣ ‘‘аж̇инаббавзн̣ий’’д̇и.
Hatthiassarathattharanti hatthipiṭṭhe attharitaṃ attharaṇaṃ hatthattharaṇaṃ nāma. Assarathattharepi eseva nayo. Kadalimigapavara-paccattharaṇakampi cāti kadalimigacammaṃ nāma atthi, tena kataṃ pavarapaccattharaṇanti attho. Taṃ kira setavatthassa upari kadalimigacammaṃ pattharitvā sibbetvā karonti. Pi-saddena ajinappaveṇī gahitā. Ajinappaveṇī nāma ajinacammehi mañcapamāṇena sibbetvā katā paveṇī. Tāni kira cammāni sukhumatarāni, tasmā dupaṭṭatipaṭṭāni katvā sibbanti. Tena vuttaṃ ‘‘ajinappaveṇī’’ti.
2661. рад̇д̇авид̇аанасса хздтаад̇и гусумбхаад̣̇ирад̇д̇асса лохид̇авид̇аанасса хздтаа габбияабажжад̇т̇аран̣зхи ад̇т̇ад̇ам̣ саяанаасанан̃жа. гасааварад̇д̇авид̇аанасса бана хздтаа габбияабажжад̇т̇аран̣зна ад̇т̇ад̇ам̣ ваддад̇и. д̇знзва вагкад̇и ‘‘хздтаа агаббияз’’д̇иаад̣̇и.
2661.Rattavitānassa heṭṭhāti kusumbhādirattassa lohitavitānassa heṭṭhā kappiyapaccattharaṇehi atthataṃ sayanāsanañca. Kasāvarattavitānassa pana heṭṭhā kappiyapaccattharaṇena atthataṃ vaṭṭati. Teneva vakkhati ‘‘heṭṭhā akappiye’’tiādi.
д̣̇вид̇хаа рад̇д̇уубад̇хаанаганд̇и сийсабассз, баад̣̇абассз жаад̇и убхад̇обассз бан̃н̃ад̇д̇арад̇д̇аб̣иб̣б̣оханаванд̇ан̃жа саяанаасанам̣. ид̣̇ам̣ саб̣б̣ам̣ агаббияам̣ барибхун̃ж̇ад̇о д̣̇уггадам̣ ход̇и. ‘‘яам̣ бана згамзва убад̇хаанам̣ убхосу бассзсу рад̇д̇ам̣ ваа ход̇и бад̣̇умаван̣н̣ам̣ ваа вижид̇рам̣ ваа, сажз бамаан̣аяуд̇д̇ам̣, ваддад̇ий’’д̇и (махаава. адта. 254) адтагат̇аавинижчаяо зд̇знзва б̣яад̇ирзгад̇о вуд̇д̇о ход̇и. ‘‘язбхуяяарад̇д̇ааниби д̣̇вз б̣иб̣б̣оханаани на вадданд̇ий’’д̇и г̇ан̣тибад̣̇з вуд̇д̇ам̣. д̇знзва язбхуяязна рад̇д̇авид̇аанамби на ваддад̇ийд̇и вин̃н̃ааяад̇и.
Dvidhārattūpadhānakanti sīsapasse, pādapasse cāti ubhatopasse paññattarattabibbohanavantañca sayanāsanaṃ. Idaṃ sabbaṃ akappiyaṃ paribhuñjato dukkaṭaṃ hoti. ‘‘Yaṃ pana ekameva upadhānaṃ ubhosu passesu rattaṃ vā hoti padumavaṇṇaṃ vā vicitraṃ vā, sace pamāṇayuttaṃ, vaṭṭatī’’ti (mahāva. aṭṭha. 254) aṭṭhakathāvinicchayo eteneva byatirekato vutto hoti. ‘‘Yebhuyyarattānipi dve bibbohanāni na vaṭṭantī’’ti gaṇṭhipade vuttaṃ. Teneva yebhuyyena rattavitānampi na vaṭṭatīti viññāyati.
зд̇т̇а жа гин̃жааби д̣̇ийгханигааяадтагат̇ааяам̣ ‘‘алохид̇агаани д̣̇взби вадданд̇иязва, д̇ад̇о уд̇д̇ари лабхид̇ваа ан̃н̃зсам̣ д̣̇аад̇аб̣б̣аани, д̣̇аад̇ум̣ асаггонд̇о ман̃жз д̇ирияам̣ ад̇т̇арид̇ваа убари бажжад̇т̇аран̣ам̣ д̣̇ад̇ваа нибаж̇ж̇ид̇умби лабхад̇ий’’д̇и (д̣̇ий. ни. адта. 1.15) ависзсзна вуд̇д̇ам̣. сзнаасанагканд̇хагасам̣ван̣н̣анааяам̣ бана ‘‘аг̇илаанасса сийсуубад̇хаанан̃жа баад̣̇уубад̇хаанан̃жаад̇и д̣̇ваяамзва ваддад̇и, г̇илаанасса б̣иб̣б̣оханаани сант̇арид̇ваа убари бажжад̇т̇аран̣ам̣ д̣̇ад̇ваа нибаж̇ж̇ид̇умби ваддад̇ий’’д̇и (жуул̣ава. адта. 297) вуд̇д̇ад̇д̇аа г̇илааноязва ман̃жз д̇ирияам̣ ад̇т̇арид̇ваа нибаж̇ж̇ид̇ум̣ лабхад̇ийд̇и взд̣̇ид̇аб̣б̣ам̣.
Ettha ca kiñcāpi dīghanikāyaṭṭhakathāyaṃ ‘‘alohitakāni dvepi vaṭṭantiyeva, tato uttari labhitvā aññesaṃ dātabbāni, dātuṃ asakkonto mañce tiriyaṃ attharitvā upari paccattharaṇaṃ datvā nipajjitumpi labhatī’’ti (dī. ni. aṭṭha. 1.15) avisesena vuttaṃ. Senāsanakkhandhakasaṃvaṇṇanāyaṃ pana ‘‘agilānassa sīsūpadhānañca pādūpadhānañcāti dvayameva vaṭṭati, gilānassa bibbohanāni santharitvā upari paccattharaṇaṃ datvā nipajjitumpi vaṭṭatī’’ti (cūḷava. aṭṭha. 297) vuttattā gilānoyeva mañce tiriyaṃ attharitvā nipajjituṃ labhatīti veditabbaṃ.
2662. уд̣̇д̇хам̣ сзд̇авид̇аанамби хздтаа агаббияз бажжад̇т̇аран̣з сад̇и на ваддад̇ийд̇и яож̇анаа. д̇асминд̇и агаббияабажжад̇т̇аран̣з.
2662. Uddhaṃ setavitānampi heṭṭhā akappiye paccattharaṇe sati na vaṭṭatīti yojanā. Tasminti akappiyapaccattharaṇe.
2663. ‘‘табзд̇ваа’’д̇и иминаа аасанд̣̇аад̣̇ид̇д̇аяасса вадданаагааро над̇т̇ийд̇и д̣̇ийбзд̇и. сзсам̣ саб̣б̣анд̇и г̇онагаад̣̇и д̣̇вид̇хаарад̇д̇уубад̇хаанагабарияанд̇ам̣ саб̣б̣ам̣. г̇ихисанд̇аганд̇и г̇ихийнам̣ санд̇агам̣ д̇зхиязва бан̃н̃ад̇д̇ам̣, иминаа бан̃жасу сахад̇хаммигзсу ан̃н̃ад̇арзна ваа д̇зсам̣ аан̣ад̇д̇ияаа ваа бан̃н̃ад̇д̇ам̣ на ваддад̇ийд̇и д̣̇ийбзд̇и. лабхад̇зд̇и нисийд̣̇ид̇ум̣ лабхад̇и.
2663.‘‘Ṭhapetvā’’ti iminā āsandādittayassa vaṭṭanākāro natthīti dīpeti. Sesaṃ sabbanti gonakādi dvidhārattūpadhānakapariyantaṃ sabbaṃ. Gihisantakanti gihīnaṃ santakaṃ tehiyeva paññattaṃ, iminā pañcasu sahadhammikesu aññatarena vā tesaṃ āṇattiyā vā paññattaṃ na vaṭṭatīti dīpeti. Labhateti nisīdituṃ labhati.
2664. д̇ам̣ гад̇т̇а лабхад̇ийд̇и бад̣̇зсанияамам̣ д̣̇ассзд̇умааха ‘‘д̇хаммаасанз’’д̇иаад̣̇и. д̇хаммаасанзд̇и зд̇т̇а адтагат̇ааяам̣ ‘‘яад̣̇и д̇хаммаасанз сан̇гхигамби г̇онагаад̣̇им̣ бхигкуухи анаан̣ад̇д̇аа аараамигаад̣̇аяо саяамзва бан̃н̃аабзнд̇и жзва нийхаранд̇и жа, зд̇ам̣ г̇ихивигад̇анийхаарам̣ наама. иминаа г̇ихивигад̇анийхаарзна ваддад̇ий’’д̇и (жуул̣ава. адта. 320; ви. сан̇г̇а. адта. багин̣н̣агавинижчаяагат̇аа 56 ад̇т̇ад̇о самаанам̣) вуд̇д̇ам̣. бхад̇д̇аг̇г̇з ваад̇и вихаарз нисийд̣̇аабзд̇ваа баривзсанадтаанз ваа бхож̇анасаалааяам̣ ваа. абисад̣̇д̣̇зна г̇ихийнам̣ г̇зхзби д̇зхи бан̃н̃ад̇д̇з г̇онагаад̣̇имхи нисийд̣̇ид̇ум̣ анаабад̇д̇ийд̇и д̣̇ийбзд̇и. д̇хаммаасанаад̣̇ибад̣̇зсанияаманзна д̇ад̇о ан̃н̃ад̇т̇а г̇ихибан̃н̃ад̇д̇зби д̇ад̇т̇а нисийд̣̇ид̇ум̣ на ваддад̇ийд̇и б̣яад̇ирзгад̇о вин̃н̃ааяад̇и.
2664. Taṃ kattha labhatīti padesaniyamaṃ dassetumāha ‘‘dhammāsane’’tiādi. Dhammāsaneti ettha aṭṭhakathāyaṃ ‘‘yadi dhammāsane saṅghikampi gonakādiṃ bhikkhūhi anāṇattā ārāmikādayo sayameva paññāpenti ceva nīharanti ca, etaṃ gihivikatanīhāraṃ nāma. Iminā gihivikatanīhārena vaṭṭatī’’ti (cūḷava. aṭṭha. 320; vi. saṅga. aṭṭha. pakiṇṇakavinicchayakathā 56 atthato samānaṃ) vuttaṃ. Bhattagge vāti vihāre nisīdāpetvā parivesanaṭṭhāne vā bhojanasālāyaṃ vā. Apisaddena gihīnaṃ gehepi tehi paññatte gonakādimhi nisīdituṃ anāpattīti dīpeti. Dhammāsanādipadesaniyamanena tato aññattha gihipaññattepi tattha nisīdituṃ na vaṭṭatīti byatirekato viññāyati.
бхуумад̇т̇аран̣агзд̇и зд̇т̇а ‘‘гад̇з’’д̇и сзсо. д̇ад̇т̇аад̇и сан̇гхигз ваа г̇ихисанд̇агз ваа г̇онагаад̣̇имхи сахад̇хаммигзхи анаан̣ад̇д̇зхи г̇ихийхи зва бхуумад̇т̇аран̣з гад̇з. саяид̇унд̇и убари ад̇д̇ано бажжад̇т̇аран̣ам̣ д̣̇ад̇ваа нибаж̇ж̇ид̇ум̣ ваддад̇и. аби-сад̣̇д̣̇зна нисийд̣̇ид̇умби ваад̇и самужжинод̇и. ‘‘бхуумад̇т̇аран̣агз’’д̇и иминаа г̇ихийхи зва ман̃жаад̣̇ийсу саяанад̇т̇ам̣ ад̇т̇ад̇з убари ад̇д̇ано бажжад̇т̇аран̣ам̣ д̣̇ад̇ваа саяид̇ум̣ ваа нисийд̣̇ид̇ум̣ ваа на ваддад̇ийд̇и д̣̇ийбзд̇и.
Bhūmattharaṇaketi ettha ‘‘kate’’ti seso. Tatthāti saṅghike vā gihisantake vā gonakādimhi sahadhammikehi anāṇattehi gihīhi eva bhūmattharaṇe kate. Sayitunti upari attano paccattharaṇaṃ datvā nipajjituṃ vaṭṭati. Api-saddena nisīditumpi vāti samuccinoti. ‘‘Bhūmattharaṇake’’ti iminā gihīhi eva mañcādīsu sayanatthaṃ atthate upari attano paccattharaṇaṃ datvā sayituṃ vā nisīdituṃ vā na vaṭṭatīti dīpeti.
жаммагканд̇хагагат̇ааван̣н̣анаа.
Cammakkhandhakakathāvaṇṇanā.
