| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[324] 4. жаммасаадагаж̇аад̇агаван̣н̣анаа
[324] 4. Cammasāṭakajātakavaṇṇanā
галяаан̣аруубо вад̇аяанд̇и ид̣̇ам̣ сад̇т̇аа ж̇зд̇аванз вихаранд̇о жаммасаадагам̣ наама бариб̣б̣ааж̇агам̣ аараб̣бха гат̇зси. д̇асса гира жаммамзва ниваасанан̃жа баарубанан̃жа ход̇и. со згад̣̇ивасам̣ бариб̣б̣ааж̇агаараамаа нигкамид̇ваа саавад̇т̇ияам̣ бхигкааяа жаранд̇о зл̣агаанам̣ яуж̇жханадтаанам̣ самбаабун̣и. зл̣аго д̇ам̣ д̣̇исваа бахарид̇угаамо осагги. бариб̣б̣ааж̇аго ‘‘зса маяхам̣ абажид̇им̣ д̣̇ассзд̇ий’’д̇и на бадиггами. зл̣аго взг̇знааг̇анд̇ваа д̇ам̣ уурумхи бахарид̇ваа баад̇зси. д̇асса д̇ам̣ асанд̇абаг̇г̇ахан̣агааран̣ам̣ бхигкусан̇гхз баагадам̣ ахоси. бхигкуу д̇хаммасабхааяам̣ гат̇ам̣ самудтаабзсум̣ ‘‘аавусо, жаммасаадагабариб̣б̣ааж̇аго асанд̇абаг̇г̇ахам̣ гад̇ваа винаасам̣ бад̇д̇о’’д̇и сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з ‘‘на, бхигкавз, ид̣̇аанзва, буб̣б̣збзса асанд̇абаг̇г̇ахам̣ гад̇ваа винаасам̣ бад̇д̇оязваа’’д̇и вад̇ваа ад̇ийд̇ам̣ аахари.
Kalyāṇarūpovatayanti idaṃ satthā jetavane viharanto cammasāṭakaṃ nāma paribbājakaṃ ārabbha kathesi. Tassa kira cammameva nivāsanañca pārupanañca hoti. So ekadivasaṃ paribbājakārāmā nikkhamitvā sāvatthiyaṃ bhikkhāya caranto eḷakānaṃ yujjhanaṭṭhānaṃ sampāpuṇi. Eḷako taṃ disvā paharitukāmo osakki. Paribbājako ‘‘esa mayhaṃ apacitiṃ dassetī’’ti na paṭikkami. Eḷako vegenāgantvā taṃ ūrumhi paharitvā pātesi. Tassa taṃ asantapaggahaṇakāraṇaṃ bhikkhusaṅghe pākaṭaṃ ahosi. Bhikkhū dhammasabhāyaṃ kathaṃ samuṭṭhāpesuṃ ‘‘āvuso, cammasāṭakaparibbājako asantapaggahaṃ katvā vināsaṃ patto’’ti satthā āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte ‘‘na, bhikkhave, idāneva, pubbepesa asantapaggahaṃ katvā vināsaṃ pattoyevā’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о згасмим̣ ваан̣иж̇агулз ниб̣б̣ад̇д̇ид̇ваа ваяаббад̇д̇о ван̣иж̇ж̇ам̣ гарод̇и. д̇ад̣̇аа зго жаммасаадагабариб̣б̣ааж̇аго б̣аараан̣асияам̣ бхигкааяа жаранд̇о зл̣агаанам̣ яуж̇жханадтаанам̣ бад̇ваа зл̣агам̣ осагганд̇ам̣ д̣̇исваа ‘‘абажид̇им̣ мз гарод̇ий’’д̇и сан̃н̃ааяа абадиггамид̇ваа ‘‘имзсам̣ зд̇д̇агаанам̣ мануссаанам̣ анд̇арз аяам̣ зго зл̣аго амхаагам̣ г̇ун̣ам̣ ж̇аанаад̇ий’’д̇и д̇асса ан̃ж̇алим̣ баг̇г̇ахзд̇ваа тид̇ова батамам̣ г̇аат̇амааха –
Atīte bārāṇasiyaṃ brahmadatte rajjaṃ kārente bodhisatto ekasmiṃ vāṇijakule nibbattitvā vayappatto vaṇijjaṃ karoti. Tadā eko cammasāṭakaparibbājako bārāṇasiyaṃ bhikkhāya caranto eḷakānaṃ yujjhanaṭṭhānaṃ patvā eḷakaṃ osakkantaṃ disvā ‘‘apacitiṃ me karotī’’ti saññāya apaṭikkamitvā ‘‘imesaṃ ettakānaṃ manussānaṃ antare ayaṃ eko eḷako amhākaṃ guṇaṃ jānātī’’ti tassa añjaliṃ paggahetvā ṭhitova paṭhamaṃ gāthamāha –
93.
93.
‘‘галяаан̣аруубо вад̇аяам̣ жад̇уббад̣̇о, субхад̣̇д̣̇аго жзва субзсало жа;
‘‘Kalyāṇarūpo vatayaṃ catuppado, subhaddako ceva supesalo ca;
яо б̣раахман̣ам̣ ж̇аад̇иманд̇уубабаннам̣, абажааяад̇и мзн̣д̣аваро яасассий’’д̇и.
Yo brāhmaṇaṃ jātimantūpapannaṃ, apacāyati meṇḍavaro yasassī’’ti.
д̇ад̇т̇а галяаан̣аруубод̇и галяаан̣аж̇аад̇иго. субзсалод̇и судту бияасийло. ж̇аад̇иманд̇уубабаннанд̇и ж̇аад̇ияаа жа манд̇зхи жа самбаннам̣. яасассийд̇и ван̣н̣абхан̣анамзд̇ам̣.
Tattha kalyāṇarūpoti kalyāṇajātiko. Supesaloti suṭṭhu piyasīlo. Jātimantūpapannanti jātiyā ca mantehi ca sampannaṃ. Yasassīti vaṇṇabhaṇanametaṃ.
д̇асмим̣ кан̣з аабан̣з нисинно бан̣д̣ид̇аваан̣иж̇о д̇ам̣ бариб̣б̣ааж̇агам̣ нисзд̇хзнд̇о д̣̇уд̇ияам̣ г̇аат̇амааха –
Tasmiṃ khaṇe āpaṇe nisinno paṇḍitavāṇijo taṃ paribbājakaṃ nisedhento dutiyaṃ gāthamāha –
94.
94.
‘‘маа б̣раахман̣а ид̇д̇арад̣̇ассанзна, виссаасамаабаж̇ж̇и жад̇уббад̣̇асса;
‘‘Mā brāhmaṇa ittaradassanena, vissāsamāpajji catuppadassa;
д̣̇ал̣хаббахаарам̣ абхиган̇камаано, авасаггад̇ий д̣̇ассад̇и суббахаара’’нд̇и.
Daḷhappahāraṃ abhikaṅkhamāno, avasakkatī dassati suppahāra’’nti.
д̇ад̇т̇а ид̇д̇арад̣̇ассанзнаад̇и кан̣игад̣̇ассанзна.
Tattha ittaradassanenāti khaṇikadassanena.
д̇асса бан̣д̣ид̇аваан̣иж̇асса гат̇знд̇ассзва со мзн̣д̣аго взг̇знааг̇анд̇ваа уурумхи бахарид̇ваа д̇ам̣ д̇ад̇т̇зва взд̣̇анааббад̇д̇ам̣ гад̇ваа баад̇зси. со барид̣̇звамаано нибаж̇ж̇и. сад̇т̇аа д̇ам̣ гааран̣ам̣ багаасзнд̇о д̇ад̇ияам̣ г̇аат̇амааха –
Tassa paṇḍitavāṇijassa kathentasseva so meṇḍako vegenāgantvā ūrumhi paharitvā taṃ tattheva vedanāppattaṃ katvā pātesi. So paridevamāno nipajji. Satthā taṃ kāraṇaṃ pakāsento tatiyaṃ gāthamāha –
95.
95.
‘‘уурудти бхаг̇г̇ам̣ ваддид̇о каарибхааро, саб̣б̣ан̃жа бхан̣д̣ам̣ б̣раахман̣асса бхиннам̣;
‘‘Ūruṭṭhi bhaggaṃ vaṭṭito khāribhāro, sabbañca bhaṇḍaṃ brāhmaṇassa bhinnaṃ;
убхоби б̣аахаа баг̇г̇аяха ганд̣̇ад̇и, ад̇ид̇хаават̇а хан̃н̃ад̇з б̣рахмажаарий’’д̇и.
Ubhopi bāhā paggayha kandati, atidhāvatha haññate brahmacārī’’ti.
д̇ассад̇т̇о – бхигкавз, д̇асса бариб̣б̣ааж̇агасса уурудтигам̣ бхаг̇г̇ам̣, каарибхааро ваддид̇о баваддид̇о, д̇асмим̣ баваддамаанз яам̣ д̇ад̇т̇а д̇асса б̣раахман̣асса убагаран̣абхан̣д̣ам̣, д̇амби саб̣б̣ам̣ бхиннам̣, соби убхо б̣аахаа угкибид̇ваа бариваарзд̇ваа тид̇абарисам̣ санд̇хааяа ‘‘абхид̇хаават̇а, хан̃н̃ад̇з б̣рахмажаарий’’д̇и вад̣̇анд̇о ганд̣̇ад̇и род̣̇ад̇и барид̣̇звад̇ийд̇и.
Tassattho – bhikkhave, tassa paribbājakassa ūruṭṭhikaṃ bhaggaṃ, khāribhāro vaṭṭito pavaṭṭito, tasmiṃ pavaṭṭamāne yaṃ tattha tassa brāhmaṇassa upakaraṇabhaṇḍaṃ, tampi sabbaṃ bhinnaṃ, sopi ubho bāhā ukkhipitvā parivāretvā ṭhitaparisaṃ sandhāya ‘‘abhidhāvatha, haññate brahmacārī’’ti vadanto kandati rodati paridevatīti.
бариб̣б̣ааж̇аго жад̇уд̇т̇ам̣ г̇аат̇ам̣ ааха –
Paribbājako catutthaṃ gāthaṃ āha –
96.
96.
‘‘звам̣ со нихад̇о сзд̇и, яо абууж̇ам̣ басам̣сад̇и;
‘‘Evaṃ so nihato seti, yo apūjaṃ pasaṃsati;
яат̇аахамаж̇ж̇а бахад̇о, хад̇о мзн̣д̣зна д̣̇уммад̇ий’’д̇и.
Yathāhamajja pahato, hato meṇḍena dummatī’’ti.
д̇ад̇т̇а абууж̇анд̇и абууж̇анийяам̣. яат̇аахамаж̇ж̇аад̇и яат̇аа ахам̣ аж̇ж̇а асанд̇абаг̇г̇ахам̣ гад̇ваа тид̇о мзн̣д̣зна д̣̇ал̣хаббахаарзна бахад̇о зд̇т̇зва маарид̇о . д̣̇уммад̇ийд̇и д̣̇уббан̃н̃о. звам̣ яо ан̃н̃оби асанд̇абаг̇г̇ахам̣ гариссад̇и, соби ахам̣ вияа д̣̇угкам̣ анубхависсад̇ийд̇и со барид̣̇званд̇о д̇ад̇т̇зва ж̇ийвид̇агкаяам̣ бад̇д̇од̇и.
Tattha apūjanti apūjanīyaṃ. Yathāhamajjāti yathā ahaṃ ajja asantapaggahaṃ katvā ṭhito meṇḍena daḷhappahārena pahato ettheva mārito . Dummatīti duppañño. Evaṃ yo aññopi asantapaggahaṃ karissati, sopi ahaṃ viya dukkhaṃ anubhavissatīti so paridevanto tattheva jīvitakkhayaṃ pattoti.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа жаммасаадаго зд̇арахи жаммасаадаго ахоси, бан̣д̣ид̇аваан̣иж̇о бана ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā cammasāṭako etarahi cammasāṭako ahosi, paṇḍitavāṇijo pana ahameva ahosi’’nti.
жаммасаадагаж̇аад̇агаван̣н̣анаа жад̇уд̇т̇аа.
Cammasāṭakajātakavaṇṇanā catutthā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 324. жаммасаадагаж̇аад̇агам̣ • 324. Cammasāṭakajātakaṃ
