| Library / Tipiṭaka / ਤਿਪਿਟਕ • Tipiṭaka / ਅਪਦਾਨ-ਅਟ੍ਠਕਥਾ • Apadāna-aṭṭhakathā |
੬. ਚਮ੍ਪਕਪੁਪ੍ਫਿਯਤ੍ਥੇਰਅਪਦਾਨવਣ੍ਣਨਾ
6. Campakapupphiyattheraapadānavaṇṇanā
ਕਣਿਕਾਰਂવ ਜੋਤਨ੍ਤਨ੍ਤਿਆਦਿਕਂ ਆਯਸ੍ਮਤੋ ਚਮ੍ਪਕਪੁਪ੍ਫਿਯਤ੍ਥੇਰਸ੍ਸ ਅਪਦਾਨਂ। ਅਯਮ੍ਪਿ ਪੁਰਿਮਬੁਦ੍ਧੇਸੁ ਕਤਾਧਿਕਾਰੋ ਤਤ੍ਥ ਤਤ੍ਥ ਭવੇ વਿવਟ੍ਟੂਪਨਿਸ੍ਸਯਾਨਿ ਪੁਞ੍ਞਾਨਿ ਉਪਚਿਨਨ੍ਤੋ વੇਸ੍ਸਭੁਸ੍ਸ ਭਗવਤੋ ਕਾਲੇ ਬ੍ਰਾਹ੍ਮਣਕੁਲੇ ਨਿਬ੍ਬਤ੍ਤੋ વੁਦ੍ਧਿਪ੍ਪਤ੍ਤੋ ਸਕਸਿਪ੍ਪੇਸੁ ਨਿਪ੍ਫਤ੍ਤਿਂ ਪਤ੍વਾ ਤਤ੍ਥ ਸਾਰਂ ਅਪਸ੍ਸਨ੍ਤੋ ਘਰਾવਾਸਂ ਪਹਾਯ ਤਾਪਸਪਬ੍ਬਜ੍ਜਂ ਪਬ੍ਬਜਿਤ੍વਾ વਨਨ੍ਤਰੇ વਸਨ੍ਤੋ વੇਸ੍ਸਭੁਂ ਭਗવਨ੍ਤਂ ਉਦ੍ਦਿਸ੍ਸ ਸਿਸ੍ਸੇਹਿ ਆਨੀਤੇਹਿ ਚਮ੍ਪਕਪੁਪ੍ਫੇਹਿ ਪੂਜੇਸਿ। ਭਗવਾ ਅਨੁਮੋਦਨਂ ਅਕਾਸਿ। ਸੋ ਤੇਨੇવ ਕੁਸਲੇਨ ਦੇવਮਨੁਸ੍ਸੇਸੁ ਸਂਸਰਨ੍ਤੋ ਉਭਯਸਮ੍ਪਤ੍ਤਿਯੋ ਅਨੁਭવਿਤ੍વਾ ਇਮਸ੍ਮਿਂ ਬੁਦ੍ਧੁਪ੍ਪਾਦੇ ਕੁਲਗੇਹੇ ਨਿਬ੍ਬਤ੍ਤੋ વਿਞ੍ਞੁਤਂ ਪਾਪੁਣਿਤ੍વਾ ਪੁਬ੍ਬવਾਸਨਾਬਲੇਨ ਘਰਾવਾਸੇ ਅਨਲ੍ਲੀਨੋ ਪਬ੍ਬਜਿਤ੍વਾ ਨਚਿਰਸ੍ਸੇવ ਅਰਹਾ ਅਹੋਸਿ।
Kaṇikāraṃvajotantantiādikaṃ āyasmato campakapupphiyattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto vessabhussa bhagavato kāle brāhmaṇakule nibbatto vuddhippatto sakasippesu nipphattiṃ patvā tattha sāraṃ apassanto gharāvāsaṃ pahāya tāpasapabbajjaṃ pabbajitvā vanantare vasanto vessabhuṃ bhagavantaṃ uddissa sissehi ānītehi campakapupphehi pūjesi. Bhagavā anumodanaṃ akāsi. So teneva kusalena devamanussesu saṃsaranto ubhayasampattiyo anubhavitvā imasmiṃ buddhuppāde kulagehe nibbatto viññutaṃ pāpuṇitvā pubbavāsanābalena gharāvāse anallīno pabbajitvā nacirasseva arahā ahosi.
੪੧. ਸੋ ਅਪਰਭਾਗੇ ਅਤ੍ਤਨੋ ਪੁਬ੍ਬਪੁਞ੍ਞਕਮ੍ਮਂ ਸਰਿਤ੍વਾ ਸੋਮਨਸ੍ਸਜਾਤੋ ਪੁਬ੍ਬਚਰਿਤਾਪਦਾਨਂ ਪਕਾਸੇਨ੍ਤੋ ਕਣਿਕਾਰਂવ ਜੋਤਨ੍ਤਨ੍ਤਿਆਦਿਮਾਹ। ਤਤ੍ਥ ਕਣਿਕਾਰਨ੍ਤਿ ਸਕਲਪਤ੍ਤਪਲਾਸਾਨਿ ਪਰਿਭਜ੍ਜ ਪਾਤੇਤ੍વਾ ਪੁਪ੍ਫਗਹਣਸਮਯੇ ਕਣ੍ਣਿਕਾਬਦ੍ਧੋ ਹੁਤ੍વਾ ਪੁਪ੍ਫਮਕੁਲ਼ਾਨਂ ਗਹਣਤੋ ਕਣ੍ਣਿਕਾਕਾਰੇਨ ਪਕਤੋਤਿ ਕਣਿਕਾਰੋ, ‘‘ਕਣ੍ਣਿਕਾਰੋ’’ਤਿ વਤ੍ਤਬ੍ਬੇ ਨਿਰੁਤ੍ਤਿਨਯੇਨ ਏਕਸ੍ਸ ਪੁਬ੍ਬ ਣ-ਕਾਰਸ੍ਸ ਲੋਪਂ ਕਤ੍વਾ ‘‘ਕਣਿਕਾਰ’’ਨ੍ਤਿ વੁਤ੍ਤਨ੍ਤਿ ਦਟ੍ਠਬ੍ਬਂ। ਤਂ ਪੁਪ੍ਫਿਤਂ ਕਣਿਕਾਰਰੁਕ੍ਖਂ ਇવ ਜੋਤਨ੍ਤਂ ਬੁਦ੍ਧਂ ਅਦ੍ਦਸਨ੍ਤਿ ਅਤ੍ਥੋ। ਸੇਸਂ ਉਤ੍ਤਾਨਤ੍ਥਮੇવਾਤਿ।
41. So aparabhāge attano pubbapuññakammaṃ saritvā somanassajāto pubbacaritāpadānaṃ pakāsento kaṇikāraṃva jotantantiādimāha. Tattha kaṇikāranti sakalapattapalāsāni paribhajja pātetvā pupphagahaṇasamaye kaṇṇikābaddho hutvā pupphamakuḷānaṃ gahaṇato kaṇṇikākārena pakatoti kaṇikāro, ‘‘kaṇṇikāro’’ti vattabbe niruttinayena ekassa pubba ṇa-kārassa lopaṃ katvā ‘‘kaṇikāra’’nti vuttanti daṭṭhabbaṃ. Taṃ pupphitaṃ kaṇikārarukkhaṃ iva jotantaṃ buddhaṃ addasanti attho. Sesaṃ uttānatthamevāti.
ਚਮ੍ਪਕਪੁਪ੍ਫਿਯਤ੍ਥੇਰਅਪਦਾਨવਣ੍ਣਨਾ ਸਮਤ੍ਤਾ।
Campakapupphiyattheraapadānavaṇṇanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਅਪਦਾਨਪਾਲ਼ਿ • Apadānapāḷi / ੬. ਚਮ੍ਪਕਪੁਪ੍ਫਿਯਤ੍ਥੇਰਅਪਦਾਨਂ • 6. Campakapupphiyattheraapadānaṃ
