| Library / Tipiṭaka / តិបិដក • Tipiṭaka / ជាតកបាឡិ • Jātakapāḷi |
៥០៦. ចម្បេយ្យជាតកំ (១០)
506. Campeyyajātakaṃ (10)
២៤០.
240.
កា នុ វិជ្ជុរិវាភាសិ, ឱសធី វិយ តារកា;
Kā nu vijjurivābhāsi, osadhī viya tārakā;
២៤១.
241.
នម្ហិ ទេវី ន គន្ធព្ពី, ន មហារាជ មានុសី;
Namhi devī na gandhabbī, na mahārāja mānusī;
នាគកញ្ញាស្មិ ភទ្ទន្តេ, អត្ថេនម្ហិ ឥធាគតា។
Nāgakaññāsmi bhaddante, atthenamhi idhāgatā.
២៤២.
242.
វិព្ភន្តចិត្តា កុបិតិន្ទ្រិយាសិ, នេត្តេហិ តេ វារិគណា សវន្តិ;
Vibbhantacittā kupitindriyāsi, nettehi te vārigaṇā savanti;
កិំ តេ នដ្ឋំ កិំ បន បត្ថយានា, ឥធាគតា នារិ តទិង្ឃ ព្រូហិ។
Kiṃ te naṭṭhaṃ kiṃ pana patthayānā, idhāgatā nāri tadiṅgha brūhi.
២៤៣.
243.
យមុគ្គតេជោ ឧរគោតិ ចាហុ, នាគោតិ នំ អាហុ ជនា ជនិន្ទ;
Yamuggatejo uragoti cāhu, nāgoti naṃ āhu janā janinda;
តមគ្គហី បុរិសោ ជីវិកត្ថោ, តំ ពន្ធនា មុញ្ច បតី មមេសោ។
Tamaggahī puriso jīvikattho, taṃ bandhanā muñca patī mameso.
២៤៤.
244.
កថំ ន្វយំ ពលវិរិយូបបន្នោ, ហត្ថត្ត 3 មាគច្ឆិ វនិព្ពកស្ស;
Kathaṃ nvayaṃ balaviriyūpapanno, hatthatta 4 māgacchi vanibbakassa;
អក្ខាហិ មេ នាគកញ្ញេ តមត្ថំ, កថំ វិជានេមុ គហីតនាគំ។
Akkhāhi me nāgakaññe tamatthaṃ, kathaṃ vijānemu gahītanāgaṃ.
២៤៥.
245.
នគរម្បិ នាគោ ភស្មំ ករេយ្យ, តថា ហិ សោ ពលវិរិយូបបន្នោ;
Nagarampi nāgo bhasmaṃ kareyya, tathā hi so balaviriyūpapanno;
ធម្មញ្ច នាគោ អបចាយមានោ, តស្មា បរក្កម្ម តបោ ករោតិ។
Dhammañca nāgo apacāyamāno, tasmā parakkamma tapo karoti.
២៤៦.
246.
ចាតុទ្ទសិំ បញ្ចទសិំ 5 ច រាជ, ចតុប្បថេ សម្មតិ នាគរាជា;
Cātuddasiṃ pañcadasiṃ 6 ca rāja, catuppathe sammati nāgarājā;
តមគ្គហី បុរិសោ ជីវិកត្ថោ, តំ ពន្ធនា មុញ្ច បតី មមេសោ។
Tamaggahī puriso jīvikattho, taṃ bandhanā muñca patī mameso.
២៤៧.
247.
សោឡសិត្ថិសហស្សានិ, អាមុត្តមណិកុណ្ឌលា;
Soḷasitthisahassāni, āmuttamaṇikuṇḍalā;
២៤៨.
248.
ធម្មេន មោចេហិ អសាហសេន, គាមេន និក្ខេន គវំ សតេន;
Dhammena mocehi asāhasena, gāmena nikkhena gavaṃ satena;
ឱស្សដ្ឋកាយោ ឧរគោ ចរាតុ, បុញ្ញត្ថិកោ មុញ្ចតុ ពន្ធនស្មា។
Ossaṭṭhakāyo urago carātu, puññatthiko muñcatu bandhanasmā.
២៤៩.
249.
ធម្មេន មោចេមិ អសាហសេន, គាមេន និក្ខេន គវំ សតេន;
Dhammena mocemi asāhasena, gāmena nikkhena gavaṃ satena;
ឱស្សដ្ឋកាយោ ឧរគោ ចរាតុ, បុញ្ញត្ថិកោ មុញ្ចតុ ពន្ធនស្មា។
Ossaṭṭhakāyo urago carātu, puññatthiko muñcatu bandhanasmā.
២៥០.
250.
ទម្មិ និក្ខសតំ លុទ្ទ, ថូលញ្ច មណិកុណ្ឌលំ;
Dammi nikkhasataṃ ludda, thūlañca maṇikuṇḍalaṃ;
ចតុស្សទញ្ច បល្លង្កំ, ឧមាបុប្ផសរិន្និភំ។
Catussadañca pallaṅkaṃ, umāpupphasarinnibhaṃ.
២៥១.
251.
ទ្វេ ច សាទិសិយោ ភរិយា, ឧសភញ្ច គវំ សតំ;
Dve ca sādisiyo bhariyā, usabhañca gavaṃ sataṃ;
ឱស្សដ្ឋកាយោ ឧរគោ ចរាតុ, បុញ្ញត្ថិកោ មុញ្ចតុ ពន្ធនស្មា។
Ossaṭṭhakāyo urago carātu, puññatthiko muñcatu bandhanasmā.
២៥២.
252.
វិនាបិ ទានា តវ វចនំ ជនិន្ទ, មុញ្ចេមុ នំ ឧរគំ ពន្ធនស្មា;
Vināpi dānā tava vacanaṃ janinda, muñcemu naṃ uragaṃ bandhanasmā;
ឱស្សដ្ឋកាយោ ឧរគោ ចរាតុ, បុញ្ញត្ថិកោ មុញ្ចតុ ពន្ធនស្មា។
Ossaṭṭhakāyo urago carātu, puññatthiko muñcatu bandhanasmā.
២៥៣.
253.
មុត្តោ ចម្បេយ្យកោ នាគោ, រាជានំ ឯតទព្រវិ;
Mutto campeyyako nāgo, rājānaṃ etadabravi;
នមោ តេ កាសិរាជត្ថុ, នមោ តេ កាសិវឌ្ឍន;
Namo te kāsirājatthu, namo te kāsivaḍḍhana;
អញ្ជលិំ តេ បគ្គណ្ហាមិ, បស្សេយ្យំ មេ និវេសនំ។
Añjaliṃ te paggaṇhāmi, passeyyaṃ me nivesanaṃ.
២៥៤.
254.
អទ្ធា ហិ ទុព្ពិស្សសមេតមាហុ, យំ មានុសោ វិស្សសេ អមានុសម្ហិ;
Addhā hi dubbissasametamāhu, yaṃ mānuso vissase amānusamhi;
សចេ ច មំ យាចសិ ឯតមត្ថំ, ទក្ខេមុ តេ នាគ និវេសនានិ។
Sace ca maṃ yācasi etamatthaṃ, dakkhemu te nāga nivesanāni.
២៥៥.
255.
សចេបិ 9 វាតោ គិរិមាវហេយ្យ, ចន្ទោ ច សុរិយោ ច ឆមា បតេយ្យុំ;
Sacepi 10 vāto girimāvaheyya, cando ca suriyo ca chamā pateyyuṃ;
សព្ពា ច នជ្ជោ បដិសោតំ វជេយ្យុំ, ន ត្វេវហំ រាជ មុសា ភណេយ្យំ។
Sabbā ca najjo paṭisotaṃ vajeyyuṃ, na tvevahaṃ rāja musā bhaṇeyyaṃ.
២៥៦.
256.
នភំ ផលេយ្យ ឧទធីបិ សុស្សេ, សំវដ្ដយេ 11 ភូតធរា វសុន្ធរា;
Nabhaṃ phaleyya udadhīpi susse, saṃvaṭṭaye 12 bhūtadharā vasundharā;
សិលុច្ចយោ មេរុ សមូលមុប្បតេ 13, ន ត្វេវហំ រាជ មុសា ភណេយ្យំ។
Siluccayo meru samūlamuppate 14, na tvevahaṃ rāja musā bhaṇeyyaṃ.
២៥៧.
257.
អទ្ធា ហិ ទុព្ពិស្សសមេតមាហុ, យំ មានុសោ វិស្សសេ អមានុសម្ហិ;
Addhā hi dubbissasametamāhu, yaṃ mānuso vissase amānusamhi;
សចេ ច មំ យាចសិ ឯតមត្ថំ, ទក្ខេមុ តេ នាគ និវេសនានិ។
Sace ca maṃ yācasi etamatthaṃ, dakkhemu te nāga nivesanāni.
២៥៨.
258.
តុម្ហេ ខោត្ថ ឃោរវិសា ឧឡារា, មហាតេជា ខិប្បកោបី ច ហោថ;
Tumhe khottha ghoravisā uḷārā, mahātejā khippakopī ca hotha;
២៥៩.
259.
សោ បច្ចតំ និរយេ ឃោររូបេ, មា កាយិកំ សាតមលត្ថ កិញ្ចិ;
So paccataṃ niraye ghorarūpe, mā kāyikaṃ sātamalattha kiñci;
បេឡាយ ពទ្ធោ មរណំ ឧបេតុ, យោ តាទិសំ កម្មកតំ ន ជានេ។
Peḷāya baddho maraṇaṃ upetu, yo tādisaṃ kammakataṃ na jāne.
២៦០.
260.
សច្ចប្បដិញ្ញា តវមេស ហោតុ, អក្កោធនោ ហោហិ អនុបនាហី;
Saccappaṭiññā tavamesa hotu, akkodhano hohi anupanāhī;
សព្ពញ្ច តេ នាគកុលំ សុបណ្ណា, អគ្គិំវ គិម្ហេសុ 19 វិវជ្ជយន្តុ។
Sabbañca te nāgakulaṃ supaṇṇā, aggiṃva gimhesu 20 vivajjayantu.
២៦១.
261.
អនុកម្បសី នាគកុលំ ជនិន្ទ, មាតា យថា សុប្បិយំ ឯកបុត្តំ;
Anukampasī nāgakulaṃ janinda, mātā yathā suppiyaṃ ekaputtaṃ;
អហញ្ច តេ នាគកុលេន សទ្ធិំ, កាហាមិ វេយ្យាវដិកំ ឧឡារំ។
Ahañca te nāgakulena saddhiṃ, kāhāmi veyyāvaṭikaṃ uḷāraṃ.
២៦២.
262.
យោជេន្តុ វេ រាជរថេ សុចិត្តេ, កម្ពោជកេ អស្សតរេ សុទន្តេ;
Yojentu ve rājarathe sucitte, kambojake assatare sudante;
នាគេ ច យោជេន្តុ សុវណ្ណកប្បនេ, ទក្ខេមុ នាគស្ស និវេសនានិ។
Nāge ca yojentu suvaṇṇakappane, dakkhemu nāgassa nivesanāni.
២៦៣.
263.
ភេរី មុទិង្គា 21 បណវា ច សង្ខា, អវជ្ជយិំសុ ឧគ្គសេនស្ស រញ្ញោ;
Bherī mudiṅgā 22 paṇavā ca saṅkhā, avajjayiṃsu uggasenassa rañño;
បាយាសិ រាជា ពហុសោភមានោ, បុរក្ខតោ នារិគណស្ស មជ្ឈេ។
Pāyāsi rājā bahusobhamāno, purakkhato nārigaṇassa majjhe.
២៦៤.
264.
សុវណ្ណចិតកំ ភូមិំ, អទ្ទក្ខិ កាសិវឌ្ឍនោ;
Suvaṇṇacitakaṃ bhūmiṃ, addakkhi kāsivaḍḍhano;
សោវណ្ណមយបាសាទេ, វេឡុរិយផលកត្ថតេ។
Sovaṇṇamayapāsāde, veḷuriyaphalakatthate.
២៦៥.
265.
ស រាជា បាវិសិ ព្យម្ហំ, ចម្បេយ្យស្ស និវេសនំ;
Sa rājā pāvisi byamhaṃ, campeyyassa nivesanaṃ;
អាទិច្ចវណ្ណសន្និភំ, កំសវិជ្ជុ បភស្សរំ។
Ādiccavaṇṇasannibhaṃ, kaṃsavijju pabhassaraṃ.
២៦៦.
266.
នានារុក្ខេហិ សញ្ឆន្នំ, នានាគន្ធសមីរិតំ;
Nānārukkhehi sañchannaṃ, nānāgandhasamīritaṃ;
សោ បាវេក្ខិ កាសិរាជា, ចម្បេយ្យស្ស និវេសនំ។
So pāvekkhi kāsirājā, campeyyassa nivesanaṃ.
២៦៧.
267.
បវិដ្ឋស្មិំ កាសិរញ្ញេ, ចម្បេយ្យស្ស និវេសនំ;
Paviṭṭhasmiṃ kāsiraññe, campeyyassa nivesanaṃ;
២៦៨.
268.
តំ នាគកញ្ញា ចរិតំ គណេន, អន្វារុហី កាសិរាជា បសន្នោ;
Taṃ nāgakaññā caritaṃ gaṇena, anvāruhī kāsirājā pasanno;
និសីទិ សោវណ្ណមយម្ហិ បីឋេ, សាបស្សយេ 25 ចន្ទនសារលិត្តេ។
Nisīdi sovaṇṇamayamhi pīṭhe, sāpassaye 26 candanasāralitte.
២៦៩.
269.
សោ តត្ថ ភុត្វា ច អថោ រមិត្វា, ចម្បេយ្យកំ កាសិរាជា អវោច;
So tattha bhutvā ca atho ramitvā, campeyyakaṃ kāsirājā avoca;
វិមានសេដ្ឋានិ ឥមានិ តុយ្ហំ, អាទិច្ចវណ្ណានិ បភស្សរានិ;
Vimānaseṭṭhāni imāni tuyhaṃ, ādiccavaṇṇāni pabhassarāni;
នេតាទិសំ អត្ថិ មនុស្សលោកេ, កិំ បត្ថយំ 27 នាគ តបោ ករោសិ។
Netādisaṃ atthi manussaloke, kiṃ patthayaṃ 28 nāga tapo karosi.
២៧០.
270.
តា កម្ពុកាយូរធរា សុវត្ថា, វដ្ដង្គុលី តម្ពតលូបបន្នា;
Tā kambukāyūradharā suvatthā, vaṭṭaṅgulī tambatalūpapannā;
បគ្គយ្ហ បាយេន្តិ អនោមវណ្ណា, នេតាទិសំ អត្ថិ មនុស្សលោកេ;
Paggayha pāyenti anomavaṇṇā, netādisaṃ atthi manussaloke;
កិំ បត្ថយំ នាគ តបោ ករោសិ។
Kiṃ patthayaṃ nāga tapo karosi.
២៧១.
271.
នជ្ជោ ច តេមា បុថុលោមមច្ឆា, អាដា 29 សកុន្តាភិរុទា សុតិត្ថា;
Najjo ca temā puthulomamacchā, āṭā 30 sakuntābhirudā sutitthā;
នេតាទិសំ អត្ថិ មនុស្សលោកេ, កិំ បត្ថយំ នាគ តបោ ករោសិ។
Netādisaṃ atthi manussaloke, kiṃ patthayaṃ nāga tapo karosi.
២៧២.
272.
កោញ្ចា មយូរា ទិវិយា ច ហំសា, វគ្គុស្សរា កោកិលា សម្បតន្តិ;
Koñcā mayūrā diviyā ca haṃsā, vaggussarā kokilā sampatanti;
នេតាទិសំ អត្ថិ មនុស្សលោកេ, កិំ បត្ថយំ នាគ តបោ ករោសិ។
Netādisaṃ atthi manussaloke, kiṃ patthayaṃ nāga tapo karosi.
២៧៣.
273.
អម្ពា ច សាលា តិលកា ច ជម្ពុយោ, ឧទ្ទាលកា បាដលិយោ ច ផុល្លា;
Ambā ca sālā tilakā ca jambuyo, uddālakā pāṭaliyo ca phullā;
នេតាទិសំ អត្ថិ មនុស្សលោកេ, កិំ បត្ថយំ នាគ តបោ ករោសិ។
Netādisaṃ atthi manussaloke, kiṃ patthayaṃ nāga tapo karosi.
២៧៤.
274.
ឥមា ច តេ បោក្ខរញ្ញោ សមន្តតោ, ទិព្ពា 31 ច គន្ធា សតតំ បវាយន្តិ;
Imā ca te pokkharañño samantato, dibbā 32 ca gandhā satataṃ pavāyanti;
នេតាទិសំ អត្ថិ មនុស្សលោកេ, កិំ បត្ថយំ នាគ តបោ ករោសិ។
Netādisaṃ atthi manussaloke, kiṃ patthayaṃ nāga tapo karosi.
២៧៥.
275.
ន បុត្តហេតុ ន ធនស្ស ហេតុ, ន អាយុនោ ចាបិ 33 ជនិន្ទ ហេតុ;
Na puttahetu na dhanassa hetu, na āyuno cāpi 34 janinda hetu;
មនុស្សយោនិំ អភិបត្ថយានោ, តស្មា បរក្កម្ម តបោ ករោមិ។
Manussayoniṃ abhipatthayāno, tasmā parakkamma tapo karomi.
២៧៦.
276.
ត្វំ លោហិតក្ខោ វិហតន្តរំសោ, អលង្កតោ កប្បិតកេសមស្សុ;
Tvaṃ lohitakkho vihatantaraṃso, alaṅkato kappitakesamassu;
សុរោសិតោ លោហិតចន្ទនេន, គន្ធព្ពរាជាវ ទិសា បភាសសិ។
Surosito lohitacandanena, gandhabbarājāva disā pabhāsasi.
២៧៧.
277.
ទេវិទ្ធិបត្តោសិ មហានុភាវោ, សព្ពេហិ កាមេហិ សមង្គិភូតោ;
Deviddhipattosi mahānubhāvo, sabbehi kāmehi samaṅgibhūto;
បុច្ឆាមិ តំ នាគរាជេតមត្ថំ, សេយ្យោ ឥតោ កេន មនុស្សលោកោ។
Pucchāmi taṃ nāgarājetamatthaṃ, seyyo ito kena manussaloko.
២៧៨.
278.
ជនិន្ទ នាញ្ញត្រ មនុស្សលោកា, សុទ្ធី វ សំវិជ្ជតិ សំយមោ វា;
Janinda nāññatra manussalokā, suddhī va saṃvijjati saṃyamo vā;
អហញ្ច លទ្ធាន មនុស្សយោនិំ, កាហាមិ ជាតិមរណស្ស អន្តំ។
Ahañca laddhāna manussayoniṃ, kāhāmi jātimaraṇassa antaṃ.
២៧៩.
279.
អទ្ធា ហវេ សេវិតព្ពា សបញ្ញា, ពហុស្សុតា យេ ពហុឋានចិន្តិនោ;
Addhā have sevitabbā sapaññā, bahussutā ye bahuṭhānacintino;
នារិយោ ច ទិស្វាន តុវញ្ច នាគ, កាហាមិ បុញ្ញានិ អនប្បកានិ។
Nāriyo ca disvāna tuvañca nāga, kāhāmi puññāni anappakāni.
២៨០.
280.
អទ្ធា ហវេ សេវិតព្ពា សបញ្ញា, ពហុស្សុតា យេ ពហុឋានចិន្តិនោ;
Addhā have sevitabbā sapaññā, bahussutā ye bahuṭhānacintino;
នារិយោ ច ទិស្វាន មមញ្ច រាជ, ករោហិ បុញ្ញានិ អនប្បកានិ។
Nāriyo ca disvāna mamañca rāja, karohi puññāni anappakāni.
២៨១.
281.
ឥទញ្ច មេ ជាតរូបំ បហូតំ, រាសី សុវណ្ណស្ស ច តាលមត្តា;
Idañca me jātarūpaṃ pahūtaṃ, rāsī suvaṇṇassa ca tālamattā;
២៨២.
282.
មុត្តា ច 39 វាហសហស្សានិ បញ្ច, វេឡុរិយមិស្សានិ ឥតោ ហរិត្វា;
Muttā ca 40 vāhasahassāni pañca, veḷuriyamissāni ito haritvā;
អន្តេបុរេ ភូមិយំ សន្ថរន្តុ, និក្កទ្ទមា ហេហិតិ នីរជា ច។
Antepure bhūmiyaṃ santharantu, nikkaddamā hehiti nīrajā ca.
២៨៣.
283.
ឯតាទិសំ អាវស រាជសេដ្ឋ, វិមានសេដ្ឋំ ពហុ សោភមានំ;
Etādisaṃ āvasa rājaseṭṭha, vimānaseṭṭhaṃ bahu sobhamānaṃ;
ពារាណសិំ នគរំ ឥទ្ធំ ផីតំ, រជ្ជញ្ច ការេហិ អនោមបញ្ញាតិ។
Bārāṇasiṃ nagaraṃ iddhaṃ phītaṃ, rajjañca kārehi anomapaññāti.
ចម្បេយ្យជាតកំ ទសមំ។
Campeyyajātakaṃ dasamaṃ.
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / ជាតក-អដ្ឋកថា • Jātaka-aṭṭhakathā / [៥០៦] ១០. ចម្បេយ្យជាតកវណ្ណនា • [506] 10. Campeyyajātakavaṇṇanā
