Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā

    [544] 7. жанд̣̇агумаараж̇аад̇агаван̣н̣анаа

    [544] 7. Candakumārajātakavaṇṇanā

    рааж̇ааси луд̣̇д̣̇агаммод̇и ид̣̇ам̣ сад̇т̇аа г̇иж̇жхагуудз вихаранд̇о д̣̇звад̣̇ад̇д̇ам̣ аараб̣бха гат̇зси. д̇асса вад̇т̇у сан̇гхабхзд̣̇агагканд̇хагз ааг̇ад̇амзва. д̇ам̣ д̇асса баб̣б̣аж̇ид̇агаалад̇о бадтааяа яаава б̣имб̣исаараран̃н̃о маран̣аа д̇ад̇т̇ааг̇ад̇анаязнзва взд̣̇ид̇аб̣б̣ам̣. д̇ам̣ бана маараабзд̇ваа д̣̇звад̣̇ад̇д̇о аж̇аад̇асад̇д̇ум̣ убасан̇гамид̇ваа ‘‘махаарааж̇а, д̇ава манорат̇о мад̇т̇агам̣ бад̇д̇о, мама манорат̇о д̇аава на баабун̣аад̇ий’’д̇и ааха. ‘‘го бана д̇з, бханд̇з, манорат̇о’’д̇и? ‘‘нану д̣̇асаб̣алам̣ маарзд̇ваа б̣уд̣̇д̇хо бхависсаамий’’д̇и. ‘‘амхзхзд̇т̇а гим̣ гаад̇аб̣б̣а’’нд̇и? ‘‘махаарааж̇а, д̇хануг̇г̇ахз саннибаад̇аабзд̇ум̣ ваддад̇ий’’д̇и. ‘‘саад̇ху, бханд̇з’’д̇и рааж̇аа агкан̣авзд̇хийнам̣ д̇хануг̇г̇ахаанам̣ бан̃жасад̇аани саннибаад̇аабзд̇ваа д̇ад̇о згад̇им̣са ж̇анз ужжинид̇ваа т̇зрасса санд̇игам̣ баахзси. со д̇зсам̣ ж̇здтагам̣ ааманд̇зд̇ваа ‘‘аавусо саман̣о г̇од̇амо г̇иж̇жхагуудз вихарад̇и, асугасмим̣ наама д̣̇иваадтаанз жан̇гамад̇и. д̇вам̣ д̇ад̇т̇а г̇анд̇ваа д̇ам̣ висабийд̇зна саллзна виж̇жхид̇ваа ж̇ийвид̇агкаяам̣ баабзд̇ваа асугзна наама маг̇г̇зна зхий’’д̇и вад̇ваа бзсзд̇ваа д̇асмим̣ маг̇г̇з д̣̇вз д̇хануг̇г̇ахзтабзси ‘‘д̇умхаагам̣ тид̇амаг̇г̇зна зго бурисо ааг̇амиссад̇и, д̇ам̣ д̇умхз ж̇ийвид̇аа воробзд̇ваа асугзна наама маг̇г̇зна зт̇аа’’д̇и, д̇асмим̣ маг̇г̇з жад̇д̇ааро бурисз табзси ‘‘д̇умхаагам̣ тид̇амаг̇г̇зна д̣̇вз бурисаа ааг̇амиссанд̇и, д̇умхз д̇з ж̇ийвид̇аа воробзд̇ваа асугзна наама маг̇г̇зна зт̇аа’’д̇и, д̇асмим̣ маг̇г̇з адта ж̇анз табзси ‘‘д̇умхаагам̣ тид̇амаг̇г̇зна жад̇д̇ааро бурисо ааг̇амиссанд̇и, д̇умхз д̇з ж̇ийвид̇аа воробзд̇ваа асугзна наама маг̇г̇зна зт̇аа’’д̇и, д̇асмим̣ маг̇г̇з сол̣аса бурисз табзси ‘‘д̇умхаагам̣ тид̇амаг̇г̇зна адта бурисаа ааг̇амиссанд̇и, д̇умхз д̇з ж̇ийвид̇аа воробзд̇ваа асугзна наама маг̇г̇зна зт̇аа’’д̇и.

    Rājāsiluddakammoti idaṃ satthā gijjhakūṭe viharanto devadattaṃ ārabbha kathesi. Tassa vatthu saṅghabhedakakkhandhake āgatameva. Taṃ tassa pabbajitakālato paṭṭhāya yāva bimbisārarañño maraṇā tatthāgatanayeneva veditabbaṃ. Taṃ pana mārāpetvā devadatto ajātasattuṃ upasaṅkamitvā ‘‘mahārāja, tava manoratho matthakaṃ patto, mama manoratho tāva na pāpuṇātī’’ti āha. ‘‘Ko pana te, bhante, manoratho’’ti? ‘‘Nanu dasabalaṃ māretvā buddho bhavissāmī’’ti. ‘‘Amhehettha kiṃ kātabba’’nti? ‘‘Mahārāja, dhanuggahe sannipātāpetuṃ vaṭṭatī’’ti. ‘‘Sādhu, bhante’’ti rājā akkhaṇavedhīnaṃ dhanuggahānaṃ pañcasatāni sannipātāpetvā tato ekatiṃsa jane uccinitvā therassa santikaṃ pāhesi. So tesaṃ jeṭṭhakaṃ āmantetvā ‘‘āvuso samaṇo gotamo gijjhakūṭe viharati, asukasmiṃ nāma divāṭṭhāne caṅkamati. Tvaṃ tattha gantvā taṃ visapītena sallena vijjhitvā jīvitakkhayaṃ pāpetvā asukena nāma maggena ehī’’ti vatvā pesetvā tasmiṃ magge dve dhanuggaheṭhapesi ‘‘tumhākaṃ ṭhitamaggena eko puriso āgamissati, taṃ tumhe jīvitā voropetvā asukena nāma maggena ethā’’ti, tasmiṃ magge cattāro purise ṭhapesi ‘‘tumhākaṃ ṭhitamaggena dve purisā āgamissanti, tumhe te jīvitā voropetvā asukena nāma maggena ethā’’ti, tasmiṃ magge aṭṭha jane ṭhapesi ‘‘tumhākaṃ ṭhitamaggena cattāro puriso āgamissanti, tumhe te jīvitā voropetvā asukena nāma maggena ethā’’ti, tasmiṃ magge soḷasa purise ṭhapesi ‘‘tumhākaṃ ṭhitamaggena aṭṭha purisā āgamissanti, tumhe te jīvitā voropetvā asukena nāma maggena ethā’’ti.

    гасмаа банзса звамагаасийд̇и? ад̇д̇ано гаммасса бадижчаад̣̇анад̇т̇ам̣. ат̇а со ж̇здтагад̇хануг̇г̇ахо ваамад̇о каг̇г̇ам̣ лаг̇г̇зд̇ваа бидтияаа д̇ун̣ийрам̣ б̣анд̇хид̇ваа мзн̣д̣асин̇г̇амахаад̇ханум̣ г̇ахзд̇ваа д̇ат̇ааг̇ад̇асса санд̇игам̣ г̇анд̇ваа ‘‘виж̇жхиссаами на’’нд̇и сан̃н̃ааяа д̇ханум̣ ааробзд̇ваа сарам̣ саннаяхид̇ваа аагад̣дхид̇ваа виссаж̇ж̇зд̇ум̣ наасагки. со сарам̣ оробзд̇умби асаггонд̇о паасугаа бхиж̇ж̇анд̇ияо вияа мукад̇о кзл̣зна баг̇гхаранд̇зна гиланд̇аруубо ахоси, сагаласарийрам̣ т̇ад̣̇д̇хам̣ ж̇аад̇ам̣, яанд̇зна бийл̣ид̇аагаараббад̇д̇ам̣ вияа ахоси. со маран̣абхаяад̇аж̇ж̇ид̇о адтааси. ат̇а нам̣ сад̇т̇аа д̣̇исваа мад̇хурассарам̣ нижчаарзд̇ваа зд̇ад̣̇авожа ‘‘маа бхааяи бхо, буриса, ид̇о зхий’’д̇и. со д̇асмим̣ кан̣з аавуд̇хаани чад̣д̣зд̇ваа бхаг̇авад̇о баад̣̇зсу сирасаа нибад̇ид̇ваа ‘‘ажжаяо мам̣, бханд̇з, ажжаг̇амаа яат̇ааб̣аалам̣ яат̇аамуул̣хам̣ яат̇ааагусалам̣, сваахам̣ д̇умхаагам̣ г̇ун̣з аж̇аананд̇о анд̇хаб̣ааласса д̣̇звад̣̇ад̇д̇асса важанзна д̇умхз ж̇ийвид̇аа воробзд̇ум̣ ааг̇ад̇омхи, камат̇а мз, бханд̇з’’д̇и камаабзд̇ваа згаманд̇з нисийд̣̇и. ат̇а нам̣ сад̇т̇аа д̇хаммам̣ д̣̇зсзнд̇о сажжаани багаасзд̇ваа сод̇аабад̇д̇ипалз бад̇идтаабзд̇ваа ‘‘аавусо, д̣̇звад̣̇ад̇д̇зна аажигкид̇амаг̇г̇ам̣ аббадибаж̇ж̇ид̇ваа ан̃н̃зна маг̇г̇зна яаахий’’д̇и уяяож̇зси. уяяож̇зд̇ваа жа бана жан̇гамаа оруяха ан̃н̃ад̇арасмим̣ ругкамуулз нисийд̣̇и.

    Kasmā panesa evamakāsīti? Attano kammassa paṭicchādanatthaṃ. Atha so jeṭṭhakadhanuggaho vāmato khaggaṃ laggetvā piṭṭhiyā tuṇīraṃ bandhitvā meṇḍasiṅgamahādhanuṃ gahetvā tathāgatassa santikaṃ gantvā ‘‘vijjhissāmi na’’nti saññāya dhanuṃ āropetvā saraṃ sannayhitvā ākaḍḍhitvā vissajjetuṃ nāsakkhi. So saraṃ oropetumpi asakkonto phāsukā bhijjantiyo viya mukhato kheḷena paggharantena kilantarūpo ahosi, sakalasarīraṃ thaddhaṃ jātaṃ, yantena pīḷitākārappattaṃ viya ahosi. So maraṇabhayatajjito aṭṭhāsi. Atha naṃ satthā disvā madhurassaraṃ nicchāretvā etadavoca ‘‘mā bhāyi bho, purisa, ito ehī’’ti. So tasmiṃ khaṇe āvudhāni chaḍḍetvā bhagavato pādesu sirasā nipatitvā ‘‘accayo maṃ, bhante, accagamā yathābālaṃ yathāmūḷhaṃ yathāakusalaṃ, svāhaṃ tumhākaṃ guṇe ajānanto andhabālassa devadattassa vacanena tumhe jīvitā voropetuṃ āgatomhi, khamatha me, bhante’’ti khamāpetvā ekamante nisīdi. Atha naṃ satthā dhammaṃ desento saccāni pakāsetvā sotāpattiphale patiṭṭhāpetvā ‘‘āvuso, devadattena ācikkhitamaggaṃ appaṭipajjitvā aññena maggena yāhī’’ti uyyojesi. Uyyojetvā ca pana caṅkamā oruyha aññatarasmiṃ rukkhamūle nisīdi.

    ат̇а д̇асмим̣ д̇хануг̇г̇ахз анааг̇ажчанд̇з ид̇арз д̣̇вз ж̇анаа ‘‘гим̣ ну ко со жирааяад̇ий’’д̇и бадимаг̇г̇зна г̇ажчанд̇аа д̣̇асаб̣алам̣ д̣̇исваа убасан̇гамид̇ваа ванд̣̇ид̇ваа згаманд̇ам̣ нисийд̣̇им̣су. сад̇т̇аа д̇зсамби д̇хаммам̣ д̣̇зсзд̇ваа сажжаани багаасзд̇ваа сод̇аабад̇д̇ипалз бад̇идтаабзд̇ваа ‘‘аавусо, д̣̇звад̣̇ад̇д̇зна гат̇ид̇амаг̇г̇ам̣ аббадибаж̇ж̇ид̇ваа иминаа маг̇г̇зна г̇ажчат̇аа’’д̇и уяяож̇зси. иминаа убааязна ид̇арзсуби ааг̇анд̇ваа нисиннзсу сод̇аабад̇д̇ипалз бад̇идтаабзд̇ваа ан̃н̃зна маг̇г̇зна уяяож̇зси. ат̇а со батамамааг̇ад̇о ж̇здтагад̇хануг̇г̇ахо д̣̇звад̣̇ад̇д̇ам̣ убасан̇гамид̇ваа ‘‘бханд̇з, д̣̇звад̣̇ад̇д̇а ахам̣ саммаасамб̣уд̣̇д̇хам̣ ж̇ийвид̇аа воробзд̇ум̣ наасагким̣, махид̣̇д̇хиго со бхаг̇аваа махаанубхааво’’д̇и аарожзси. д̇з саб̣б̣зби ‘‘саммаасамб̣уд̣̇д̇хам̣ ниссааяа амхзхи ж̇ийвид̇ам̣ лад̣̇д̇ха’’нд̇и сад̇т̇у санд̇игз баб̣б̣аж̇ид̇ваа арахад̇д̇ам̣ баабун̣им̣су. аяам̣ бавад̇д̇и бхигкусан̇гхз баагадаа ахоси. бхигкуу д̇хаммасабхааяам̣ гат̇ам̣ самудтаабзсум̣ ‘‘аавусо д̣̇звад̣̇ад̇д̇о гира згасмим̣ д̇ат̇ааг̇ад̇з взражид̇д̇зна б̣ахуу ж̇анз ж̇ийвид̇аа воробзд̇ум̣ вааяаамамагааси, д̇з саб̣б̣зби сад̇т̇аарам̣ ниссааяа ж̇ийвид̇ам̣ лабхим̣суу’’д̇и. сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з ‘‘на, бхигкавз, ид̣̇аанзва, буб̣б̣зби д̣̇звад̣̇ад̇д̇о мам̣ згагам̣ ниссааяа маяи взражид̇д̇зна б̣ахуу ж̇анз ж̇ийвид̇аа воробзд̇ум̣ вааяаамам̣ агаасиязваа’’д̇и вад̇ваа д̇зхи яаажид̇о ад̇ийд̇ам̣ аахари.

    Atha tasmiṃ dhanuggahe anāgacchante itare dve janā ‘‘kiṃ nu kho so cirāyatī’’ti paṭimaggena gacchantā dasabalaṃ disvā upasaṅkamitvā vanditvā ekamantaṃ nisīdiṃsu. Satthā tesampi dhammaṃ desetvā saccāni pakāsetvā sotāpattiphale patiṭṭhāpetvā ‘‘āvuso, devadattena kathitamaggaṃ appaṭipajjitvā iminā maggena gacchathā’’ti uyyojesi. Iminā upāyena itaresupi āgantvā nisinnesu sotāpattiphale patiṭṭhāpetvā aññena maggena uyyojesi. Atha so paṭhamamāgato jeṭṭhakadhanuggaho devadattaṃ upasaṅkamitvā ‘‘bhante, devadatta ahaṃ sammāsambuddhaṃ jīvitā voropetuṃ nāsakkhiṃ, mahiddhiko so bhagavā mahānubhāvo’’ti ārocesi. Te sabbepi ‘‘sammāsambuddhaṃ nissāya amhehi jīvitaṃ laddha’’nti satthu santike pabbajitvā arahattaṃ pāpuṇiṃsu. Ayaṃ pavatti bhikkhusaṅghe pākaṭā ahosi. Bhikkhū dhammasabhāyaṃ kathaṃ samuṭṭhāpesuṃ ‘‘āvuso devadatto kira ekasmiṃ tathāgate veracittena bahū jane jīvitā voropetuṃ vāyāmamakāsi, te sabbepi satthāraṃ nissāya jīvitaṃ labhiṃsū’’ti. Satthā āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte ‘‘na, bhikkhave, idāneva, pubbepi devadatto maṃ ekakaṃ nissāya mayi veracittena bahū jane jīvitā voropetuṃ vāyāmaṃ akāsiyevā’’ti vatvā tehi yācito atītaṃ āhari.

    ад̇ийд̇з аяам̣ б̣аараан̣асий бубпавад̇ий наама ахоси. д̇ад̇т̇а васавад̇д̇иран̃н̃о буд̇д̇о згарааж̇аа наама раж̇ж̇ам̣ гаарзси, д̇асса буд̇д̇о жанд̣̇агумааро наама обараж̇ж̇ам̣ гаарзси. кан̣д̣ахаало наама б̣раахман̣о бурохид̇о ахоси. со ран̃н̃о ад̇т̇ан̃жа д̇хамман̃жа анусааси. д̇ам̣ гира рааж̇аа ‘‘бан̣д̣ид̇о’’д̇и винижчаяз нисийд̣̇аабзси. со лан̃ж̇авид̇д̇аго худ̇ваа лан̃ж̇ам̣ г̇ахзд̇ваа асаамигз саамигз гарод̇и, саамигз жа асаамигз. ат̇згад̣̇ивасам̣ зго ад̣д̣абарааж̇ид̇о бурисо винижчаяадтаанаа убаггосзнд̇о нигкамид̇ваа рааж̇убадтаанам̣ ааг̇ажчанд̇ам̣ жанд̣̇агумаарам̣ д̣̇исваа д̇хаавид̇ваа д̇асса баад̣̇зсу нибад̇ид̇ваа род̣̇и. со ‘‘гим̣, бхо буриса, род̣̇асий’’д̇и ааха. ‘‘саами, кан̣д̣ахаало винижчаяз вилобам̣ каад̣̇ад̇и, ахам̣ д̇зна лан̃ж̇ам̣ г̇ахзд̇ваа барааж̇аяам̣ баабид̇о’’д̇и. жанд̣̇агумааро ‘‘маа бхааяий’’д̇и д̇ам̣ ассаасзд̇ваа винижчаяам̣ нзд̇ваа саамигамзва саамигам̣, асаамигамзва асаамигам̣ агааси. махааж̇ано махаасад̣̇д̣̇зна саад̇хугаарамад̣̇ааси. рааж̇аа д̇ам̣ суд̇ваа ‘‘гим̣сад̣̇д̣̇о зсо’’д̇и бужчи. ‘‘жанд̣̇агумаарзна гира ад̣д̣о сувинижчид̇о, д̇ад̇т̇зсо саад̇хугаарасад̣̇д̣̇о’’д̇и. д̇ам̣ суд̇ваа рааж̇аа д̇усси. гумааро ааг̇анд̇ваа д̇ам̣ ванд̣̇ид̇ваа згаманд̇ам̣ нисийд̣̇и. ат̇а нам̣ рааж̇аа ‘‘д̇аад̇а, зго гира д̇з ад̣д̣о винижчид̇о’’д̇и ааха. ‘‘аама, д̣̇зваа’’д̇и. ‘‘д̇зна хи, д̇аад̇а, ид̇о бадтааяа д̇вамзва винижчаяам̣ бадтабзхий’’д̇и винижчаяам̣ гумаарасса ад̣̇ааси.

    Atīte ayaṃ bārāṇasī pupphavatī nāma ahosi. Tattha vasavattirañño putto ekarājā nāma rajjaṃ kāresi, tassa putto candakumāro nāma oparajjaṃ kāresi. Khaṇḍahālo nāma brāhmaṇo purohito ahosi. So rañño atthañca dhammañca anusāsi. Taṃ kira rājā ‘‘paṇḍito’’ti vinicchaye nisīdāpesi. So lañjavittako hutvā lañjaṃ gahetvā asāmike sāmike karoti, sāmike ca asāmike. Athekadivasaṃ eko aḍḍaparājito puriso vinicchayaṭṭhānā upakkosento nikkhamitvā rājupaṭṭhānaṃ āgacchantaṃ candakumāraṃ disvā dhāvitvā tassa pādesu nipatitvā rodi. So ‘‘kiṃ, bho purisa, rodasī’’ti āha. ‘‘Sāmi, khaṇḍahālo vinicchaye vilopaṃ khādati, ahaṃ tena lañjaṃ gahetvā parājayaṃ pāpito’’ti. Candakumāro ‘‘mā bhāyī’’ti taṃ assāsetvā vinicchayaṃ netvā sāmikameva sāmikaṃ, asāmikameva asāmikaṃ akāsi. Mahājano mahāsaddena sādhukāramadāsi. Rājā taṃ sutvā ‘‘kiṃsaddo eso’’ti pucchi. ‘‘Candakumārena kira aḍḍo suvinicchito, tattheso sādhukārasaddo’’ti. Taṃ sutvā rājā tussi. Kumāro āgantvā taṃ vanditvā ekamantaṃ nisīdi. Atha naṃ rājā ‘‘tāta, eko kira te aḍḍo vinicchito’’ti āha. ‘‘Āma, devā’’ti. ‘‘Tena hi, tāta, ito paṭṭhāya tvameva vinicchayaṃ paṭṭhapehī’’ti vinicchayaṃ kumārassa adāsi.

    д̇ад̇о бадтааяа кан̣д̣ахааласса ааяо бажчиж̇ж̇и. со д̇ад̇о бадтааяа гумаарз аагхаад̇ам̣ б̣анд̇хид̇ваа огаасам̣ г̇авзсанд̇о анд̇араабзгко вижари. со бана рааж̇аа манд̣̇абан̃н̃о. со згад̣̇ивасам̣ рад̇д̇ибхааг̇з субид̇ваа бажжуусасамаяз субинанд̇з алан̇гад̇ад̣̇ваарагодтагам̣, сад̇д̇арад̇анамаяабаагаарам̣, садтияож̇анигасуван̣н̣амаяаваалугамахаавийт̇им̣, яож̇анасахассуб̣б̣зд̇хавзж̇аяанд̇абаасаад̣̇абадиман̣д̣ид̇ам̣ нанд̣̇анаванаад̣̇иванарааман̣зяяагананд̣̇аабогкаран̣иаад̣̇ибогкаран̣ирааман̣зяяагасаманнааг̇ад̇ам̣ аагин̣н̣ад̣̇зваг̇ан̣ам̣ д̇аавад̇им̣сабхаванам̣ д̣̇исваа баб̣уж̇жхид̇ваа д̇ад̇т̇а г̇анд̇угаамо жинд̇зси – ‘‘свз аажарияакан̣д̣ахаалассааг̇аманавзлааяа д̣̇звалогаг̇аамимаг̇г̇ам̣ бужчид̇ваа д̇зна д̣̇зсид̇амаг̇г̇зна д̣̇звалогам̣ г̇амиссаамий’’д̇и кан̣д̣ахаалоби баад̇ова нхад̇ваа бхун̃ж̇ид̇ваа рааж̇убадтаанам̣ ааг̇анд̇ваа рааж̇анивзсанам̣ бависид̇ваа ран̃н̃о сукасзяяам̣ бужчи. ат̇асса рааж̇аа аасанам̣ д̣̇аабзд̇ваа бан̃хам̣ бужчи. д̇амад̇т̇ам̣ багаасзнд̇о сад̇т̇аа ааха –

    Tato paṭṭhāya khaṇḍahālassa āyo pacchijji. So tato paṭṭhāya kumāre āghātaṃ bandhitvā okāsaṃ gavesanto antarāpekkho vicari. So pana rājā mandapañño. So ekadivasaṃ rattibhāge supitvā paccūsasamaye supinante alaṅkatadvārakoṭṭhakaṃ, sattaratanamayapākāraṃ, saṭṭhiyojanikasuvaṇṇamayavālukamahāvīthiṃ, yojanasahassubbedhavejayantapāsādapaṭimaṇḍitaṃ nandanavanādivanarāmaṇeyyakanandāpokkharaṇiādipokkharaṇirāmaṇeyyakasamannāgataṃ ākiṇṇadevagaṇaṃ tāvatiṃsabhavanaṃ disvā pabujjhitvā tattha gantukāmo cintesi – ‘‘sve ācariyakhaṇḍahālassāgamanavelāya devalokagāmimaggaṃ pucchitvā tena desitamaggena devalokaṃ gamissāmī’’ti khaṇḍahālopi pātova nhatvā bhuñjitvā rājupaṭṭhānaṃ āgantvā rājanivesanaṃ pavisitvā rañño sukhaseyyaṃ pucchi. Athassa rājā āsanaṃ dāpetvā pañhaṃ pucchi. Tamatthaṃ pakāsento satthā āha –

    982.

    982.

    ‘‘рааж̇ааси луд̣̇д̣̇агаммо, згарааж̇аа бубпавад̇ийяаа;

    ‘‘Rājāsi luddakammo, ekarājā pupphavatīyā;

    со бужчи б̣рахмаб̣анд̇хум̣, кан̣д̣ахаалам̣ бурохид̇ам̣ муул̣хам̣.

    So pucchi brahmabandhuṃ, khaṇḍahālaṃ purohitaṃ mūḷhaṃ.

    983.

    983.

    ‘‘саг̇г̇аана маг̇г̇амаажигка, д̇вам̣си б̣раахман̣а д̇хаммавинаяагусало;

    ‘‘Saggāna maggamācikkha, tvaṃsi brāhmaṇa dhammavinayakusalo;

    яат̇аа ид̇о важ̇анд̇и суг̇ад̇им̣, нараа бун̃н̃аани гад̇ваанаа’’д̇и.

    Yathā ito vajanti sugatiṃ, narā puññāni katvānā’’ti.

    д̇ад̇т̇а рааж̇аасийд̇и рааж̇аа ааси. луд̣̇д̣̇агаммод̇и гагкал̣апарусагаммо. саг̇г̇аана маг̇г̇анд̇и саг̇г̇аанам̣ г̇аманамаг̇г̇ам̣. д̇хаммавинаяагусалод̇и сужарид̇ад̇хаммз жа аажааравинаяз жа гусало. яат̇аад̇и яат̇аа нараа бун̃н̃аани гад̇ваа ид̇о суг̇ад̇им̣ г̇ажчанд̇и, д̇ам̣ мз суг̇ад̇имаг̇г̇ам̣ аажигкаахийд̇и бужчи.

    Tattha rājāsīti rājā āsi. Luddakammoti kakkhaḷapharusakammo. Saggāna magganti saggānaṃ gamanamaggaṃ. Dhammavinayakusaloti sucaritadhamme ca ācāravinaye ca kusalo. Yathāti yathā narā puññāni katvā ito sugatiṃ gacchanti, taṃ me sugatimaggaṃ ācikkhāhīti pucchi.

    имам̣ бана бан̃хам̣ саб̣б̣ан̃н̃уб̣уд̣̇д̇хам̣ ваа д̇асса саавагз ваа д̇зсам̣ алаабхзна б̣од̇хисад̇д̇ам̣ ваа бужчид̇ум̣ ваддад̇и. рааж̇аа бана яат̇аа наама сад̇д̇аахам̣ маг̇г̇амуул̣хо бурисо ан̃н̃ам̣ маасамад̇д̇ам̣ маг̇г̇амуул̣хам̣ маг̇г̇ам̣ бужчзяяа, звам̣ кан̣д̣ахаалам̣ бужчи. со жинд̇зси ‘‘аяам̣ мз бажжаамид̇д̇асса бидтид̣̇ассанагаало, ид̣̇аани жанд̣̇агумаарам̣ ж̇ийвид̇агкаяам̣ баабзд̇ваа мама манорат̇ам̣ буурзссаамий’’д̇и. ат̇а рааж̇аанам̣ ааманд̇зд̇ваа д̇ад̇ияам̣ г̇аат̇амааха –

    Imaṃ pana pañhaṃ sabbaññubuddhaṃ vā tassa sāvake vā tesaṃ alābhena bodhisattaṃ vā pucchituṃ vaṭṭati. Rājā pana yathā nāma sattāhaṃ maggamūḷho puriso aññaṃ māsamattaṃ maggamūḷhaṃ maggaṃ puccheyya, evaṃ khaṇḍahālaṃ pucchi. So cintesi ‘‘ayaṃ me paccāmittassa piṭṭhidassanakālo, idāni candakumāraṃ jīvitakkhayaṃ pāpetvā mama manorathaṃ pūressāmī’’ti. Atha rājānaṃ āmantetvā tatiyaṃ gāthamāha –

    984.

    984.

    ‘‘ад̇ид̣̇аанам̣ д̣̇ад̣̇ид̇ваана, аваж̇жхз д̣̇зва гхаад̇зд̇ваа;

    ‘‘Atidānaṃ daditvāna, avajjhe deva ghātetvā;

    звам̣ важ̇анд̇и суг̇ад̇им̣, нараа бун̃н̃аани гад̇ваанаа’’д̇и.

    Evaṃ vajanti sugatiṃ, narā puññāni katvānā’’ti.

    д̇ассад̇т̇о – махаарааж̇а саг̇г̇ам̣ г̇ажчанд̇аа наама ад̇ид̣̇аанам̣ д̣̇ад̣̇анд̇и, аваж̇жхз гхаад̇знд̇и. сажзби саг̇г̇ам̣ г̇анд̇угаамоси, д̇вамби д̇ат̇зва гарохийд̇и.

    Tassattho – mahārāja saggaṃ gacchantā nāma atidānaṃ dadanti, avajjhe ghātenti. Sacepi saggaṃ gantukāmosi, tvampi tatheva karohīti.

    ат̇а нам̣ рааж̇аа бан̃хасса ад̇т̇ам̣ бужчи –

    Atha naṃ rājā pañhassa atthaṃ pucchi –

    985.

    985.

    ‘‘гим̣ бана д̇ам̣ ад̇ид̣̇аанам̣, гз жа аваж̇жхаа имасми логасмим̣;

    ‘‘Kiṃ pana taṃ atidānaṃ, ke ca avajjhā imasmi lokasmiṃ;

    зд̇ан̃жа ко но агкаахи, яаж̇иссаами д̣̇ад̣̇аами д̣̇аанааний’’д̇и.

    Etañca kho no akkhāhi, yajissāmi dadāmi dānānī’’ti.

    собисса б̣яаагааси –

    Sopissa byākāsi –

    986.

    986.

    ‘‘буд̇д̇зхи д̣̇зва яаж̇ид̇аб̣б̣ам̣, махзсийхи нзг̇амзхи жа;

    ‘‘Puttehi deva yajitabbaṃ, mahesīhi negamehi ca;

    усабхзхи ааж̇ааниязхи жад̇уухи, саб̣б̣ажад̇уггзна д̣̇зва яаж̇ид̇аб̣б̣а’’нд̇и.

    Usabhehi ājāniyehi catūhi, sabbacatukkena deva yajitabba’’nti.

    ран̃н̃о бан̃хам̣ б̣яаагаронд̇о жа д̣̇звалогамаг̇г̇ам̣ будто нираяамаг̇г̇ам̣ б̣яаагааси.

    Rañño pañhaṃ byākaronto ca devalokamaggaṃ puṭṭho nirayamaggaṃ byākāsi.

    д̇ад̇т̇а буд̇д̇зхийд̇и ад̇д̇анаа ж̇аад̇зхи бияабуд̇д̇зхи жзва бияад̇хийд̇аахи жа. махзсийхийд̇и бияабхарияаахи. нзг̇амзхийд̇и сздтийхи. усабхзхийд̇и саб̣б̣асзд̇зхи усабхарааж̇уухи. ааж̇ааниязхийд̇и ман̇г̇алаассзхи. жад̇уухийд̇и зд̇зхи саб̣б̣зхзва ан̃н̃зхи жа хад̇т̇иаад̣̇ийхи жад̇уухи жад̇уухийд̇и звам̣ саб̣б̣ажад̇уггзна, д̣̇зва, яаж̇ид̇аб̣б̣ам̣. зд̇зсан̃хи каг̇г̇зна сийсам̣ чинд̣̇ид̇ваа суван̣н̣абаад̇ияаа г̇алалохид̇ам̣ г̇ахзд̇ваа ааваадз багкибид̇ваа яан̃н̃асса яаж̇анагарааж̇аано сарийрзна саха д̣̇звалогам̣ г̇ажчанд̇и. махаарааж̇а, саман̣аб̣раахман̣агабан̣ад̣̇д̇хигаваниб̣б̣агаяаажагаанам̣ гхаасажчаад̣̇анаад̣̇исамбад̣̇аанам̣ д̣̇аанамзва бавад̇д̇ад̇и. имз бана буд̇д̇ад̇хийд̇аад̣̇аяо маарзд̇ваа д̇зсам̣ г̇алалохид̇зна яан̃н̃асса яаж̇анам̣ ад̇ид̣̇аанам̣ наамаад̇и рааж̇аанам̣ сан̃н̃аабзси.

    Tattha puttehīti attanā jātehi piyaputtehi ceva piyadhītāhi ca. Mahesīhīti piyabhariyāhi. Negamehīti seṭṭhīhi. Usabhehīti sabbasetehi usabharājūhi. Ājāniyehīti maṅgalaassehi. Catūhīti etehi sabbeheva aññehi ca hatthiādīhi catūhi catūhīti evaṃ sabbacatukkena, deva, yajitabbaṃ. Etesañhi khaggena sīsaṃ chinditvā suvaṇṇapātiyā galalohitaṃ gahetvā āvāṭe pakkhipitvā yaññassa yajanakarājāno sarīrena saha devalokaṃ gacchanti. Mahārāja, samaṇabrāhmaṇakapaṇaddhikavanibbakayācakānaṃ ghāsacchādanādisampadānaṃ dānameva pavattati. Ime pana puttadhītādayo māretvā tesaṃ galalohitena yaññassa yajanaṃ atidānaṃ nāmāti rājānaṃ saññāpesi.

    ид̇и со ‘‘сажз жанд̣̇агумаарам̣ зган̃н̃зва г̇ан̣хиссаами, взражид̇д̇зна гаран̣ам̣ ман̃н̃иссанд̇ий’’д̇и д̇ам̣ махааж̇анасса анд̇арз багкиби. ид̣̇ам̣ бана д̇зсам̣ гат̇знд̇аанам̣ гат̇ам̣ суд̇ваа саб̣б̣з анд̇збураж̇анаа бхийд̇ад̇асид̇аа сам̣виг̇г̇амаанахад̣̇аяаа згаббахаарзнзва махааравам̣ равим̣су. д̇амад̇т̇ам̣ багаасзнд̇о сад̇т̇аа ааха –

    Iti so ‘‘sace candakumāraṃ ekaññeva gaṇhissāmi, veracittena karaṇaṃ maññissantī’’ti taṃ mahājanassa antare pakkhipi. Idaṃ pana tesaṃ kathentānaṃ kathaṃ sutvā sabbe antepurajanā bhītatasitā saṃviggamānahadayā ekappahāreneva mahāravaṃ raviṃsu. Tamatthaṃ pakāsento satthā āha –

    987.

    987.

    ‘‘д̇ам̣ суд̇ваа анд̇збурз, гумаараа махзсияо жа хан̃н̃анд̇у;

    ‘‘Taṃ sutvā antepure, kumārā mahesiyo ca haññantu;

    зго ахоси ниг̇гхосо, бхигкаа ажжуг̇г̇ад̇о сад̣̇д̣̇о’’д̇и.

    Eko ahosi nigghoso, bhikkhā accuggato saddo’’ti.

    д̇ад̇т̇а д̇анд̇и ‘‘гумаараа жа махзсияо жа хан̃н̃анд̇уу’’д̇и д̇ам̣ сад̣̇д̣̇ам̣ суд̇ваа згод̇и сагаларааж̇анивзсанз згова ниг̇гхосо ахоси. бхисмаад̇и бхаяаанаго. ажжуг̇г̇ад̇од̇и ад̇иуг̇г̇ад̇о ахоси, сагаларааж̇агулам̣ яуг̇анд̇аваад̇аббахадам̣ вияа саалаванам̣ ахоси.

    Tattha tanti ‘‘kumārā ca mahesiyo ca haññantū’’ti taṃ saddaṃ sutvā ekoti sakalarājanivesane ekova nigghoso ahosi. Bhismāti bhayānako. Accuggatoti atiuggato ahosi, sakalarājakulaṃ yugantavātappahaṭaṃ viya sālavanaṃ ahosi.

    б̣раахман̣о рааж̇аанам̣ ааха – ‘‘гим̣ бана, махаарааж̇а, яан̃н̃ам̣ яаж̇ид̇ум̣ саггоси, на саггосий’’д̇и? ‘‘гим̣ гат̇зси, аажарияа, яан̃н̃ам̣ яаж̇ид̇ваа д̣̇звалогам̣ г̇амиссаамий’’д̇и. ‘‘махаарааж̇а, бхийругаа д̣̇уб̣б̣алаж̇жхаасаяаа яан̃н̃ам̣ яаж̇ид̇ум̣ самад̇т̇аа наама на хонд̇и, д̇умхз ид̇ха саб̣б̣з саннибаад̇зт̇а, ахам̣ яан̃н̃ааваадз гаммам̣ гариссаамий’’д̇и ад̇д̇ано бахонагам̣ б̣алагааяам̣ г̇ахзд̇ваа наг̇араа нигкамма яан̃н̃ааваадам̣ самад̇алам̣ гаарзд̇ваа вад̇ияаа баригкиби. гасмаа? д̇хаммиго хи саман̣о ваа б̣раахман̣о ваа ааг̇анд̇ваа ниваарзяяаад̇и яан̃н̃ааваадз вад̇ияаа баригкзбанам̣ наама жаарид̇д̇анд̇и гад̇ваа бораан̣агаб̣раахман̣зхи табид̇ам̣. рааж̇ааби бурисз баггосаабзд̇ваа ‘‘д̇аад̇аа, ахам̣ ад̇д̇ано буд̇д̇ад̇хийд̇аро жа бхарияааяо жа маарзд̇ваа яан̃н̃ам̣ яаж̇ид̇ваа д̣̇звалогам̣ г̇амиссаами, г̇ажчат̇а нзсам̣ аажигкид̇ваа саб̣б̣з ид̇хаанзт̇аа’’д̇и буд̇д̇аанам̣ д̇аава аанаяанад̇т̇ааяа ааха –

    Brāhmaṇo rājānaṃ āha – ‘‘kiṃ pana, mahārāja, yaññaṃ yajituṃ sakkosi, na sakkosī’’ti? ‘‘Kiṃ kathesi, ācariya, yaññaṃ yajitvā devalokaṃ gamissāmī’’ti. ‘‘Mahārāja, bhīrukā dubbalajjhāsayā yaññaṃ yajituṃ samatthā nāma na honti, tumhe idha sabbe sannipātetha, ahaṃ yaññāvāṭe kammaṃ karissāmī’’ti attano pahonakaṃ balakāyaṃ gahetvā nagarā nikkhamma yaññāvāṭaṃ samatalaṃ kāretvā vatiyā parikkhipi. Kasmā? Dhammiko hi samaṇo vā brāhmaṇo vā āgantvā nivāreyyāti yaññāvāṭe vatiyā parikkhepanaṃ nāma cārittanti katvā porāṇakabrāhmaṇehi ṭhapitaṃ. Rājāpi purise pakkosāpetvā ‘‘tātā, ahaṃ attano puttadhītaro ca bhariyāyo ca māretvā yaññaṃ yajitvā devalokaṃ gamissāmi, gacchatha nesaṃ ācikkhitvā sabbe idhānethā’’ti puttānaṃ tāva ānayanatthāya āha –

    988.

    988.

    ‘‘г̇ажчат̇а вад̣̇зт̇а гумаарз, жанд̣̇ам̣ суурияан̃жа бхад̣̇д̣̇асзнан̃жа;

    ‘‘Gacchatha vadetha kumāre, candaṃ sūriyañca bhaddasenañca;

    сууран̃жа ваамаг̇од̇д̇ан̃жа, бажураа гира хот̇а яан̃н̃ад̇т̇ааяаа’’д̇и.

    Sūrañca vāmagottañca, pacurā kira hotha yaññatthāyā’’ti.

    д̇ад̇т̇а г̇ажчат̇а вад̣̇зт̇а гумаарзд̇и жанд̣̇агумааро жа суурияагумааро жаад̇и д̣̇вз г̇од̇амид̣̇звияаа аг̇г̇амахзсияаа буд̇д̇аа, бхад̣̇д̣̇асзно жа сууро жа ваамаг̇од̇д̇о жа д̇зсам̣ взмаад̇игабхаад̇аро. бажураа гира хот̇аад̇и згасмим̣ таанз раасий хот̇аад̇и аажигкат̇аад̇и ад̇т̇о.

    Tattha gacchatha vadetha kumāreti candakumāro ca sūriyakumāro cāti dve gotamideviyā aggamahesiyā puttā, bhaddaseno ca sūro ca vāmagotto ca tesaṃ vemātikabhātaro. Pacurā kira hothāti ekasmiṃ ṭhāne rāsī hothāti ācikkhathāti attho.

    д̇з батамам̣ жанд̣̇агумаарасса санд̇игам̣ г̇анд̇ваа аахам̣су ‘‘гумаара, д̇умхз гира маарзд̇ваа д̇умхаагам̣ бид̇аа д̣̇звалогам̣ г̇анд̇угаамо, д̇умхаагам̣ г̇ан̣ханад̇т̇ааяа амхз бзсзсий’’д̇и. ‘‘гасса важанзна мам̣ г̇ан̣хаабзсий’’д̇и? ‘‘кан̣д̣ахааласса, д̣̇зваа’’д̇и. ‘‘гим̣ со ман̃н̃зва г̇ан̣хаабзд̇и, уд̣̇ааху ан̃н̃збий’’д̇и. ‘‘рааж̇абуд̇д̇а, ан̃н̃зби г̇ан̣хаабзд̇и, саб̣б̣ажад̇уггам̣ гира яан̃н̃ам̣ яаж̇ид̇угаамо’’д̇и. со жинд̇зси ‘‘д̇асса ан̃н̃зхи сад̣̇д̇хим̣ взрам̣ над̇т̇и, ‘винижчаяз вилобам̣ гаад̇ум̣ на лабхаамий’д̇и бана маяи згасмим̣ взражид̇д̇зна б̣ахуу маараабзд̇и, бид̇арам̣ д̣̇адтум̣ лабханд̇асса саб̣б̣зсам̣ д̇зсам̣ можаабанам̣ наама мама бхааро’’д̇и. ат̇а нз рааж̇абурисз ааха ‘‘д̇зна хи мз бид̇у важанам̣ гарот̇аа’’д̇и. д̇з д̇ам̣ нзд̇ваа рааж̇ан̇г̇ан̣з згаманд̇з табзд̇ваа ид̇арзби д̇аяо ааманд̇зд̇ваа д̇ассзва санд̇игз гад̇ваа ран̃н̃о аарожаяим̣су ‘‘аанийд̇аа д̇з, д̣̇зва, буд̇д̇аа’’д̇и. со д̇зсам̣ важанам̣ суд̇ваа ‘‘д̇аад̇аа, ид̣̇аани мз д̇хийд̇аро аанзд̇ваа д̇зсан̃н̃зва бхаад̇игаанам̣ санд̇игз гарот̇аа’’д̇и жад̇ассо д̇хийд̇аро аахараабзд̇ум̣ ид̇арам̣ г̇аат̇амааха –

    Te paṭhamaṃ candakumārassa santikaṃ gantvā āhaṃsu ‘‘kumāra, tumhe kira māretvā tumhākaṃ pitā devalokaṃ gantukāmo, tumhākaṃ gaṇhanatthāya amhe pesesī’’ti. ‘‘Kassa vacanena maṃ gaṇhāpesī’’ti? ‘‘Khaṇḍahālassa, devā’’ti. ‘‘Kiṃ so maññeva gaṇhāpeti, udāhu aññepī’’ti. ‘‘Rājaputta, aññepi gaṇhāpeti, sabbacatukkaṃ kira yaññaṃ yajitukāmo’’ti. So cintesi ‘‘tassa aññehi saddhiṃ veraṃ natthi, ‘vinicchaye vilopaṃ kātuṃ na labhāmī’ti pana mayi ekasmiṃ veracittena bahū mārāpeti, pitaraṃ daṭṭhuṃ labhantassa sabbesaṃ tesaṃ mocāpanaṃ nāma mama bhāro’’ti. Atha ne rājapurise āha ‘‘tena hi me pitu vacanaṃ karothā’’ti. Te taṃ netvā rājaṅgaṇe ekamante ṭhapetvā itarepi tayo āmantetvā tasseva santike katvā rañño ārocayiṃsu ‘‘ānītā te, deva, puttā’’ti. So tesaṃ vacanaṃ sutvā ‘‘tātā, idāni me dhītaro ānetvā tesaññeva bhātikānaṃ santike karothā’’ti catasso dhītaro āharāpetuṃ itaraṃ gāthamāha –

    989.

    989.

    ‘‘гумаарияоби вад̣̇зт̇а, убасзнам̣ гогилан̃жа муд̣̇ид̇ан̃жа;

    ‘‘Kumāriyopi vadetha, upasenaṃ kokilañca muditañca;

    нанд̣̇ан̃жааби гумаарим̣, бажураа гира хот̇а яан̃н̃ад̇т̇ааяаа’’д̇и.

    Nandañcāpi kumāriṃ, pacurā kira hotha yaññatthāyā’’ti.

    д̇з ‘‘звам̣ гариссаамаа’’д̇и д̇аасам̣ санд̇игам̣ г̇анд̇ваа д̇аа род̣̇амаанаа барид̣̇звамаанаа аанзд̇ваа бхаад̇игаанан̃н̃зва санд̇игз гарим̣су. д̇ад̇о рааж̇аа ад̇д̇ано бхарияаанам̣ г̇ахан̣ад̇т̇ааяа ид̇арам̣ г̇аат̇амааха –

    Te ‘‘evaṃ karissāmā’’ti tāsaṃ santikaṃ gantvā tā rodamānā paridevamānā ānetvā bhātikānaññeva santike kariṃsu. Tato rājā attano bhariyānaṃ gahaṇatthāya itaraṃ gāthamāha –

    990.

    990.

    ‘‘виж̇аяамби маяхам̣ махзсим̣, зраавад̇им̣ гзсиним̣сунанд̣̇ан̃жа;

    ‘‘Vijayampi mayhaṃ mahesiṃ, erāvatiṃ kesiniṃsunandañca;

    лагкан̣аваруубабаннаа, бажураа гира хот̇а яан̃н̃ад̇т̇ааяаа’’д̇и.

    Lakkhaṇavarūpapannā, pacurā kira hotha yaññatthāyā’’ti.

    д̇ад̇т̇а лагкан̣аваруубабаннаад̇и уд̇д̇амзхи жад̇усадтияаа ид̇т̇илагкан̣зхи убабаннаа зд̇ааби вад̣̇зт̇аад̇и ад̇т̇о.

    Tattha lakkhaṇavarūpapannāti uttamehi catusaṭṭhiyā itthilakkhaṇehi upapannā etāpi vadethāti attho.

    д̇з д̇ааби барид̣̇звамаанаа аанзд̇ваа гумаараанам̣ санд̇игз гарим̣су. ат̇а рааж̇аа жад̇д̇ааро сздтино г̇ахан̣ад̇т̇ааяа аан̣аабзнд̇о ид̇арам̣ г̇аат̇амааха –

    Te tāpi paridevamānā ānetvā kumārānaṃ santike kariṃsu. Atha rājā cattāro seṭṭhino gahaṇatthāya āṇāpento itaraṃ gāthamāha –

    991.

    991.

    ‘‘г̇ахабад̇аяо жа вад̣̇зт̇а, бун̣н̣амукам̣ бхад̣̇д̣̇ияам̣ син̇г̇аалан̃жа;

    ‘‘Gahapatayo ca vadetha, puṇṇamukhaṃ bhaddiyaṃ siṅgālañca;

    вад̣дхан̃жааби г̇ахабад̇им̣, бажураа гира хот̇а яан̃н̃ад̇т̇ааяаа’’д̇и.

    Vaḍḍhañcāpi gahapatiṃ, pacurā kira hotha yaññatthāyā’’ti.

    рааж̇абурисаа г̇анд̇ваа д̇зби аанаяим̣су. ран̃н̃о буд̇д̇ад̣̇аарз г̇аяхамаанз сагаланаг̇арам̣ на гин̃жи авожа. сздтигулаани бана махаасамб̣анд̇хаани, д̇асмаа д̇зсам̣ г̇ахид̇агаалз сагаланаг̇арам̣ сан̇кубхид̇ваа ‘‘ран̃н̃о сздтино маарзд̇ваа яан̃н̃ам̣ яаж̇ид̇ум̣ на д̣̇ассаамаа’’д̇и сздтино бариваарзд̇ваава д̇зсам̣ н̃аад̇иваг̇г̇зна сад̣̇д̇хим̣ рааж̇агулам̣ аг̇ами. ат̇а д̇з сздтино н̃аад̇иг̇ан̣абаривуд̇аа рааж̇аанам̣ ванд̣̇ид̇ваа ад̇д̇ано ж̇ийвид̇ам̣ яаажим̣су. д̇амад̇т̇ам̣ багаасзнд̇о сад̇т̇аа ааха –

    Rājapurisā gantvā tepi ānayiṃsu. Rañño puttadāre gayhamāne sakalanagaraṃ na kiñci avoca. Seṭṭhikulāni pana mahāsambandhāni, tasmā tesaṃ gahitakāle sakalanagaraṃ saṅkhubhitvā ‘‘rañño seṭṭhino māretvā yaññaṃ yajituṃ na dassāmā’’ti seṭṭhino parivāretvāva tesaṃ ñātivaggena saddhiṃ rājakulaṃ agami. Atha te seṭṭhino ñātigaṇaparivutā rājānaṃ vanditvā attano jīvitaṃ yāciṃsu. Tamatthaṃ pakāsento satthā āha –

    992.

    992.

    ‘‘д̇з д̇ад̇т̇а г̇ахабад̇аяо, авожисум̣ самааг̇ад̇аа буд̇д̇ад̣̇аарабаригин̣н̣аа;

    ‘‘Te tattha gahapatayo, avocisuṃ samāgatā puttadāraparikiṇṇā;

    саб̣б̣зва сикино д̣̇зва гарохи, ат̇а ваа но д̣̇аасз саавзхий’’д̇и.

    Sabbeva sikhino deva karohi, atha vā no dāse sāvehī’’ti.

    д̇ад̇т̇а саб̣б̣зва сикинод̇и саб̣б̣з амхз мад̇т̇агз жуул̣ам̣ б̣анд̇хид̇ваа ад̇д̇ано жздагз гарохи, маяам̣ д̇з жздагагижжам̣ гариссаама. ат̇а ваа но д̣̇аасз саавзхийд̇и ат̇а ваа но асад̣̇д̣̇аханд̇о саб̣б̣асзнияо саннибаад̇зд̇ваа раасимаж̇жхз амхз д̣̇аасз саавзхи, маяам̣ д̇з д̣̇аасад̇д̇ам̣ бадиссун̣иссаамаад̇и.

    Tattha sabbeva sikhinoti sabbe amhe matthake cūḷaṃ bandhitvā attano ceṭake karohi, mayaṃ te ceṭakakiccaṃ karissāma. Atha vā no dāse sāvehīti atha vā no asaddahanto sabbaseniyo sannipātetvā rāsimajjhe amhe dāse sāvehi, mayaṃ te dāsattaṃ paṭissuṇissāmāti.

    д̇з звам̣ яаажанд̇ааби ж̇ийвид̇ам̣ лад̣̇д̇хум̣ наасагким̣су. рааж̇абурисаа сзсз бадиггамаабзд̇ваа д̇з г̇ахзд̇ваа гумаараанан̃н̃зва санд̇игз нисийд̣̇аабзсум̣. д̇ад̇о бана рааж̇аа хад̇т̇иаад̣̇ийнам̣ г̇ахан̣ад̇т̇ааяа аан̣аабзнд̇о ааха –

    Te evaṃ yācantāpi jīvitaṃ laddhuṃ nāsakkhiṃsu. Rājapurisā sese paṭikkamāpetvā te gahetvā kumārānaññeva santike nisīdāpesuṃ. Tato pana rājā hatthiādīnaṃ gahaṇatthāya āṇāpento āha –

    993.

    993.

    ‘‘абхаяан̇гарамби мз хад̇т̇им̣, наал̣ааг̇ирим̣ ажжуг̇г̇ад̇ам̣ варун̣ад̣̇анд̇ам̣;

    ‘‘Abhayaṅkarampi me hatthiṃ, nāḷāgiriṃ accuggataṃ varuṇadantaṃ;

    аанзт̇а ко нз киббам̣, яан̃н̃ад̇т̇ааяа бхависсанд̇и.

    Ānetha kho ne khippaṃ, yaññatthāya bhavissanti.

    994.

    994.

    ‘‘ассарад̇анамби гзсим̣, сураамукам̣ бун̣н̣агам̣ винад̇аган̃жа;

    ‘‘Assaratanampi kesiṃ, surāmukhaṃ puṇṇakaṃ vinatakañca;

    аанзт̇а ко нз киббам̣, яан̃н̃ад̇т̇ааяа бхависсанд̇и.

    Ānetha kho ne khippaṃ, yaññatthāya bhavissanti.

    995.

    995.

    ‘‘усабхамби яуут̇абад̇им̣ анож̇ам̣, нисабхам̣ г̇авамбад̇им̣ д̇зби маяхам̣ аанзт̇а;

    ‘‘Usabhampi yūthapatiṃ anojaṃ, nisabhaṃ gavampatiṃ tepi mayhaṃ ānetha;

    самууха гаронд̇у саб̣б̣ам̣, яаж̇иссаами д̣̇ад̣̇аами д̣̇аанаани.

    Samūha karontu sabbaṃ, yajissāmi dadāmi dānāni.

    996.

    996.

    ‘‘саб̣б̣ам̣ бадияаад̣̇зт̇а, яан̃н̃ам̣ бана уг̇г̇ад̇амхи суурияамхи;

    ‘‘Sabbaṃ paṭiyādetha, yaññaṃ pana uggatamhi sūriyamhi;

    аан̣аабзт̇а жа гумаарз, абхираманд̇у имам̣ рад̇д̇им̣.

    Āṇāpetha ca kumāre, abhiramantu imaṃ rattiṃ.

    997.

    997.

    ‘‘саб̣б̣ам̣ убадтабзт̇а, яан̃н̃ам̣ бана уг̇г̇ад̇амхи суурияамхи;

    ‘‘Sabbaṃ upaṭṭhapetha, yaññaṃ pana uggatamhi sūriyamhi;

    вад̣̇зт̇а д̣̇аани гумаарз, аж̇ж̇а ко бажчимаа рад̇д̇ий’’д̇и.

    Vadetha dāni kumāre, ajja kho pacchimā rattī’’ti.

    д̇ад̇т̇а самууха гаронд̇у саб̣б̣анд̇и на гзвалам̣ зд̇д̇агамзва, авасзсамби жад̇уббад̣̇аг̇ан̣ан̃жзва багкиг̇ан̣ан̃жа саб̣б̣ам̣ жад̇уггам̣ гад̇ваа раасим̣ гаронд̇у, саб̣б̣ажад̇уггам̣ яан̃н̃ам̣ яаж̇иссаами, яаажагаб̣раахман̣аанан̃жа д̣̇аанам̣ д̣̇ассаамийд̇и. саб̣б̣ам̣ бадияаад̣̇зт̇аад̇и звам̣ маяаа вуд̇д̇ам̣ анавасзсам̣ убадтабзт̇а. уг̇г̇ад̇амхийд̇и ахам̣ бана яан̃н̃ам̣ уг̇г̇ад̇з суурияз свз баад̇ова яаж̇иссаами. саб̣б̣ам̣ убадтабзт̇аад̇и сзсамби саб̣б̣ам̣ яан̃н̃аубагаран̣ам̣ убадтабзт̇аад̇и.

    Tattha samūha karontu sabbanti na kevalaṃ ettakameva, avasesampi catuppadagaṇañceva pakkhigaṇañca sabbaṃ catukkaṃ katvā rāsiṃ karontu, sabbacatukkaṃ yaññaṃ yajissāmi, yācakabrāhmaṇānañca dānaṃ dassāmīti. Sabbaṃ paṭiyādethāti evaṃ mayā vuttaṃ anavasesaṃ upaṭṭhapetha. Uggatamhīti ahaṃ pana yaññaṃ uggate sūriye sve pātova yajissāmi. Sabbaṃ upaṭṭhapethāti sesampi sabbaṃ yaññaupakaraṇaṃ upaṭṭhapethāti.

    ран̃н̃о бана маад̇аабид̇аро д̇харанд̇иязва. ат̇асса амажжаа г̇анд̇ваа маад̇уяаа аарожзсум̣ ‘‘аяяз, буд̇д̇о во буд̇д̇ад̣̇аарам̣ маарзд̇ваа яан̃н̃ам̣ яаж̇ид̇угаамо’’д̇и. саа ‘‘гим̣ гат̇зт̇а, д̇аад̇аа’’д̇и хад̇т̇зна хад̣̇аяам̣ бахарид̇ваа род̣̇амаанаа ааг̇анд̇ваа ‘‘сажжам̣ гира зваруубо д̇з яан̃н̃о бхависсад̇ий’’д̇и бужчи. д̇амад̇т̇ам̣ багаасзнд̇о сад̇т̇аа ааха –

    Rañño pana mātāpitaro dharantiyeva. Athassa amaccā gantvā mātuyā ārocesuṃ ‘‘ayye, putto vo puttadāraṃ māretvā yaññaṃ yajitukāmo’’ti. Sā ‘‘kiṃ kathetha, tātā’’ti hatthena hadayaṃ paharitvā rodamānā āgantvā ‘‘saccaṃ kira evarūpo te yañño bhavissatī’’ti pucchi. Tamatthaṃ pakāsento satthā āha –

    998.

    998.

    ‘‘д̇ам̣д̇ам̣ маад̇аа аважа, род̣̇анд̇ий ааг̇анд̇ваа вимаанад̇о;

    ‘‘Taṃtaṃ mātā avaca, rodantī āgantvā vimānato;

    яан̃н̃о гира д̇з буд̇д̇а, бхависсад̇и жад̇уухи буд̇д̇зхий’’д̇и.

    Yañño kira te putta, bhavissati catūhi puttehī’’ti.

    д̇ад̇т̇а д̇ам̣д̇анд̇и д̇ам̣ зд̇ам̣ рааж̇аанам̣. вимаанад̇од̇и ад̇д̇ано васанадтаанад̇о.

    Tattha taṃtanti taṃ etaṃ rājānaṃ. Vimānatoti attano vasanaṭṭhānato.

    рааж̇аа ааха –

    Rājā āha –

    999.

    999.

    ‘‘саб̣б̣зби маяхам̣ буд̇д̇аа жад̇д̇аа, жанд̣̇асмим̣ хан̃н̃амаанасмим̣;

    ‘‘Sabbepi mayhaṃ puttā cattā, candasmiṃ haññamānasmiṃ;

    буд̇д̇зхи яан̃н̃ам̣ яаж̇ид̇ваана, суг̇ад̇им̣ саг̇г̇ам̣ г̇амиссаамий’’д̇и.

    Puttehi yaññaṃ yajitvāna, sugatiṃ saggaṃ gamissāmī’’ti.

    д̇ад̇т̇а жад̇д̇аад̇и жанд̣̇агумаарз хан̃н̃амаанзязва саб̣б̣зби яан̃н̃ад̇т̇ааяа маяаа барижжад̇д̇аа.

    Tattha cattāti candakumāre haññamāneyeva sabbepi yaññatthāya mayā pariccattā.

    ат̇а нам̣ маад̇аа ааха –

    Atha naṃ mātā āha –

    1000.

    1000.

    ‘‘маа д̇ам̣ буд̇д̇а сад̣̇д̣̇ахзси, суг̇ад̇и гира ход̇и буд̇д̇аяан̃н̃зна;

    ‘‘Mā taṃ putta saddahesi, sugati kira hoti puttayaññena;

    нираяаанзсо маг̇г̇о, нзсо маг̇г̇о хи саг̇г̇аанам̣.

    Nirayāneso maggo, neso maggo hi saggānaṃ.

    1001.

    1001.

    ‘‘д̣̇аанаани д̣̇зхи гон̣д̣ан̃н̃а, ахим̣саа саб̣б̣абхууд̇абхаб̣яаанам̣;

    ‘‘Dānāni dehi koṇḍañña, ahiṃsā sabbabhūtabhabyānaṃ;

    зса маг̇г̇о суг̇ад̇ияаа, на жа маг̇г̇о буд̇д̇аяан̃н̃знаа’’д̇и.

    Esa maggo sugatiyā, na ca maggo puttayaññenā’’ti.

    д̇ад̇т̇а нираяаанзсод̇и нирассаад̣̇ад̇т̇зна нираяаанам̣ жад̇уннам̣ абааяаанам̣ зса маг̇г̇о. гон̣д̣ан̃н̃аад̇и рааж̇аанам̣ г̇од̇д̇знаалабад̇и. бхууд̇абхаб̣яаананд̇и бхууд̇аанан̃жа бхавид̇аб̣б̣асад̇д̇аанан̃жа. буд̇д̇аяан̃н̃знаад̇и зваруубзна буд̇д̇ад̇хийд̇аро маарзд̇ваа яаж̇агаяан̃н̃зна саг̇г̇амаг̇г̇о наама над̇т̇ийд̇и.

    Tattha nirayānesoti nirassādatthena nirayānaṃ catunnaṃ apāyānaṃ esa maggo. Koṇḍaññāti rājānaṃ gottenālapati. Bhūtabhabyānanti bhūtānañca bhavitabbasattānañca. Puttayaññenāti evarūpena puttadhītaro māretvā yajakayaññena saggamaggo nāma natthīti.

    рааж̇аа ааха –

    Rājā āha –

    1002.

    1002.

    ‘‘аажарияаанам̣ важанаа, гхаад̇зссам̣ жанд̣̇ан̃жа суурияан̃жа;

    ‘‘Ācariyānaṃ vacanā, ghātessaṃ candañca sūriyañca;

    буд̇д̇зхи яан̃н̃ам̣ яаж̇ид̇ваана д̣̇ужжаж̇зхи, суг̇ад̇им̣ саг̇г̇ам̣ г̇амиссаамий’’д̇и.

    Puttehi yaññaṃ yajitvāna duccajehi, sugatiṃ saggaṃ gamissāmī’’ti.

    д̇ад̇т̇а аажарияаанам̣ важананд̇и амма, нзсаа мама ад̇д̇ано мад̇и, аажаарасигкаабанагасса бана мз кан̣д̣ахаалаажарияасса зд̇ам̣ важанам̣, зсаа анусидти. д̇асмаа ахам̣ зд̇з гхаад̇зссам̣, д̣̇ужжаж̇зхи буд̇д̇зхи яан̃н̃ам̣ яаж̇ид̇ваа саг̇г̇ам̣ г̇амиссаамийд̇и.

    Tattha ācariyānaṃ vacananti amma, nesā mama attano mati, ācārasikkhāpanakassa pana me khaṇḍahālācariyassa etaṃ vacanaṃ, esā anusiṭṭhi. Tasmā ahaṃ ete ghātessaṃ, duccajehi puttehi yaññaṃ yajitvā saggaṃ gamissāmīti.

    ат̇асса маад̇аа ад̇д̇ано важанам̣ г̇аахаабзд̇ум̣ асаггонд̇ий абаг̇ад̇аа. бид̇аа д̇ам̣ бавад̇д̇им̣ бужчи. д̇амад̇т̇ам̣ багаасзнд̇о сад̇т̇аа ааха –

    Athassa mātā attano vacanaṃ gāhāpetuṃ asakkontī apagatā. Pitā taṃ pavattiṃ pucchi. Tamatthaṃ pakāsento satthā āha –

    1003.

    1003.

    ‘‘д̇ам̣д̇ам̣ бид̇ааби аважа, васавад̇д̇ий орасам̣ сагам̣ буд̇д̇ам̣;

    ‘‘Taṃtaṃ pitāpi avaca, vasavattī orasaṃ sakaṃ puttaṃ;

    яан̃н̃о гира д̇з буд̇д̇а, бхависсад̇и жад̇уухи буд̇д̇зхий’’д̇и.

    Yañño kira te putta, bhavissati catūhi puttehī’’ti.

    д̇ад̇т̇а васавад̇д̇ийд̇и д̇асса наамам̣.

    Tattha vasavattīti tassa nāmaṃ.

    рааж̇аа ааха –

    Rājā āha –

    1004.

    1004.

    ‘‘саб̣б̣зби маяхам̣ буд̇д̇аа жад̇д̇аа, жанд̣̇асмим̣ хан̃н̃амаанасмим̣;

    ‘‘Sabbepi mayhaṃ puttā cattā, candasmiṃ haññamānasmiṃ;

    буд̇д̇зхи яан̃н̃ам̣ яаж̇ид̇ваана, суг̇ад̇им̣ саг̇г̇ам̣ г̇амиссаамий’’д̇и.

    Puttehi yaññaṃ yajitvāna, sugatiṃ saggaṃ gamissāmī’’ti.

    ат̇а нам̣ бид̇аа ааха –

    Atha naṃ pitā āha –

    1005.

    1005.

    ‘‘маа д̇ам̣ буд̇д̇а сад̣̇д̣̇ахзси, суг̇ад̇и гира ход̇и буд̇д̇аяан̃н̃зна;

    ‘‘Mā taṃ putta saddahesi, sugati kira hoti puttayaññena;

    нираяаанзсо маг̇г̇о, нзсо маг̇г̇о хи саг̇г̇аанам̣.

    Nirayāneso maggo, neso maggo hi saggānaṃ.

    1006.

    1006.

    ‘‘д̣̇аанаани д̣̇зхи гон̣д̣ан̃н̃а, ахим̣саа саб̣б̣абхууд̇абхаб̣яаанам̣;

    ‘‘Dānāni dehi koṇḍañña, ahiṃsā sabbabhūtabhabyānaṃ;

    зса маг̇г̇о суг̇ад̇ияаа, на жа маг̇г̇о буд̇д̇аяан̃н̃знаа’’д̇и.

    Esa maggo sugatiyā, na ca maggo puttayaññenā’’ti.

    рааж̇аа ааха –

    Rājā āha –

    1007.

    1007.

    ‘‘аажарияаанам̣ важанаа, гхаад̇зссам̣ жанд̣̇ан̃жа суурияан̃жа;

    ‘‘Ācariyānaṃ vacanā, ghātessaṃ candañca sūriyañca;

    буд̇д̇зхи яан̃н̃ам̣ яаж̇ид̇ваана д̣̇ужжаж̇зхи, суг̇ад̇им̣ саг̇г̇ам̣ г̇амиссаамий’’д̇и.

    Puttehi yaññaṃ yajitvāna duccajehi, sugatiṃ saggaṃ gamissāmī’’ti.

    ат̇а нам̣ бид̇аа ааха –

    Atha naṃ pitā āha –

    1008.

    1008.

    ‘‘д̣̇аанаани д̣̇зхи гон̣д̣ан̃н̃а, ахим̣саа саб̣б̣абхууд̇абхаб̣яаанам̣;

    ‘‘Dānāni dehi koṇḍañña, ahiṃsā sabbabhūtabhabyānaṃ;

    буд̇д̇абаривуд̇о д̇увам̣, радтам̣ ж̇анабад̣̇ан̃жа баалзхий’’д̇и.

    Puttaparivuto tuvaṃ, raṭṭhaṃ janapadañca pālehī’’ti.

    д̇ад̇т̇а буд̇д̇абаривуд̇од̇и буд̇д̇зхи баривуд̇о. радтам̣ ж̇анабад̣̇ан̃жаад̇и сагалагаасирадтан̃жа д̇ассзва д̇ам̣ д̇ам̣ годтаасабхууд̇ам̣ ж̇анабад̣̇ан̃жа.

    Tattha puttaparivutoti puttehi parivuto. Raṭṭhaṃ janapadañcāti sakalakāsiraṭṭhañca tasseva taṃ taṃ koṭṭhāsabhūtaṃ janapadañca.

    соби д̇ам̣ ад̇д̇ано важанам̣ г̇аахаабзд̇ум̣ наасагки. д̇ад̇о жанд̣̇агумааро жинд̇зси ‘‘имасса зд̇д̇агасса ж̇анасса д̣̇угкам̣ мам̣ згам̣ ниссааяа уббаннам̣, мама бид̇арам̣ яаажид̇ваа зд̇д̇агам̣ ж̇анам̣ маран̣ад̣̇угкад̇о можзссаамий’’д̇и. со бид̇араа сад̣̇д̇хим̣ саллабанд̇о ааха –

    Sopi taṃ attano vacanaṃ gāhāpetuṃ nāsakkhi. Tato candakumāro cintesi ‘‘imassa ettakassa janassa dukkhaṃ maṃ ekaṃ nissāya uppannaṃ, mama pitaraṃ yācitvā ettakaṃ janaṃ maraṇadukkhato mocessāmī’’ti. So pitarā saddhiṃ sallapanto āha –

    1009.

    1009.

    ‘‘маа но д̣̇зва авад̇хи, д̣̇аасз но д̣̇зхи кан̣д̣ахааласса;

    ‘‘Mā no deva avadhi, dāse no dehi khaṇḍahālassa;

    аби ниг̇ал̣аб̣анд̇хагааби, хад̇т̇ий ассз жа баалзма.

    Api nigaḷabandhakāpi, hatthī asse ca pālema.

    1010.

    1010.

    ‘‘маа но д̣̇зва авад̇хи, д̣̇аасз но д̣̇зхи кан̣д̣ахааласса;

    ‘‘Mā no deva avadhi, dāse no dehi khaṇḍahālassa;

    аби ниг̇ал̣аб̣анд̇хагааби, хад̇т̇ичаган̣аани уж̇жхзма.

    Api nigaḷabandhakāpi, hatthichakaṇāni ujjhema.

    1011.

    1011.

    ‘‘маа но д̣̇зва авад̇хи, д̣̇аасз но д̣̇зхи кан̣д̣ахааласса;

    ‘‘Mā no deva avadhi, dāse no dehi khaṇḍahālassa;

    аби ниг̇ал̣аб̣анд̇хагааби, ассачаган̣аани уж̇жхзма.

    Api nigaḷabandhakāpi, assachakaṇāni ujjhema.

    1012.

    1012.

    ‘‘маа но д̣̇зва авад̇хи, д̣̇аасз но д̣̇зхи кан̣д̣ахааласса;

    ‘‘Mā no deva avadhi, dāse no dehi khaṇḍahālassa;

    яасса хонд̇и д̇ава гаамаа, аби радтаа баб̣б̣ааж̇ид̇аа;

    Yassa honti tava kāmā, api raṭṭhā pabbājitā;

    бхигкаажарияам̣ жариссаамаа’’д̇и.

    Bhikkhācariyaṃ carissāmā’’ti.

    д̇ад̇т̇а аби ниг̇ал̣аб̣анд̇хагаабийд̇и аби наама маяам̣ махааниг̇ал̣зхи б̣анд̇хагааби худ̇ваа. яасса хонд̇и д̇ава гаамаад̇и сажзби кан̣д̣ахааласса д̣̇аад̇угаамоси, д̇асса но д̣̇аасз гад̇ваа д̣̇зхи, гариссаамасса д̣̇аасагамманд̇и вад̣̇ад̇и. аби радтаад̇и сажз амхаагам̣ гожи д̣̇осо ад̇т̇и, радтаа но баб̣б̣ааж̇зхи. аби наама радтаа баб̣б̣ааж̇ид̇ааби габан̣аа вияа габаалам̣ г̇ахзд̇ваа бхигкаажарияам̣ жариссаама, маа но авад̇хи, д̣̇зхи но ж̇ийвид̇анд̇и вилаби.

    Tattha api nigaḷabandhakāpīti api nāma mayaṃ mahānigaḷehi bandhakāpi hutvā. Yassa honti tava kāmāti sacepi khaṇḍahālassa dātukāmosi, tassa no dāse katvā dehi, karissāmassa dāsakammanti vadati. Api raṭṭhāti sace amhākaṃ koci doso atthi, raṭṭhā no pabbājehi. Api nāma raṭṭhā pabbājitāpi kapaṇā viya kapālaṃ gahetvā bhikkhācariyaṃ carissāma, mā no avadhi, dehi no jīvitanti vilapi.

    д̇асса д̇ам̣ наанаббагаарам̣ вилаабам̣ суд̇ваа рааж̇аа хад̣̇аяапалид̇аббад̇д̇о вияа ассубун̣н̣зхи нзд̇д̇зхи род̣̇амаано ‘‘на мз гожи буд̇д̇з маарзд̇ум̣ лажчад̇и, на мамад̇т̇о д̣̇звалогзнаа’’д̇и саб̣б̣з д̇з можзд̇ум̣ ааха –

    Tassa taṃ nānappakāraṃ vilāpaṃ sutvā rājā hadayaphalitappatto viya assupuṇṇehi nettehi rodamāno ‘‘na me koci putte māretuṃ lacchati, na mamattho devalokenā’’ti sabbe te mocetuṃ āha –

    1013.

    1013.

    ‘‘д̣̇угкам̣ ко мз ж̇анаяат̇а, вилабанд̇аа ж̇ийвид̇асса гаамаа хи;

    ‘‘Dukkhaṃ kho me janayatha, vilapantā jīvitassa kāmā hi;

    мун̃жзт̇а д̣̇аани гумаарз, аламби мз ход̇у буд̇д̇аяан̃н̃знаа’’д̇и.

    Muñcetha dāni kumāre, alampi me hotu puttayaññenā’’ti.

    д̇ам̣ ран̃н̃о гат̇ам̣ суд̇ваа рааж̇абуд̇д̇з аад̣̇им̣ гад̇ваа саб̣б̣ам̣ д̇ам̣ багкибарияосаанам̣ баан̣аг̇ан̣ам̣ виссаж̇ж̇зсум̣. кан̣д̣ахаалоби яан̃н̃ааваадз гаммам̣ сам̣вид̣̇ахад̇и. ат̇а нам̣ зго бурисо ‘‘арз д̣̇удта, кан̣д̣ахаала, ран̃н̃аа буд̇д̇аа виссаж̇ж̇ид̇аа, д̇вам̣ ад̇д̇ано буд̇д̇з маарзд̇ваа д̇зсам̣ г̇алалохид̇зна яан̃н̃ам̣ яаж̇ассуу’’д̇и ааха. со ‘‘гим̣ наама ран̃н̃аа гад̇а’’нд̇и габбудтаанаг̇г̇и вияа авад̇т̇аранд̇о удтааяа д̇урид̇о д̇хаавид̇ваа ааха –

    Taṃ rañño kathaṃ sutvā rājaputte ādiṃ katvā sabbaṃ taṃ pakkhipariyosānaṃ pāṇagaṇaṃ vissajjesuṃ. Khaṇḍahālopi yaññāvāṭe kammaṃ saṃvidahati. Atha naṃ eko puriso ‘‘are duṭṭha, khaṇḍahāla, raññā puttā vissajjitā, tvaṃ attano putte māretvā tesaṃ galalohitena yaññaṃ yajassū’’ti āha. So ‘‘kiṃ nāma raññā kata’’nti kappuṭṭhānaggi viya avattharanto uṭṭhāya turito dhāvitvā āha –

    1014.

    1014.

    ‘‘буб̣б̣зва коси мз вуд̇д̇о, д̣̇уггарам̣ д̣̇урабхисамбхаван̃жзд̇ам̣;

    ‘‘Pubbeva khosi me vutto, dukkaraṃ durabhisambhavañcetaṃ;

    ат̇а но убагкадасса яан̃н̃асса, гасмаа гароси вигкзбам̣.

    Atha no upakkhaṭassa yaññassa, kasmā karosi vikkhepaṃ.

    1015.

    1015.

    ‘‘саб̣б̣з важ̇анд̇и суг̇ад̇им̣, яз яаж̇анд̇и язби яааж̇знд̇и;

    ‘‘Sabbe vajanti sugatiṃ, ye yajanti yepi yājenti;

    яз жааби анумод̣̇анд̇и, яаж̇анд̇аанам̣ зд̣̇исам̣ махааяан̃н̃а’’нд̇и.

    Ye cāpi anumodanti, yajantānaṃ edisaṃ mahāyañña’’nti.

    д̇ад̇т̇а буб̣б̣зваад̇и маяаа д̇вам̣ буб̣б̣зва вуд̇д̇о ‘‘на д̇умхаад̣̇исзна бхийругаж̇аад̇игзна саггаа яан̃н̃ам̣ яаж̇ид̇ум̣, яан̃н̃аяаж̇анам̣ наамзд̇ам̣ д̣̇уггарам̣ д̣̇урабхисамбхава’’нд̇и, ат̇а но ид̣̇аани убагкадасса бадияад̇д̇асса яан̃н̃асса вигкзбам̣ гароси. ‘‘вигкамбха’’нд̇иби баато, бадисзд̇ханд̇и ад̇т̇о. махаарааж̇а, гасмаа звам̣ гароси. яад̇д̇агаа хи яан̃н̃ам̣ яаж̇анд̇и ваа яааж̇знд̇и ваа анумод̣̇анд̇и ваа, саб̣б̣з суг̇ад̇имзва важ̇анд̇ийд̇и д̣̇ассзд̇и.

    Tattha pubbevāti mayā tvaṃ pubbeva vutto ‘‘na tumhādisena bhīrukajātikena sakkā yaññaṃ yajituṃ, yaññayajanaṃ nāmetaṃ dukkaraṃ durabhisambhava’’nti, atha no idāni upakkhaṭassa paṭiyattassa yaññassa vikkhepaṃ karosi. ‘‘Vikkhambha’’ntipi pāṭho, paṭisedhanti attho. Mahārāja, kasmā evaṃ karosi. Yattakā hi yaññaṃ yajanti vā yājenti vā anumodanti vā, sabbe sugatimeva vajantīti dasseti.

    со анд̇хаб̣аало рааж̇аа д̇асса год̇хавасигасса гат̇ам̣ г̇ахзд̇ваа д̇хаммасан̃н̃ий худ̇ваа буна буд̇д̇з г̇ан̣хаабзси. д̇ад̇о жанд̣̇агумааро бид̇арам̣ ануб̣од̇хаяамаано ааха –

    So andhabālo rājā tassa kodhavasikassa kathaṃ gahetvā dhammasaññī hutvā puna putte gaṇhāpesi. Tato candakumāro pitaraṃ anubodhayamāno āha –

    1016.

    1016.

    ‘‘ат̇а гисса ж̇ано буб̣б̣з, сод̇т̇аанам̣ б̣раахман̣з аваажзси;

    ‘‘Atha kissa jano pubbe, sotthānaṃ brāhmaṇe avācesi;

    ат̇а но агааран̣асмаа, яан̃н̃ад̇т̇ааяа д̣̇зва гхаад̇зси.

    Atha no akāraṇasmā, yaññatthāya deva ghātesi.

    1017.

    1017.

    ‘‘буб̣б̣зва но д̣̇ахарагаалз, на ханзси на гхаад̇зси;

    ‘‘Pubbeva no daharakāle, na hanesi na ghātesi;

    д̣̇ахарамхаа яоб̣б̣анам̣ бад̇д̇аа, ад̣̇уусагаа д̇аад̇а хан̃н̃аама.

    Daharamhā yobbanaṃ pattā, adūsakā tāta haññāma.

    1018.

    1018.

    ‘‘хад̇т̇иг̇ад̇з ассаг̇ад̇з, саннад̣̇д̇хз басса но махаарааж̇а;

    ‘‘Hatthigate assagate, sannaddhe passa no mahārāja;

    яуд̣̇д̇хз ваа яуж̇жхамаанз ваа, на хи маад̣̇исаа суураа хонд̇и яан̃н̃ад̇т̇ааяа.

    Yuddhe vā yujjhamāne vā, na hi mādisā sūrā honti yaññatthāya.

    1019.

    1019.

    ‘‘бажжанд̇з вааби губид̇з, адавийсу ваа маад̣̇исз нияож̇знд̇и;

    ‘‘Paccante vāpi kupite, aṭavīsu vā mādise niyojenti;

    ат̇а но агааран̣асмаа, абхуумияам̣ д̇аад̇а хан̃н̃аама.

    Atha no akāraṇasmā, abhūmiyaṃ tāta haññāma.

    1020.

    1020.

    ‘‘яааби хи д̇аа сагун̣ияо, васанд̇и д̇ин̣агхараани гад̇ваана;

    ‘‘Yāpi hi tā sakuṇiyo, vasanti tiṇagharāni katvāna;

    д̇аасамби бияаа буд̇д̇аа, ат̇а но д̇вам̣ д̣̇зва гхаад̇зси.

    Tāsampi piyā puttā, atha no tvaṃ deva ghātesi.

    1021.

    1021.

    ‘‘маа д̇асса сад̣̇д̣̇ахзси, на мам̣ кан̣д̣ахаало гхаад̇зяяа;

    ‘‘Mā tassa saddahesi, na maṃ khaṇḍahālo ghāteyya;

    маман̃хи со гхаад̇зд̇ваана, ананд̇араа д̇амби д̣̇зва гхаад̇зяяа.

    Mamañhi so ghātetvāna, anantarā tampi deva ghāteyya.

    1022.

    1022.

    ‘‘г̇аамаварам̣ ниг̇амаварам̣ д̣̇ад̣̇анд̇и, бхог̇амбисса махаарааж̇а;

    ‘‘Gāmavaraṃ nigamavaraṃ dadanti, bhogampissa mahārāja;

    ат̇аг̇г̇абин̣д̣игааби, гулз гулз хзд̇з бхун̃ж̇анд̇и.

    Athaggapiṇḍikāpi, kule kule hete bhuñjanti.

    1023.

    1023.

    ‘‘д̇зсамби д̇аад̣̇исаанам̣, ижчанд̇и д̣̇уб̣бхид̇ум̣ махаарааж̇а;

    ‘‘Tesampi tādisānaṃ, icchanti dubbhituṃ mahārāja;

    язбхуяязна зд̇з, агад̇ан̃н̃уно б̣раахман̣аа д̣̇зва.

    Yebhuyyena ete, akataññuno brāhmaṇā deva.

    1024.

    1024.

    ‘‘маа но д̣̇зва авад̇хи, д̣̇аасз но д̣̇зхи кан̣д̣ахааласса;

    ‘‘Mā no deva avadhi, dāse no dehi khaṇḍahālassa;

    аби ниг̇ал̣аб̣анд̇хагааби, хад̇т̇ий ассз жа баалзма.

    Api nigaḷabandhakāpi, hatthī asse ca pālema.

    1025.

    1025.

    ‘‘маа но д̣̇зва авад̇хи, д̣̇аасз но д̣̇зхи кан̣д̣ахааласса;

    ‘‘Mā no deva avadhi, dāse no dehi khaṇḍahālassa;

    аби ниг̇ал̣аб̣анд̇хагааби, хад̇т̇ичаган̣аани уж̇жхзма.

    Api nigaḷabandhakāpi, hatthichakaṇāni ujjhema.

    1026.

    1026.

    ‘‘маа но д̣̇зва авад̇хи, д̣̇аасз но д̣̇зхи кан̣д̣ахааласса;

    ‘‘Mā no deva avadhi, dāse no dehi khaṇḍahālassa;

    аби ниг̇ал̣аб̣анд̇хагааби, ассачаган̣аани уж̇жхзма.

    Api nigaḷabandhakāpi, assachakaṇāni ujjhema.

    1027.

    1027.

    ‘‘маа но д̣̇зва авад̇хи, д̣̇аасз но д̣̇зхи кан̣д̣ахааласса;

    ‘‘Mā no deva avadhi, dāse no dehi khaṇḍahālassa;

    яасса хонд̇и д̇ава гаамаа, аби радтаа баб̣б̣ааж̇ид̇аа;

    Yassa honti tava kāmā, api raṭṭhā pabbājitā;

    бхигкаажарияам̣ жариссаамаа’’д̇и.

    Bhikkhācariyaṃ carissāmā’’ti.

    д̇ад̇т̇а буб̣б̣зд̇и д̇аад̇а, яад̣̇и ахам̣ маарзд̇аб̣б̣о, ат̇а гасмаа амхаагам̣ н̃аад̇иж̇ано буб̣б̣з мама ж̇аад̇агаалз б̣раахман̣з сод̇т̇аанам̣ аваажзси. д̇ад̣̇аа гира кан̣д̣ахаалова мама лагкан̣аани убад̇хаарзд̇ваа ‘‘имасса гумаарасса на гожи анд̇арааяо бхависсад̇и, д̇умхаагам̣ ажжаязна раж̇ж̇ам̣ гаарзссад̇ий’’д̇и ааха. ижжасса буримзна бажчимам̣ на самзд̇и, мусааваад̣̇ий зса. ат̇а но зд̇асса важанам̣ г̇ахзд̇ваа агааран̣асмаа ниггааран̣ааязва яан̃н̃ад̇т̇ааяа, д̣̇зва, гхаад̇зси. маа амхз гхаад̇зси. аяан̃хи маяи згасмим̣ взрзна махааж̇анам̣ маарзд̇угаамо, саад̇хугам̣ саллагкзхи наринд̣̇аад̇и. буб̣б̣зва нод̇и махаарааж̇а, сажзби амхз маарзд̇угаамо, буб̣б̣зва но гасмаа саяам̣ ваа на ханзси, ан̃н̃зхи ваа на гхаад̇аабзси. ид̣̇аани бана маяам̣ д̣̇ахарамхаа д̇арун̣аа, батамаваяз тид̇аа буд̇д̇ад̇хийд̇аахи вад̣дхаама, звам̣бхууд̇аа д̇ава ад̣̇уусагаава гим̣гааран̣аа хан̃н̃аамаад̇и?

    Tattha pubbeti tāta, yadi ahaṃ māretabbo, atha kasmā amhākaṃ ñātijano pubbe mama jātakāle brāhmaṇe sotthānaṃ avācesi. Tadā kira khaṇḍahālova mama lakkhaṇāni upadhāretvā ‘‘imassa kumārassa na koci antarāyo bhavissati, tumhākaṃ accayena rajjaṃ kāressatī’’ti āha. Iccassa purimena pacchimaṃ na sameti, musāvādī esa. Atha no etassa vacanaṃ gahetvā akāraṇasmā nikkāraṇāyeva yaññatthāya, deva, ghātesi. Mā amhe ghātesi. Ayañhi mayi ekasmiṃ verena mahājanaṃ māretukāmo, sādhukaṃ sallakkhehi narindāti. Pubbeva noti mahārāja, sacepi amhe māretukāmo, pubbeva no kasmā sayaṃ vā na hanesi, aññehi vā na ghātāpesi. Idāni pana mayaṃ daharamhā taruṇā, paṭhamavaye ṭhitā puttadhītāhi vaḍḍhāma, evaṃbhūtā tava adūsakāva kiṃkāraṇā haññāmāti?

    басса нод̇и амхзва жад̇д̇ааро бхаад̇игз басса. яуж̇жхамаанзд̇и бажжад̇т̇игаанам̣ наг̇арам̣ бариваарзд̇ваа тид̇агаалз амхаад̣̇исз буд̇д̇з д̇зхи сад̣̇д̇хим̣ яуж̇жхамаанз басса. абуд̇д̇агаа хи рааж̇аано анаат̇аа наама хонд̇и. маад̣̇исаад̇и амхаад̣̇исаа суураа б̣алаванд̇о на яан̃н̃ад̇т̇ааяа маарзд̇аб̣б̣аа хонд̇и. нияож̇знд̇ийд̇и д̇зсам̣ бажжаамид̇д̇аанам̣ г̇ан̣ханад̇т̇ааяа баяож̇знд̇и. ат̇а нод̇и ат̇а амхз агааран̣асмаа агааран̣зна абхуумияам̣ аногаасзязва гасмаа, д̇аад̇а, хан̃н̃аамаад̇и ад̇т̇о. маа д̇асса сад̣̇д̣̇ахзсийд̇и махаарааж̇а, на мам̣ кан̣д̣ахаало гхаад̇аяз, маа д̇асса сад̣̇д̣̇ахзяяааси. бхог̇амбиссаад̇и бхог̇амби асса б̣раахман̣асса рааж̇аано д̣̇знд̇и. ат̇аг̇г̇абин̣д̣игаабийд̇и ат̇а д̇з аг̇г̇од̣̇агам̣ аг̇г̇абин̣д̣ам̣ лабханд̇аа аг̇г̇абин̣д̣игааби хонд̇и. д̇зсамбийд̇и язсам̣ гулз бхун̃ж̇анд̇и, д̇зсамби зваруубаанам̣ бин̣д̣ад̣̇ааяагаанам̣ д̣̇уб̣бхид̇ум̣ ижчанд̇и.

    Passa noti amheva cattāro bhātike passa. Yujjhamāneti paccatthikānaṃ nagaraṃ parivāretvā ṭhitakāle amhādise putte tehi saddhiṃ yujjhamāne passa. Aputtakā hi rājāno anāthā nāma honti. Mādisāti amhādisā sūrā balavanto na yaññatthāya māretabbā honti. Niyojentīti tesaṃ paccāmittānaṃ gaṇhanatthāya payojenti. Atha noti atha amhe akāraṇasmā akāraṇena abhūmiyaṃ anokāseyeva kasmā, tāta, haññāmāti attho. Mā tassa saddahesīti mahārāja, na maṃ khaṇḍahālo ghātaye, mā tassa saddaheyyāsi. Bhogampissāti bhogampi assa brāhmaṇassa rājāno denti. Athaggapiṇḍikāpīti atha te aggodakaṃ aggapiṇḍaṃ labhantā aggapiṇḍikāpi honti. Tesampīti yesaṃ kule bhuñjanti, tesampi evarūpānaṃ piṇḍadāyakānaṃ dubbhituṃ icchanti.

    рааж̇аа гумаарасса вилаабам̣ суд̇ваа –

    Rājā kumārassa vilāpaṃ sutvā –

    1028.

    1028.

    ‘‘д̣̇угкам̣ ко мз ж̇анаяат̇а, вилабанд̇аа ж̇ийвид̇асса гаамаа хи;

    ‘‘Dukkhaṃ kho me janayatha, vilapantā jīvitassa kāmā hi;

    мун̃жзт̇а д̣̇аани гумаарз, аламби мз ход̇у буд̇д̇аяан̃н̃знаа’’д̇и. –

    Muñcetha dāni kumāre, alampi me hotu puttayaññenā’’ti. –

    имам̣ г̇аат̇ам̣ вад̇ваа бунаби можзси. кан̣д̣ахаало ааг̇анд̇ваа бунаби –

    Imaṃ gāthaṃ vatvā punapi mocesi. Khaṇḍahālo āgantvā punapi –

    1029.

    1029.

    ‘‘буб̣б̣зва коси мз вуд̇д̇о, д̣̇уггарам̣ д̣̇урабхисамбхаван̃жзд̇ам̣;

    ‘‘Pubbeva khosi me vutto, dukkaraṃ durabhisambhavañcetaṃ;

    ат̇а но убагкадасса яан̃н̃асса, гасмаа гароси вигкзбам̣.

    Atha no upakkhaṭassa yaññassa, kasmā karosi vikkhepaṃ.

    1030.

    1030.

    ‘‘саб̣б̣з важ̇анд̇и суг̇ад̇им̣, яз яаж̇анд̇и язби яааж̇знд̇и;

    ‘‘Sabbe vajanti sugatiṃ, ye yajanti yepi yājenti;

    яз жааби анумод̣̇анд̇и, яаж̇анд̇аанам̣ зд̣̇исам̣ махааяан̃н̃а’’нд̇и. –

    Ye cāpi anumodanti, yajantānaṃ edisaṃ mahāyañña’’nti. –

    звам̣ вад̇ваа буна г̇ан̣хаабзси. ат̇асса анунаяанад̇т̇ам̣ гумааро ааха –

    Evaṃ vatvā puna gaṇhāpesi. Athassa anunayanatthaṃ kumāro āha –

    1031.

    1031.

    ‘‘яад̣̇и гира яаж̇ид̇ваа буд̇д̇зхи, д̣̇звалогам̣ ид̇о жуд̇аа яанд̇и;

    ‘‘Yadi kira yajitvā puttehi, devalokaṃ ito cutā yanti;

    б̣раахман̣о д̇аава яаж̇ад̇у, бажчааби яаж̇аси д̇увам̣ рааж̇а.

    Brāhmaṇo tāva yajatu, pacchāpi yajasi tuvaṃ rāja.

    1032.

    1032.

    ‘‘яад̣̇и гира яаж̇ид̇ваа буд̇д̇зхи, д̣̇звалогам̣ ид̇о жуд̇аа яанд̇и;

    ‘‘Yadi kira yajitvā puttehi, devalokaṃ ito cutā yanti;

    зсвзва кан̣д̣ахаало, яаж̇ад̇ам̣ сагзхи буд̇д̇зхи.

    Esveva khaṇḍahālo, yajataṃ sakehi puttehi.

    1033.

    1033.

    ‘‘звам̣ ж̇аананд̇о кан̣д̣ахаало, гим̣ буд̇д̇агз на гхаад̇зси;

    ‘‘Evaṃ jānanto khaṇḍahālo, kiṃ puttake na ghātesi;

    саб̣б̣ан̃жа н̃аад̇иж̇анам̣, ад̇д̇аанан̃жа на гхаад̇зси.

    Sabbañca ñātijanaṃ, attānañca na ghātesi.

    1034.

    1034.

    ‘‘саб̣б̣з важ̇анд̇и нираяам̣, яз яаж̇анд̇и язби яааж̇знд̇и;

    ‘‘Sabbe vajanti nirayaṃ, ye yajanti yepi yājenti;

    яз жааби анумод̣̇анд̇и, яаж̇анд̇аанам̣ зд̣̇исам̣ махааяан̃н̃ам̣.

    Ye cāpi anumodanti, yajantānaṃ edisaṃ mahāyaññaṃ.

    1035.

    1035.

    ‘‘сажз хи со суж̇жхад̇и яо ханаад̇и, хад̇оби со саг̇г̇амубзд̇и таанам̣;

    ‘‘Sace hi so sujjhati yo hanāti, hatopi so saggamupeti ṭhānaṃ;

    бховаад̣̇и бховаад̣̇ина маараязяяум̣, яз жааби д̇зсам̣ абхисад̣̇д̣̇ахзяяу’’нд̇и.

    Bhovādi bhovādina mārayeyyuṃ, ye cāpi tesaṃ abhisaddaheyyu’’nti.

    д̇ад̇т̇а б̣раахман̣о д̇ааваад̇и батамам̣ д̇аава кан̣д̣ахаало яаж̇ад̇у сагзхи буд̇д̇зхи, ат̇а д̇асмим̣ звам̣ яаж̇ид̇ваа д̣̇звалогам̣ г̇ад̇з бажчаа д̇вам̣ яаж̇иссаси. д̣̇зва, саад̣̇урасабхож̇анамби хи д̇вам̣ ан̃н̃зхи виймам̣саабзд̇ваа бхун̃ж̇аси, буд̇д̇ад̣̇аарамааран̣ам̣язва гасмаа авиймам̣сид̇ваа гаросийд̇и д̣̇ийбзнд̇о звамааха. звам̣ ж̇аананд̇од̇и ‘‘буд̇д̇ад̇хийд̇аро маарзд̇ваа д̣̇звалогам̣ г̇ажчад̇ий’’д̇и звам̣ ж̇аананд̇о гим̣гааран̣аа ад̇д̇ано буд̇д̇з жа н̃аад̇ий жа ад̇д̇аанан̃жа на гхаад̇зси. сажз хи барам̣ маарзд̇ваа д̣̇звалогам̣ г̇ажчанд̇и, ад̇д̇аанам̣ маарзд̇ваа б̣рахмалогам̣ г̇анд̇аб̣б̣о бхависсад̇и. звам̣ яан̃н̃аг̇ун̣ам̣ ж̇аананд̇зна барам̣ амаарзд̇ваа ад̇д̇аава маарзд̇аб̣б̣о сияаа. аяам̣ бана д̇ат̇аа агад̇ваа мам̣ маараабзд̇и. иминааби гааран̣зна ж̇аанаахи, махаарааж̇а ‘‘яат̇аа зса винижчаяз вилобам̣ гаад̇ум̣ алабханд̇о звам̣ гарод̇ий’’д̇и. зд̣̇исанд̇и зваруубам̣ буд̇д̇агхаад̇аяан̃н̃ам̣.

    Tattha brāhmaṇo tāvāti paṭhamaṃ tāva khaṇḍahālo yajatu sakehi puttehi, atha tasmiṃ evaṃ yajitvā devalokaṃ gate pacchā tvaṃ yajissasi. Deva, sādurasabhojanampi hi tvaṃ aññehi vīmaṃsāpetvā bhuñjasi, puttadāramāraṇaṃyeva kasmā avīmaṃsitvā karosīti dīpento evamāha. Evaṃ jānantoti ‘‘puttadhītaro māretvā devalokaṃ gacchatī’’ti evaṃ jānanto kiṃkāraṇā attano putte ca ñātī ca attānañca na ghātesi. Sace hi paraṃ māretvā devalokaṃ gacchanti, attānaṃ māretvā brahmalokaṃ gantabbo bhavissati. Evaṃ yaññaguṇaṃ jānantena paraṃ amāretvā attāva māretabbo siyā. Ayaṃ pana tathā akatvā maṃ mārāpeti. Imināpi kāraṇena jānāhi, mahārāja ‘‘yathā esa vinicchaye vilopaṃ kātuṃ alabhanto evaṃ karotī’’ti. Edisanti evarūpaṃ puttaghātayaññaṃ.

    гумааро зд̇д̇агам̣ гат̇знд̇оби бид̇арам̣ ад̇д̇ано важанам̣ г̇аахаабзд̇ум̣ асаггонд̇о рааж̇аанам̣ бариваарзд̇ваа тид̇ам̣ барисам̣ аараб̣бха ааха –

    Kumāro ettakaṃ kathentopi pitaraṃ attano vacanaṃ gāhāpetuṃ asakkonto rājānaṃ parivāretvā ṭhitaṃ parisaṃ ārabbha āha –

    1036.

    1036.

    ‘‘гат̇ан̃жа гира буд̇д̇агаамааяо, г̇ахабад̇аяо гхаран̣ияо жа;

    ‘‘Kathañca kira puttakāmāyo, gahapatayo gharaṇiyo ca;

    наг̇арамхи на убараванд̇и рааж̇аанам̣, маа гхаад̇аяи орасам̣ буд̇д̇ам̣.

    Nagaramhi na uparavanti rājānaṃ, mā ghātayi orasaṃ puttaṃ.

    1037.

    1037.

    ‘‘гат̇ан̃жа гира буд̇д̇агаамааяо, г̇ахабад̇аяо гхаран̣ияо жа;

    ‘‘Kathañca kira puttakāmāyo, gahapatayo gharaṇiyo ca;

    наг̇арамхи на убараванд̇и рааж̇аанам̣, маа гхаад̇аяи ад̇раж̇ам̣ буд̇д̇ам̣.

    Nagaramhi na uparavanti rājānaṃ, mā ghātayi atrajaṃ puttaṃ.

    1038.

    1038.

    ‘‘ран̃н̃о жамхи ад̇т̇агаамо, хид̇о жа саб̣б̣аж̇анабад̣̇асса;

    ‘‘Rañño camhi atthakāmo, hito ca sabbajanapadassa;

    на гожи асса бадигхам̣, маяаа ж̇аанабад̣̇о на бавзд̣̇зд̇ий’’д̇и.

    Na koci assa paṭighaṃ, mayā jānapado na pavedetī’’ti.

    д̇ад̇т̇а буд̇д̇агаамааяод̇и гхаран̣ияо санд̇хааяа вуд̇д̇ам̣. г̇ахабад̇аяо бана буд̇д̇агаамаа наама хонд̇и. на убараванд̇ийд̇и на убаггосанд̇и на вад̣̇анд̇и. ад̇раж̇анд̇и ад̇д̇ад̇о ж̇аад̇ам̣. звам̣ вуд̇д̇зби гожи ран̃н̃аа сад̣̇д̇хим̣ гат̇зд̇ум̣ самад̇т̇о наама наахоси. на гожи асса бадигхам̣ маяаад̇и иминаа но лан̃ж̇о ваа г̇ахид̇о, иссарияамад̣̇зна ваа ид̣̇ам̣ наама д̣̇угкам̣ гад̇анд̇и гожи згоби маяаа сад̣̇д̇хим̣ бадигхам̣ гад̇д̇аа наама наахоси. ж̇аанабад̣̇о на бавзд̣̇зд̇ийд̇и звам̣ ран̃н̃о жа ж̇анабад̣̇асса жа ад̇т̇агаамасса мама бид̇арам̣ аяам̣ ж̇аанабад̣̇о ‘‘г̇ун̣асамбанно д̇з буд̇д̇о’’д̇и на бавзд̣̇зд̇и, на ж̇аанаабзд̇ийд̇и ад̇т̇о.

    Tattha puttakāmāyoti gharaṇiyo sandhāya vuttaṃ. Gahapatayo pana puttakāmā nāma honti. Na uparavantīti na upakkosanti na vadanti. Atrajanti attato jātaṃ. Evaṃ vuttepi koci raññā saddhiṃ kathetuṃ samattho nāma nāhosi. Na koci assa paṭighaṃ mayāti iminā no lañjo vā gahito, issariyamadena vā idaṃ nāma dukkhaṃ katanti koci ekopi mayā saddhiṃ paṭighaṃ kattā nāma nāhosi. Jānapado na pavedetīti evaṃ rañño ca janapadassa ca atthakāmassa mama pitaraṃ ayaṃ jānapado ‘‘guṇasampanno te putto’’ti na pavedeti, na jānāpetīti attho.

    звам̣ вуд̇д̇зби гожи гин̃жи на гат̇зси. д̇ад̇о жанд̣̇агумааро ад̇д̇ано бхарияааяо д̇ам̣ яаажанад̇т̇ааяа уяяож̇знд̇о ааха –

    Evaṃ vuttepi koci kiñci na kathesi. Tato candakumāro attano bhariyāyo taṃ yācanatthāya uyyojento āha –

    1039.

    1039.

    ‘‘г̇ажчат̇а во гхаран̣ияо, д̇аад̇ан̃жа вад̣̇зт̇а кан̣д̣ахаалан̃жа;

    ‘‘Gacchatha vo gharaṇiyo, tātañca vadetha khaṇḍahālañca;

    маа гхаад̇зт̇а гумаарз, ад̣̇уусагз сийхасан̇гаасз.

    Mā ghātetha kumāre, adūsake sīhasaṅkāse.

    1040.

    1040.

    ‘‘г̇ажчат̇а во гхаран̣ияо, д̇аад̇ан̃жа вад̣̇зт̇а кан̣д̣ахаалан̃жа;

    ‘‘Gacchatha vo gharaṇiyo, tātañca vadetha khaṇḍahālañca;

    маа гхаад̇зт̇а гумаарз, абзгкид̇з саб̣б̣алогассаа’’д̇и.

    Mā ghātetha kumāre, apekkhite sabbalokassā’’ti.

    д̇аа г̇анд̇ваа яаажим̣су. д̇ааби рааж̇аа на ологзси. д̇ад̇о гумааро анаат̇о худ̇ваа вилабанд̇о –

    Tā gantvā yāciṃsu. Tāpi rājā na olokesi. Tato kumāro anātho hutvā vilapanto –

    1041.

    1041.

    ‘‘яам̣нуунаахам̣ ж̇ааязяяам̣, рат̇агаарагулзсу ваа,

    ‘‘Yaṃnūnāhaṃ jāyeyyaṃ, rathakārakulesu vā,

    буггусагулзсу ваа взссзсу ваа ж̇ааязяяам̣,

    Pukkusakulesu vā vessesu vā jāyeyyaṃ,

    на хаж̇ж̇а мам̣ рааж̇а яан̃н̃з гхаад̇зяяаа’’д̇и. –

    Na hajja maṃ rāja yaññe ghāteyyā’’ti. –

    вад̇ваа буна д̇аа бхарияааяо уяяож̇знд̇о ааха –

    Vatvā puna tā bhariyāyo uyyojento āha –

    1042.

    1042.

    ‘‘саб̣б̣аа сийманд̇инияо г̇ажчат̇а, аяяасса кан̣д̣ахааласса;

    ‘‘Sabbā sīmantiniyo gacchatha, ayyassa khaṇḍahālassa;

    баад̣̇зсу нибад̇ат̇а, абараад̇хаахам̣ на бассаами.

    Pādesu nipatatha, aparādhāhaṃ na passāmi.

    1043.

    1043.

    ‘‘саб̣б̣аа сийманд̇инияо г̇ажчат̇а, аяяасса кан̣д̣ахааласса;

    ‘‘Sabbā sīmantiniyo gacchatha, ayyassa khaṇḍahālassa;

    баад̣̇зсу нибад̇ат̇а, гинд̇з бханд̇з маяам̣ ад̣̇уусзмаа’’д̇и.

    Pādesu nipatatha, kinte bhante mayaṃ adūsemā’’ti.

    д̇ад̇т̇а абараад̇хаахам̣ на бассаамийд̇и ахам̣ аажарияакан̣д̣ахаалз ад̇д̇ано абараад̇хам̣ на бассаами. гинд̇з бханд̇зд̇и аяяа кан̣д̣ахаала, маяам̣ д̇уяхам̣ гим̣ д̣̇уусаяимхаа, ат̇а жанд̣̇агумаарасса д̣̇осо ад̇т̇и, д̇ам̣ камат̇аад̇и вад̣̇зт̇аад̇и.

    Tattha aparādhāhaṃ na passāmīti ahaṃ ācariyakhaṇḍahāle attano aparādhaṃ na passāmi. Kinte bhanteti ayya khaṇḍahāla, mayaṃ tuyhaṃ kiṃ dūsayimhā, atha candakumārassa doso atthi, taṃ khamathāti vadethāti.

    ат̇а жанд̣̇агумаарасса ганидтабхаг̇иний сзлагумаарий наама согам̣ санд̇хаарзд̇ум̣ асаггонд̇ий бид̇у баад̣̇амуулз бад̇ид̇ваа барид̣̇зви. д̇амад̇т̇ам̣ багаасзнд̇о сад̇т̇аа ааха –

    Atha candakumārassa kaniṭṭhabhaginī selakumārī nāma sokaṃ sandhāretuṃ asakkontī pitu pādamūle patitvā paridevi. Tamatthaṃ pakāsento satthā āha –

    1044.

    1044.

    ‘‘габан̣аа вилабад̇и сзлаа, д̣̇исваана бхаад̇арз убанийд̇ад̇д̇з;

    ‘‘Kapaṇā vilapati selā, disvāna bhātare upanītatte;

    яан̃н̃о гира мз угкибид̇о, д̇аад̇зна саг̇г̇агаамзнаа’’д̇и.

    Yañño kira me ukkhipito, tātena saggakāmenā’’ti.

    д̇ад̇т̇а убанийд̇ад̇д̇зд̇и убанийд̇асабхаавз. угкибид̇од̇и угкид̇д̇о. саг̇г̇агаамзнод̇и мама бхаад̇аро маарзд̇ваа саг̇г̇ам̣ ижчанд̇зна. д̇аад̇а, имз маарзд̇ваа гим̣ саг̇г̇зна гариссасийд̇и вилабад̇и.

    Tattha upanītatteti upanītasabhāve. Ukkhipitoti ukkhitto. Saggakāmenoti mama bhātaro māretvā saggaṃ icchantena. Tāta, ime māretvā kiṃ saggena karissasīti vilapati.

    рааж̇аа д̇ассааби гат̇ам̣ на г̇ан̣хи. д̇ад̇о жанд̣̇агумаарасса буд̇д̇о васуло наама бид̇арам̣ д̣̇угкид̇ам̣ д̣̇исваа ‘‘ахам̣ аяяагам̣ яаажид̇ваа мама бид̇у ж̇ийвид̇ам̣ д̣̇аабзссаамий’’д̇и ран̃н̃о баад̣̇амуулз барид̣̇зви. д̇амад̇т̇ам̣ багаасзнд̇о сад̇т̇аа ааха –

    Rājā tassāpi kathaṃ na gaṇhi. Tato candakumārassa putto vasulo nāma pitaraṃ dukkhitaṃ disvā ‘‘ahaṃ ayyakaṃ yācitvā mama pitu jīvitaṃ dāpessāmī’’ti rañño pādamūle paridevi. Tamatthaṃ pakāsento satthā āha –

    1045.

    1045.

    ‘‘аавад̇д̇и баривад̇д̇и жа, васуло саммукаа ран̃н̃о;

    ‘‘Āvatti parivatti ca, vasulo sammukhā rañño;

    маа но бид̇арам̣ авад̇хи, д̣̇ахарамхааяоб̣б̣анам̣ бад̇д̇аа’’д̇и.

    Mā no pitaraṃ avadhi, daharamhāyobbanaṃ pattā’’ti.

    д̇ад̇т̇а д̣̇ахарамхааяоб̣б̣анам̣ бад̇д̇аад̇и д̣̇зва, маяам̣ д̇арун̣ад̣̇аарагаа, на д̇аава яоб̣б̣анаббад̇д̇аа, амхзсуби д̇аава анугамбааяа амхаагам̣ бид̇арам̣ маа авад̇хийд̇и.

    Tattha daharamhāyobbanaṃ pattāti deva, mayaṃ taruṇadārakā, na tāva yobbanappattā, amhesupi tāva anukampāya amhākaṃ pitaraṃ mā avadhīti.

    рааж̇аа д̇асса барид̣̇звид̇ам̣ суд̇ваа бхиж̇ж̇амаанахад̣̇аяо вияа худ̇ваа ассубун̣н̣зхи нзд̇д̇зхи гумаарам̣ аалин̇г̇ид̇ваа ‘‘д̇аад̇а, ассаасам̣ бадилабха, виссаж̇ж̇зми д̇з бид̇ара’’нд̇и вад̇ваа г̇аат̇амааха –

    Rājā tassa paridevitaṃ sutvā bhijjamānahadayo viya hutvā assupuṇṇehi nettehi kumāraṃ āliṅgitvā ‘‘tāta, assāsaṃ paṭilabha, vissajjemi te pitara’’nti vatvā gāthamāha –

    1046.

    1046.

    ‘‘зсо д̇з васула бид̇аа, самзхи бид̇араа саха;

    ‘‘Eso te vasula pitā, samehi pitarā saha;

    д̣̇угкам̣ ко мз ж̇анаяаси, вилабанд̇о анд̇збурасмим̣;

    Dukkhaṃ kho me janayasi, vilapanto antepurasmiṃ;

    мун̃жзт̇а д̣̇аани гумаарз, аламби мз ход̇у буд̇д̇аяан̃н̃знаа’’д̇и.

    Muñcetha dāni kumāre, alampi me hotu puttayaññenā’’ti.

    д̇ад̇т̇а анд̇збурасминд̇и рааж̇анивзсанасса анд̇арз.

    Tattha antepurasminti rājanivesanassa antare.

    буна кан̣д̣ахаало ааг̇анд̇ваа ааха –

    Puna khaṇḍahālo āgantvā āha –

    1047.

    1047.

    ‘‘буб̣б̣зва коси мз вуд̇д̇о, д̣̇уггарам̣ д̣̇урабхисамбхаван̃жзд̇ам̣;

    ‘‘Pubbeva khosi me vutto, dukkaraṃ durabhisambhavañcetaṃ;

    ат̇а но убагкадасса яан̃н̃асса, гасмаа гароси вигкзбам̣.

    Atha no upakkhaṭassa yaññassa, kasmā karosi vikkhepaṃ.

    1048.

    1048.

    ‘‘саб̣б̣з важ̇анд̇и суг̇ад̇им̣, яз яаж̇анд̇и язби яааж̇знд̇и;

    ‘‘Sabbe vajanti sugatiṃ, ye yajanti yepi yājenti;

    яз жааби анумод̣̇анд̇и, яаж̇анд̇аанам̣ зд̣̇исам̣ махааяан̃н̃а’’нд̇и.

    Ye cāpi anumodanti, yajantānaṃ edisaṃ mahāyañña’’nti.

    рааж̇аа бана анд̇хаб̣аало буна д̇асса важанзна буд̇д̇з г̇ан̣хаабзси. д̇ад̇о кан̣д̣ахаало жинд̇зси – ‘‘аяам̣ рааж̇аа муд̣̇ужид̇д̇о гаалзна г̇ан̣хаабзд̇и, гаалзна виссаж̇ж̇зд̇и, бунаби д̣̇аарагаанам̣ важанзна буд̇д̇з виссаж̇ж̇зяяа, яан̃н̃ааваадан̃н̃зва нам̣ нзмий’’д̇и. ат̇асса д̇ад̇т̇а г̇аманад̇т̇ааяа г̇аат̇амааха –

    Rājā pana andhabālo puna tassa vacanena putte gaṇhāpesi. Tato khaṇḍahālo cintesi – ‘‘ayaṃ rājā muducitto kālena gaṇhāpeti, kālena vissajjeti, punapi dārakānaṃ vacanena putte vissajjeyya, yaññāvāṭaññeva naṃ nemī’’ti. Athassa tattha gamanatthāya gāthamāha –

    1049.

    1049.

    ‘‘саб̣б̣арад̇анасса яан̃н̃о убагкадо, згарааж̇а д̇ава бадияад̇д̇о;

    ‘‘Sabbaratanassa yañño upakkhaṭo, ekarāja tava paṭiyatto;

    абхинигкамассу д̣̇зва, саг̇г̇ам̣ г̇ад̇о д̇вам̣ бамод̣̇иссасий’’д̇и.

    Abhinikkhamassu deva, saggaṃ gato tvaṃ pamodissasī’’ti.

    д̇ассад̇т̇о – махаарааж̇а, д̇ава яан̃н̃о саб̣б̣арад̇анзхи убагкадо бадияад̇д̇о, ид̣̇аани д̇з абхинигкаманагаало, д̇асмаа абхинигкама, яан̃н̃ам̣ яаж̇ид̇ваа саг̇г̇ам̣ г̇ад̇о бамод̣̇иссасийд̇и.

    Tassattho – mahārāja, tava yañño sabbaratanehi upakkhaṭo paṭiyatto, idāni te abhinikkhamanakālo, tasmā abhinikkhama, yaññaṃ yajitvā saggaṃ gato pamodissasīti.

    д̇ад̇о б̣од̇хисад̇д̇ам̣ аад̣̇ааяа яан̃н̃ааваадаг̇аманагаалз д̇асса ород̇хаа згад̇ова нигкамим̣су. д̇амад̇т̇ам̣ багаасзнд̇о сад̇т̇аа ааха –

    Tato bodhisattaṃ ādāya yaññāvāṭagamanakāle tassa orodhā ekatova nikkhamiṃsu. Tamatthaṃ pakāsento satthā āha –

    1050.

    1050.

    ‘‘д̣̇ахараа сад̇д̇асад̇аа зд̇аа, жанд̣̇агумаарасса бхарияааяо;

    ‘‘Daharā sattasatā etā, candakumārassa bhariyāyo;

    гзсз багирид̇ваана, род̣̇анд̇ияо маг̇г̇амануяааяим̣су.

    Kese pakiritvāna, rodantiyo maggamanuyāyiṃsu.

    1051.

    1051.

    ‘‘абараа бана согзна, нигканд̇аа нанд̣̇анз вияа д̣̇зваа;

    ‘‘Aparā pana sokena, nikkhantā nandane viya devā;

    гзсз багирид̇ваана, род̣̇анд̇ияо маг̇г̇амануяааяису’’нд̇и.

    Kese pakiritvāna, rodantiyo maggamanuyāyisu’’nti.

    д̇ад̇т̇а нанд̣̇анз вияа д̣̇зваад̇и нанд̣̇анаванз жаванад̣̇звабуд̇д̇ам̣ бариваарзд̇ваа нигканд̇ад̣̇звад̇аа вияа г̇ад̇аа.

    Tattha nandane viya devāti nandanavane cavanadevaputtaṃ parivāretvā nikkhantadevatā viya gatā.

    ид̇о барам̣ д̇аасам̣ вилаабаг̇аат̇аа хонд̇и –

    Ito paraṃ tāsaṃ vilāpagāthā honti –

    1052.

    1052.

    ‘‘гаасигасуживад̇т̇ад̇хараа, гун̣д̣алино аг̇алужанд̣̇анавилид̇д̇аа;

    ‘‘Kāsikasucivatthadharā, kuṇḍalino agalucandanavilittā;

    нийяанд̇и жанд̣̇асуурияаа, яан̃н̃ад̇т̇ааяа згарааж̇асса.

    Nīyanti candasūriyā, yaññatthāya ekarājassa.

    1053.

    1053.

    ‘‘гаасигасуживад̇т̇ад̇хараа, гун̣д̣алино аг̇алужанд̣̇анавилид̇д̇аа;

    ‘‘Kāsikasucivatthadharā, kuṇḍalino agalucandanavilittā;

    нийяанд̇и жанд̣̇асуурияаа, маад̇у гад̇ваа хад̣̇аяасогам̣.

    Nīyanti candasūriyā, mātu katvā hadayasokaṃ.

    1054.

    1054.

    ‘‘гаасигасуживад̇т̇ад̇хараа, гун̣д̣алино аг̇алужанд̣̇анавилид̇д̇аа;

    ‘‘Kāsikasucivatthadharā, kuṇḍalino agalucandanavilittā;

    нийяанд̇и жанд̣̇асуурияаа, ж̇анасса гад̇ваа хад̣̇аяасогам̣.

    Nīyanti candasūriyā, janassa katvā hadayasokaṃ.

    1055.

    1055.

    ‘‘мам̣сарасабхож̇анаа нхаабагасунхаабид̇аа, гун̣д̣алино аг̇алужанд̣̇анавилид̇д̇аа;

    ‘‘Maṃsarasabhojanā nhāpakasunhāpitā, kuṇḍalino agalucandanavilittā;

    нийяанд̇и жанд̣̇асуурияаа, яан̃н̃ад̇т̇ааяа згарааж̇асса.

    Nīyanti candasūriyā, yaññatthāya ekarājassa.

    1056.

    1056.

    ‘‘мам̣сарасабхож̇анаа нхаабагасунхаабид̇аа, гун̣д̣алино аг̇алужанд̣̇анавилид̇д̇аа;

    ‘‘Maṃsarasabhojanā nhāpakasunhāpitā, kuṇḍalino agalucandanavilittā;

    нийяанд̇и жанд̣̇асуурияаа, маад̇у гад̇ваа хад̣̇аяасогам̣.

    Nīyanti candasūriyā, mātu katvā hadayasokaṃ.

    1057.

    1057.

    ‘‘мам̣сарасабхож̇анаа нхаабагасунхаабид̇аа, гун̣д̣алино аг̇алужанд̣̇анавилид̇д̇аа;

    ‘‘Maṃsarasabhojanā nhāpakasunhāpitā, kuṇḍalino agalucandanavilittā;

    нийяанд̇и жанд̣̇асуурияаа, ж̇анасса гад̇ваа хад̣̇аяасогам̣.

    Nīyanti candasūriyā, janassa katvā hadayasokaṃ.

    1058.

    1058.

    ‘‘яассу буб̣б̣з хад̇т̇иварад̇хураг̇ад̇з, хад̇т̇ийхи ануваж̇анд̇и;

    ‘‘Yassu pubbe hatthivaradhuragate, hatthīhi anuvajanti;

    д̇яаж̇ж̇а жанд̣̇асуурияаа, убхова бад̇д̇игаа яанд̇и.

    Tyajja candasūriyā, ubhova pattikā yanti.

    1059.

    1059.

    ‘‘яассу буб̣б̣з ассаварад̇хураг̇ад̇з, ассзхи ануваж̇анд̇и;

    ‘‘Yassu pubbe assavaradhuragate, assehi anuvajanti;

    д̇яаж̇ж̇а жанд̣̇асуурияаа, убхова бад̇д̇игаа яанд̇и.

    Tyajja candasūriyā, ubhova pattikā yanti.

    1060.

    1060.

    ‘‘яассу буб̣б̣з рат̇аварад̇хураг̇ад̇з, рат̇зхи ануваж̇анд̇и;

    ‘‘Yassu pubbe rathavaradhuragate, rathehi anuvajanti;

    д̇яаж̇ж̇а жанд̣̇асуурияаа, убхова бад̇д̇игаа яанд̇и.

    Tyajja candasūriyā, ubhova pattikā yanti.

    1061.

    1061.

    ‘‘язхиссу буб̣б̣з нияяам̣су, д̇абанийяагаббанзхи д̇уран̇г̇зхи;

    ‘‘Yehissu pubbe niyyaṃsu, tapanīyakappanehi turaṅgehi;

    д̇яаж̇ж̇а жанд̣̇асуурияаа, убхова бад̇д̇игаа яанд̇ий’’д̇и.

    Tyajja candasūriyā, ubhova pattikā yantī’’ti.

    д̇ад̇т̇а гаасигасуживад̇т̇ад̇хараад̇и гаасигаани суживад̇т̇аани д̇хаараяамаанаа. жанд̣̇асуурияаад̇и жанд̣̇агумааро жа суурияагумааро жа. нхаабагасунхаабид̇аад̇и жанд̣̇анажун̣н̣зна уб̣б̣аддзд̇ваа нхаабагзхи гад̇абаригаммад̇ааяа сунхаабид̇аа. яассууд̇и яз ассу. ассууд̇и нибаад̇амад̇д̇ам̣, яз гумаарзд̇и ад̇т̇о. буб̣б̣зд̇и ид̇о буб̣б̣з. хад̇т̇иварад̇хураг̇ад̇зд̇и хад̇т̇ивараанам̣ д̇хураг̇ад̇з, алан̇гад̇ахад̇т̇игканд̇хавараг̇ад̇зд̇и ад̇т̇о. ассаварад̇хураг̇ад̇зд̇и ассаварабидтиг̇ад̇з. рат̇аварад̇хураг̇ад̇зд̇и рат̇аварамаж̇жхаг̇ад̇з. нияяам̣сууд̇и нигкамим̣су.

    Tattha kāsikasucivatthadharāti kāsikāni sucivatthāni dhārayamānā. Candasūriyāti candakumāro ca sūriyakumāro ca. Nhāpakasunhāpitāti candanacuṇṇena ubbaṭṭetvā nhāpakehi kataparikammatāya sunhāpitā. Yassūti ye assu. Assūti nipātamattaṃ, ye kumāreti attho. Pubbeti ito pubbe. Hatthivaradhuragateti hatthivarānaṃ dhuragate, alaṅkatahatthikkhandhavaragateti attho. Assavaradhuragateti assavarapiṭṭhigate. Rathavaradhuragateti rathavaramajjhagate. Niyyaṃsūti nikkhamiṃsu.

    звам̣ д̇аасу барид̣̇званд̇ийсуязва б̣од̇хисад̇д̇ам̣ наг̇араа нийхарим̣су. сагаланаг̇арам̣ сан̇кубхид̇ваа нигкамид̇ум̣ аарабхи. махааж̇анз нигканд̇з д̣̇ваараани наббахонд̇и. б̣раахман̣о ад̇иб̣ахум̣ ж̇анам̣ д̣̇исваа ‘‘го ж̇аанаад̇и, гим̣ бхависсад̇ий’’д̇и наг̇арад̣̇ваараани т̇агаабзси. махааж̇ано нигкамид̇ум̣ алабханд̇о наг̇арад̣̇ваарасса аасаннадтаанз уяяаанам̣ ад̇т̇и, д̇асса санд̇игз махаавиравам̣ рави. д̇зна равзна сагун̣асан̇гхо сан̇кубхид̇о аагаасам̣ багканд̣̇и. махааж̇ано д̇ам̣ д̇ам̣ сагун̣им̣ ааманд̇зд̇ваа вилабанд̇о ааха –

    Evaṃ tāsu paridevantīsuyeva bodhisattaṃ nagarā nīhariṃsu. Sakalanagaraṃ saṅkhubhitvā nikkhamituṃ ārabhi. Mahājane nikkhante dvārāni nappahonti. Brāhmaṇo atibahuṃ janaṃ disvā ‘‘ko jānāti, kiṃ bhavissatī’’ti nagaradvārāni thakāpesi. Mahājano nikkhamituṃ alabhanto nagaradvārassa āsannaṭṭhāne uyyānaṃ atthi, tassa santike mahāviravaṃ ravi. Tena ravena sakuṇasaṅgho saṅkhubhito ākāsaṃ pakkhandi. Mahājano taṃ taṃ sakuṇiṃ āmantetvā vilapanto āha –

    1062.

    1062.

    ‘‘яад̣̇и сагун̣и мам̣самижчаси, д̣аяассу буб̣б̣зна бубпавад̇ияаа;

    ‘‘Yadi sakuṇi maṃsamicchasi, ḍayassu pubbena pupphavatiyā;

    яаж̇ад̇зд̇т̇а згарааж̇аа, саммуул̣хо жад̇уухи буд̇д̇зхи.

    Yajatettha ekarājā, sammūḷho catūhi puttehi.

    1063.

    1063.

    ‘‘яад̣̇и сагун̣и мам̣самижчаси, д̣аяассу буб̣б̣зна бубпавад̇ияаа;

    ‘‘Yadi sakuṇi maṃsamicchasi, ḍayassu pubbena pupphavatiyā;

    яаж̇ад̇зд̇т̇а згарааж̇аа, саммуул̣хо жад̇уухи ган̃н̃аахи.

    Yajatettha ekarājā, sammūḷho catūhi kaññāhi.

    1064.

    1064.

    ‘‘яад̣̇и сагун̣и мам̣самижчаси, д̣аяассу буб̣б̣зна бубпавад̇ияаа;

    ‘‘Yadi sakuṇi maṃsamicchasi, ḍayassu pubbena pupphavatiyā;

    яаж̇ад̇зд̇т̇а згарааж̇аа, саммуул̣хо жад̇уухи махзсийд̇и.

    Yajatettha ekarājā, sammūḷho catūhi mahesīti.

    1065.

    1065.

    ‘‘яад̣̇и сагун̣и мам̣самижчаси, д̣аяассу буб̣б̣зна бубпавад̇ияаа;

    ‘‘Yadi sakuṇi maṃsamicchasi, ḍayassu pubbena pupphavatiyā;

    яаж̇ад̇зд̇т̇а згарааж̇аа, саммуул̣хо жад̇уухи г̇ахабад̇ийхи.

    Yajatettha ekarājā, sammūḷho catūhi gahapatīhi.

    1066.

    1066.

    ‘‘яад̣̇и сагун̣и мам̣самижчаси, д̣аяассу буб̣б̣зна бубпавад̇ияаа;

    ‘‘Yadi sakuṇi maṃsamicchasi, ḍayassu pubbena pupphavatiyā;

    яаж̇ад̇зд̇т̇а згарааж̇аа, саммуул̣хо жад̇уухи хад̇т̇ийхи.

    Yajatettha ekarājā, sammūḷho catūhi hatthīhi.

    1067.

    1067.

    ‘‘яад̣̇и сагун̣и мам̣самижчаси, д̣аяассу буб̣б̣зна бубпавад̇ияаа;

    ‘‘Yadi sakuṇi maṃsamicchasi, ḍayassu pubbena pupphavatiyā;

    яаж̇ад̇зд̇т̇а згарааж̇аа, саммуул̣хо жад̇уухи ассзхи.

    Yajatettha ekarājā, sammūḷho catūhi assehi.

    1068.

    1068.

    ‘‘яад̣̇и сагун̣и мам̣самижчаси, д̣аяассу буб̣б̣зна бубпавад̇ияаа;

    ‘‘Yadi sakuṇi maṃsamicchasi, ḍayassu pubbena pupphavatiyā;

    яаж̇ад̇зд̇т̇а згарааж̇аа, саммуул̣хо жад̇уухи усабхзхи.

    Yajatettha ekarājā, sammūḷho catūhi usabhehi.

    1069.

    1069.

    ‘‘яад̣̇и сагун̣и мам̣самижчаси, д̣аяассу буб̣б̣зна бубпавад̇ияаа;

    ‘‘Yadi sakuṇi maṃsamicchasi, ḍayassu pubbena pupphavatiyā;

    яаж̇ад̇зд̇т̇а згарааж̇аа, саммуул̣хо саб̣б̣ажад̇уггзнаа’’д̇и.

    Yajatettha ekarājā, sammūḷho sabbacatukkenā’’ti.

    д̇ад̇т̇а мам̣самижчасийд̇и амбхо сагун̣и, сажз мам̣сам̣ ижчаси, бубпавад̇ияаа буб̣б̣зна бурад̇т̇имад̣̇исааяам̣ яан̃н̃ааваадо ад̇т̇и, д̇ад̇т̇а г̇ажча. яаж̇ад̇зд̇т̇аад̇и зд̇т̇а кан̣д̣ахааласса важанам̣ г̇ахзд̇ваа саммуул̣хо згарааж̇аа жад̇уухи буд̇д̇зхи яан̃н̃ам̣ яаж̇ад̇и. сзсаг̇аат̇аасуби зсзва наяо.

    Tattha maṃsamicchasīti ambho sakuṇi, sace maṃsaṃ icchasi, pupphavatiyā pubbena puratthimadisāyaṃ yaññāvāṭo atthi, tattha gaccha. Yajatetthāti ettha khaṇḍahālassa vacanaṃ gahetvā sammūḷho ekarājā catūhi puttehi yaññaṃ yajati. Sesagāthāsupi eseva nayo.

    звам̣ махааж̇ано д̇асмим̣ таанз барид̣̇звид̇ваа б̣од̇хисад̇д̇асса васанадтаанам̣ г̇анд̇ваа баасаад̣̇ам̣ бад̣̇агкин̣ам̣ гаронд̇о анд̇збурз гуудааг̇аарауяяаанаад̣̇ийни бассанд̇о г̇аат̇аахи барид̣̇зви –

    Evaṃ mahājano tasmiṃ ṭhāne paridevitvā bodhisattassa vasanaṭṭhānaṃ gantvā pāsādaṃ padakkhiṇaṃ karonto antepure kūṭāgārauyyānādīni passanto gāthāhi paridevi –

    1070.

    1070.

    ‘‘аяамасса баасаад̣̇о, ид̣̇ам̣ анд̇збурам̣ сураман̣ийяам̣;

    ‘‘Ayamassa pāsādo, idaṃ antepuraṃ suramaṇīyaṃ;

    д̇зд̣̇аани аяяабуд̇д̇аа, жад̇д̇ааро вад̇хааяа ниннийд̇аа.

    Tedāni ayyaputtā, cattāro vadhāya ninnītā.

    1071.

    1071.

    ‘‘ид̣̇амасса гуудааг̇аарам̣, сован̣н̣ам̣ бубпамаляавигин̣н̣ам̣;

    ‘‘Idamassa kūṭāgāraṃ, sovaṇṇaṃ pupphamalyavikiṇṇaṃ;

    д̇зд̣̇аани аяяабуд̇д̇аа, жад̇д̇ааро вад̇хааяа ниннийд̇аа.

    Tedāni ayyaputtā, cattāro vadhāya ninnītā.

    1072.

    1072.

    ‘‘ид̣̇амасса уяяаанам̣, субубпид̇ам̣ саб̣б̣агаалигам̣ раммам̣;

    ‘‘Idamassa uyyānaṃ, supupphitaṃ sabbakālikaṃ rammaṃ;

    д̇зд̣̇аани аяяабуд̇д̇аа, жад̇д̇ааро вад̇хааяа ниннийд̇аа.

    Tedāni ayyaputtā, cattāro vadhāya ninnītā.

    1073.

    1073.

    ‘‘ид̣̇амасса асогаванам̣, субубпид̇ам̣ саб̣б̣агаалигам̣ раммам̣;

    ‘‘Idamassa asokavanaṃ, supupphitaṃ sabbakālikaṃ rammaṃ;

    д̇зд̣̇аани аяяабуд̇д̇аа, жад̇д̇ааро вад̇хааяа ниннийд̇аа.

    Tedāni ayyaputtā, cattāro vadhāya ninnītā.

    1074.

    1074.

    ‘‘ид̣̇амасса ган̣игаараванам̣, субубпид̇ам̣ саб̣б̣агаалигам̣ раммам̣;

    ‘‘Idamassa kaṇikāravanaṃ, supupphitaṃ sabbakālikaṃ rammaṃ;

    д̇зд̣̇аани аяяабуд̇д̇аа, жад̇д̇ааро вад̇хааяа ниннийд̇аа.

    Tedāni ayyaputtā, cattāro vadhāya ninnītā.

    1075.

    1075.

    ‘‘ид̣̇амасса баадаливанам̣, субубпид̇ам̣ саб̣б̣агаалигам̣ раммам̣;

    ‘‘Idamassa pāṭalivanaṃ, supupphitaṃ sabbakālikaṃ rammaṃ;

    д̇зд̣̇аани аяяабуд̇д̇аа, жад̇д̇ааро вад̇хааяа ниннийд̇аа.

    Tedāni ayyaputtā, cattāro vadhāya ninnītā.

    1076.

    1076.

    ‘‘ид̣̇амасса амб̣аванам̣, субубпид̇ам̣ саб̣б̣агаалигам̣ раммам̣;

    ‘‘Idamassa ambavanaṃ, supupphitaṃ sabbakālikaṃ rammaṃ;

    д̇зд̣̇аани аяяабуд̇д̇аа, жад̇д̇ааро вад̇хааяа ниннийд̇аа.

    Tedāni ayyaputtā, cattāro vadhāya ninnītā.

    1077.

    1077.

    ‘‘аяамасса богкаран̣ий, сан̃чаннаа бад̣̇умабун̣д̣арийгзхи;

    ‘‘Ayamassa pokkharaṇī, sañchannā padumapuṇḍarīkehi;

    нааваа жа сован̣н̣авигад̇аа, бубпаваллияаа жид̇д̇аа сураман̣ийяаа;

    Nāvā ca sovaṇṇavikatā, pupphavalliyā cittā suramaṇīyā;

    д̇зд̣̇аани аяяабуд̇д̇аа, жад̇д̇ааро вад̇хааяа ниннийд̇аа’’д̇и.

    Tedāni ayyaputtā, cattāro vadhāya ninnītā’’ti.

    д̇ад̇т̇а д̇зд̣̇аанийд̇и ид̣̇аани д̇з жанд̣̇агумаараббамукаа амхаагам̣ аяяабуд̇д̇аа зваруубам̣ баасаад̣̇ам̣ чад̣д̣зд̇ваа вад̇хааяа нийяанд̇и. сован̣н̣авигад̇аад̇и суван̣н̣акажид̇аа.

    Tattha tedānīti idāni te candakumārappamukhā amhākaṃ ayyaputtā evarūpaṃ pāsādaṃ chaḍḍetvā vadhāya nīyanti. Sovaṇṇavikatāti suvaṇṇakhacitā.

    зд̇д̇агзсу таанзсу вилабанд̇аа буна хад̇т̇исаалаад̣̇ийни убасан̇гамид̇ваа аахам̣су –

    Ettakesu ṭhānesu vilapantā puna hatthisālādīni upasaṅkamitvā āhaṃsu –

    1078.

    1078.

    ‘‘ид̣̇амасса хад̇т̇ирад̇анам̣, зрааван̣о г̇аж̇о б̣алий д̣̇анд̇ий;

    ‘‘Idamassa hatthiratanaṃ, erāvaṇo gajo balī dantī;

    д̇зд̣̇аани аяяабуд̇д̇аа, жад̇д̇ааро вад̇хааяа ниннийд̇аа.

    Tedāni ayyaputtā, cattāro vadhāya ninnītā.

    1079.

    1079.

    ‘‘ид̣̇амасса ассарад̇анам̣, згакуро ассо;

    ‘‘Idamassa assaratanaṃ, ekakhuro asso;

    д̇зд̣̇аани аяяабуд̇д̇аа, жад̇д̇ааро вад̇хааяа ниннийд̇аа.

    Tedāni ayyaputtā, cattāro vadhāya ninnītā.

    1080.

    1080.

    ‘‘аяамасса ассарат̇о, саал̣ияаниг̇гхосо субхо рад̇анавижид̇д̇о;

    ‘‘Ayamassa assaratho, sāḷiyanigghoso subho ratanavicitto;

    яад̇т̇ассу аяяабуд̇д̇аа, собхим̣су нанд̣̇анз вияа д̣̇зваа;

    Yatthassu ayyaputtā, sobhiṃsu nandane viya devā;

    д̇зд̣̇аани аяяабуд̇д̇аа, жад̇д̇ааро вад̇хааяа ниннийд̇аа.

    Tedāni ayyaputtā, cattāro vadhāya ninnītā.

    1081.

    1081.

    ‘‘гат̇ам̣ наама саамасамасунд̣̇арзхи, жанд̣̇анамуд̣̇угаг̇ад̇д̇зхи;

    ‘‘Kathaṃ nāma sāmasamasundarehi, candanamudukagattehi;

    рааж̇аа яаж̇иссад̇з яан̃н̃ам̣, саммуул̣хо жад̇уухи буд̇д̇зхи.

    Rājā yajissate yaññaṃ, sammūḷho catūhi puttehi.

    1082.

    1082.

    ‘‘гат̇ам̣ наама саамасамасунд̣̇араахи, жанд̣̇анамуд̣̇угаг̇ад̇д̇аахи;

    ‘‘Kathaṃ nāma sāmasamasundarāhi, candanamudukagattāhi;

    рааж̇аа яаж̇иссад̇з яан̃н̃ам̣, саммуул̣хо жад̇уухи ган̃н̃аахи.

    Rājā yajissate yaññaṃ, sammūḷho catūhi kaññāhi.

    1083.

    1083.

    ‘‘гат̇ам̣ наама саамасамасунд̣̇араахи, жанд̣̇анамуд̣̇угаг̇ад̇д̇аахи;

    ‘‘Kathaṃ nāma sāmasamasundarāhi, candanamudukagattāhi;

    рааж̇аа яаж̇иссад̇з яан̃н̃ам̣, саммуул̣хо жад̇уухи махзсийхи.

    Rājā yajissate yaññaṃ, sammūḷho catūhi mahesīhi.

    1084.

    1084.

    ‘‘гат̇ам̣ наама саамасамасунд̣̇арзхи, жанд̣̇анамуд̣̇угаг̇ад̇д̇зхи;

    ‘‘Kathaṃ nāma sāmasamasundarehi, candanamudukagattehi;

    рааж̇аа яаж̇иссад̇з яан̃н̃ам̣, саммуул̣хо жад̇уухи г̇ахабад̇ийхи.

    Rājā yajissate yaññaṃ, sammūḷho catūhi gahapatīhi.

    1085.

    1085.

    ‘‘яат̇аа хонд̇и г̇ааманиг̇амаа, сун̃н̃аа амануссагаа б̣рахааран̃н̃аа;

    ‘‘Yathā honti gāmanigamā, suññā amanussakā brahāraññā;

    д̇ат̇аа хзссад̇и бубпавад̇ияаа, яидтзсу жанд̣̇асууриязсуу’’д̇и.

    Tathā hessati pupphavatiyā, yiṭṭhesu candasūriyesū’’ti.

    д̇ад̇т̇а зрааван̣од̇и д̇асса хад̇т̇ино наамам̣. згакурод̇и абхиннакуро. саал̣ияаниг̇гхосод̇и г̇аманагаалз саал̣игаанам̣ вияа мад̇хурзна ниг̇гхосзна саманнааг̇ад̇о. гат̇ам̣ наамаад̇и гзна наама гааран̣зна. саамасамасунд̣̇арзхийд̇и суван̣н̣асаамзхи жа ан̃н̃аман̃н̃ам̣ ж̇аад̇ияаа самзхи жа нид̣̇д̣̇осад̇ааяа сунд̣̇арзхи. жанд̣̇анамуд̣̇угаг̇ад̇д̇зхийд̇и лохид̇ажанд̣̇аналид̇д̇аг̇ад̇д̇зхи. б̣рахааран̃н̃аад̇и яат̇аа д̇з г̇ааманиг̇амаа сун̃н̃аа ниммануссаа б̣рахааран̃н̃аа хонд̇и, д̇ат̇аа бубпавад̇ияааби яан̃н̃з яидтзсу рааж̇абуд̇д̇зсу сун̃н̃аа аран̃н̃асад̣̇исаа бхависсад̇ийд̇и.

    Tattha erāvaṇoti tassa hatthino nāmaṃ. Ekakhuroti abhinnakhuro. Sāḷiyanigghosoti gamanakāle sāḷikānaṃ viya madhurena nigghosena samannāgato. Kathaṃ nāmāti kena nāma kāraṇena. Sāmasamasundarehīti suvaṇṇasāmehi ca aññamaññaṃ jātiyā samehi ca niddosatāya sundarehi. Candanamudukagattehīti lohitacandanalittagattehi. Brahāraññāti yathā te gāmanigamā suññā nimmanussā brahāraññā honti, tathā pupphavatiyāpi yaññe yiṭṭhesu rājaputtesu suññā araññasadisā bhavissatīti.

    ат̇а махааж̇ано б̣ахи нигкамид̇ум̣ алабханд̇о анд̇онаг̇арзязва вижаранд̇о барид̣̇зви. б̣од̇хисад̇д̇оби яан̃н̃ааваадам̣ нийд̇о. ат̇асса маад̇аа г̇од̇амий наама д̣̇звий ‘‘буд̇д̇аанам̣ мз ж̇ийвид̇ам̣ д̣̇зхи, д̣̇зваа’’д̇и ран̃н̃о баад̣̇амуулз баривад̇д̇ид̇ваа барид̣̇звамаанаа ааха –

    Atha mahājano bahi nikkhamituṃ alabhanto antonagareyeva vicaranto paridevi. Bodhisattopi yaññāvāṭaṃ nīto. Athassa mātā gotamī nāma devī ‘‘puttānaṃ me jīvitaṃ dehi, devā’’ti rañño pādamūle parivattitvā paridevamānā āha –

    1086.

    1086.

    ‘‘уммад̇д̇игаа бхависсаами, бхуунахад̇аа бам̣сунаа жа баригин̣н̣аа;

    ‘‘Ummattikā bhavissāmi, bhūnahatā paṃsunā ca parikiṇṇā;

    сажз жанд̣̇аварам̣ ханд̇и, баан̣аа мз д̣̇зва руж̇жханд̇и.

    Sace candavaraṃ hanti, pāṇā me deva rujjhanti.

    1087.

    1087.

    ‘‘уммад̇д̇игаа бхависсаами, бхуунахад̇аа бам̣сунаа жа баригин̣н̣аа;

    ‘‘Ummattikā bhavissāmi, bhūnahatā paṃsunā ca parikiṇṇā;

    сажз суурияаварам̣ ханд̇и, баан̣аа мз д̣̇зва руж̇жханд̇ий’’д̇и.

    Sace sūriyavaraṃ hanti, pāṇā me deva rujjhantī’’ti.

    д̇ад̇т̇а бхуунахад̇аад̇и хад̇авуд̣дхи. бам̣сунаа жа баригин̣н̣аад̇и бам̣субаригин̣н̣асарийраа уммад̇д̇игаа худ̇ваа вижариссаами.

    Tattha bhūnahatāti hatavuḍḍhi. Paṃsunā ca parikiṇṇāti paṃsuparikiṇṇasarīrā ummattikā hutvā vicarissāmi.

    саа звам̣ барид̣̇званд̇ийби ран̃н̃о санд̇игаа гин̃жи гат̇ам̣ алабхид̇ваа ‘‘мама буд̇д̇о д̇умхаагам̣ гуж̇жхид̇ваа г̇ад̇о бхависсад̇и, гисса нам̣ д̇умхз на нивад̇д̇зт̇аа’’д̇и гумаарасса жад̇ассо бхарияааяо аалин̇г̇ид̇ваа барид̣̇званд̇ий ааха –

    Sā evaṃ paridevantīpi rañño santikā kiñci kathaṃ alabhitvā ‘‘mama putto tumhākaṃ kujjhitvā gato bhavissati, kissa naṃ tumhe na nivattethā’’ti kumārassa catasso bhariyāyo āliṅgitvā paridevantī āha –

    1088.

    1088.

    ‘‘гиннумаа на рамаабзяяум̣, ан̃н̃аман̃н̃ам̣ бияам̣вад̣̇аа;

    ‘‘Kinnumā na ramāpeyyuṃ, aññamaññaṃ piyaṃvadā;

    гхаддигаа убаригкий жа, богкаран̣ий жа бхааригаа;

    Ghaṭṭikā uparikkhī ca, pokkharaṇī ca bhārikā;

    жанд̣̇асууриязсу нажжанд̇ияо, самаа д̇аасам̣ на виж̇ж̇ад̇ий’’д̇и.

    Candasūriyesu naccantiyo, samā tāsaṃ na vijjatī’’ti.

    д̇ад̇т̇а гиннумаа на рамаабзяяунд̇и гзна гааран̣зна имаа гхаддигаад̇иаад̣̇игаа жад̇ассо ан̃н̃аман̃н̃ам̣ бияам̣вад̣̇аа жанд̣̇асуурияагумаараанам̣ санд̇игз нажжанд̇ияо мама буд̇д̇з на рамаабаяим̣су, угган̣таабаяим̣су. сагалаж̇амб̣уд̣̇ийбасмин̃хи нажжз ваа г̇ийд̇з ваа самаа ан̃н̃аа гаажи д̇аасам̣ на виж̇ж̇ад̇ийд̇и ад̇т̇о.

    Tattha kinnumā na ramāpeyyunti kena kāraṇena imā ghaṭṭikātiādikā catasso aññamaññaṃ piyaṃvadā candasūriyakumārānaṃ santike naccantiyo mama putte na ramāpayiṃsu, ukkaṇṭhāpayiṃsu. Sakalajambudīpasmiñhi nacce vā gīte vā samā aññā kāci tāsaṃ na vijjatīti attho.

    ид̇и саа сун̣хаахи сад̣̇д̇хим̣ барид̣̇звид̇ваа ан̃н̃ам̣ г̇ахзд̇аб̣б̣аг̇г̇ахан̣ам̣ абассанд̇ий кан̣д̣ахаалам̣ аггосамаанаа адта г̇аат̇аа абхааси –

    Iti sā suṇhāhi saddhiṃ paridevitvā aññaṃ gahetabbaggahaṇaṃ apassantī khaṇḍahālaṃ akkosamānā aṭṭha gāthā abhāsi –

    1089.

    1089.

    ‘‘имам̣ маяхам̣ хад̣̇аяасогам̣, бадимун̃жад̇у кан̣д̣ахаала д̇ава маад̇аа;

    ‘‘Imaṃ mayhaṃ hadayasokaṃ, paṭimuñcatu khaṇḍahāla tava mātā;

    яо маяхам̣ хад̣̇аяасого, жанд̣̇амхи вад̇хааяа ниннийд̇з.

    Yo mayhaṃ hadayasoko, candamhi vadhāya ninnīte.

    1090.

    1090.

    ‘‘имам̣ маяхам̣ хад̣̇аяасогам̣, бадимун̃жад̇у кан̣д̣ахаала д̇ава маад̇аа;

    ‘‘Imaṃ mayhaṃ hadayasokaṃ, paṭimuñcatu khaṇḍahāla tava mātā;

    яо маяхам̣ хад̣̇аяасого, суурияамхи вад̇хааяа ниннийд̇з.

    Yo mayhaṃ hadayasoko, sūriyamhi vadhāya ninnīte.

    1091.

    1091.

    ‘‘имам̣ маяхам̣ хад̣̇аяасогам̣, бадимун̃жад̇у кан̣д̣ахаала д̇ава ж̇ааяаа;

    ‘‘Imaṃ mayhaṃ hadayasokaṃ, paṭimuñcatu khaṇḍahāla tava jāyā;

    яо маяхам̣ хад̣̇аяасого, жанд̣̇амхи вад̇хааяа ниннийд̇з.

    Yo mayhaṃ hadayasoko, candamhi vadhāya ninnīte.

    1092.

    1092.

    ‘‘имам̣ маяхам̣ хад̣̇аяасогам̣, бадимун̃жад̇у кан̣д̣ахаала д̇ава ж̇ааяаа;

    ‘‘Imaṃ mayhaṃ hadayasokaṃ, paṭimuñcatu khaṇḍahāla tava jāyā;

    яо маяхам̣ хад̣̇аяасого, суурияамхи вад̇хааяа ниннийд̇з.

    Yo mayhaṃ hadayasoko, sūriyamhi vadhāya ninnīte.

    1093.

    1093.

    ‘‘маа жа буд̇д̇з маа жа бад̇им̣, ад̣̇д̣̇агки кан̣д̣ахаала д̇ава маад̇аа;

    ‘‘Mā ca putte mā ca patiṃ, addakkhi khaṇḍahāla tava mātā;

    яо гхаад̇зси гумаарз, ад̣̇уусагз сийхасан̇гаасз.

    Yo ghātesi kumāre, adūsake sīhasaṅkāse.

    1094.

    1094.

    ‘‘маа жа буд̇д̇з маа жа бад̇им̣, ад̣̇д̣̇агки кан̣д̣ахаала д̇ава маад̇аа;

    ‘‘Mā ca putte mā ca patiṃ, addakkhi khaṇḍahāla tava mātā;

    яо гхаад̇зси гумаарз, абзгкид̇з саб̣б̣алогасса.

    Yo ghātesi kumāre, apekkhite sabbalokassa.

    1095.

    1095.

    ‘‘маа жа буд̇д̇з маа жа бад̇им̣, ад̣̇д̣̇агки кан̣д̣ахаала д̇ава ж̇ааяаа;

    ‘‘Mā ca putte mā ca patiṃ, addakkhi khaṇḍahāla tava jāyā;

    яо гхаад̇зси гумаарз, ад̣̇уусагз сийхасан̇гаасз.

    Yo ghātesi kumāre, adūsake sīhasaṅkāse.

    1096.

    1096.

    ‘‘маа жа буд̇д̇з маа жа бад̇им̣, ад̣̇д̣̇агки кан̣д̣ахаала д̇ава ж̇ааяаа;

    ‘‘Mā ca putte mā ca patiṃ, addakkhi khaṇḍahāla tava jāyā;

    яо гхаад̇зси гумаарз, абзгкид̇з саб̣б̣алогассаа’’д̇и.

    Yo ghātesi kumāre, apekkhite sabbalokassā’’ti.

    д̇ад̇т̇а имам̣ маяханд̇и маяхам̣ имам̣ хад̣̇аяасогам̣ д̣̇угкам̣. бадимун̃жад̇ууд̇и бависад̇у баабун̣аад̇у. яо гхаад̇зсийд̇и яо д̇вам̣ гхаад̇зси. абзгкид̇зд̇и саб̣б̣алогзна ологид̇з д̣̇иссамаанз маарзсийд̇и ад̇т̇о.

    Tattha imaṃ mayhanti mayhaṃ imaṃ hadayasokaṃ dukkhaṃ. Paṭimuñcatūti pavisatu pāpuṇātu. Yo ghātesīti yo tvaṃ ghātesi. Apekkhiteti sabbalokena olokite dissamāne māresīti attho.

    б̣од̇хисад̇д̇о яан̃н̃ааваадзби бид̇арам̣ яаажанд̇о ааха –

    Bodhisatto yaññāvāṭepi pitaraṃ yācanto āha –

    1097.

    1097.

    ‘‘маа но д̣̇зва авад̇хи, д̣̇аасз но д̣̇зхи кан̣д̣ахааласса;

    ‘‘Mā no deva avadhi, dāse no dehi khaṇḍahālassa;

    аби ниг̇ал̣аб̣анд̇хагааби, хад̇т̇ий ассз жа баалзма.

    Api nigaḷabandhakāpi, hatthī asse ca pālema.

    1098.

    1098.

    ‘‘маа но д̣̇зва авад̇хи, д̣̇аасз но д̣̇зхи кан̣д̣ахааласса;

    ‘‘Mā no deva avadhi, dāse no dehi khaṇḍahālassa;

    аби ниг̇ал̣аб̣анд̇хагааби, хад̇т̇ичаган̣аани уж̇жхзма.

    Api nigaḷabandhakāpi, hatthichakaṇāni ujjhema.

    1099.

    1099.

    ‘‘маа но д̣̇зва авад̇хи, д̣̇аасз но д̣̇зхи кан̣д̣ахааласса;

    ‘‘Mā no deva avadhi, dāse no dehi khaṇḍahālassa;

    аби ниг̇ал̣аб̣анд̇хагааби, ассачаган̣аани уж̇жхзма.

    Api nigaḷabandhakāpi, assachakaṇāni ujjhema.

    1100.

    1100.

    ‘‘маа но д̣̇зва авад̇хи, д̣̇аасз но д̣̇зхи кан̣д̣ахааласса;

    ‘‘Mā no deva avadhi, dāse no dehi khaṇḍahālassa;

    яасса хонд̇и д̇ава гаамаа, аби радтаа баб̣б̣ааж̇ид̇аа;

    Yassa honti tava kāmā, api raṭṭhā pabbājitā;

    бхигкаажарияам̣ жариссаама.

    Bhikkhācariyaṃ carissāma.

    1101.

    1101.

    ‘‘д̣̇иб̣б̣ам̣ д̣̇зва убаяаажанд̇и, буд̇д̇ад̇т̇игааби д̣̇алид̣̇д̣̇аа;

    ‘‘Dibbaṃ deva upayācanti, puttatthikāpi daliddā;

    бадибхаанааниби хид̇ваа, буд̇д̇з на лабханд̇и згажжаа.

    Paṭibhānānipi hitvā, putte na labhanti ekaccā.

    1102.

    1102.

    ‘‘аасийсигаани гаронд̇и, буд̇д̇аа но ж̇ааяанд̇у д̇ад̇о бабуд̇д̇аа;

    ‘‘Āsīsikāni karonti, puttā no jāyantu tato paputtā;

    ат̇а но агааран̣асмаа, яан̃н̃ад̇т̇ааяа д̣̇зва гхаад̇зси.

    Atha no akāraṇasmā, yaññatthāya deva ghātesi.

    1103.

    1103.

    ‘‘убаяаажид̇агзна буд̇д̇ам̣ лабханд̇и, маа д̇аад̇а но агхаад̇зси;

    ‘‘Upayācitakena puttaṃ labhanti, mā tāta no aghātesi;

    маа гижчаалад̣̇д̇хагзхи буд̇д̇зхи, яаж̇ид̇т̇о имам̣ яан̃н̃ам̣.

    Mā kicchāladdhakehi puttehi, yajittho imaṃ yaññaṃ.

    1104.

    1104.

    ‘‘убаяаажид̇агзна буд̇д̇ам̣ лабханд̇и, маа д̇аад̇а но агхаад̇зси;

    ‘‘Upayācitakena puttaṃ labhanti, mā tāta no aghātesi;

    маа габан̣алад̣̇д̇хагзхи буд̇д̇зхи, аммааяа но виббаваасзхий’’д̇и.

    Mā kapaṇaladdhakehi puttehi, ammāya no vippavāsehī’’ti.

    д̇ад̇т̇а д̣̇иб̣б̣анд̇и д̣̇зва, абуд̇д̇игаа д̣̇алид̣̇д̣̇ааби наарияо буд̇д̇ад̇т̇игаа худ̇ваа б̣ахум̣ бан̣н̣аагаарам̣ гарид̇ваа буд̇д̇ам̣ ваа д̇хийд̇арам̣ ваа лабхаамаад̇и д̣̇иб̣яам̣ убаяаажанд̇и. бадибхаанааниби хид̇ваад̇и д̣̇охал̣аани чад̣д̣зд̇вааби, алабхид̇ваабийд̇и ад̇т̇о. ид̣̇ам̣ вуд̇д̇ам̣ ход̇и – махаарааж̇а, наарийнан̃хи уббаннам̣ д̣̇охал̣ам̣ алабхид̇ваа г̇аб̣бхо суссид̇ваа нассад̇и. д̇ад̇т̇а згажжаа яаажанд̇ааби буд̇д̇з алабхамаанаа, гаажи лад̣̇д̇хамби д̣̇охал̣ам̣ бахааяа абарибхун̃ж̇ид̇ваа на лабханд̇и, гаажи д̣̇охал̣ам̣ алабхамаанаа на лабханд̇и. маяхам̣ бана маад̇аа уббаннам̣ д̣̇охал̣ам̣ лабхид̇ваа барибхун̃ж̇ид̇ваа уббаннам̣ г̇аб̣бхам̣ анаасзд̇ваа буд̇д̇з бадилабхи. звам̣ бадилад̣̇д̇хз маа но авад̇хийд̇и яаажад̇и.

    Tattha dibbanti deva, aputtikā daliddāpi nāriyo puttatthikā hutvā bahuṃ paṇṇākāraṃ karitvā puttaṃ vā dhītaraṃ vā labhāmāti dibyaṃ upayācanti. Paṭibhānānipi hitvāti dohaḷāni chaḍḍetvāpi, alabhitvāpīti attho. Idaṃ vuttaṃ hoti – mahārāja, nārīnañhi uppannaṃ dohaḷaṃ alabhitvā gabbho sussitvā nassati. Tattha ekaccā yācantāpi putte alabhamānā, kāci laddhampi dohaḷaṃ pahāya aparibhuñjitvā na labhanti, kāci dohaḷaṃ alabhamānā na labhanti. Mayhaṃ pana mātā uppannaṃ dohaḷaṃ labhitvā paribhuñjitvā uppannaṃ gabbhaṃ anāsetvā putte paṭilabhi. Evaṃ paṭiladdhe mā no avadhīti yācati.

    аасийсигаанийд̇и махаарааж̇а, имз сад̇д̇аа аасийсам̣ гаронд̇и. гинд̇и? буд̇д̇аа но ж̇ааяанд̇ууд̇и. д̇ад̇о бабуд̇д̇аад̇и буд̇д̇аанамби но буд̇д̇аа ж̇ааяанд̇ууд̇и. ат̇а но агааран̣асмаад̇и ат̇а д̇вам̣ амхз агааран̣зна яан̃н̃ад̇т̇ааяа гхаад̇зси. убаяаажид̇агзнаад̇и д̣̇звад̇аанам̣ ааяаажанзна. габан̣алад̣̇д̇хагзхийд̇и габан̣аа вияа худ̇ваа лад̣̇д̇хагзхи. буд̇д̇зхийд̇и амхзхи сад̣̇д̇хим̣ амхаагам̣ аммааяа маа виббаваасзхи, маа но маад̇араа сад̣̇д̇хим̣ виббаваасам̣ гарийд̇и вад̣̇ад̇и.

    Āsīsikānīti mahārāja, ime sattā āsīsaṃ karonti. Kinti? Puttā no jāyantūti. Tato paputtāti puttānampi no puttā jāyantūti. Atha no akāraṇasmāti atha tvaṃ amhe akāraṇena yaññatthāya ghātesi. Upayācitakenāti devatānaṃ āyācanena. Kapaṇaladdhakehīti kapaṇā viya hutvā laddhakehi. Puttehīti amhehi saddhiṃ amhākaṃ ammāya mā vippavāsehi, mā no mātarā saddhiṃ vippavāsaṃ karīti vadati.

    со звам̣ вад̣̇анд̇оби бид̇у санд̇игаа гин̃жи гат̇ам̣ алабхид̇ваа маад̇у баад̣̇амуулз нибад̇ид̇ваа барид̣̇звамаано ааха –

    So evaṃ vadantopi pitu santikā kiñci kathaṃ alabhitvā mātu pādamūle nipatitvā paridevamāno āha –

    1105.

    1105.

    ‘‘б̣ахуд̣̇угкаа босияа жанд̣̇ам̣, амма д̇увам̣ ж̇ийяасз буд̇д̇ам̣;

    ‘‘Bahudukkhā posiya candaṃ, amma tuvaṃ jīyase puttaṃ;

    ванд̣̇аами ко д̇з баад̣̇з, лабхад̇ам̣ д̇аад̇о баралогам̣.

    Vandāmi kho te pāde, labhataṃ tāto paralokaṃ.

    1106.

    1106.

    ‘‘ханд̣̇а жа мам̣ убаг̇ууха, баад̣̇з д̇з амма ванд̣̇ид̇ум̣ д̣̇зхи;

    ‘‘Handa ca maṃ upagūha, pāde te amma vandituṃ dehi;

    г̇ажчаами д̣̇аани баваасам̣, яан̃н̃ад̇т̇ааяа згарааж̇асса.

    Gacchāmi dāni pavāsaṃ, yaññatthāya ekarājassa.

    1107.

    1107.

    ‘‘ханд̣̇а жа мам̣ убаг̇ууха, баад̣̇з д̇з амма ванд̣̇ид̇ум̣ д̣̇зхи;

    ‘‘Handa ca maṃ upagūha, pāde te amma vandituṃ dehi;

    г̇ажчаами д̣̇аани баваасам̣, маад̇у гад̇ваа хад̣̇аяасогам̣.

    Gacchāmi dāni pavāsaṃ, mātu katvā hadayasokaṃ.

    1108.

    1108.

    ‘‘ханд̣̇а жа мам̣ убаг̇ууха, баад̣̇з д̇з амма ванд̣̇ид̇ум̣ д̣̇зхи;

    ‘‘Handa ca maṃ upagūha, pāde te amma vandituṃ dehi;

    г̇ажчаами д̣̇аани баваасам̣, ж̇анасса гад̇ваа хад̣̇аяасога’’нд̇и.

    Gacchāmi dāni pavāsaṃ, janassa katvā hadayasoka’’nti.

    д̇ад̇т̇а б̣ахуд̣̇угкаа босияаад̇и б̣ахуухи д̣̇угкзхи босияа. жанд̣̇анд̇и мам̣ жанд̣̇агумаарам̣ звам̣ босзд̇ваа ид̣̇аани, амма, д̇вам̣ ж̇ийяасз буд̇д̇ам̣. лабхад̇ам̣ д̇аад̇о баралоганд̇и бид̇аа мз бхог̇асамбаннам̣ баралогам̣ лабхад̇у. убаг̇уухаад̇и аалин̇г̇а бариссаж̇а. баваасанд̇и буна анааг̇аманааяа ажжанд̇ам̣ виббаваасам̣ г̇ажчаами.

    Tattha bahudukkhā posiyāti bahūhi dukkhehi posiya. Candanti maṃ candakumāraṃ evaṃ posetvā idāni, amma, tvaṃ jīyase puttaṃ. Labhataṃ tāto paralokanti pitā me bhogasampannaṃ paralokaṃ labhatu. Upagūhāti āliṅga parissaja. Pavāsanti puna anāgamanāya accantaṃ vippavāsaṃ gacchāmi.

    ат̇асса маад̇аа барид̣̇званд̇ий жад̇ассо г̇аат̇аа абхааси –

    Athassa mātā paridevantī catasso gāthā abhāsi –

    1109.

    1109.

    ‘‘ханд̣̇а жа бад̣̇умабад̇д̇аанам̣, мол̣им̣ б̣анд̇хассу г̇од̇амибуд̇д̇а;

    ‘‘Handa ca padumapattānaṃ, moḷiṃ bandhassu gotamiputta;

    жамбагад̣̇аламиссааяо, зсаа д̇з бораан̣игаа багад̇и.

    Campakadalamissāyo, esā te porāṇikā pakati.

    1110.

    1110.

    ‘‘ханд̣̇а жа вилзбанам̣ д̇з, бажчимагам̣ жанд̣̇анам̣ вилимбассу;

    ‘‘Handa ca vilepanaṃ te, pacchimakaṃ candanaṃ vilimpassu;

    язхи жа сувилид̇д̇о, собхаси рааж̇абарисааяам̣.

    Yehi ca suvilitto, sobhasi rājaparisāyaṃ.

    1111.

    1111.

    ‘‘ханд̣̇а жа муд̣̇угаани вад̇т̇аани, бажчимагам̣ гаасигам̣ ниваасзхи;

    ‘‘Handa ca mudukāni vatthāni, pacchimakaṃ kāsikaṃ nivāsehi;

    язхи жа сунивад̇т̇о, собхаси рааж̇абарисааяам̣.

    Yehi ca sunivattho, sobhasi rājaparisāyaṃ.

    1112.

    1112.

    ‘‘муд̇д̇ааман̣иганагавибхуусид̇аани , г̇ан̣хассу хад̇т̇аабхаран̣аани;

    ‘‘Muttāmaṇikanakavibhūsitāni , gaṇhassu hatthābharaṇāni;

    язхи жа хад̇т̇аабхаран̣зхи, собхаси рааж̇абарисааяа’’нд̇и.

    Yehi ca hatthābharaṇehi, sobhasi rājaparisāya’’nti.

    д̇ад̇т̇а бад̣̇умабад̇д̇аананд̇и бад̣̇умабад̇д̇авзтанам̣ наамзгам̣ басаад̇ханам̣, д̇ам̣ санд̇хааязвамааха. д̇ава виббагин̣н̣ам̣ мол̣им̣ угкибид̇ваа бад̣̇умабад̇д̇авзтанзна яож̇зд̇ваа б̣анд̇хаад̇и ад̇т̇о. г̇од̇амибуд̇д̇аад̇и жанд̣̇агумаарам̣ аалабад̇и. жамбагад̣̇аламиссааяод̇и аб̣бханд̇аримзхи жамбагад̣̇алзхи миссид̇аа ван̣н̣аг̇анд̇хасамбаннаа наанаабубпамаалаа биланд̇хассу. зсаа д̇зд̇и зсаа д̇ава бораан̣игаа багад̇и, д̇амзва г̇ан̣хассу буд̇д̇аад̇и барид̣̇звад̇и. язхи жаад̇и язхи лохид̇ажанд̣̇анавилзбанзхи вилид̇д̇о рааж̇абарисааяа собхаси, д̇аани вилимбассууд̇и ад̇т̇о. гаасиганд̇и сад̇асахассаг̇гханагам̣ гаасигавад̇т̇ам̣. г̇ан̣хассууд̇и биланд̇хассу.

    Tattha padumapattānanti padumapattaveṭhanaṃ nāmekaṃ pasādhanaṃ, taṃ sandhāyevamāha. Tava vippakiṇṇaṃ moḷiṃ ukkhipitvā padumapattaveṭhanena yojetvā bandhāti attho. Gotamiputtāti candakumāraṃ ālapati. Campakadalamissāyoti abbhantarimehi campakadalehi missitā vaṇṇagandhasampannā nānāpupphamālā pilandhassu. Esā teti esā tava porāṇikā pakati, tameva gaṇhassu puttāti paridevati. Yehi cāti yehi lohitacandanavilepanehi vilitto rājaparisāya sobhasi, tāni vilimpassūti attho. Kāsikanti satasahassagghanakaṃ kāsikavatthaṃ. Gaṇhassūti pilandhassu.

    ид̣̇аанисса жанд̣̇аа наама аг̇г̇амахзсий д̇асса баад̣̇амуулз нибад̇ид̇ваа барид̣̇звамаанаа ааха –

    Idānissa candā nāma aggamahesī tassa pādamūle nipatitvā paridevamānā āha –

    1113.

    1113.

    ‘‘на хи нуунааяам̣ радтабаало, бхуумибад̇и ж̇анабад̣̇асса д̣̇ааяаад̣̇о;

    ‘‘Na hi nūnāyaṃ raṭṭhapālo, bhūmipati janapadassa dāyādo;

    логиссаро маханд̇о, буд̇д̇з снзхам̣ ж̇анаяад̇ий’’д̇и.

    Lokissaro mahanto, putte snehaṃ janayatī’’ti.

    д̇ам̣ суд̇ваа рааж̇аа г̇аат̇амааха –

    Taṃ sutvā rājā gāthamāha –

    1114.

    1114.

    ‘‘маяхамби бияаа буд̇д̇аа, ад̇д̇аа жа бияо д̇умхз жа бхарияааяо;

    ‘‘Mayhampi piyā puttā, attā ca piyo tumhe ca bhariyāyo;

    саг̇г̇ан̃жа бад̇т̇аяаано, д̇знаахам̣ гхаад̇аяиссаамий’’д̇и.

    Saggañca patthayāno, tenāhaṃ ghātayissāmī’’ti.

    д̇ассад̇т̇о – гим̣гааран̣аа буд̇д̇асинзхам̣ на ж̇анзми? на гзвалам̣ г̇од̇амияаа зва, ат̇а ко маяхамби бияаа буд̇д̇аа, д̇ат̇аа ад̇д̇аа жа д̇умхз жа сун̣хааяо бхарияааяо жа бияааязва. звам̣ санд̇зби саг̇г̇ан̃жа бад̇т̇аяаано ахам̣ саг̇г̇ам̣ бад̇т̇знд̇о, д̇зна гааран̣зна зд̇з гхаад̇аяиссаами, маа жинд̇аяид̇т̇а, саб̣б̣збзд̇з маяаа сад̣̇д̇хим̣ д̣̇звалогам̣ згад̇о г̇амиссанд̇ийд̇и.

    Tassattho – kiṃkāraṇā puttasinehaṃ na janemi? Na kevalaṃ gotamiyā eva, atha kho mayhampi piyā puttā, tathā attā ca tumhe ca suṇhāyo bhariyāyo ca piyāyeva. Evaṃ santepi saggañca patthayāno ahaṃ saggaṃ patthento, tena kāraṇena ete ghātayissāmi, mā cintayittha, sabbepete mayā saddhiṃ devalokaṃ ekato gamissantīti.

    жанд̣̇аа ааха –

    Candā āha –

    1115.

    1115.

    ‘‘мам̣ батамам̣ гхаад̇зхи, маа мз хад̣̇аяам̣ д̣̇угкам̣ паалзси;

    ‘‘Maṃ paṭhamaṃ ghātehi, mā me hadayaṃ dukkhaṃ phālesi;

    алан̇гад̇о сунд̣̇араго, буд̇д̇о д̣̇зва д̇ава сукумаало.

    Alaṅkato sundarako, putto deva tava sukhumālo.

    1116.

    1116.

    ‘‘ханд̣̇аяяа мам̣ ханассу, баралогз жанд̣̇агзна хзссаами;

    ‘‘Handayya maṃ hanassu, paraloke candakena hessāmi;

    бун̃н̃ам̣ гарассу вибулам̣, вижараама убхоби баралогз’’д̇и.

    Puññaṃ karassu vipulaṃ, vicarāma ubhopi paraloke’’ti.

    д̇ад̇т̇а батаманд̇и д̣̇зва, мама саамигад̇о батамад̇арам̣ мам̣ гхаад̇зхи. д̣̇угканд̇и жанд̣̇асса маран̣ад̣̇угкам̣ мама хад̣̇аяам̣ маа паалзси. алан̇гад̇од̇и аяам̣ мама згова алам̣ барияад̇д̇од̇и звам̣ алан̇гад̇о. зваруубам̣ наама буд̇д̇ам̣ маа гхаад̇аяи, махаарааж̇аад̇и д̣̇ийбзд̇и. ханд̣̇аяяаад̇и ханд̣̇а, аяяа, рааж̇аанам̣ аалабанд̇ий звамааха. баралогз жанд̣̇агзнаад̇и жанд̣̇зна сад̣̇д̇хим̣ баралогз бхависсаами. вижараама убхоби баралогзд̇и д̇аяаа згад̇о гхаад̇ид̇аа убхоби баралогз сукам̣ анубхаванд̇аа вижараама, маа но саг̇г̇анд̇арааяамагаасийд̇и.

    Tattha paṭhamanti deva, mama sāmikato paṭhamataraṃ maṃ ghātehi. Dukkhanti candassa maraṇadukkhaṃ mama hadayaṃ mā phālesi. Alaṅkatoti ayaṃ mama ekova alaṃ pariyattoti evaṃ alaṅkato. Evarūpaṃ nāma puttaṃ mā ghātayi, mahārājāti dīpeti. Handayyāti handa, ayya, rājānaṃ ālapantī evamāha. Paraloke candakenāti candena saddhiṃ paraloke bhavissāmi. Vicarāma ubhopi paraloketi tayā ekato ghātitā ubhopi paraloke sukhaṃ anubhavantā vicarāma, mā no saggantarāyamakāsīti.

    рааж̇аа ааха –

    Rājā āha –

    1117.

    1117.

    ‘‘маа д̇вам̣ жанд̣̇з ружжи маран̣ам̣, б̣ахугаа д̇ава д̣̇звараа висаалагки;

    ‘‘Mā tvaṃ cande rucci maraṇaṃ, bahukā tava devarā visālakkhi;

    д̇з д̇ам̣ рамаяиссанд̇и, яидтасмим̣ г̇од̇амибуд̇д̇з’’д̇и.

    Te taṃ ramayissanti, yiṭṭhasmiṃ gotamiputte’’ti.

    д̇ад̇т̇а маа д̇вам̣ жанд̣̇з ружжийд̇и маа д̇вам̣ ад̇д̇ано маран̣ам̣ рожзси. ‘‘маа руд̣̇д̣̇ий’’д̇иби баато, маа род̣̇ийд̇и ад̇т̇о. д̣̇звараад̇и бад̇ибхаад̇угаа.

    Tattha mā tvaṃ cande ruccīti mā tvaṃ attano maraṇaṃ rocesi. ‘‘Mā ruddī’’tipi pāṭho, mā rodīti attho. Devarāti patibhātukā.

    д̇ад̇о барам̣ сад̇т̇аа –

    Tato paraṃ satthā –

    1118.

    1118.

    ‘‘звам̣ вуд̇д̇з жанд̣̇аа ад̇д̇аанам̣, ханд̇и хад̇т̇ад̇алагзхий’’д̇и. – убад̣дхаг̇аат̇амааха;

    ‘‘Evaṃ vutte candā attānaṃ, hanti hatthatalakehī’’ti. – upaḍḍhagāthamāha;

    д̇ад̇о барам̣ д̇ассааязва вилаабо ход̇и –

    Tato paraṃ tassāyeva vilāpo hoti –

    ‘‘аламзд̇т̇а ж̇ийвид̇зна, биссаами висам̣ мариссаами.

    ‘‘Alamettha jīvitena, pissāmi visaṃ marissāmi.

    1119.

    1119.

    ‘‘на хи нуунимасса ран̃н̃о, мид̇д̇аамажжаа жа виж̇ж̇арз сухад̣̇аа;

    ‘‘Na hi nūnimassa rañño, mittāmaccā ca vijjare suhadā;

    яз на вад̣̇анд̇и рааж̇аанам̣, ‘маа гхаад̇аяи орасз буд̇д̇з’.

    Ye na vadanti rājānaṃ, ‘mā ghātayi orase putte’.

    1120.

    1120.

    ‘‘на хи нуунимасса ран̃н̃о, н̃аад̇ий мид̇д̇аа жа виж̇ж̇арз сухад̣̇аа;

    ‘‘Na hi nūnimassa rañño, ñātī mittā ca vijjare suhadā;

    яз на вад̣̇анд̇и рааж̇аанам̣, ‘маа гхаад̇аяи ад̇раж̇з буд̇д̇з’.

    Ye na vadanti rājānaṃ, ‘mā ghātayi atraje putte’.

    1121.

    1121.

    ‘‘имз д̇зби маяхам̣ буд̇д̇аа, г̇ун̣ино гааяуурад̇хаарино рааж̇а;

    ‘‘Ime tepi mayhaṃ puttā, guṇino kāyūradhārino rāja;

    д̇зхиби яаж̇ассу яан̃н̃ам̣, ат̇а мун̃жад̇у г̇од̇амибуд̇д̇з.

    Tehipi yajassu yaññaṃ, atha muñcatu gotamiputte.

    1122.

    1122.

    ‘‘б̣иласад̇ам̣ мам̣ гад̇ваана, яаж̇ассу сад̇д̇ад̇хаа махаарааж̇а;

    ‘‘Bilasataṃ maṃ katvāna, yajassu sattadhā mahārāja;

    маа ж̇здтабуд̇д̇амавад̇хи, ад̣̇уусагам̣ сийхасан̇гаасам̣.

    Mā jeṭṭhaputtamavadhi, adūsakaṃ sīhasaṅkāsaṃ.

    1123.

    1123.

    ‘‘б̣иласад̇ам̣ мам̣ гад̇ваана, яаж̇ассу сад̇д̇ад̇хаа махаарааж̇а;

    ‘‘Bilasataṃ maṃ katvāna, yajassu sattadhā mahārāja;

    маа ж̇здтабуд̇д̇амавад̇хи, абзгкид̇ам̣ саб̣б̣алогассаа’’д̇и.

    Mā jeṭṭhaputtamavadhi, apekkhitaṃ sabbalokassā’’ti.

    д̇ад̇т̇а званд̇и звам̣ анд̇хаб̣аалзна згарааж̇зна вуд̇д̇з. ханд̇ийд̇и ‘‘гим̣ наамзд̇ам̣ гат̇зсий’’д̇и вад̇ваа хад̇т̇ад̇алзхи ад̇д̇аанам̣ ханд̇и. биссаамийд̇и бивиссаами. имз д̇збийд̇и васулагумаарам̣ аад̣̇им̣ гад̇ваа сзсад̣̇аарагз хад̇т̇з г̇ахзд̇ваа ран̃н̃о баад̣̇амуулз тид̇аа звамааха. г̇ун̣инод̇и маалааг̇ун̣ааабхаран̣зхи саманнааг̇ад̇аа. гааяуурад̇хааринод̇и гааяуурабасаад̇ханад̇хараа. б̣иласад̇анд̇и махаарааж̇а, мам̣ гхаад̇зд̇ваа годтаасасад̇ам̣ гад̇ваа сад̇д̇ад̇хаа сад̇д̇асу таанзсу яан̃н̃ам̣ яаж̇ассу.

    Tattha evanti evaṃ andhabālena ekarājena vutte. Hantīti ‘‘kiṃ nāmetaṃ kathesī’’ti vatvā hatthatalehi attānaṃ hanti. Pissāmīti pivissāmi. Ime tepīti vasulakumāraṃ ādiṃ katvā sesadārake hatthe gahetvā rañño pādamūle ṭhitā evamāha. Guṇinoti mālāguṇaābharaṇehi samannāgatā. Kāyūradhārinoti kāyūrapasādhanadharā. Bilasatanti mahārāja, maṃ ghātetvā koṭṭhāsasataṃ katvā sattadhā sattasu ṭhānesu yaññaṃ yajassu.

    ид̇и саа ран̃н̃о санд̇игз имаахи г̇аат̇аахи барид̣̇звид̇ваа ассаасам̣ алабхамаанаа б̣од̇хисад̇д̇ассзва санд̇игам̣ г̇анд̇ваа барид̣̇звамаанаа адтааси. ат̇а нам̣ со ааха – ‘‘жанд̣̇з, маяаа ж̇ийвамаанзна д̇уяхам̣ д̇асмим̣ д̇асмим̣ вад̇т̇усмим̣ субхан̣ид̇з сугат̇ид̇з ужжааважаани ман̣имуд̇д̇аад̣̇ийни б̣ахууни аабхаран̣аани д̣̇иннаани, аж̇ж̇а бана д̇з ид̣̇ам̣ бажчимад̣̇аанам̣, сарийраарул̣хам̣ аабхаран̣ам̣ д̣̇амми, г̇ан̣хаахи на’’нд̇и. имамад̇т̇ам̣ багаасзнд̇о сад̇т̇аа ааха –

    Iti sā rañño santike imāhi gāthāhi paridevitvā assāsaṃ alabhamānā bodhisattasseva santikaṃ gantvā paridevamānā aṭṭhāsi. Atha naṃ so āha – ‘‘cande, mayā jīvamānena tuyhaṃ tasmiṃ tasmiṃ vatthusmiṃ subhaṇite sukathite uccāvacāni maṇimuttādīni bahūni ābharaṇāni dinnāni, ajja pana te idaṃ pacchimadānaṃ, sarīrāruḷhaṃ ābharaṇaṃ dammi, gaṇhāhi na’’nti. Imamatthaṃ pakāsento satthā āha –

    1124.

    1124.

    ‘‘б̣ахугаа д̇ава д̣̇иннаабхаран̣аа, ужжааважаа субхан̣ид̇амхи;

    ‘‘Bahukā tava dinnābharaṇā, uccāvacā subhaṇitamhi;

    муд̇д̇ааман̣ивзл̣урияаа, зд̇ам̣ д̇з бажчимагам̣ д̣̇аана’’нд̇и.

    Muttāmaṇiveḷuriyā, etaṃ te pacchimakaṃ dāna’’nti.

    жанд̣̇аад̣̇звийби д̇ам̣ суд̇ваа д̇ад̇о бараахи навахи г̇аат̇аахи вилаби –

    Candādevīpi taṃ sutvā tato parāhi navahi gāthāhi vilapi –

    1125.

    1125.

    ‘‘язсам̣ буб̣б̣з канд̇хзсу, пуллаа маалааг̇ун̣аа вивад̇д̇им̣су;

    ‘‘Yesaṃ pubbe khandhesu, phullā mālāguṇā vivattiṃsu;

    д̇зсаж̇ж̇аби сунисид̇о, нзд̇д̇им̣со вивад̇д̇иссад̇и канд̇хзсу.

    Tesajjapi sunisito, nettiṃso vivattissati khandhesu.

    1126.

    1126.

    ‘‘язсам̣ буб̣б̣з канд̇хзсу, жид̇д̇аа маалааг̇ун̣аа вивад̇д̇им̣су;

    ‘‘Yesaṃ pubbe khandhesu, cittā mālāguṇā vivattiṃsu;

    д̇зсаж̇ж̇аби сунисид̇о, нзд̇д̇им̣со вивад̇д̇иссад̇и канд̇хзсу.

    Tesajjapi sunisito, nettiṃso vivattissati khandhesu.

    1127.

    1127.

    ‘‘ажирам̣ вад̇а нзд̇д̇им̣со, вивад̇д̇иссаги рааж̇абуд̇д̇аанам̣ канд̇хзсу;

    ‘‘Aciraṃ vata nettiṃso, vivattissaki rājaputtānaṃ khandhesu;

    ат̇а мама хад̣̇аяам̣ на палад̇и, д̇аава д̣̇ал̣хаб̣анд̇хан̃жа мз ааси.

    Atha mama hadayaṃ na phalati, tāva daḷhabandhañca me āsi.

    1128.

    1128.

    ‘‘гаасигасуживад̇т̇ад̇хараа, гун̣д̣алино аг̇алужанд̣̇анавилид̇д̇аа;

    ‘‘Kāsikasucivatthadharā, kuṇḍalino agalucandanavilittā;

    нияяаат̇а жанд̣̇асуурияаа, яан̃н̃ад̇т̇ааяа згарааж̇асса.

    Niyyātha candasūriyā, yaññatthāya ekarājassa.

    1129.

    1129.

    ‘‘гаасигасуживад̇т̇ад̇хараа, гун̣д̣алино аг̇алужанд̣̇анавилид̇д̇аа;

    ‘‘Kāsikasucivatthadharā, kuṇḍalino agalucandanavilittā;

    нияяаат̇а жанд̣̇асуурияаа, маад̇у гад̇ваа хад̣̇аяасогам̣.

    Niyyātha candasūriyā, mātu katvā hadayasokaṃ.

    1130.

    1130.

    ‘‘гаасигасуживад̇т̇ад̇хараа, гун̣д̣алино аг̇алужанд̣̇анавилид̇д̇аа;

    ‘‘Kāsikasucivatthadharā, kuṇḍalino agalucandanavilittā;

    нияяаат̇а жанд̣̇асуурияаа, ж̇анасса гад̇ваа хад̣̇аяасогам̣.

    Niyyātha candasūriyā, janassa katvā hadayasokaṃ.

    1131.

    1131.

    ‘‘мам̣сарасабхож̇анаа нхаабагасунхаабид̇аа, гун̣д̣алино аг̇алужанд̣̇анавилид̇д̇аа;

    ‘‘Maṃsarasabhojanā nhāpakasunhāpitā, kuṇḍalino agalucandanavilittā;

    нияяаат̇а жанд̣̇асуурияаа, яан̃н̃ад̇т̇ааяа згарааж̇асса.

    Niyyātha candasūriyā, yaññatthāya ekarājassa.

    1132.

    1132.

    ‘‘мам̣сарасабхож̇анаа нхаабагасунхаабид̇аа, гун̣д̣алино аг̇алужанд̣̇анавилид̇д̇аа;

    ‘‘Maṃsarasabhojanā nhāpakasunhāpitā, kuṇḍalino agalucandanavilittā;

    нияяаат̇а жанд̣̇асуурияаа, маад̇у гад̇ваа хад̣̇аяасогам̣.

    Niyyātha candasūriyā, mātu katvā hadayasokaṃ.

    1133.

    1133.

    ‘‘мам̣сарасабхож̇анаа нхаабагасунхаабид̇аа, гун̣д̣алино аг̇алужанд̣̇анавилид̇д̇аа;

    ‘‘Maṃsarasabhojanā nhāpakasunhāpitā, kuṇḍalino agalucandanavilittā;

    нияяаат̇а жанд̣̇асуурияаа, ж̇анасса гад̇ваа хад̣̇аяасога’’нд̇и.

    Niyyātha candasūriyā, janassa katvā hadayasoka’’nti.

    д̇ад̇т̇а маалааг̇ун̣аад̇и бубпад̣̇аамаани. д̇зсаж̇ж̇аад̇и д̇зсам̣ аж̇ж̇а. нзд̇д̇им̣сод̇и аси. вивад̇д̇иссад̇ийд̇и бад̇иссад̇и. ажирам̣ вад̇аад̇и ажирзна вад̇а. на палад̇ийд̇и на бхиж̇ж̇ад̇и. д̇аава д̣̇ал̣хаб̣анд̇хан̃жа мз аасийд̇и ад̇ивияа т̇ираб̣анд̇ханам̣ мз хад̣̇аяам̣ бхависсад̇ийд̇и ад̇т̇о. нияяаат̇аад̇и г̇ажчат̇а.

    Tattha mālāguṇāti pupphadāmāni. Tesajjāti tesaṃ ajja. Nettiṃsoti asi. Vivattissatīti patissati. Aciraṃ vatāti acirena vata. Na phalatīti na bhijjati. Tāva daḷhabandhañcame āsīti ativiya thirabandhanaṃ me hadayaṃ bhavissatīti attho. Niyyāthāti gacchatha.

    звам̣ д̇ассаа барид̣̇званд̇ияаава яан̃н̃ааваадз саб̣б̣агаммам̣ нидтааси. рааж̇абуд̇д̇ам̣ нзд̇ваа г̇ийвам̣ онаамзд̇ваа нисийд̣̇аабзсум̣. кан̣д̣ахаало суван̣н̣абаад̇им̣ убанаамзд̇ваа каг̇г̇ам̣ аад̣̇ааяа ‘‘д̇асса г̇ийвам̣ чинд̣̇иссаамий’’д̇и адтааси. д̇ам̣ д̣̇исваа жанд̣̇аад̣̇звий ‘‘ан̃н̃ам̣ мз бадисаран̣ам̣ над̇т̇и, ад̇д̇ано сажжаб̣алзна саамигасса сод̇т̇им̣ гариссаамий’’д̇и ан̃ж̇алим̣ баг̇г̇аяха барисааяа анд̇арз вижаранд̇ий сажжагирияам̣ агааси. д̇амад̇т̇ам̣ багаасзнд̇о сад̇т̇аа ааха –

    Evaṃ tassā paridevantiyāva yaññāvāṭe sabbakammaṃ niṭṭhāsi. Rājaputtaṃ netvā gīvaṃ onāmetvā nisīdāpesuṃ. Khaṇḍahālo suvaṇṇapātiṃ upanāmetvā khaggaṃ ādāya ‘‘tassa gīvaṃ chindissāmī’’ti aṭṭhāsi. Taṃ disvā candādevī ‘‘aññaṃ me paṭisaraṇaṃ natthi, attano saccabalena sāmikassa sotthiṃ karissāmī’’ti añjaliṃ paggayha parisāya antare vicarantī saccakiriyaṃ akāsi. Tamatthaṃ pakāsento satthā āha –

    1134.

    1134.

    ‘‘саб̣б̣асмим̣ убагкадасмим̣, нисийд̣̇ид̇з жанд̣̇асмим̣ яан̃н̃ад̇т̇ааяа;

    ‘‘Sabbasmiṃ upakkhaṭasmiṃ, nisīdite candasmiṃ yaññatthāya;

    бан̃жааларааж̇ад̇хийд̇аа бан̃ж̇алигаа, саб̣б̣абарисааяа саманубарияааяи.

    Pañcālarājadhītā pañjalikā, sabbaparisāya samanupariyāyi.

    1135.

    1135.

    ‘‘язна сажжзна кан̣д̣ахаало, баабагаммам̣ гарод̇и д̣̇уммзд̇хо;

    ‘‘Yena saccena khaṇḍahālo, pāpakammaṃ karoti dummedho;

    зд̇зна сажжаваж̇ж̇зна, саман̇г̇иний саамигзна хоми.

    Etena saccavajjena, samaṅginī sāmikena homi.

    1136.

    1136.

    ‘‘яз ид̇хад̇т̇и амануссаа, яаани жа яагкабхууд̇абхаб̣яаани;

    ‘‘Ye idhatthi amanussā, yāni ca yakkhabhūtabhabyāni;

    гаронд̇у мз взяяаавадигам̣, саман̇г̇иний саамигзна хоми.

    Karontu me veyyāvaṭikaṃ, samaṅginī sāmikena homi.

    1137.

    1137.

    ‘‘яаа д̣̇звад̇аа ид̇хааг̇ад̇аа, яаани жа яагкабхууд̇абхаб̣яаани;

    ‘‘Yā devatā idhāgatā, yāni ca yakkhabhūtabhabyāni;

    саран̣зсиним̣ анаат̇ам̣ д̇ааяат̇а мам̣, яаажаамахам̣ бад̇и маахам̣ аж̇зяяа’’нд̇и.

    Saraṇesiniṃ anāthaṃ tāyatha maṃ, yācāmahaṃ pati māhaṃ ajeyya’’nti.

    д̇ад̇т̇а убагкадасминд̇и саб̣б̣асмим̣ яан̃н̃асамбхаарз саж̇ж̇ид̇з бадияад̇д̇з. саман̇г̇инийд̇и самбаяуд̇д̇аа згасам̣ваасаа. яз ид̇хад̇т̇ийд̇и яз ид̇ха ад̇т̇и. яагкабхууд̇абхаб̣яаанийд̇и д̣̇звасан̇каад̇аа яагкаа жа вад̣дхид̇ваа тид̇асад̇д̇асан̇каад̇аа бхууд̇аа жа ид̣̇аани вад̣дханагасад̇д̇асан̇каад̇аани бхаб̣яаани жа. взяяаавадиганд̇и маяхам̣ взяяааважжам̣ гаронд̇у. д̇ааяат̇а манд̇и рагкат̇а мам̣. яаажаамаханд̇и ахам̣ во яаажаами. бад̇и мааханд̇и бад̇им̣ ахам̣ маа аж̇зяяам̣.

    Tattha upakkhaṭasminti sabbasmiṃ yaññasambhāre sajjite paṭiyatte. Samaṅginīti sampayuttā ekasaṃvāsā. Ye idhatthīti ye idha atthi. Yakkhabhūtabhabyānīti devasaṅkhātā yakkhā ca vaḍḍhitvā ṭhitasattasaṅkhātā bhūtā ca idāni vaḍḍhanakasattasaṅkhātāni bhabyāni ca. Veyyāvaṭikanti mayhaṃ veyyāvaccaṃ karontu. Tāyatha manti rakkhatha maṃ. Yācāmahanti ahaṃ vo yācāmi. Pati māhanti patiṃ ahaṃ mā ajeyyaṃ.

    ат̇а сагго д̣̇зварааж̇аа д̇ассаа барид̣̇звасад̣̇д̣̇ам̣ суд̇ваа д̇ам̣ бавад̇д̇им̣ н̃ад̇ваа ж̇алид̇ам̣ аяагуудам̣ аад̣̇ааяа г̇анд̇ваа рааж̇аанам̣ д̇аасзд̇ваа саб̣б̣з виссаж̇ж̇аабзси. д̇амад̇т̇ам̣ багаасзнд̇о сад̇т̇аа ааха –

    Atha sakko devarājā tassā paridevasaddaṃ sutvā taṃ pavattiṃ ñatvā jalitaṃ ayakūṭaṃ ādāya gantvā rājānaṃ tāsetvā sabbe vissajjāpesi. Tamatthaṃ pakāsento satthā āha –

    1138.

    1138.

    ‘‘д̇ам̣ суд̇ваа амануссо, аяогуудам̣ бариб̣бхамзд̇ваана;

    ‘‘Taṃ sutvā amanusso, ayokūṭaṃ paribbhametvāna;

    бхаяамасса ж̇анаяанд̇о, рааж̇аанам̣ ид̣̇амавожа.

    Bhayamassa janayanto, rājānaṃ idamavoca.

    1139.

    1139.

    ‘‘б̣уж̇жхассу ко рааж̇агали, маа д̇аахам̣ мад̇т̇агам̣ нид̇аал̣зсим̣;

    ‘‘Bujjhassu kho rājakali, mā tāhaṃ matthakaṃ nitāḷesiṃ;

    маа ж̇здтабуд̇д̇амавад̇хи, ад̣̇уусагам̣ сийхасан̇гаасам̣.

    Mā jeṭṭhaputtamavadhi, adūsakaṃ sīhasaṅkāsaṃ.

    1140.

    1140.

    ‘‘го д̇з д̣̇идто рааж̇агали, буд̇д̇абхарияааяо хан̃н̃амаанааяо;

    ‘‘Ko te diṭṭho rājakali, puttabhariyāyo haññamānāyo;

    сздти жа г̇ахабад̇аяо, ад̣̇уусагаа саг̇г̇агаамаа хи.

    Seṭṭhi ca gahapatayo, adūsakā saggakāmā hi.

    1141.

    1141.

    ‘‘д̇ам̣ суд̇ваа кан̣д̣ахаало, рааж̇аа жа аб̣бхуд̇амид̣̇ам̣ д̣̇исваана;

    ‘‘Taṃ sutvā khaṇḍahālo, rājā ca abbhutamidaṃ disvāna;

    саб̣б̣зсам̣ б̣анд̇ханаани можзсум̣, яат̇аа д̇ам̣ анубагхаад̇ам̣.

    Sabbesaṃ bandhanāni mocesuṃ, yathā taṃ anupaghātaṃ.

    1142.

    1142.

    ‘‘саб̣б̣зсу виббамуд̇д̇зсу, яз д̇ад̇т̇а самааг̇ад̇аа д̇ад̣̇аа аасум̣;

    ‘‘Sabbesu vippamuttesu, ye tattha samāgatā tadā āsuṃ;

    саб̣б̣з згзгалзд̣д̣угамад̣̇ам̣су, зса вад̇хо кан̣д̣ахаалассаа’’д̇и.

    Sabbe ekekaleḍḍukamadaṃsu, esa vadho khaṇḍahālassā’’ti.

    д̇ад̇т̇а амануссод̇и сагго д̣̇зварааж̇аа. б̣уж̇жхассууд̇и ж̇аанассу саллагкзхи. рааж̇агалийд̇и рааж̇агаал̣аган̣н̣и рааж̇алаамага. маа д̇ааханд̇и баабарааж̇а, б̣уж̇жха, маа д̇з ахам̣ мад̇т̇агам̣ нид̇аал̣зсим̣. го д̇з д̣̇идтод̇и гухим̣ д̇аяаа д̣̇идтабуб̣б̣о. саг̇г̇агаамаа хийд̇и зд̇т̇а хийд̇и нибаад̇амад̇д̇ам̣, саг̇г̇агаамаа саг̇г̇ам̣ бад̇т̇аяамаанаад̇и ад̇т̇о. д̇ам̣ суд̇ваад̇и, бхигкавз, д̇ам̣ саггасса важанам̣ кан̣д̣ахаало суд̇ваа. аб̣бхуд̇амид̣̇анд̇и рааж̇аа жа ид̣̇ам̣ саггасса д̣̇ассанам̣ буб̣б̣з абхууд̇ам̣ д̣̇исваа. яат̇аа д̇анд̇и яат̇аа анубагхаад̇ам̣ баан̣ам̣ можзнд̇и, звамзва можзсум̣. згзгалзд̣д̣угамад̣̇ам̣сууд̇и бхигкавз, яад̇д̇агаа д̇асмим̣ яан̃н̃ааваадз самааг̇ад̇аа, саб̣б̣з згаголаахалам̣ гад̇ваа кан̣д̣ахааласса згзгалзд̣д̣убахаарам̣ ад̣̇ам̣су. зса вад̇ход̇и зсова кан̣д̣ахааласса вад̇хо ахоси, д̇ад̇т̇зва нам̣ ж̇ийвид̇агкаяам̣ баабзсунд̇и ад̇т̇о.

    Tattha amanussoti sakko devarājā. Bujjhassūti jānassu sallakkhehi. Rājakalīti rājakāḷakaṇṇi rājalāmaka. Mā tāhanti pāparāja, bujjha, mā te ahaṃ matthakaṃ nitāḷesiṃ. Ko te diṭṭhoti kuhiṃ tayā diṭṭhapubbo. Saggakāmā hīti ettha hīti nipātamattaṃ, saggakāmā saggaṃ patthayamānāti attho. Taṃ sutvāti, bhikkhave, taṃ sakkassa vacanaṃ khaṇḍahālo sutvā. Abbhutamidanti rājā ca idaṃ sakkassa dassanaṃ pubbe abhūtaṃ disvā. Yathā tanti yathā anupaghātaṃ pāṇaṃ mocenti, evameva mocesuṃ. Ekekaleḍḍukamadaṃsūti bhikkhave, yattakā tasmiṃ yaññāvāṭe samāgatā, sabbe ekakolāhalaṃ katvā khaṇḍahālassa ekekaleḍḍupahāraṃ adaṃsu. Esa vadhoti esova khaṇḍahālassa vadho ahosi, tattheva naṃ jīvitakkhayaṃ pāpesunti attho.

    д̇ам̣ бана маарзд̇ваа махааж̇ано рааж̇аанам̣ маарзд̇ум̣ аарабхи. б̣од̇хисад̇д̇о бид̇арам̣ бариссаж̇ид̇ваа маарзд̇ум̣ на ад̣̇ааси. махааж̇ано ‘‘ж̇ийвид̇ам̣ зд̇асса баабаран̃н̃о д̣̇зма, чад̇д̇ам̣ банасса наг̇арз жа ваасам̣ на д̣̇ассаама, жан̣д̣аалам̣ гад̇ваа б̣ахинаг̇арз васаабзссаамаа’’д̇и вад̇ваа рааж̇авзсам̣ хаарзд̇ваа гаасаавам̣ ниваасаабзд̇ваа халид̣̇д̣̇ибилод̇игааяа сийсам̣ взтзд̇ваа жан̣д̣аалам̣ гад̇ваа жан̣д̣аалавасанадтаанам̣ д̇ам̣ бахин̣и. яз банзд̇ам̣ басугхаад̇аяан̃н̃ам̣ яаж̇им̣су жзва яаж̇аабзсун̃жа анумод̣̇им̣су жа, саб̣б̣з нираяабарааяан̣аава ахзсум̣. д̇амад̇т̇ам̣ багаасзнд̇о сад̇т̇аа ааха –

    Taṃ pana māretvā mahājano rājānaṃ māretuṃ ārabhi. Bodhisatto pitaraṃ parissajitvā māretuṃ na adāsi. Mahājano ‘‘jīvitaṃ etassa pāparañño dema, chattaṃ panassa nagare ca vāsaṃ na dassāma, caṇḍālaṃ katvā bahinagare vasāpessāmā’’ti vatvā rājavesaṃ hāretvā kāsāvaṃ nivāsāpetvā haliddipilotikāya sīsaṃ veṭhetvā caṇḍālaṃ katvā caṇḍālavasanaṭṭhānaṃ taṃ pahiṇi. Ye panetaṃ pasughātayaññaṃ yajiṃsu ceva yajāpesuñca anumodiṃsu ca, sabbe nirayaparāyaṇāva ahesuṃ. Tamatthaṃ pakāsento satthā āha –

    1143.

    1143.

    ‘‘саб̣б̣з бавидтаа нираяам̣, яат̇аа д̇ам̣ баабагам̣ гарид̇ваана;

    ‘‘Sabbe paviṭṭhā nirayaṃ, yathā taṃ pāpakaṃ karitvāna;

    на хи баабагаммам̣ гад̇ваа, лаб̣бхаа суг̇ад̇им̣ ид̇о г̇анд̇у’’нд̇и.

    Na hi pāpakammaṃ katvā, labbhā sugatiṃ ito gantu’’nti.

    соби ко махааж̇ано д̣̇вз гаал̣аган̣н̣ияо хаарзд̇ваа д̇ад̇т̇зва абхисзгасамбхаарз аахарид̇ваа жанд̣̇агумаарам̣ абхисин̃жи. д̇амад̇т̇ам̣ багаасзнд̇о сад̇т̇аа ааха –

    Sopi kho mahājano dve kāḷakaṇṇiyo hāretvā tattheva abhisekasambhāre āharitvā candakumāraṃ abhisiñci. Tamatthaṃ pakāsento satthā āha –

    1144.

    1144.

    ‘‘саб̣б̣зсу виббамуд̇д̇зсу, яз д̇ад̇т̇а самааг̇ад̇аа д̇ад̣̇аа аасум̣;

    ‘‘Sabbesu vippamuttesu, ye tattha samāgatā tadā āsuṃ;

    жанд̣̇ам̣ абхисин̃жим̣су, самааг̇ад̇аа рааж̇абарисаа жа.

    Candaṃ abhisiñciṃsu, samāgatā rājaparisā ca.

    1145.

    1145.

    ‘‘саб̣б̣зсу виббамуд̇д̇зсу, яз д̇ад̇т̇а самааг̇ад̇аа д̇ад̣̇аа аасум̣;

    ‘‘Sabbesu vippamuttesu, ye tattha samāgatā tadā āsuṃ;

    жанд̣̇ам̣ абхисин̃жим̣су, самааг̇ад̇аа рааж̇аган̃н̃ааяо жа.

    Candaṃ abhisiñciṃsu, samāgatā rājakaññāyo ca.

    1146.

    1146.

    ‘‘саб̣б̣зсу виббамуд̇д̇зсу, яз д̇ад̇т̇а самааг̇ад̇аа д̇ад̣̇аа аасум̣;

    ‘‘Sabbesu vippamuttesu, ye tattha samāgatā tadā āsuṃ;

    жанд̣̇ам̣ абхисин̃жим̣су, самааг̇ад̇аа д̣̇звабарисаа жа.

    Candaṃ abhisiñciṃsu, samāgatā devaparisā ca.

    1147.

    1147.

    ‘‘саб̣б̣зсу виббамуд̇д̇зсу, яз д̇ад̇т̇а самааг̇ад̇аа д̇ад̣̇аа аасум̣;

    ‘‘Sabbesu vippamuttesu, ye tattha samāgatā tadā āsuṃ;

    жанд̣̇ам̣ абхисин̃жим̣су, самааг̇ад̇аа д̣̇зваган̃н̃ааяо жа.

    Candaṃ abhisiñciṃsu, samāgatā devakaññāyo ca.

    1148.

    1148.

    ‘‘саб̣б̣зсу виббамуд̇д̇зсу, яз д̇ад̇т̇а самааг̇ад̇аа д̇ад̣̇аа аасум̣;

    ‘‘Sabbesu vippamuttesu, ye tattha samāgatā tadā āsuṃ;

    жзлугкзбамагарум̣, самааг̇ад̇аа рааж̇абарисаа жа.

    Celukkhepamakaruṃ, samāgatā rājaparisā ca.

    1149.

    1149.

    ‘‘саб̣б̣зсу виббамуд̇д̇зсу, яз д̇ад̇т̇а самааг̇ад̇аа д̇ад̣̇аа аасум̣;

    ‘‘Sabbesu vippamuttesu, ye tattha samāgatā tadā āsuṃ;

    жзлугкзбамагарум̣, самааг̇ад̇аа рааж̇аган̃н̃ааяо жа.

    Celukkhepamakaruṃ, samāgatā rājakaññāyo ca.

    1150.

    1150.

    ‘‘саб̣б̣зсу виббамуд̇д̇зсу, яз д̇ад̇т̇а самааг̇ад̇аа д̇ад̣̇аа аасум̣;

    ‘‘Sabbesu vippamuttesu, ye tattha samāgatā tadā āsuṃ;

    жзлугкзбамагарум̣, самааг̇ад̇аа д̣̇звабарисаа жа.

    Celukkhepamakaruṃ, samāgatā devaparisā ca.

    1151.

    1151.

    ‘‘саб̣б̣зсу виббамуд̇д̇зсу, яз д̇ад̇т̇а самааг̇ад̇аа д̇ад̣̇аа аасум̣;

    ‘‘Sabbesu vippamuttesu, ye tattha samāgatā tadā āsuṃ;

    жзлугкзбамагарум̣, самааг̇ад̇аа д̣̇зваган̃н̃ааяо жа.

    Celukkhepamakaruṃ, samāgatā devakaññāyo ca.

    1152.

    1152.

    ‘‘саб̣б̣зсу виббамуд̇д̇зсу, б̣ахуу аананд̣̇ид̇аа ахум̣;

    ‘‘Sabbesu vippamuttesu, bahū ānanditā ahuṃ;

    нанд̣̇им̣ бавзси наг̇арам̣, б̣анд̇ханаа могко агхосид̇т̇аа’’д̇и.

    Nandiṃ pavesi nagaraṃ, bandhanā mokkho aghositthā’’ti.

    д̇ад̇т̇а рааж̇абарисаа жаад̇и рааж̇абарисааби д̇ийхи сан̇кзхи абхисин̃жим̣су. рааж̇аган̃н̃ааяо жаад̇и кад̇д̇ияад̇хийд̇ароби нам̣ абхисин̃жим̣су. д̣̇звабарисаа жаад̇и сагго д̣̇зварааж̇аа виж̇аяуд̇д̇арасан̇кам̣ г̇ахзд̇ваа д̣̇звабарисааяа сад̣̇д̇хим̣ абхисин̃жи. д̣̇зваган̃н̃ааяо жаад̇и суж̇ааби д̣̇звад̇хийд̇араахи сад̣̇д̇хим̣ абхисин̃жи. жзлугкзбамагарунд̇и наанааван̣н̣зхи вад̇т̇зхи д̇хаж̇з уссаабзд̇ваа уд̇д̇арисаадагаани аагаасз кибанд̇аа жзлугкзбам̣ гарим̣су. рааж̇абарисаа жа ид̇арз д̇аяо годтаасаа жаад̇и абхисзгагаарагаа жад̇д̇аароби годтаасаа гарим̣суязва. аананд̣̇ид̇аа ахунд̇и аамод̣̇ид̇аа ахзсум̣. нанд̣̇им̣ бавзси наг̇аранд̇и жанд̣̇агумаарасса чад̇д̇ам̣ уссаабзд̇ваа наг̇арам̣ бавидтагаалз наг̇арз аананд̣̇абхзри жари. ‘‘гим̣ вад̇ваа’’д̇и? яат̇аа ‘‘амхаагам̣ жанд̣̇агумааро б̣анд̇ханаа муд̇д̇о, звамзва саб̣б̣з б̣анд̇ханаа мужжанд̇уу’’д̇и. д̇зна вуд̇д̇ам̣ ‘‘б̣анд̇ханаа могко агхосид̇т̇аа’’д̇и.

    Tattha rājaparisā cāti rājaparisāpi tīhi saṅkhehi abhisiñciṃsu. Rājakaññāyo cāti khattiyadhītaropi naṃ abhisiñciṃsu. Devaparisā cāti sakko devarājā vijayuttarasaṅkhaṃ gahetvā devaparisāya saddhiṃ abhisiñci. Devakaññāyo cāti sujāpi devadhītarāhi saddhiṃ abhisiñci. Celukkhepamakarunti nānāvaṇṇehi vatthehi dhaje ussāpetvā uttarisāṭakāni ākāse khipantā celukkhepaṃ kariṃsu. Rājaparisā ca itare tayo koṭṭhāsā cāti abhisekakārakā cattāropi koṭṭhāsā kariṃsuyeva. Ānanditā ahunti āmoditā ahesuṃ. Nandiṃ pavesi nagaranti candakumārassa chattaṃ ussāpetvā nagaraṃ paviṭṭhakāle nagare ānandabheri cari. ‘‘Kiṃ vatvā’’ti? Yathā ‘‘amhākaṃ candakumāro bandhanā mutto, evameva sabbe bandhanā muccantū’’ti. Tena vuttaṃ ‘‘bandhanā mokkho aghositthā’’ti.

    б̣од̇хисад̇д̇о бид̇у вад̇д̇ам̣ бадтабзси. анд̇онаг̇арам̣ бана бависид̇ум̣ на лабхад̇и. бариб̣б̣аяасса кийн̣агаалз б̣од̇хисад̇д̇о уяяаанагийл̣аад̣̇ийнам̣ ад̇т̇ааяа г̇ажчанд̇о д̇ам̣ убасан̇гамид̇ваа ‘‘бад̇имхий’’д̇и на ванд̣̇ад̇и, ан̃ж̇алим̣ бана гад̇ваа ‘‘жирам̣ ж̇ийва саамий’’д̇и вад̣̇ад̇и. ‘‘гзнад̇т̇о’’д̇и вуд̇д̇з аарожзси. ат̇асса бариб̣б̣аяам̣ д̣̇аабзси. со д̇хаммзна раж̇ж̇ам̣ гаарзд̇ваа ааяубарияосаанз д̣̇звалогам̣ буураяамаано аг̇амааси.

    Bodhisatto pitu vattaṃ paṭṭhapesi. Antonagaraṃ pana pavisituṃ na labhati. Paribbayassa khīṇakāle bodhisatto uyyānakīḷādīnaṃ atthāya gacchanto taṃ upasaṅkamitvā ‘‘patimhī’’ti na vandati, añjaliṃ pana katvā ‘‘ciraṃ jīva sāmī’’ti vadati. ‘‘Kenattho’’ti vutte ārocesi. Athassa paribbayaṃ dāpesi. So dhammena rajjaṃ kāretvā āyupariyosāne devalokaṃ pūrayamāno agamāsi.

    сад̇т̇аа имам̣ д̇хаммад̣̇зсанам̣ аахарид̇ваа ‘‘на, бхигкавз, ид̣̇аанзва, буб̣б̣зби д̣̇звад̣̇ад̇д̇о мам̣ згам̣ ниссааяа б̣ахуу маарзд̇ум̣ вааяаамамагаасий’’д̇и вад̇ваа ж̇аад̇агам̣ самод̇хаанзси. д̇ад̣̇аа кан̣д̣ахаало д̣̇звад̣̇ад̇д̇о ахоси, г̇од̇амийд̣̇звий махаамааяаа, жанд̣̇аад̣̇звий раахуламаад̇аа, васуло раахуло, сзлаа уббалаван̣н̣аа, сууро ваамаг̇од̇д̇о гассабо, бхад̣̇д̣̇асзно мог̇г̇аллаано, суурияагумааро саарибуд̇д̇о, жанд̣̇арааж̇аа бана ахамзва саммаасамб̣уд̣̇д̇хо ахосинд̇и.

    Satthā imaṃ dhammadesanaṃ āharitvā ‘‘na, bhikkhave, idāneva, pubbepi devadatto maṃ ekaṃ nissāya bahū māretuṃ vāyāmamakāsī’’ti vatvā jātakaṃ samodhānesi. Tadā khaṇḍahālo devadatto ahosi, gotamīdevī mahāmāyā, candādevī rāhulamātā, vasulo rāhulo, selā uppalavaṇṇā, sūro vāmagotto kassapo, bhaddaseno moggallāno, sūriyakumāro sāriputto, candarājā pana ahameva sammāsambuddho ahosinti.

    жанд̣̇агумаараж̇аад̇агаван̣н̣анаа сад̇д̇амаа.

    Candakumārajātakavaṇṇanā sattamā.




    Next: [545] 8. махаанаарад̣̇агассабаж̇аад̇агаван̣н̣анаа • [545] 8. Mahānāradakassapajātakavaṇṇanā




    Related texts:



    д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 544. жанд̣̇агумаараж̇аад̇агам̣ • 544. Candakumārajātakaṃ


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact