| Library / Tipiṭaka / д̇ибидага • Tipiṭaka / вимаанавад̇т̇у-адтагат̇аа • Vimānavatthu-aṭṭhakathā |
4. жан̣д̣ааливимаанаван̣н̣анаа
4. Caṇḍālivimānavaṇṇanā
жан̣д̣аали ванд̣̇а баад̣̇аанийд̇и жан̣д̣ааливимаанам̣. д̇асса гаа уббад̇д̇и? бхаг̇аваа рааж̇аг̇ахз вихаранд̇о бажжуусавзлааяам̣ б̣уд̣̇д̇хаажин̣н̣ам̣ махаагарун̣аасамаабад̇д̇им̣ самаабаж̇ж̇ид̇ваа удтааяа логам̣ ологзнд̇о ад̣̇д̣̇аса д̇асмим̣язва наг̇арз жан̣д̣аалаавасат̇з васанд̇им̣ згам̣ махаллигам̣ жан̣д̣аалим̣ кийн̣ааяугам̣, нираяасам̣вад̇д̇аниган̃жассаа гаммам̣ убадтид̇ам̣. со махаагарун̣ааяа самуссаахид̇амаанасо ‘‘саг̇г̇асам̣вад̇д̇анигам̣ гаммам̣ гаарзд̇ваа д̇знассаа нираяуубабад̇д̇им̣ нисзд̇хзд̇ваа саг̇г̇з бад̇идтаабзссаамий’’д̇и жинд̇зд̇ваа махад̇аа бхигкусан̇гхзна сад̣̇д̇хим̣ рааж̇аг̇ахам̣ бин̣д̣ааяа бависад̇и. д̇зна жа самаязна саа жан̣д̣аалий д̣̇ан̣д̣ам̣ олуб̣бха наг̇арад̇о нигкаманд̇ий бхаг̇аванд̇ам̣ ааг̇ажчанд̇ам̣ д̣̇исваа абхимукий худ̇ваа адтааси. бхаг̇авааби д̇ассаа г̇аманам̣ ниваарзнд̇о вияа бурад̇о адтааси. ат̇ааяасмаа махаамог̇г̇аллаано сад̇т̇у жид̇д̇ам̣ н̃ад̇ваа д̇ассаа жа ааяубаригкаяам̣ бхаг̇авад̇о ванд̣̇анааяа д̇ам̣ нияож̇знд̇о –
Caṇḍālivanda pādānīti caṇḍālivimānaṃ. Tassa kā uppatti? Bhagavā rājagahe viharanto paccūsavelāyaṃ buddhāciṇṇaṃ mahākaruṇāsamāpattiṃ samāpajjitvā uṭṭhāya lokaṃ olokento addasa tasmiṃyeva nagare caṇḍālāvasathe vasantiṃ ekaṃ mahallikaṃ caṇḍāliṃ khīṇāyukaṃ, nirayasaṃvattanikañcassā kammaṃ upaṭṭhitaṃ. So mahākaruṇāya samussāhitamānaso ‘‘saggasaṃvattanikaṃ kammaṃ kāretvā tenassā nirayūpapattiṃ nisedhetvā sagge patiṭṭhāpessāmī’’ti cintetvā mahatā bhikkhusaṅghena saddhiṃ rājagahaṃ piṇḍāya pavisati. Tena ca samayena sā caṇḍālī daṇḍaṃ olubbha nagarato nikkhamantī bhagavantaṃ āgacchantaṃ disvā abhimukhī hutvā aṭṭhāsi. Bhagavāpi tassā gamanaṃ nivārento viya purato aṭṭhāsi. Athāyasmā mahāmoggallāno satthu cittaṃ ñatvā tassā ca āyuparikkhayaṃ bhagavato vandanāya taṃ niyojento –
195.
195.
‘‘жан̣д̣аали ванд̣̇а баад̣̇аани, г̇од̇амасса яасассино;
‘‘Caṇḍāli vanda pādāni, gotamassa yasassino;
д̇амзва анугамбааяа, адтааси исисад̇д̇амо.
Tameva anukampāya, aṭṭhāsi isisattamo.
196.
196.
‘‘абхиббасаад̣̇зхи манам̣, араханд̇амхи д̇аад̣̇ини;
‘‘Abhippasādehi manaṃ, arahantamhi tādini;
киббам̣ бан̃ж̇алигаа ванд̣̇а, барид̇д̇ам̣ д̇ава ж̇ийвид̇а’’нд̇и. – г̇аат̇аад̣̇ваяамааха;
Khippaṃ pañjalikā vanda, parittaṃ tava jīvita’’nti. – gāthādvayamāha;
195. д̇ад̇т̇а жан̣д̣аалийд̇и ж̇аад̇иааг̇ад̇зна наамзна д̇ам̣ аалабад̇и. ванд̣̇аад̇и абхиваад̣̇аяа. баад̣̇аанийд̇и сад̣̇звагасса логасса саран̣аани жаран̣аани . д̇амзва анугамбааяаад̇и д̇амзва ануг̇г̇ан̣ханад̇т̇ам̣, абааяуубабад̇д̇ид̇о нисзд̇хзд̇ваа саг̇г̇з ниб̣б̣ад̇д̇аабанад̇т̇анд̇и ад̇хиббааяо. адтаасийд̇и наг̇арамби абависид̇ваа тид̇о. исисад̇д̇амод̇и логияасзгкаасзгкабажжзгаб̣уд̣̇д̇хаисийхи уд̇д̇амо уггадтад̇амо, ат̇а ваа б̣уд̣̇д̇хаисийнам̣ вибассиаад̣̇ийнам̣ сад̇д̇амод̇и исисад̇д̇амо.
195. Tattha caṇḍālīti jātiāgatena nāmena taṃ ālapati. Vandāti abhivādaya. Pādānīti sadevakassa lokassa saraṇāni caraṇāni . Tameva anukampāyāti tameva anuggaṇhanatthaṃ, apāyūpapattito nisedhetvā sagge nibbattāpanatthanti adhippāyo. Aṭṭhāsīti nagarampi apavisitvā ṭhito. Isisattamoti lokiyasekkhāsekkhapaccekabuddhaisīhi uttamo ukkaṭṭhatamo, atha vā buddhaisīnaṃ vipassiādīnaṃ sattamoti isisattamo.
196. абхиббасаад̣̇зхи мананд̇и ‘‘саммаасамб̣уд̣̇д̇хо бхаг̇аваа’’д̇и д̇ава жид̇д̇ам̣ басаад̣̇зхи. араханд̇амхи д̇аад̣̇инийд̇и аарагад̇д̇аа гилзсаанам̣, д̇зсам̣язва арийнам̣ хад̇ад̇д̇аа, сам̣сааражаггасса араанам̣ хад̇ад̇д̇аа, бажжаяаанам̣ арахад̇д̇аа, баабагаран̣з рахаабхааваа жа араханд̇з, идтаад̣̇ийсу д̇аад̣̇ибхааваббад̇д̇ияаа д̇аад̣̇имхи. киббам̣ бан̃ж̇алигаа ванд̣̇аад̇и сийгхам̣язва баг̇г̇ахид̇аан̃ж̇алигаа худ̇ваа ванд̣̇ассу. гасмаад̇и жз? барид̇д̇ам̣ д̇ава ж̇ийвид̇анд̇и, ид̣̇аанзва бхиж̇ж̇анасабхаавад̇д̇аа барид̇д̇ам̣ ад̇иид̇д̇арам̣.
196.Abhippasādehi mananti ‘‘sammāsambuddho bhagavā’’ti tava cittaṃ pasādehi. Arahantamhi tādinīti ārakattā kilesānaṃ, tesaṃyeva arīnaṃ hatattā, saṃsāracakkassa arānaṃ hatattā, paccayānaṃ arahattā, pāpakaraṇe rahābhāvā ca arahante, iṭṭhādīsu tādibhāvappattiyā tādimhi. Khippaṃ pañjalikā vandāti sīghaṃyeva paggahitaañjalikā hutvā vandassu. Kasmāti ce? Parittaṃ tava jīvitanti, idāneva bhijjanasabhāvattā parittaṃ atiittaraṃ.
ид̇и т̇зро г̇аат̇аад̣̇ваязна бхаг̇авад̇о г̇ун̣з багид̇д̇знд̇о ад̇д̇ано аанубхаавз тад̇ваа д̇ассаа жа кийн̣ааяугад̇аавибхааванзна сам̣взж̇знд̇о сад̇т̇у ванд̣̇анааяа нияож̇зси. саа жа д̇ам̣ суд̇ваа сам̣взг̇аж̇аад̇аа сад̇т̇ари басаннамаанасаава худ̇ваа бан̃жабад̇идтид̇зна ванд̣̇ид̇ваа ан̃ж̇алим̣ гад̇ваа намассамаанаа б̣уд̣̇д̇хаг̇ад̇ааяа бийд̇ияаа згаг̇г̇ажид̇д̇аа худ̇ваа адтааси. бхаг̇аваа ‘‘аламзд̇д̇агамзд̇иссаа саг̇г̇уубабад̇д̇ияаа’’д̇и наг̇арам̣ баависи сад̣̇д̇хим̣ бхигкусан̇гхзна. ат̇а нам̣ згаа бханд̇аа г̇аавий д̇арун̣аважчаа д̇ад̇о зва абхид̇хааванд̇ий син̇г̇зна бахарид̇ваа ж̇ийвид̇аа воробзси. д̇ам̣ саб̣б̣ам̣ д̣̇ассзд̇ум̣ сан̇г̇ийд̇игаараа –
Iti thero gāthādvayena bhagavato guṇe pakittento attano ānubhāve ṭhatvā tassā ca khīṇāyukatāvibhāvanena saṃvejento satthu vandanāya niyojesi. Sā ca taṃ sutvā saṃvegajātā satthari pasannamānasāva hutvā pañcapatiṭṭhitena vanditvā añjaliṃ katvā namassamānā buddhagatāya pītiyā ekaggacittā hutvā aṭṭhāsi. Bhagavā ‘‘alamettakametissā saggūpapattiyā’’ti nagaraṃ pāvisi saddhiṃ bhikkhusaṅghena. Atha naṃ ekā bhantā gāvī taruṇavacchā tato eva abhidhāvantī siṅgena paharitvā jīvitā voropesi. Taṃ sabbaṃ dassetuṃ saṅgītikārā –
197.
197.
‘‘жод̣̇ид̇аа бхаавид̇ад̇д̇зна, сарийранд̇имад̇хааринаа;
‘‘Coditā bhāvitattena, sarīrantimadhārinā;
жан̣д̣аалий ванд̣̇и баад̣̇аани, г̇од̇амасса яасассино.
Caṇḍālī vandi pādāni, gotamassa yasassino.
198.
198.
‘‘д̇амзнам̣ авад̇хий г̇аавий, жан̣д̣аалим̣ бан̃ж̇алим̣ тид̇ам̣;
‘‘Tamenaṃ avadhī gāvī, caṇḍāliṃ pañjaliṃ ṭhitaṃ;
намассамаанам̣ самб̣уд̣̇д̇хам̣, анд̇хагаарз бабхан̇гара’’нд̇и. – г̇аат̇аад̣̇ваяамаахам̣су;
Namassamānaṃ sambuddhaṃ, andhakāre pabhaṅkara’’nti. – gāthādvayamāhaṃsu;
198. д̇ад̇т̇а бан̃ж̇алим̣ тид̇ам̣ намассамаанам̣ самб̣уд̣̇д̇ханд̇и г̇ад̇зби бхаг̇авад̇и б̣уд̣̇д̇хаарамман̣ааяа бийд̇ияаа самаахид̇аа худ̇ваа саммукаа вияа ан̃ж̇алим̣ баг̇г̇аяха намассамаанам̣ тид̇ам̣. анд̇хагаарзд̇и авиж̇ж̇анд̇хагаарзна сагалзна гилзсанд̇хагаарзна жа анд̇хагаарз логз. бабхан̇гаранд̇и н̃аан̣обхаасагарам̣.
198. Tattha pañjaliṃ ṭhitaṃ namassamānaṃ sambuddhanti gatepi bhagavati buddhārammaṇāya pītiyā samāhitā hutvā sammukhā viya añjaliṃ paggayha namassamānaṃ ṭhitaṃ. Andhakāreti avijjandhakārena sakalena kilesandhakārena ca andhakāre loke. Pabhaṅkaranti ñāṇobhāsakaraṃ.
саа жа д̇ад̇о жуд̇аа д̇аавад̇им̣сзсу ниб̣б̣ад̇д̇и, ажчараанам̣ сад̇асахассам̣ жассаа баривааро ахоси. д̇ад̣̇ахзва жа саа саха вимаанзна ааг̇анд̇ваа вимаанад̇о од̇арид̇ваа ааяасманд̇ам̣ махаамог̇г̇аллаанам̣ убасан̇гамид̇ваа ванд̣̇и. д̇амад̇т̇ам̣ д̣̇ассзд̇ум̣ –
Sā ca tato cutā tāvatiṃsesu nibbatti, accharānaṃ satasahassaṃ cassā parivāro ahosi. Tadaheva ca sā saha vimānena āgantvā vimānato otaritvā āyasmantaṃ mahāmoggallānaṃ upasaṅkamitvā vandi. Tamatthaṃ dassetuṃ –
199.
199.
‘‘кийн̣аасавам̣ виг̇ад̇араж̇ам̣ анзж̇ам̣, згам̣ аран̃н̃амхи рахо нисиннам̣;
‘‘Khīṇāsavaṃ vigatarajaṃ anejaṃ, ekaṃ araññamhi raho nisinnaṃ;
д̣̇звид̣̇д̇хибад̇д̇аа убасан̇гамид̇ваа, ванд̣̇аами д̇ам̣ вийра махаанубхаава’’нд̇и. –
Deviddhipattā upasaṅkamitvā, vandāmi taṃ vīra mahānubhāva’’nti. –
д̣̇звад̇аа ааха. д̇ам̣ т̇зро бужчи –
Devatā āha. Taṃ thero pucchi –
200.
200.
‘‘суван̣н̣аван̣н̣аа ж̇алид̇аа махааяасаа, вимаанаморуяха анзгажид̇д̇аа;
‘‘Suvaṇṇavaṇṇā jalitā mahāyasā, vimānamoruyha anekacittā;
бариваарид̇аа ажчараасан̇г̇ан̣зна, гаа д̇вам̣ субхз д̣̇звад̇з ванд̣̇асз мама’’нд̇и.
Parivāritā accharāsaṅgaṇena, kā tvaṃ subhe devate vandase mama’’nti.
200. д̇ад̇т̇а ж̇алид̇аад̇и ад̇д̇ано сарийраббабхааяа вад̇т̇аабхаран̣аад̣̇ийнам̣ обхаасзна жа ж̇аланд̇ий ж̇од̇знд̇ий . махааяасаад̇и махаабариваараа. вимаанаморуяхаад̇и вимаанад̇о оруяха. анзгажид̇д̇аад̇и анзгавид̇хажид̇д̇ад̇ааяуд̇д̇аа. субхзд̇и субхаг̇ун̣з. маманд̇и мам̣.
200. Tattha jalitāti attano sarīrappabhāya vatthābharaṇādīnaṃ obhāsena ca jalantī jotentī . Mahāyasāti mahāparivārā. Vimānamoruyhāti vimānato oruyha. Anekacittāti anekavidhacittatāyuttā. Subheti subhaguṇe. Mamanti maṃ.
звам̣ т̇зрзна бужчид̇аа буна саа –
Evaṃ therena pucchitā puna sā –
201.
201.
‘‘ахам̣ бхад̣̇д̣̇анд̇з жан̣д̣аалий, д̇аяаа вийрзна бзсид̇аа;
‘‘Ahaṃ bhaddante caṇḍālī, tayā vīrena pesitā;
ванд̣̇им̣ арахад̇о баад̣̇з, г̇од̇амасса яасассино.
Vandiṃ arahato pāde, gotamassa yasassino.
202.
202.
‘‘саахам̣ ванд̣̇ид̇ваа баад̣̇аани, жуд̇аа жан̣д̣аалаяонияаа;
‘‘Sāhaṃ vanditvā pādāni, cutā caṇḍālayoniyā;
вимаанам̣ саб̣б̣ад̇о бхад̣̇д̣̇ам̣, убабаннамхи нанд̣̇анз.
Vimānaṃ sabbato bhaddaṃ, upapannamhi nandane.
203.
203.
‘‘ажчараанам̣ сад̇асахассам̣, бурагкад̇ваана д̇идтад̇и;
‘‘Accharānaṃ satasahassaṃ, purakkhatvāna tiṭṭhati;
д̇аасаахам̣ бавараа сздтаа, ван̣н̣зна яасасааяунаа.
Tāsāhaṃ pavarā seṭṭhā, vaṇṇena yasasāyunā.
204.
204.
‘‘бахууд̇агад̇агаляаан̣аа , самбаж̇аанаа бадиссад̇аа;
‘‘Pahūtakatakalyāṇā , sampajānā paṭissatā;
муним̣ гаарун̣игам̣ логз, д̇ам̣ бханд̇з ванд̣̇ид̇умааг̇ад̇аа’’д̇и. –
Muniṃ kāruṇikaṃ loke, taṃ bhante vanditumāgatā’’ti. –
жад̇ассо г̇аат̇ааяо ааха.
Catasso gāthāyo āha.
201-4. д̇ад̇т̇а бзсид̇аад̇и ‘‘жан̣д̣аали, ванд̣̇а баад̣̇ааний’’д̇иаад̣̇инаа ванд̣̇анааяа уяяож̇ид̇аа. яад̣̇иби д̇ам̣ ванд̣̇анаамаяам̣ бун̃н̃ам̣ бавад̇д̇игкан̣авасзна барид̇д̇ам̣, кзд̇д̇амаханд̇ад̇ааяа бана паламаханд̇ад̇ааяа жа ад̇ивияа маханд̇амзваад̇и ааха ‘‘бахууд̇агад̇агаляаан̣аа’’д̇и. д̇ат̇аа б̣уд̣̇д̇хаарамман̣ааяа бийд̇ияаа бавад̇д̇игкан̣з бан̃н̃ааяа сад̇ияаа жа висад̣̇абхаавам̣ санд̇хааяааха ‘‘самбаж̇аанаа бадиссад̇аа’’д̇и. буна –
201-4. Tattha pesitāti ‘‘caṇḍāli, vanda pādānī’’tiādinā vandanāya uyyojitā. Yadipi taṃ vandanāmayaṃ puññaṃ pavattikkhaṇavasena parittaṃ, khettamahantatāya pana phalamahantatāya ca ativiya mahantamevāti āha ‘‘pahūtakatakalyāṇā’’ti. Tathā buddhārammaṇāya pītiyā pavattikkhaṇe paññāya satiyā ca visadabhāvaṃ sandhāyāha ‘‘sampajānā paṭissatā’’ti. Puna –
205.
205.
‘‘ид̣̇ам̣ вад̇ваана жан̣д̣аалий, гад̇ан̃н̃уу гад̇авзд̣̇иний;
‘‘Idaṃ vatvāna caṇḍālī, kataññū katavedinī;
ванд̣̇ид̇ваа арахад̇о баад̣̇з, д̇ад̇т̇званд̇арад̇хааяат̇аа’’д̇и. –
Vanditvā arahato pāde, tatthevantaradhāyathā’’ti. –
г̇аат̇аа сан̇г̇ийд̇игаарзхи табид̇аа.
Gāthā saṅgītikārehi ṭhapitā.
205. д̇ад̇т̇а жан̣д̣аалийд̇и жан̣д̣аалийбхууд̇абуб̣б̣аад̇и гад̇ваа вуд̇д̇ам̣, д̣̇звалогз жа ид̣̇амаажин̣н̣ам̣, яам̣ мануссалогз нирул̣хасаман̃н̃ааяа вохааро. сзсам̣ вуд̇д̇анаяамзва.
205. Tattha caṇḍālīti caṇḍālībhūtapubbāti katvā vuttaṃ, devaloke ca idamāciṇṇaṃ, yaṃ manussaloke niruḷhasamaññāya vohāro. Sesaṃ vuttanayameva.
ааяасмаа бана махаамог̇г̇аллаано имам̣ бавад̇д̇им̣ бхаг̇авад̇о аарожзси. бхаг̇аваа д̇амад̇т̇ам̣ адтуббад̇д̇им̣ гад̇ваа самбад̇д̇абарисааяа д̇хаммам̣ д̣̇зсзси, саа д̣̇зсанаа махааж̇анасса саад̇т̇игаа ахосийд̇и.
Āyasmā pana mahāmoggallāno imaṃ pavattiṃ bhagavato ārocesi. Bhagavā tamatthaṃ aṭṭhuppattiṃ katvā sampattaparisāya dhammaṃ desesi, sā desanā mahājanassa sātthikā ahosīti.
жан̣д̣ааливимаанаван̣н̣анаа нидтид̇аа.
Caṇḍālivimānavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / вимаанавад̇т̇убаал̣и • Vimānavatthupāḷi / 4. жан̣д̣ааливимаанавад̇т̇у • 4. Caṇḍālivimānavatthu
