| Library / Tipiṭaka / ತಿಪಿಟಕ • Tipiṭaka / ಅಪದಾನಪಾಳಿ • Apadānapāḷi |
೩. ಚನ್ದನಪೂಜನಕತ್ಥೇರಅಪದಾನಂ
3. Candanapūjanakattheraapadānaṃ
೧೭.
17.
‘‘ಚನ್ದಭಾಗಾನದೀತೀರೇ, ಅಹೋಸಿಂ ಕಿನ್ನರೋ ತದಾ।
‘‘Candabhāgānadītīre, ahosiṃ kinnaro tadā;
೧೮.
18.
‘‘ಅತ್ಥದಸ್ಸೀ ತು ಭಗವಾ, ಲೋಕಜೇಟ್ಠೋ ನರಾಸಭೋ।
‘‘Atthadassī tu bhagavā, lokajeṭṭho narāsabho;
ವಿಪಿನಗ್ಗೇನ ನಿಯ್ಯಾಸಿ, ಹಂಸರಾಜಾವ ಅಮ್ಬರೇ॥
Vipinaggena niyyāsi, haṃsarājāva ambare.
೧೯.
19.
‘‘ನಮೋ ತೇ ಪುರಿಸಾಜಞ್ಞ, ಚಿತ್ತಂ ತೇ ಸುವಿಸೋಧಿತಂ।
‘‘Namo te purisājañña, cittaṃ te suvisodhitaṃ;
ಪಸನ್ನಮುಖವಣ್ಣೋಸಿ, ವಿಪ್ಪಸನ್ನಮುಖಿನ್ದ್ರಿಯೋ॥
Pasannamukhavaṇṇosi, vippasannamukhindriyo.
೨೦.
20.
‘‘ಓರೋಹಿತ್ವಾನ ಆಕಾಸಾ, ಭೂರಿಪಞ್ಞೋ ಸುಮೇಧಸೋ।
‘‘Orohitvāna ākāsā, bhūripañño sumedhaso;
ಸಙ್ಘಾಟಿಂ ಪತ್ಥರಿತ್ವಾನ, ಪಲ್ಲಙ್ಕೇನ ಉಪಾವಿಸಿ॥
Saṅghāṭiṃ pattharitvāna, pallaṅkena upāvisi.
೨೧.
21.
‘‘ವಿಲೀನಂ ಚನ್ದನಾದಾಯ, ಅಗಮಾಸಿಂ ಜಿನನ್ತಿಕಂ।
‘‘Vilīnaṃ candanādāya, agamāsiṃ jinantikaṃ;
ಪಸನ್ನಚಿತ್ತೋ ಸುಮನೋ, ಬುದ್ಧಸ್ಸ ಅಭಿರೋಪಯಿಂ॥
Pasannacitto sumano, buddhassa abhiropayiṃ.
೨೨.
22.
‘‘ಅಭಿವಾದೇತ್ವಾನ ಸಮ್ಬುದ್ಧಂ, ಲೋಕಜೇಟ್ಠಂ ನರಾಸಭಂ।
‘‘Abhivādetvāna sambuddhaṃ, lokajeṭṭhaṃ narāsabhaṃ;
ಪಾಮೋಜ್ಜಂ ಜನಯಿತ್ವಾನ, ಪಕ್ಕಾಮಿಂ ಉತ್ತರಾಮುಖೋ॥
Pāmojjaṃ janayitvāna, pakkāmiṃ uttarāmukho.
೨೩.
23.
‘‘ಅಟ್ಠಾರಸೇ ಕಪ್ಪಸತೇ, ಚನ್ದನಂ ಯಂ ಅಪೂಜಯಿಂ।
‘‘Aṭṭhārase kappasate, candanaṃ yaṃ apūjayiṃ;
ದುಗ್ಗತಿಂ ನಾಭಿಜಾನಾಮಿ, ಬುದ್ಧಪೂಜಾಯಿದಂ ಫಲಂ॥
Duggatiṃ nābhijānāmi, buddhapūjāyidaṃ phalaṃ.
೨೪.
24.
‘‘ಚತುದ್ದಸೇ ಕಪ್ಪಸತೇ, ಇತೋ ಆಸಿಂಸು ತೇ ತಯೋ।
‘‘Catuddase kappasate, ito āsiṃsu te tayo;
೨೫.
25.
‘‘ಪಟಿಸಮ್ಭಿದಾ ಚತಸ್ಸೋ…ಪೇ॰… ಕತಂ ಬುದ್ಧಸ್ಸ ಸಾಸನಂ’’॥
‘‘Paṭisambhidā catasso…pe… kataṃ buddhassa sāsanaṃ’’.
ಇತ್ಥಂ ಸುದಂ ಆಯಸ್ಮಾ ಚನ್ದನಪೂಜನಕೋ ಥೇರೋ ಇಮಾ ಗಾಥಾಯೋ ಅಭಾಸಿತ್ಥಾತಿ।
Itthaṃ sudaṃ āyasmā candanapūjanako thero imā gāthāyo abhāsitthāti;
ಚನ್ದನಪೂಜನಕತ್ಥೇರಸ್ಸಾಪದಾನಂ ತತಿಯಂ।
Candanapūjanakattherassāpadānaṃ tatiyaṃ.
ಅಟ್ಠಮಭಾಣವಾರಂ।
Aṭṭhamabhāṇavāraṃ.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಅಪದಾನ-ಅಟ್ಠಕಥಾ • Apadāna-aṭṭhakathā / ೩. ಚನ್ದನಪೂಜನಕತ್ಥೇರಅಪದಾನವಣ್ಣನಾ • 3. Candanapūjanakattheraapadānavaṇṇanā
