| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
3. жанд̣̇анабууж̇анагад̇т̇зраабад̣̇аанаван̣н̣анаа
3. Candanapūjanakattheraapadānavaṇṇanā
жанд̣̇абхааг̇аанад̣̇ийд̇ийрзд̇иаад̣̇игам̣ ааяасмад̇о жанд̣̇анабууж̇анагад̇т̇зрасса абад̣̇аанам̣. аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяаани бун̃н̃аани убажинанд̇о ад̇т̇ад̣̇ассисса бхаг̇авад̇о гаалз химаванд̇з жанд̣̇абхааг̇аанад̣̇ияаа самийбз гиннараяонияам̣ ниб̣б̣ад̇д̇о бубпабхагко бубпанивасано жанд̣̇анааг̇аруаад̣̇ийсу г̇анд̇хавибхуусид̇о химаванд̇з бхуммад̣̇звад̇аа вияа уяяаанагийл̣аж̇алагийл̣аад̣̇ианзгасукам̣ анубхаванд̇о ваасам̣ габбзси. д̇ад̣̇аа ад̇т̇ад̣̇ассий бхаг̇аваа д̇ассаанугамбааяа химаванд̇ам̣ г̇анд̇ваа аагаасад̇о оруяха сан̇гхаадим̣ бан̃н̃аабзд̇ваа нисийд̣̇и. со гиннаро д̇ам̣ бхаг̇аванд̇ам̣ виж̇ж̇од̇амаанам̣ д̇ад̇т̇а нисиннам̣ д̣̇исваа басаннамаанасо суг̇анд̇хажанд̣̇анзна бууж̇зси. д̇асса бхаг̇аваа анумод̣̇анам̣ агааси.
Candabhāgānadītīretiādikaṃ āyasmato candanapūjanakattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto atthadassissa bhagavato kāle himavante candabhāgānadiyā samīpe kinnarayoniyaṃ nibbatto pupphabhakkho pupphanivasano candanaagaruādīsu gandhavibhūsito himavante bhummadevatā viya uyyānakīḷajalakīḷādianekasukhaṃ anubhavanto vāsaṃ kappesi. Tadā atthadassī bhagavā tassānukampāya himavantaṃ gantvā ākāsato oruyha saṅghāṭiṃ paññāpetvā nisīdi. So kinnaro taṃ bhagavantaṃ vijjotamānaṃ tattha nisinnaṃ disvā pasannamānaso sugandhacandanena pūjesi. Tassa bhagavā anumodanaṃ akāsi.
17. со д̇зна бун̃н̃зна д̇зна соманассзна яаавад̇ааяугам̣ тад̇ваа д̇ад̇о жуд̇о д̣̇звалогз ниб̣б̣ад̇д̇о абараабарам̣ ча гаамааважарасамбад̇д̇ияо анубхавид̇ваа мануссзсу жаггавад̇д̇ираж̇ж̇абад̣̇зсараж̇ж̇асамбад̇д̇ияо анубхавид̇ваа имасмим̣ б̣уд̣̇д̇хуббаад̣̇з гулаг̇зхз ниб̣б̣ад̇д̇о вин̃н̃уд̇ам̣ бад̇д̇о баб̣б̣аж̇ид̇ваа нажирассзва арахад̇д̇ам̣ бад̇ваа ад̇д̇ано буб̣б̣агаммам̣ сарид̇ваа соманассаж̇аад̇о буб̣б̣ажарид̇аабад̣̇аанам̣ багаасзнд̇о жанд̣̇абхааг̇аанад̣̇ийд̇ийрзд̇иаад̣̇имааха. д̇ад̇т̇а жанд̣̇ам̣ манам̣ ружим̣ аж̇жхаасаяам̣ н̃ад̇ваа вияа ж̇аад̇од̇и жанд̣̇о. жанд̣̇аман̣д̣алзна басаннаниммалод̣̇агзна убхосу бассзсу муд̇д̇аад̣̇аласад̣̇исасант̇арад̇хавалабулинад̇алзна жа саманнааг̇ад̇ад̇д̇аа жанд̣̇зна бхааг̇аа сад̣̇исаад̇и жанд̣̇абхааг̇аа, д̇ассаа жанд̣̇абхааг̇ааяа над̣̇ияаа д̇ийрз самийбзд̇и ад̇т̇о. сзсам̣ саб̣б̣ам̣ хздтаа вуд̇д̇анаяад̇д̇аа сувин̃н̃зяяамзваад̇и.
17. So tena puññena tena somanassena yāvatāyukaṃ ṭhatvā tato cuto devaloke nibbatto aparāparaṃ cha kāmāvacarasampattiyo anubhavitvā manussesu cakkavattirajjapadesarajjasampattiyo anubhavitvā imasmiṃ buddhuppāde kulagehe nibbatto viññutaṃ patto pabbajitvā nacirasseva arahattaṃ patvā attano pubbakammaṃ saritvā somanassajāto pubbacaritāpadānaṃ pakāsento candabhāgānadītīretiādimāha. Tattha candaṃ manaṃ ruciṃ ajjhāsayaṃ ñatvā viya jātoti cando. Candamaṇḍalena pasannanimmalodakena ubhosu passesu muttādalasadisasantharadhavalapulinatalena ca samannāgatattā candena bhāgā sadisāti candabhāgā, tassā candabhāgāya nadiyā tīre samīpeti attho. Sesaṃ sabbaṃ heṭṭhā vuttanayattā suviññeyyamevāti.
жанд̣̇анабууж̇анагад̇т̇зраабад̣̇аанаван̣н̣анаа самад̇д̇аа.
Candanapūjanakattheraapadānavaṇṇanā samattā.
адтамабхаан̣аваараван̣н̣анаа самад̇д̇аа.
Aṭṭhamabhāṇavāravaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 3. жанд̣̇анабууж̇анагад̇т̇зраабад̣̇аанам̣ • 3. Candanapūjanakattheraapadānaṃ
