| Library / Tipiṭaka / ਤਿਪਿਟਕ • Tipiṭaka / ਅਪਦਾਨ-ਅਟ੍ਠਕਥਾ • Apadāna-aṭṭhakathā |
੩. ਚਨ੍ਦਨਪੂਜਨਕਤ੍ਥੇਰਅਪਦਾਨવਣ੍ਣਨਾ
3. Candanapūjanakattheraapadānavaṇṇanā
ਚਨ੍ਦਭਾਗਾਨਦੀਤੀਰੇਤਿਆਦਿਕਂ ਆਯਸ੍ਮਤੋ ਚਨ੍ਦਨਪੂਜਨਕਤ੍ਥੇਰਸ੍ਸ ਅਪਦਾਨਂ। ਅਯਮ੍ਪਿ ਪੁਰਿਮਬੁਦ੍ਧੇਸੁ ਕਤਾਧਿਕਾਰੋ ਤਤ੍ਥ ਤਤ੍ਥ ਭવੇ વਿવਟ੍ਟੂਪਨਿਸ੍ਸਯਾਨਿ ਪੁਞ੍ਞਾਨਿ ਉਪਚਿਨਨ੍ਤੋ ਅਤ੍ਥਦਸ੍ਸਿਸ੍ਸ ਭਗવਤੋ ਕਾਲੇ ਹਿਮવਨ੍ਤੇ ਚਨ੍ਦਭਾਗਾਨਦਿਯਾ ਸਮੀਪੇ ਕਿਨ੍ਨਰਯੋਨਿਯਂ ਨਿਬ੍ਬਤ੍ਤੋ ਪੁਪ੍ਫਭਕ੍ਖੋ ਪੁਪ੍ਫਨਿવਸਨੋ ਚਨ੍ਦਨਅਗਰੁਆਦੀਸੁ ਗਨ੍ਧવਿਭੂਸਿਤੋ ਹਿਮવਨ੍ਤੇ ਭੁਮ੍ਮਦੇવਤਾ વਿਯ ਉਯ੍ਯਾਨਕੀਲ਼ਜਲਕੀਲ਼ਾਦਿਅਨੇਕਸੁਖਂ ਅਨੁਭવਨ੍ਤੋ વਾਸਂ ਕਪ੍ਪੇਸਿ। ਤਦਾ ਅਤ੍ਥਦਸ੍ਸੀ ਭਗવਾ ਤਸ੍ਸਾਨੁਕਮ੍ਪਾਯ ਹਿਮવਨ੍ਤਂ ਗਨ੍ਤ੍વਾ ਆਕਾਸਤੋ ਓਰੁਯ੍ਹ ਸਙ੍ਘਾਟਿਂ ਪਞ੍ਞਾਪੇਤ੍વਾ ਨਿਸੀਦਿ। ਸੋ ਕਿਨ੍ਨਰੋ ਤਂ ਭਗવਨ੍ਤਂ વਿਜ੍ਜੋਤਮਾਨਂ ਤਤ੍ਥ ਨਿਸਿਨ੍ਨਂ ਦਿਸ੍વਾ ਪਸਨ੍ਨਮਾਨਸੋ ਸੁਗਨ੍ਧਚਨ੍ਦਨੇਨ ਪੂਜੇਸਿ। ਤਸ੍ਸ ਭਗવਾ ਅਨੁਮੋਦਨਂ ਅਕਾਸਿ।
Candabhāgānadītīretiādikaṃ āyasmato candanapūjanakattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto atthadassissa bhagavato kāle himavante candabhāgānadiyā samīpe kinnarayoniyaṃ nibbatto pupphabhakkho pupphanivasano candanaagaruādīsu gandhavibhūsito himavante bhummadevatā viya uyyānakīḷajalakīḷādianekasukhaṃ anubhavanto vāsaṃ kappesi. Tadā atthadassī bhagavā tassānukampāya himavantaṃ gantvā ākāsato oruyha saṅghāṭiṃ paññāpetvā nisīdi. So kinnaro taṃ bhagavantaṃ vijjotamānaṃ tattha nisinnaṃ disvā pasannamānaso sugandhacandanena pūjesi. Tassa bhagavā anumodanaṃ akāsi.
੧੭. ਸੋ ਤੇਨ ਪੁਞ੍ਞੇਨ ਤੇਨ ਸੋਮਨਸ੍ਸੇਨ ਯਾવਤਾਯੁਕਂ ਠਤ੍વਾ ਤਤੋ ਚੁਤੋ ਦੇવਲੋਕੇ ਨਿਬ੍ਬਤ੍ਤੋ ਅਪਰਾਪਰਂ ਛ ਕਾਮਾવਚਰਸਮ੍ਪਤ੍ਤਿਯੋ ਅਨੁਭવਿਤ੍વਾ ਮਨੁਸ੍ਸੇਸੁ ਚਕ੍ਕવਤ੍ਤਿਰਜ੍ਜਪਦੇਸਰਜ੍ਜਸਮ੍ਪਤ੍ਤਿਯੋ ਅਨੁਭવਿਤ੍વਾ ਇਮਸ੍ਮਿਂ ਬੁਦ੍ਧੁਪ੍ਪਾਦੇ ਕੁਲਗੇਹੇ ਨਿਬ੍ਬਤ੍ਤੋ વਿਞ੍ਞੁਤਂ ਪਤ੍ਤੋ ਪਬ੍ਬਜਿਤ੍વਾ ਨਚਿਰਸ੍ਸੇવ ਅਰਹਤ੍ਤਂ ਪਤ੍વਾ ਅਤ੍ਤਨੋ ਪੁਬ੍ਬਕਮ੍ਮਂ ਸਰਿਤ੍વਾ ਸੋਮਨਸ੍ਸਜਾਤੋ ਪੁਬ੍ਬਚਰਿਤਾਪਦਾਨਂ ਪਕਾਸੇਨ੍ਤੋ ਚਨ੍ਦਭਾਗਾਨਦੀਤੀਰੇਤਿਆਦਿਮਾਹ। ਤਤ੍ਥ ਚਨ੍ਦਂ ਮਨਂ ਰੁਚਿਂ ਅਜ੍ਝਾਸਯਂ ਞਤ੍વਾ વਿਯ ਜਾਤੋਤਿ ਚਨ੍ਦੋ। ਚਨ੍ਦਮਣ੍ਡਲੇਨ ਪਸਨ੍ਨਨਿਮ੍ਮਲੋਦਕੇਨ ਉਭੋਸੁ ਪਸ੍ਸੇਸੁ ਮੁਤ੍ਤਾਦਲਸਦਿਸਸਨ੍ਥਰਧવਲਪੁਲਿਨਤਲੇਨ ਚ ਸਮਨ੍ਨਾਗਤਤ੍ਤਾ ਚਨ੍ਦੇਨ ਭਾਗਾ ਸਦਿਸਾਤਿ ਚਨ੍ਦਭਾਗਾ, ਤਸ੍ਸਾ ਚਨ੍ਦਭਾਗਾਯ ਨਦਿਯਾ ਤੀਰੇ ਸਮੀਪੇਤਿ ਅਤ੍ਥੋ। ਸੇਸਂ ਸਬ੍ਬਂ ਹੇਟ੍ਠਾ વੁਤ੍ਤਨਯਤ੍ਤਾ ਸੁવਿਞ੍ਞੇਯ੍ਯਮੇવਾਤਿ।
17. So tena puññena tena somanassena yāvatāyukaṃ ṭhatvā tato cuto devaloke nibbatto aparāparaṃ cha kāmāvacarasampattiyo anubhavitvā manussesu cakkavattirajjapadesarajjasampattiyo anubhavitvā imasmiṃ buddhuppāde kulagehe nibbatto viññutaṃ patto pabbajitvā nacirasseva arahattaṃ patvā attano pubbakammaṃ saritvā somanassajāto pubbacaritāpadānaṃ pakāsento candabhāgānadītīretiādimāha. Tattha candaṃ manaṃ ruciṃ ajjhāsayaṃ ñatvā viya jātoti cando. Candamaṇḍalena pasannanimmalodakena ubhosu passesu muttādalasadisasantharadhavalapulinatalena ca samannāgatattā candena bhāgā sadisāti candabhāgā, tassā candabhāgāya nadiyā tīre samīpeti attho. Sesaṃ sabbaṃ heṭṭhā vuttanayattā suviññeyyamevāti.
ਚਨ੍ਦਨਪੂਜਨਕਤ੍ਥੇਰਅਪਦਾਨવਣ੍ਣਨਾ ਸਮਤ੍ਤਾ।
Candanapūjanakattheraapadānavaṇṇanā samattā.
ਅਟ੍ਠਮਭਾਣવਾਰવਣ੍ਣਨਾ ਸਮਤ੍ਤਾ।
Aṭṭhamabhāṇavāravaṇṇanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਅਪਦਾਨਪਾਲ਼ਿ • Apadānapāḷi / ੩. ਚਨ੍ਦਨਪੂਜਨਕਤ੍ਥੇਰਅਪਦਾਨਂ • 3. Candanapūjanakattheraapadānaṃ
