| Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
5-6. சந்த³னஸுத்தாதி³வண்ணனா
5-6. Candanasuttādivaṇṇanā
96. பஞ்சமே அப்பதிட்டே² அனாலம்பே³தி ஹெட்டா² அபதிட்டே² உபரி அனாலம்ப³னே. ஸுஸமாஹிதோதி அப்பனாயபி உபசாரேனபி ஸுட்டு² ஸமாஹிதோ . பஹிதத்தோதி பேஸிதத்தோ. நந்தீ³ராக³பரிக்கீ²ணோதி பரிக்கீ²ணனந்தீ³ராகோ³. நந்தீ³ராகோ³ நாம தயோ கம்மாபி⁴ஸங்கா²ரா. இதி இமாய கா³தா²ய காமஸஞ்ஞாக³ஹணேன பஞ்சோரம்பா⁴கி³யஸங்யோஜனானி, ரூபஸங்யோஜனக³ஹணேன பஞ்ச உத்³த⁴ம்பா⁴கி³யஸங்யோஜனானி, நந்தீ³ராகே³ன தயோ கம்மாபி⁴ஸங்கா²ரா க³ஹிதா. ஏவங் யஸ்ஸ த³ஸ ஸங்யோஜனானி தயோ ச கம்மாபி⁴ஸங்கா²ரா பஹீனா, ஸோ க³ம்பீ⁴ரே மஹோகே⁴ ந ஸீத³தீதி. காமஸஞ்ஞாய வா காமப⁴வோ, ரூபஸங்யோஜனேன ரூபப⁴வோ க³ஹிதோ, தேஸங் க³ஹணேன அரூபப⁴வோ க³ஹிதோவ , நந்தீ³ராகே³ன தயோ கம்மாபி⁴ஸங்கா²ரா க³ஹிதாதி ஏவங் யஸ்ஸ தீஸு ப⁴வேஸு தயோ ஸங்கா²ரா நத்தி², ஸோ க³ம்பீ⁴ரே ந ஸீத³தீதிபி த³ஸ்ஸேதி. பஞ்சமங்.
96. Pañcame appatiṭṭhe anālambeti heṭṭhā apatiṭṭhe upari anālambane. Susamāhitoti appanāyapi upacārenapi suṭṭhu samāhito . Pahitattoti pesitatto. Nandīrāgaparikkhīṇoti parikkhīṇanandīrāgo. Nandīrāgo nāma tayo kammābhisaṅkhārā. Iti imāya gāthāya kāmasaññāgahaṇena pañcorambhāgiyasaṃyojanāni, rūpasaṃyojanagahaṇena pañca uddhambhāgiyasaṃyojanāni, nandīrāgena tayo kammābhisaṅkhārā gahitā. Evaṃ yassa dasa saṃyojanāni tayo ca kammābhisaṅkhārā pahīnā, so gambhīre mahoghe na sīdatīti. Kāmasaññāya vā kāmabhavo, rūpasaṃyojanena rūpabhavo gahito, tesaṃ gahaṇena arūpabhavo gahitova , nandīrāgena tayo kammābhisaṅkhārā gahitāti evaṃ yassa tīsu bhavesu tayo saṅkhārā natthi, so gambhīre na sīdatītipi dasseti. Pañcamaṃ.
97. ச²ட்ட²ங் வுத்தத்த²மேவ. ச²ட்ட²ங்.
97. Chaṭṭhaṃ vuttatthameva. Chaṭṭhaṃ.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya
5. சந்த³னஸுத்தங் • 5. Candanasuttaṃ
6. வாஸுத³த்தஸுத்தங் • 6. Vāsudattasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā)
5. சந்த³னஸுத்தவண்ணனா • 5. Candanasuttavaṇṇanā
6. வாஸுத³த்தஸுத்தவண்ணனா • 6. Vāsudattasuttavaṇṇanā
