| Library / Tipiṭaka / តិបិដក • Tipiṭaka / សំយុត្តនិកាយ (អដ្ឋកថា) • Saṃyuttanikāya (aṭṭhakathā) |
៥-៦. ចន្ទនសុត្តាទិវណ្ណនា
5-6. Candanasuttādivaṇṇanā
៩៦. បញ្ចមេ អប្បតិដ្ឋេ អនាលម្ពេតិ ហេដ្ឋា អបតិដ្ឋេ ឧបរិ អនាលម្ពនេ។ សុសមាហិតោតិ អប្បនាយបិ ឧបចារេនបិ សុដ្ឋុ សមាហិតោ ។ បហិតត្តោតិ បេសិតត្តោ។ នន្ទីរាគបរិក្ខីណោតិ បរិក្ខីណនន្ទីរាគោ។ នន្ទីរាគោ នាម តយោ កម្មាភិសង្ខារា។ ឥតិ ឥមាយ គាថាយ កាមសញ្ញាគហណេន បញ្ចោរម្ភាគិយសំយោជនានិ, រូបសំយោជនគហណេន បញ្ច ឧទ្ធម្ភាគិយសំយោជនានិ, នន្ទីរាគេន តយោ កម្មាភិសង្ខារា គហិតា។ ឯវំ យស្ស ទស សំយោជនានិ តយោ ច កម្មាភិសង្ខារា បហីនា, សោ គម្ភីរេ មហោឃេ ន សីទតីតិ។ កាមសញ្ញាយ វា កាមភវោ, រូបសំយោជនេន រូបភវោ គហិតោ, តេសំ គហណេន អរូបភវោ គហិតោវ , នន្ទីរាគេន តយោ កម្មាភិសង្ខារា គហិតាតិ ឯវំ យស្ស តីសុ ភវេសុ តយោ សង្ខារា នត្ថិ, សោ គម្ភីរេ ន សីទតីតិបិ ទស្សេតិ។ បញ្ចមំ។
96. Pañcame appatiṭṭhe anālambeti heṭṭhā apatiṭṭhe upari anālambane. Susamāhitoti appanāyapi upacārenapi suṭṭhu samāhito . Pahitattoti pesitatto. Nandīrāgaparikkhīṇoti parikkhīṇanandīrāgo. Nandīrāgo nāma tayo kammābhisaṅkhārā. Iti imāya gāthāya kāmasaññāgahaṇena pañcorambhāgiyasaṃyojanāni, rūpasaṃyojanagahaṇena pañca uddhambhāgiyasaṃyojanāni, nandīrāgena tayo kammābhisaṅkhārā gahitā. Evaṃ yassa dasa saṃyojanāni tayo ca kammābhisaṅkhārā pahīnā, so gambhīre mahoghe na sīdatīti. Kāmasaññāya vā kāmabhavo, rūpasaṃyojanena rūpabhavo gahito, tesaṃ gahaṇena arūpabhavo gahitova , nandīrāgena tayo kammābhisaṅkhārā gahitāti evaṃ yassa tīsu bhavesu tayo saṅkhārā natthi, so gambhīre na sīdatītipi dasseti. Pañcamaṃ.
៩៧. ឆដ្ឋំ វុត្តត្ថមេវ។ ឆដ្ឋំ។
97. Chaṭṭhaṃ vuttatthameva. Chaṭṭhaṃ.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / សំយុត្តនិកាយ • Saṃyuttanikāya
៥. ចន្ទនសុត្តំ • 5. Candanasuttaṃ
៦. វាសុទត្តសុត្តំ • 6. Vāsudattasuttaṃ
ដីកា • Tīkā / សុត្តបិដក (ដីកា) • Suttapiṭaka (ṭīkā) / សំយុត្តនិកាយ (ដីកា) • Saṃyuttanikāya (ṭīkā)
៥. ចន្ទនសុត្តវណ្ណនា • 5. Candanasuttavaṇṇanā
៦. វាសុទត្តសុត្តវណ្ណនា • 6. Vāsudattasuttavaṇṇanā
