| Library / Tipiṭaka / တိပိဋက • Tipiṭaka / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) |
၅-၆. စန္ဒနသုတ္တာဒိဝဏ္ဏနာ
5-6. Candanasuttādivaṇṇanā
၉၆. ပဉ္စမေ အပ္ပတိဋ္ဌေ အနာလမ္ဗေတိ ဟေဋ္ဌာ အပတိဋ္ဌေ ဥပရိ အနာလမ္ဗနေ။ သုသမာဟိတောတိ အပ္ပနာယပိ ဥပစာရေနပိ သုဋ္ဌု သမာဟိတော ။ ပဟိတတ္တောတိ ပေသိတတ္တော။ နန္ဒီရာဂပရိက္ခီဏောတိ ပရိက္ခီဏနန္ဒီရာဂော။ နန္ဒီရာဂော နာမ တယော ကမ္မာဘိသင္ခာရာ။ ဣတိ ဣမာယ ဂာထာယ ကာမသညာဂဟဏေန ပဉ္စောရမ္ဘာဂိယသံယောဇနာနိ, ရူပသံယောဇနဂဟဏေန ပဉ္စ ဥဒ္ဓမ္ဘာဂိယသံယောဇနာနိ, နန္ဒီရာဂေန တယော ကမ္မာဘိသင္ခာရာ ဂဟိတာ။ ဧဝံ ယသ္သ ဒသ သံယောဇနာနိ တယော စ ကမ္မာဘိသင္ခာရာ ပဟီနာ, သော ဂမ္ဘီရေ မဟောဃေ န သီဒတီတိ။ ကာမသညာယ ဝာ ကာမဘဝော, ရူပသံယောဇနေန ရူပဘဝော ဂဟိတော, တေသံ ဂဟဏေန အရူပဘဝော ဂဟိတောဝ , နန္ဒီရာဂေန တယော ကမ္မာဘိသင္ခာရာ ဂဟိတာတိ ဧဝံ ယသ္သ တီသု ဘဝေသု တယော သင္ခာရာ နတ္ထိ, သော ဂမ္ဘီရေ န သီဒတီတိပိ ဒသ္သေတိ။ ပဉ္စမံ။
96. Pañcame appatiṭṭhe anālambeti heṭṭhā apatiṭṭhe upari anālambane. Susamāhitoti appanāyapi upacārenapi suṭṭhu samāhito . Pahitattoti pesitatto. Nandīrāgaparikkhīṇoti parikkhīṇanandīrāgo. Nandīrāgo nāma tayo kammābhisaṅkhārā. Iti imāya gāthāya kāmasaññāgahaṇena pañcorambhāgiyasaṃyojanāni, rūpasaṃyojanagahaṇena pañca uddhambhāgiyasaṃyojanāni, nandīrāgena tayo kammābhisaṅkhārā gahitā. Evaṃ yassa dasa saṃyojanāni tayo ca kammābhisaṅkhārā pahīnā, so gambhīre mahoghe na sīdatīti. Kāmasaññāya vā kāmabhavo, rūpasaṃyojanena rūpabhavo gahito, tesaṃ gahaṇena arūpabhavo gahitova , nandīrāgena tayo kammābhisaṅkhārā gahitāti evaṃ yassa tīsu bhavesu tayo saṅkhārā natthi, so gambhīre na sīdatītipi dasseti. Pañcamaṃ.
၉၇. ဆဋ္ဌံ ဝုတ္တတ္ထမေဝ။ ဆဋ္ဌံ။
97. Chaṭṭhaṃ vuttatthameva. Chaṭṭhaṃ.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya
၅. စန္ဒနသုတ္တံ • 5. Candanasuttaṃ
၆. ဝာသုဒတ္တသုတ္တံ • 6. Vāsudattasuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā)
၅. စန္ဒနသုတ္တဝဏ္ဏနာ • 5. Candanasuttavaṇṇanā
၆. ဝာသုဒတ္တသုတ္တဝဏ္ဏနာ • 6. Vāsudattasuttavaṇṇanā
