| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
5. жанд̣̇анасуд̇д̇аван̣н̣анаа
5. Candanasuttavaṇṇanā
96. хздтаад̇и гаамабхавз. д̇ад̇т̇а хи бариб̣бхаманд̇асса бад̇идтаа д̣̇уллабхаа язбхуяязна д̇ад̇т̇а сад̇д̇аа нимуг̇г̇аа зва хонд̇и, д̇асмаа хздтаа аббад̇идто сам̣сааро. убарийд̇и махаг̇г̇ад̇абхавз. д̇ад̇т̇а хи ниб̣б̣ад̇д̇асса ниб̣б̣аанам̣ аарухид̇ум̣ ааламб̣анаа д̣̇уллабхаа, жхаанаабхирад̇ияаа д̇ад̇т̇зва ниганд̇и д̇зсам̣ б̣алавад̇ий ход̇и, д̇асмаа убари анааламб̣ано сам̣сааро. бзсид̇ад̇д̇од̇и ниб̣б̣аанам̣ бад̇и бзсид̇ажид̇д̇о. д̇аяо гаммаабхисан̇каараад̇и бун̃н̃аабхисан̇каараад̣̇аяо д̇аяо абхисан̇каараа. д̇зна ‘‘нанд̣̇ийбуб̣б̣аго гаммабхаво’’д̇и вад̇ваа ‘‘нанд̣̇им̣ ж̇анзд̇ваа’’д̇и вуд̇д̇о. гаамасан̃н̃аасийсзна гаамажчанд̣̇асса г̇ахан̣ам̣, гаамажчанд̣̇абамукаани жа орамбхааг̇ияасам̣яож̇анаани г̇ахид̇аанийд̇и ааха ‘‘гаамасан̃н̃ааг̇ахан̣зна бан̃жорамбхааг̇ияасам̣яож̇анааний’’д̇и. руубабхаво руубам̣ бхавабад̣̇алобзна. руубабхаваг̇г̇ахан̣зна жзд̇т̇а сзсабхавассаби г̇ахан̣ам̣. д̇асса сам̣яож̇анаг̇г̇ахан̣зна бан̃жа уд̣̇д̇хамбхааг̇ияасам̣яож̇анаани г̇ахид̇аани. махогхзд̇и сам̣саарамахогхз. д̇зсанд̇и гаамабхаваад̣̇ийнам̣ г̇ахан̣зна бхавабхаавзна д̇ад̣̇згалагкан̣ад̇ааяа. аруубабхаво г̇ахид̇о лагкан̣ахааранаязна. сзсам̣ сувин̃н̃зяяамзва.
96.Heṭṭhāti kāmabhave. Tattha hi paribbhamantassa patiṭṭhā dullabhā yebhuyyena tattha sattā nimuggā eva honti, tasmā heṭṭhā appatiṭṭho saṃsāro. Uparīti mahaggatabhave. Tattha hi nibbattassa nibbānaṃ āruhituṃ ālambanā dullabhā, jhānābhiratiyā tattheva nikanti tesaṃ balavatī hoti, tasmā upari anālambano saṃsāro. Pesitattoti nibbānaṃ pati pesitacitto. Tayo kammābhisaṅkhārāti puññābhisaṅkhārādayo tayo abhisaṅkhārā. Tena ‘‘nandīpubbako kammabhavo’’ti vatvā ‘‘nandiṃ janetvā’’ti vutto. Kāmasaññāsīsena kāmacchandassa gahaṇaṃ, kāmacchandapamukhāni ca orambhāgiyasaṃyojanāni gahitānīti āha ‘‘kāmasaññāgahaṇena pañcorambhāgiyasaṃyojanānī’’ti. Rūpabhavo rūpaṃ bhavapadalopena. Rūpabhavaggahaṇena cettha sesabhavassapi gahaṇaṃ. Tassa saṃyojanaggahaṇena pañca uddhambhāgiyasaṃyojanāni gahitāni. Mahogheti saṃsāramahoghe. Tesanti kāmabhavādīnaṃ gahaṇena bhavabhāvena tadekalakkhaṇatāya. Arūpabhavo gahito lakkhaṇahāranayena. Sesaṃ suviññeyyameva.
жанд̣̇анасуд̇д̇аван̣н̣анаа нидтид̇аа.
Candanasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 5. жанд̣̇анасуд̇д̇ам̣ • 5. Candanasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 5-6. жанд̣̇анасуд̇д̇аад̣̇иван̣н̣анаа • 5-6. Candanasuttādivaṇṇanā
