| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੫. ਚਨ੍ਦਨਸੁਤ੍ਤવਣ੍ਣਨਾ
5. Candanasuttavaṇṇanā
੯੬. ਹੇਟ੍ਠਾਤਿ ਕਾਮਭવੇ। ਤਤ੍ਥ ਹਿ ਪਰਿਬ੍ਭਮਨ੍ਤਸ੍ਸ ਪਤਿਟ੍ਠਾ ਦੁਲ੍ਲਭਾ ਯੇਭੁਯ੍ਯੇਨ ਤਤ੍ਥ ਸਤ੍ਤਾ ਨਿਮੁਗ੍ਗਾ ਏવ ਹੋਨ੍ਤਿ, ਤਸ੍ਮਾ ਹੇਟ੍ਠਾ ਅਪ੍ਪਤਿਟ੍ਠੋ ਸਂਸਾਰੋ। ਉਪਰੀਤਿ ਮਹਗ੍ਗਤਭવੇ। ਤਤ੍ਥ ਹਿ ਨਿਬ੍ਬਤ੍ਤਸ੍ਸ ਨਿਬ੍ਬਾਨਂ ਆਰੁਹਿਤੁਂ ਆਲਮ੍ਬਨਾ ਦੁਲ੍ਲਭਾ, ਝਾਨਾਭਿਰਤਿਯਾ ਤਤ੍ਥੇવ ਨਿਕਨ੍ਤਿ ਤੇਸਂ ਬਲવਤੀ ਹੋਤਿ, ਤਸ੍ਮਾ ਉਪਰਿ ਅਨਾਲਮ੍ਬਨੋ ਸਂਸਾਰੋ। ਪੇਸਿਤਤ੍ਤੋਤਿ ਨਿਬ੍ਬਾਨਂ ਪਤਿ ਪੇਸਿਤਚਿਤ੍ਤੋ। ਤਯੋ ਕਮ੍ਮਾਭਿਸਙ੍ਖਾਰਾਤਿ ਪੁਞ੍ਞਾਭਿਸਙ੍ਖਾਰਾਦਯੋ ਤਯੋ ਅਭਿਸਙ੍ਖਾਰਾ। ਤੇਨ ‘‘ਨਨ੍ਦੀਪੁਬ੍ਬਕੋ ਕਮ੍ਮਭવੋ’’ਤਿ વਤ੍વਾ ‘‘ਨਨ੍ਦਿਂ ਜਨੇਤ੍વਾ’’ਤਿ વੁਤ੍ਤੋ। ਕਾਮਸਞ੍ਞਾਸੀਸੇਨ ਕਾਮਚ੍ਛਨ੍ਦਸ੍ਸ ਗਹਣਂ, ਕਾਮਚ੍ਛਨ੍ਦਪਮੁਖਾਨਿ ਚ ਓਰਮ੍ਭਾਗਿਯਸਂਯੋਜਨਾਨਿ ਗਹਿਤਾਨੀਤਿ ਆਹ ‘‘ਕਾਮਸਞ੍ਞਾਗਹਣੇਨ ਪਞ੍ਚੋਰਮ੍ਭਾਗਿਯਸਂਯੋਜਨਾਨੀ’’ਤਿ। ਰੂਪਭવੋ ਰੂਪਂ ਭવਪਦਲੋਪੇਨ। ਰੂਪਭવਗ੍ਗਹਣੇਨ ਚੇਤ੍ਥ ਸੇਸਭવਸ੍ਸਪਿ ਗਹਣਂ। ਤਸ੍ਸ ਸਂਯੋਜਨਗ੍ਗਹਣੇਨ ਪਞ੍ਚ ਉਦ੍ਧਮ੍ਭਾਗਿਯਸਂਯੋਜਨਾਨਿ ਗਹਿਤਾਨਿ। ਮਹੋਘੇਤਿ ਸਂਸਾਰਮਹੋਘੇ। ਤੇਸਨ੍ਤਿ ਕਾਮਭવਾਦੀਨਂ ਗਹਣੇਨ ਭવਭਾવੇਨ ਤਦੇਕਲਕ੍ਖਣਤਾਯ। ਅਰੂਪਭવੋ ਗਹਿਤੋ ਲਕ੍ਖਣਹਾਰਨਯੇਨ। ਸੇਸਂ ਸੁવਿਞ੍ਞੇਯ੍ਯਮੇવ।
96.Heṭṭhāti kāmabhave. Tattha hi paribbhamantassa patiṭṭhā dullabhā yebhuyyena tattha sattā nimuggā eva honti, tasmā heṭṭhā appatiṭṭho saṃsāro. Uparīti mahaggatabhave. Tattha hi nibbattassa nibbānaṃ āruhituṃ ālambanā dullabhā, jhānābhiratiyā tattheva nikanti tesaṃ balavatī hoti, tasmā upari anālambano saṃsāro. Pesitattoti nibbānaṃ pati pesitacitto. Tayo kammābhisaṅkhārāti puññābhisaṅkhārādayo tayo abhisaṅkhārā. Tena ‘‘nandīpubbako kammabhavo’’ti vatvā ‘‘nandiṃ janetvā’’ti vutto. Kāmasaññāsīsena kāmacchandassa gahaṇaṃ, kāmacchandapamukhāni ca orambhāgiyasaṃyojanāni gahitānīti āha ‘‘kāmasaññāgahaṇena pañcorambhāgiyasaṃyojanānī’’ti. Rūpabhavo rūpaṃ bhavapadalopena. Rūpabhavaggahaṇena cettha sesabhavassapi gahaṇaṃ. Tassa saṃyojanaggahaṇena pañca uddhambhāgiyasaṃyojanāni gahitāni. Mahogheti saṃsāramahoghe. Tesanti kāmabhavādīnaṃ gahaṇena bhavabhāvena tadekalakkhaṇatāya. Arūpabhavo gahito lakkhaṇahāranayena. Sesaṃ suviññeyyameva.
ਚਨ੍ਦਨਸੁਤ੍ਤવਣ੍ਣਨਾ ਨਿਟ੍ਠਿਤਾ।
Candanasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੫. ਚਨ੍ਦਨਸੁਤ੍ਤਂ • 5. Candanasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੫-੬. ਚਨ੍ਦਨਸੁਤ੍ਤਾਦਿવਣ੍ਣਨਾ • 5-6. Candanasuttādivaṇṇanā
