| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
8. கா³மணிஸங்யுத்தங்
8. Gāmaṇisaṃyuttaṃ
1. சண்ட³ஸுத்தங்
1. Caṇḍasuttaṃ
353. ஸாவத்தி²னிதா³னங் . அத² கோ² சண்டோ³ கா³மணி யேன ப⁴க³வா தேனுபஸங்கமி; உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங் நிஸீதி³. ஏகமந்தங் நிஸின்னோ கோ² சண்டோ³ கா³மணி ப⁴க³வந்தங் ஏதத³வோச – ‘‘கோ நு கோ², ப⁴ந்தே, ஹேது, கோ பச்சயோ யேன மிதே⁴கச்சோ சண்டோ³ சண்டொ³த்வேவ 1 ஸங்க²ங் க³ச்ச²தி. கோ பன, ப⁴ந்தே, ஹேது, கோ பச்சயோ யேன மிதே⁴கச்சோ ஸோரதோ ஸோரதொத்வேவ 2 ஸங்க²ங் க³ச்ச²தீ’’தி? ‘‘இத⁴, கா³மணி, ஏகச்சஸ்ஸ ராகோ³ அப்பஹீனோ ஹோதி. ராக³ஸ்ஸ அப்பஹீனத்தா பரே கோபெந்தி, பரேஹி கோபியமானோ கோபங் பாதுகரோதி. ஸோ சண்டொ³த்வேவ ஸங்க²ங் க³ச்ச²தி. தோ³ஸோ அப்பஹீனோ ஹோதி. தோ³ஸஸ்ஸ அப்பஹீனத்தா பரே கோபெந்தி, பரேஹி கோபியமானோ கோபங் பாதுகரோதி. ஸோ சண்டொ³த்வேவ ஸங்க²ங் க³ச்ச²தி. மோஹோ அப்பஹீனோ ஹோதி. மோஹஸ்ஸ அப்பஹீனத்தா பரே கோபெந்தி, பரேஹி கோபியமானோ கோபங் பாதுகரோதி. ஸோ சண்டொ³த்வேவ ஸங்க²ங் க³ச்ச²தி. அயங் கோ², கா³மணி, ஹேது, அயங் பச்சயோ யேன மிதே⁴கச்சோ சண்டோ³ சண்டொ³த்வேவ ஸங்க²ங் க³ச்ச²தி’’.
353. Sāvatthinidānaṃ . Atha kho caṇḍo gāmaṇi yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho caṇḍo gāmaṇi bhagavantaṃ etadavoca – ‘‘ko nu kho, bhante, hetu, ko paccayo yena midhekacco caṇḍo caṇḍotveva 3 saṅkhaṃ gacchati. Ko pana, bhante, hetu, ko paccayo yena midhekacco sorato soratotveva 4 saṅkhaṃ gacchatī’’ti? ‘‘Idha, gāmaṇi, ekaccassa rāgo appahīno hoti. Rāgassa appahīnattā pare kopenti, parehi kopiyamāno kopaṃ pātukaroti. So caṇḍotveva saṅkhaṃ gacchati. Doso appahīno hoti. Dosassa appahīnattā pare kopenti, parehi kopiyamāno kopaṃ pātukaroti. So caṇḍotveva saṅkhaṃ gacchati. Moho appahīno hoti. Mohassa appahīnattā pare kopenti, parehi kopiyamāno kopaṃ pātukaroti. So caṇḍotveva saṅkhaṃ gacchati. Ayaṃ kho, gāmaṇi, hetu, ayaṃ paccayo yena midhekacco caṇḍo caṇḍotveva saṅkhaṃ gacchati’’.
‘‘இத⁴ பன, கா³மணி, ஏகச்சஸ்ஸ ராகோ³ பஹீனோ ஹோதி. ராக³ஸ்ஸ பஹீனத்தா பரே ந கோபெந்தி, பரேஹி கோபியமானோ கோபங் ந பாதுகரோதி. ஸோ ஸோரதொத்வேவ ஸங்க²ங் க³ச்ச²தி. தோ³ஸோ பஹீனோ ஹோதி. தோ³ஸஸ்ஸ பஹீனத்தா பரே ந கோபெந்தி, பரேஹி கோபியமானோ கோபங் ந பாதுகரோதி. ஸோ ஸோரதொத்வேவ ஸங்க²ங் க³ச்ச²தி. மோஹோ பஹீனோ ஹோதி. மோஹஸ்ஸ பஹீனத்தா பரே ந கோபெந்தி, பரேஹி கோபியமானோ கோபங் ந பாதுகரோதி. ஸோ ஸோரதொத்வேவ ஸங்க²ங் க³ச்ச²தி. அயங் கோ², கா³மணி, ஹேது அயங் பச்சயோ யேன மிதே⁴கச்சோ ஸோரதோ ஸோரதொத்வேவ ஸங்க²ங் க³ச்ச²தீ’’தி.
‘‘Idha pana, gāmaṇi, ekaccassa rāgo pahīno hoti. Rāgassa pahīnattā pare na kopenti, parehi kopiyamāno kopaṃ na pātukaroti. So soratotveva saṅkhaṃ gacchati. Doso pahīno hoti. Dosassa pahīnattā pare na kopenti, parehi kopiyamāno kopaṃ na pātukaroti. So soratotveva saṅkhaṃ gacchati. Moho pahīno hoti. Mohassa pahīnattā pare na kopenti, parehi kopiyamāno kopaṃ na pātukaroti. So soratotveva saṅkhaṃ gacchati. Ayaṃ kho, gāmaṇi, hetu ayaṃ paccayo yena midhekacco sorato soratotveva saṅkhaṃ gacchatī’’ti.
ஏவங் வுத்தே, சண்டோ³ கா³மணி ப⁴க³வந்தங் ஏதத³வோச – ‘‘அபி⁴க்கந்தங், ப⁴ந்தே, அபி⁴க்கந்தங், ப⁴ந்தே! ஸெய்யதா²பி, ப⁴ந்தே, நிக்குஜ்ஜிதங் வா உக்குஜ்ஜெய்ய, படிச்ச²ன்னங் வா விவரெய்ய, மூள்ஹஸ்ஸ வா மக்³க³ங் ஆசிக்கெ²ய்ய, அந்த⁴காரே வா தேலபஜ்ஜோதங் தா⁴ரெய்ய – சக்கு²மந்தோ ரூபானி த³க்க²ந்தீதி; ஏவமேவங் ப⁴க³வதா அனேகபரியாயேன த⁴ம்மோ பகாஸிதோ. ஏஸாஹங், ப⁴ந்தே, ப⁴க³வந்தங் ஸரணங் க³ச்சா²மி த⁴ம்மஞ்ச பி⁴க்கு²ஸங்க⁴ஞ்ச. உபாஸகங் மங் ப⁴க³வா தா⁴ரேது அஜ்ஜதக்³கே³ பாணுபேதங் ஸரணங் க³த’’ந்தி. பட²மங்.
Evaṃ vutte, caṇḍo gāmaṇi bhagavantaṃ etadavoca – ‘‘abhikkantaṃ, bhante, abhikkantaṃ, bhante! Seyyathāpi, bhante, nikkujjitaṃ vā ukkujjeyya, paṭicchannaṃ vā vivareyya, mūḷhassa vā maggaṃ ācikkheyya, andhakāre vā telapajjotaṃ dhāreyya – cakkhumanto rūpāni dakkhantīti; evamevaṃ bhagavatā anekapariyāyena dhammo pakāsito. Esāhaṃ, bhante, bhagavantaṃ saraṇaṃ gacchāmi dhammañca bhikkhusaṅghañca. Upāsakaṃ maṃ bhagavā dhāretu ajjatagge pāṇupetaṃ saraṇaṃ gata’’nti. Paṭhamaṃ.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 1. சண்ட³ஸுத்தவண்ணனா • 1. Caṇḍasuttavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 1. சண்ட³ஸுத்தவண்ணனா • 1. Caṇḍasuttavaṇṇanā
