| Library / Tipiṭaka / తిపిటక • Tipiṭaka / సంయుత్తనికాయ • Saṃyuttanikāya |
౨. అనాథపిణ్డికవగ్గో
2. Anāthapiṇḍikavaggo
౧. చన్దిమససుత్తం
1. Candimasasuttaṃ
౯౨. సావత్థినిదానం . అథ ఖో చన్దిమసో 1 దేవపుత్తో అభిక్కన్తాయ రత్తియా అభిక్కన్తవణ్ణో కేవలకప్పం జేతవనం ఓభాసేత్వా యేన భగవా తేనుపసఙ్కమి; ఉపసఙ్కమిత్వా భగవన్తం అభివాదేత్వా ఏకమన్తం అట్ఠాసి . ఏకమన్తం ఠితో ఖో చన్దిమసో దేవపుత్తో భగవతో సన్తికే ఇమం గాథం అభాసి –
92. Sāvatthinidānaṃ . Atha kho candimaso 2 devaputto abhikkantāya rattiyā abhikkantavaṇṇo kevalakappaṃ jetavanaṃ obhāsetvā yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ aṭṭhāsi . Ekamantaṃ ṭhito kho candimaso devaputto bhagavato santike imaṃ gāthaṃ abhāsi –
‘‘తే హి సోత్థిం గమిస్సన్తి, కచ్ఛే వామకసే మగా;
‘‘Te hi sotthiṃ gamissanti, kacche vāmakase magā;
ఝానాని ఉపసమ్పజ్జ, ఏకోది నిపకా సతా’’తి.
Jhānāni upasampajja, ekodi nipakā satā’’ti.
‘‘తే హి పారం గమిస్సన్తి, ఛేత్వా జాలంవ అమ్బుజో;
‘‘Te hi pāraṃ gamissanti, chetvā jālaṃva ambujo;
ఝానాని ఉపసమ్పజ్జ, అప్పమత్తా రణఞ్జహా’’తి.
Jhānāni upasampajja, appamattā raṇañjahā’’ti.
Footnotes:
Related texts:
అట్ఠకథా • Aṭṭhakathā / సుత్తపిటక (అట్ఠకథా) • Suttapiṭaka (aṭṭhakathā) / సంయుత్తనికాయ (అట్ఠకథా) • Saṃyuttanikāya (aṭṭhakathā) / ౧. చన్దిమససుత్తవణ్ణనా • 1. Candimasasuttavaṇṇanā
టీకా • Tīkā / సుత్తపిటక (టీకా) • Suttapiṭaka (ṭīkā) / సంయుత్తనికాయ (టీకా) • Saṃyuttanikāya (ṭīkā) / ౧. చన్దిమససుత్తవణ్ణనా • 1. Candimasasuttavaṇṇanā
