| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
2. анаат̇абин̣д̣игаваг̇г̇о
2. Anāthapiṇḍikavaggo
1. жанд̣̇имасасуд̇д̇аван̣н̣анаа
1. Candimasasuttavaṇṇanā
92. баб̣б̣ад̇ад̇адаа санд̣̇амаано д̇ат̇ааруубо над̣̇ийнивад̇д̇анабад̣̇зсоби самб̣аад̇хадтаанад̇ааяа гажчо вияаад̇и ааха ‘‘баб̣б̣ад̇агажчзбий’’д̇и. бадибагкад̣̇уурийбхаавзна сздтадтзна жа зго уд̣̇зд̇ийд̇и згод̣̇и, згаг̇г̇ад̇аа. д̇асмим̣ яог̇ад̇о згаг̇г̇ажид̇д̇аа ид̇ха згод̣̇ий. бадибагкад̇о ад̇д̇аанам̣ нибаяанд̇и висод̇хзнд̇ийд̇и нибагаа, бан̃н̃аванд̇о. д̇знааха ‘‘згаг̇г̇ажид̇д̇аа жзваа’’д̇иаад̣̇и. гааяаад̣̇ибхзд̣̇ам̣ аарамман̣ам̣ саад̇исаяааяа сад̇ияаа саранд̇ийд̇и сад̇аа. д̇знааха ‘‘сад̇иманд̇о’’д̇и. сод̇т̇им̣ г̇амиссанд̇ийд̇и яат̇аавуд̇д̇абад̣̇зсз маг̇аа сод̇т̇иманубад̣̇д̣̇авзна вад̇д̇иссанд̇и, звам̣ жхааналаабхино сод̇т̇им̣ гилзсзхи анубад̣̇д̣̇уд̇аа вад̇д̇иссанд̇и. аяам̣ гира д̣̇звабуд̇д̇о б̣рахмалогз ниб̣б̣аанасан̃н̃ий, д̇асмаа звамааха. бхаг̇аваа ‘‘аяам̣ д̣̇звабуд̇д̇о аниб̣б̣аанаг̇аамий самаано ниб̣б̣аанаг̇аамисан̃н̃ий, ханд̣̇асса ниб̣б̣аанаг̇аамино д̣̇ассзмий’’д̇и д̣̇уд̇ияам̣ г̇аат̇амааха. жад̇уннам̣ огхаанам̣, сам̣саарамахогхассзва ваа барад̇ийрабхаавад̇о барад̇ийранд̇и ниб̣б̣аанам̣. амб̣уни ж̇аад̇о амб̣уж̇о, мажчо. суд̇д̇аж̇аалам̣ чинд̣̇ид̇ваа мажчаа вияа гилзсаж̇аалам̣ бхинд̣̇ид̇ваа г̇амиссанд̇ийд̇и.
92. Pabbatataṭā sandamāno tathārūpo nadīnivattanapadesopi sambādhaṭṭhānatāya kaccho viyāti āha ‘‘pabbatakacchepī’’ti. Paṭipakkhadūrībhāvena seṭṭhaṭṭhena ca eko udetīti ekodi, ekaggatā. Tasmiṃ yogato ekaggacittā idha ekodī. Paṭipakkhato attānaṃ nipayanti visodhentīti nipakā, paññavanto. Tenāha ‘‘ekaggacittā cevā’’tiādi. Kāyādibhedaṃ ārammaṇaṃ sātisayāya satiyā sarantīti satā. Tenāha ‘‘satimanto’’ti. Sotthiṃ gamissantīti yathāvuttapadese magā sotthimanupaddavena vattissanti, evaṃ jhānalābhino sotthiṃ kilesehi anupaddutā vattissanti. Ayaṃ kira devaputto brahmaloke nibbānasaññī, tasmā evamāha. Bhagavā ‘‘ayaṃ devaputto anibbānagāmī samāno nibbānagāmisaññī, handassa nibbānagāmino dassemī’’ti dutiyaṃ gāthamāha. Catunnaṃ oghānaṃ, saṃsāramahoghasseva vā paratīrabhāvato paratīranti nibbānaṃ. Ambuni jāto ambujo, maccho. Suttajālaṃ chinditvā macchā viya kilesajālaṃ bhinditvā gamissantīti.
жанд̣̇имасасуд̇д̇аван̣н̣анаа нидтид̇аа.
Candimasasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 1. жанд̣̇имасасуд̇д̇ам̣ • 1. Candimasasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 1. жанд̣̇имасасуд̇д̇аван̣н̣анаа • 1. Candimasasuttavaṇṇanā
