| Library / Tipiṭaka / తిపిటక • Tipiṭaka / సంయుత్తనికాయ (అట్ఠకథా) • Saṃyuttanikāya (aṭṭhakathā) |
౨. అనాథపిణ్డికవగ్గో
2. Anāthapiṇḍikavaggo
౧. చన్దిమససుత్తవణ్ణనా
1. Candimasasuttavaṇṇanā
౯౨. దుతియవగ్గస్స పఠమే కచ్ఛేవాతి కచ్ఛే వియ. కచ్ఛేతి పబ్బతకచ్ఛేపి నదీకచ్ఛేపి. ఏకోది నిపకాతి ఏకగ్గచిత్తా చేవ పఞ్ఞానేపక్కేన చ సమన్నాగతా. సతాతి సతిమన్తో. ఇదం వుత్తం హోతి – యే ఝానాని లభిత్వా ఏకోదీ నిపకా సతా విహరన్తి, తే అమకసే పబ్బతకచ్ఛే వా నదీకచ్ఛే వా మగా వియ సోత్థిం గమిస్సన్తీతి. పారన్తి నిబ్బానం. అమ్బుజోతి మచ్ఛో. రణఞ్జహాతి కిలేసఞ్జహా. యేపి ఝానాని లభిత్వా అప్పమత్తా కిలేసే జహన్తి, తే సుత్తజాలం భిన్దిత్వా మచ్ఛా వియ నిబ్బానం గమిస్సన్తీతి వుత్తం హోతి. పఠమం.
92. Dutiyavaggassa paṭhame kacchevāti kacche viya. Kaccheti pabbatakacchepi nadīkacchepi. Ekodi nipakāti ekaggacittā ceva paññānepakkena ca samannāgatā. Satāti satimanto. Idaṃ vuttaṃ hoti – ye jhānāni labhitvā ekodī nipakā satā viharanti, te amakase pabbatakacche vā nadīkacche vā magā viya sotthiṃ gamissantīti. Pāranti nibbānaṃ. Ambujoti maccho. Raṇañjahāti kilesañjahā. Yepi jhānāni labhitvā appamattā kilese jahanti, te suttajālaṃ bhinditvā macchā viya nibbānaṃ gamissantīti vuttaṃ hoti. Paṭhamaṃ.
Related texts:
తిపిటక (మూల) • Tipiṭaka (Mūla) / సుత్తపిటక • Suttapiṭaka / సంయుత్తనికాయ • Saṃyuttanikāya / ౧. చన్దిమససుత్తం • 1. Candimasasuttaṃ
టీకా • Tīkā / సుత్తపిటక (టీకా) • Suttapiṭaka (ṭīkā) / సంయుత్తనికాయ (టీకా) • Saṃyuttanikāya (ṭīkā) / ౧. చన్దిమససుత్తవణ్ణనా • 1. Candimasasuttavaṇṇanā
