| Library / Tipiṭaka / තිපිටක • Tipiṭaka / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) |
2. අනාථපිණ්‌ඩිකවග්‌ගො
2. Anāthapiṇḍikavaggo
1. චන්‌දිමසසුත්‌තවණ්‌ණනා
1. Candimasasuttavaṇṇanā
92. දුතියවග්‌ගස්‌ස පඨමෙ කච්‌ඡෙවාති කච්‌ඡෙ විය. කච්‌ඡෙති පබ්‌බතකච්‌ඡෙපි නදීකච්‌ඡෙපි. එකොදි නිපකාති එකග්‌ගචිත්‌තා චෙව පඤ්‌ඤානෙපක්‌කෙන ච සමන්‌නාගතා. සතාති සතිමන්‌තො. ඉදං වුත්‌තං හොති – යෙ ඣානානි ලභිත්‌වා එකොදී නිපකා සතා විහරන්‌ති, තෙ අමකසෙ පබ්‌බතකච්‌ඡෙ වා නදීකච්‌ඡෙ වා මගා විය සොත්‌ථිං ගමිස්‌සන්‌තීති. පාරන්‌ති නිබ්‌බානං. අම්‌බුජොති මච්‌ඡො. රණඤ්‌ජහාති කිලෙසඤ්‌ජහා. යෙපි ඣානානි ලභිත්‌වා අප්‌පමත්‌තා කිලෙසෙ ජහන්‌ති, තෙ සුත්‌තජාලං භින්‌දිත්‌වා මච්‌ඡා විය නිබ්‌බානං ගමිස්‌සන්‌තීති වුත්‌තං හොති. පඨමං.
92. Dutiyavaggassa paṭhame kacchevāti kacche viya. Kaccheti pabbatakacchepi nadīkacchepi. Ekodi nipakāti ekaggacittā ceva paññānepakkena ca samannāgatā. Satāti satimanto. Idaṃ vuttaṃ hoti – ye jhānāni labhitvā ekodī nipakā satā viharanti, te amakase pabbatakacche vā nadīkacche vā magā viya sotthiṃ gamissantīti. Pāranti nibbānaṃ. Ambujoti maccho. Raṇañjahāti kilesañjahā. Yepi jhānāni labhitvā appamattā kilese jahanti, te suttajālaṃ bhinditvā macchā viya nibbānaṃ gamissantīti vuttaṃ hoti. Paṭhamaṃ.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / සංයුත්‌තනිකාය • Saṃyuttanikāya / 1. චන්‌දිමසසුත්‌තං • 1. Candimasasuttaṃ
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 1. චන්‌දිමසසුත්‌තවණ්‌ණනා • 1. Candimasasuttavaṇṇanā
