| Library / Tipiṭaka / තිපිටක • Tipiṭaka / සංයුත්‌තනිකාය (ටීකා) • Saṃyuttanikāya (ṭīkā) |
2. අනාථපිණ්‌ඩිකවග්‌ගො
2. Anāthapiṇḍikavaggo
1. චන්‌දිමසසුත්‌තවණ්‌ණනා
1. Candimasasuttavaṇṇanā
92. පබ්‌බතතටා සන්‌දමානො තථාරූපො නදීනිවත්‌තනපදෙසොපි සම්‌බාධට්‌ඨානතාය කච්‌ඡො වියාති ආහ ‘‘පබ්‌බතකච්‌ඡෙපී’’ති. පටිපක්‌ඛදූරීභාවෙන සෙට්‌ඨට්‌ඨෙන ච එකො උදෙතීති එකොදි, එකග්‌ගතා. තස්‌මිං යොගතො එකග්‌ගචිත්‌තා ඉධ එකොදී. පටිපක්‌ඛතො අත්‌තානං නිපයන්‌ති විසොධෙන්‌තීති නිපකා, පඤ්‌ඤවන්‌තො. තෙනාහ ‘‘එකග්‌ගචිත්‌තා චෙවා’’තිආදි. කායාදිභෙදං ආරම්‌මණං සාතිසයාය සතියා සරන්‌තීති සතා. තෙනාහ ‘‘සතිමන්‌තො’’ති. සොත්‌ථිං ගමිස්‌සන්‌තීති යථාවුත්‌තපදෙසෙ මගා සොත්‌ථිමනුපද්‌දවෙන වත්‌තිස්‌සන්‌ති, එවං ඣානලාභිනො සොත්‌ථිං කිලෙසෙහි අනුපද්‌දුතා වත්‌තිස්‌සන්‌ති. අයං කිර දෙවපුත්‌තො බ්‍රහ්‌මලොකෙ නිබ්‌බානසඤ්‌ඤී, තස්‌මා එවමාහ. භගවා ‘‘අයං දෙවපුත්‌තො අනිබ්‌බානගාමී සමානො නිබ්‌බානගාමිසඤ්‌ඤී, හන්‌දස්‌ස නිබ්‌බානගාමිනො දස්‌සෙමී’’ති දුතියං ගාථමාහ. චතුන්‌නං ඔඝානං, සංසාරමහොඝස්‌සෙව වා පරතීරභාවතො පරතීරන්‌ති නිබ්‌බානං. අම්‌බුනි ජාතො අම්‌බුජො, මච්‌ඡො. සුත්‌තජාලං ඡින්‌දිත්‌වා මච්‌ඡා විය කිලෙසජාලං භින්‌දිත්‌වා ගමිස්‌සන්‌තීති.
92. Pabbatataṭā sandamāno tathārūpo nadīnivattanapadesopi sambādhaṭṭhānatāya kaccho viyāti āha ‘‘pabbatakacchepī’’ti. Paṭipakkhadūrībhāvena seṭṭhaṭṭhena ca eko udetīti ekodi, ekaggatā. Tasmiṃ yogato ekaggacittā idha ekodī. Paṭipakkhato attānaṃ nipayanti visodhentīti nipakā, paññavanto. Tenāha ‘‘ekaggacittā cevā’’tiādi. Kāyādibhedaṃ ārammaṇaṃ sātisayāya satiyā sarantīti satā. Tenāha ‘‘satimanto’’ti. Sotthiṃ gamissantīti yathāvuttapadese magā sotthimanupaddavena vattissanti, evaṃ jhānalābhino sotthiṃ kilesehi anupaddutā vattissanti. Ayaṃ kira devaputto brahmaloke nibbānasaññī, tasmā evamāha. Bhagavā ‘‘ayaṃ devaputto anibbānagāmī samāno nibbānagāmisaññī, handassa nibbānagāmino dassemī’’ti dutiyaṃ gāthamāha. Catunnaṃ oghānaṃ, saṃsāramahoghasseva vā paratīrabhāvato paratīranti nibbānaṃ. Ambuni jāto ambujo, maccho. Suttajālaṃ chinditvā macchā viya kilesajālaṃ bhinditvā gamissantīti.
චන්‌දිමසසුත්‌තවණ්‌ණනා නිට්‌ඨිතා.
Candimasasuttavaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / සංයුත්‌තනිකාය • Saṃyuttanikāya / 1. චන්‌දිමසසුත්‌තං • 1. Candimasasuttaṃ
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 1. චන්‌දිමසසුත්‌තවණ්‌ණනා • 1. Candimasasuttavaṇṇanā
