| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) |
༢. ཨནཱཐཔིཎྜིཀཝགྒོ
2. Anāthapiṇḍikavaggo
༡. ཙནྡིམསསུཏྟཝཎྞནཱ
1. Candimasasuttavaṇṇanā
༩༢. དུཏིཡཝགྒསྶ པཋམེ ཀཙྪེཝཱཏི ཀཙྪེ ཝིཡ། ཀཙྪེཏི པབྦཏཀཙྪེཔི ནདཱིཀཙྪེཔི། ཨེཀོདི ནིཔཀཱཏི ཨེཀགྒཙིཏྟཱ ཙེཝ པཉྙཱནེཔཀྐེན ཙ སམནྣཱགཏཱ། སཏཱཏི སཏིམནྟོ། ཨིདཾ ཝུཏྟཾ ཧོཏི – ཡེ ཛྷཱནཱནི ལབྷིཏྭཱ ཨེཀོདཱི ནིཔཀཱ སཏཱ ཝིཧརནྟི, ཏེ ཨམཀསེ པབྦཏཀཙྪེ ཝཱ ནདཱིཀཙྪེ ཝཱ མགཱ ཝིཡ སོཏྠིཾ གམིསྶནྟཱིཏི། པཱརནྟི ནིབྦཱནཾ། ཨམྦུཛོཏི མཙྪོ། རཎཉྫཧཱཏི ཀིལེསཉྫཧཱ། ཡེཔི ཛྷཱནཱནི ལབྷིཏྭཱ ཨཔྤམཏྟཱ ཀིལེསེ ཛཧནྟི, ཏེ སུཏྟཛཱལཾ བྷིནྡིཏྭཱ མཙྪཱ ཝིཡ ནིབྦཱནཾ གམིསྶནྟཱིཏི ཝུཏྟཾ ཧོཏི། པཋམཾ།
92. Dutiyavaggassa paṭhame kacchevāti kacche viya. Kaccheti pabbatakacchepi nadīkacchepi. Ekodi nipakāti ekaggacittā ceva paññānepakkena ca samannāgatā. Satāti satimanto. Idaṃ vuttaṃ hoti – ye jhānāni labhitvā ekodī nipakā satā viharanti, te amakase pabbatakacche vā nadīkacche vā magā viya sotthiṃ gamissantīti. Pāranti nibbānaṃ. Ambujoti maccho. Raṇañjahāti kilesañjahā. Yepi jhānāni labhitvā appamattā kilese jahanti, te suttajālaṃ bhinditvā macchā viya nibbānaṃ gamissantīti vuttaṃ hoti. Paṭhamaṃ.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / སཾཡུཏྟནིཀཱཡ • Saṃyuttanikāya / ༡. ཙནྡིམསསུཏྟཾ • 1. Candimasasuttaṃ
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༡. ཙནྡིམསསུཏྟཝཎྞནཱ • 1. Candimasasuttavaṇṇanā
