| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੨. ਅਨਾਥਪਿਣ੍ਡਿਕવਗ੍ਗੋ
2. Anāthapiṇḍikavaggo
੧. ਚਨ੍ਦਿਮਸਸੁਤ੍ਤવਣ੍ਣਨਾ
1. Candimasasuttavaṇṇanā
੯੨. ਪਬ੍ਬਤਤਟਾ ਸਨ੍ਦਮਾਨੋ ਤਥਾਰੂਪੋ ਨਦੀਨਿવਤ੍ਤਨਪਦੇਸੋਪਿ ਸਮ੍ਬਾਧਟ੍ਠਾਨਤਾਯ ਕਚ੍ਛੋ વਿਯਾਤਿ ਆਹ ‘‘ਪਬ੍ਬਤਕਚ੍ਛੇਪੀ’’ਤਿ। ਪਟਿਪਕ੍ਖਦੂਰੀਭਾવੇਨ ਸੇਟ੍ਠਟ੍ਠੇਨ ਚ ਏਕੋ ਉਦੇਤੀਤਿ ਏਕੋਦਿ, ਏਕਗ੍ਗਤਾ। ਤਸ੍ਮਿਂ ਯੋਗਤੋ ਏਕਗ੍ਗਚਿਤ੍ਤਾ ਇਧ ਏਕੋਦੀ। ਪਟਿਪਕ੍ਖਤੋ ਅਤ੍ਤਾਨਂ ਨਿਪਯਨ੍ਤਿ વਿਸੋਧੇਨ੍ਤੀਤਿ ਨਿਪਕਾ, ਪਞ੍ਞવਨ੍ਤੋ। ਤੇਨਾਹ ‘‘ਏਕਗ੍ਗਚਿਤ੍ਤਾ ਚੇવਾ’’ਤਿਆਦਿ। ਕਾਯਾਦਿਭੇਦਂ ਆਰਮ੍ਮਣਂ ਸਾਤਿਸਯਾਯ ਸਤਿਯਾ ਸਰਨ੍ਤੀਤਿ ਸਤਾ। ਤੇਨਾਹ ‘‘ਸਤਿਮਨ੍ਤੋ’’ਤਿ। ਸੋਤ੍ਥਿਂ ਗਮਿਸ੍ਸਨ੍ਤੀਤਿ ਯਥਾવੁਤ੍ਤਪਦੇਸੇ ਮਗਾ ਸੋਤ੍ਥਿਮਨੁਪਦ੍ਦવੇਨ વਤ੍ਤਿਸ੍ਸਨ੍ਤਿ, ਏવਂ ਝਾਨਲਾਭਿਨੋ ਸੋਤ੍ਥਿਂ ਕਿਲੇਸੇਹਿ ਅਨੁਪਦ੍ਦੁਤਾ વਤ੍ਤਿਸ੍ਸਨ੍ਤਿ। ਅਯਂ ਕਿਰ ਦੇવਪੁਤ੍ਤੋ ਬ੍ਰਹ੍ਮਲੋਕੇ ਨਿਬ੍ਬਾਨਸਞ੍ਞੀ, ਤਸ੍ਮਾ ਏવਮਾਹ। ਭਗવਾ ‘‘ਅਯਂ ਦੇવਪੁਤ੍ਤੋ ਅਨਿਬ੍ਬਾਨਗਾਮੀ ਸਮਾਨੋ ਨਿਬ੍ਬਾਨਗਾਮਿਸਞ੍ਞੀ, ਹਨ੍ਦਸ੍ਸ ਨਿਬ੍ਬਾਨਗਾਮਿਨੋ ਦਸ੍ਸੇਮੀ’’ਤਿ ਦੁਤਿਯਂ ਗਾਥਮਾਹ। ਚਤੁਨ੍ਨਂ ਓਘਾਨਂ, ਸਂਸਾਰਮਹੋਘਸ੍ਸੇવ વਾ ਪਰਤੀਰਭਾવਤੋ ਪਰਤੀਰਨ੍ਤਿ ਨਿਬ੍ਬਾਨਂ। ਅਮ੍ਬੁਨਿ ਜਾਤੋ ਅਮ੍ਬੁਜੋ, ਮਚ੍ਛੋ। ਸੁਤ੍ਤਜਾਲਂ ਛਿਨ੍ਦਿਤ੍વਾ ਮਚ੍ਛਾ વਿਯ ਕਿਲੇਸਜਾਲਂ ਭਿਨ੍ਦਿਤ੍વਾ ਗਮਿਸ੍ਸਨ੍ਤੀਤਿ।
92. Pabbatataṭā sandamāno tathārūpo nadīnivattanapadesopi sambādhaṭṭhānatāya kaccho viyāti āha ‘‘pabbatakacchepī’’ti. Paṭipakkhadūrībhāvena seṭṭhaṭṭhena ca eko udetīti ekodi, ekaggatā. Tasmiṃ yogato ekaggacittā idha ekodī. Paṭipakkhato attānaṃ nipayanti visodhentīti nipakā, paññavanto. Tenāha ‘‘ekaggacittā cevā’’tiādi. Kāyādibhedaṃ ārammaṇaṃ sātisayāya satiyā sarantīti satā. Tenāha ‘‘satimanto’’ti. Sotthiṃ gamissantīti yathāvuttapadese magā sotthimanupaddavena vattissanti, evaṃ jhānalābhino sotthiṃ kilesehi anupaddutā vattissanti. Ayaṃ kira devaputto brahmaloke nibbānasaññī, tasmā evamāha. Bhagavā ‘‘ayaṃ devaputto anibbānagāmī samāno nibbānagāmisaññī, handassa nibbānagāmino dassemī’’ti dutiyaṃ gāthamāha. Catunnaṃ oghānaṃ, saṃsāramahoghasseva vā paratīrabhāvato paratīranti nibbānaṃ. Ambuni jāto ambujo, maccho. Suttajālaṃ chinditvā macchā viya kilesajālaṃ bhinditvā gamissantīti.
ਚਨ੍ਦਿਮਸਸੁਤ੍ਤવਣ੍ਣਨਾ ਨਿਟ੍ਠਿਤਾ।
Candimasasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੧. ਚਨ੍ਦਿਮਸਸੁਤ੍ਤਂ • 1. Candimasasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੧. ਚਨ੍ਦਿਮਸਸੁਤ੍ਤવਣ੍ਣਨਾ • 1. Candimasasuttavaṇṇanā
