| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
3. жанд̣̇уубамасуд̇д̇аван̣н̣анаа
3. Candūpamasuttavaṇṇanā
146. д̇ад̇ияз жанд̣̇уубамаад̇и жанд̣̇асад̣̇исаа худ̇ваа. гим̣ бариман̣д̣алад̇ааяа? но, абижа ко яат̇аа жанд̣̇о г̇аг̇анад̇алам̣ багканд̣̇амаано на гзнажи сад̣̇д̇хим̣ сант̇авам̣ ваа синзхам̣ ваа аалаяам̣ ваа ниганд̇им̣ ваа бад̇т̇анам̣ ваа барияудтаанам̣ ваа гарод̇и, на жа на ход̇и махааж̇анасса бияо манаабо, д̇умхзби звам̣ гзнажи сад̣̇д̇хим̣ сант̇аваад̣̇ийнам̣ агаран̣зна б̣ахуж̇анасса бияаа манаабаа жанд̣̇уубамаа худ̇ваа кад̇д̇ияагулаад̣̇ийни жад̇д̇аари гулаани убасан̇гамат̇аад̇и ад̇т̇о. абижа яат̇аа жанд̣̇о анд̇хагаарам̣ вид̇хамад̇и, аалогам̣ парад̇и, звам̣ гилзсанд̇хагааравид̇хаманзна н̃аан̣аалогапаран̣зна жааби жанд̣̇уубамаа худ̇ваад̇и звамаад̣̇ийхиби наязхи зд̇т̇а ад̇т̇о д̣̇адтаб̣б̣о.
146. Tatiye candūpamāti candasadisā hutvā. Kiṃ parimaṇḍalatāya? No, apica kho yathā cando gaganatalaṃ pakkhandamāno na kenaci saddhiṃ santhavaṃ vā sinehaṃ vā ālayaṃ vā nikantiṃ vā patthanaṃ vā pariyuṭṭhānaṃ vā karoti, na ca na hoti mahājanassa piyo manāpo, tumhepi evaṃ kenaci saddhiṃ santhavādīnaṃ akaraṇena bahujanassa piyā manāpā candūpamā hutvā khattiyakulādīni cattāri kulāni upasaṅkamathāti attho. Apica yathā cando andhakāraṃ vidhamati, ālokaṃ pharati, evaṃ kilesandhakāravidhamanena ñāṇālokapharaṇena cāpi candūpamā hutvāti evamādīhipi nayehi ettha attho daṭṭhabbo.
абагассзва гааяам̣ абагасса жид̇д̇анд̇и д̇знзва сант̇аваад̣̇ийнам̣ агаран̣зна гааяан̃жа жид̇д̇ан̃жа абагассид̇ваа, абанзд̇ваад̇и ад̇т̇о. яо хи бхигку аран̃н̃зби на васад̇и, гаамавид̇аггаад̣̇аяоби вид̇аггзд̇и, аяам̣ нзва гааяам̣ абагассад̇и, на жид̇д̇ам̣. яо хи аран̃н̃зби ко вихарад̇и, гаамавид̇аггаад̣̇аяо бана вид̇аггзд̇и, аяам̣ гааяамзва абагассад̇и, на жид̇д̇ам̣. яо г̇ааманд̇з васад̇и , гаамавид̇аггаад̣̇аяоби ко на жа вид̇аггзд̇и, аяам̣ жид̇д̇амзва абагассад̇и, на гааяам̣. яо бана аран̃н̃з жзва васад̇и, гаамавид̇аггаад̣̇аяо жа на вид̇аггзд̇и, аяам̣ убхаяамби абагассад̇и. зваруубаа худ̇ваа гулаани убасан̇гамат̇аад̇и д̣̇ийбзнд̇о ‘‘абагассзва гааяам̣ абагасса жид̇д̇а’’нд̇и ааха.
Apakasseva kāyaṃ apakassa cittanti teneva santhavādīnaṃ akaraṇena kāyañca cittañca apakassitvā, apanetvāti attho. Yo hi bhikkhu araññepi na vasati, kāmavitakkādayopi vitakketi, ayaṃ neva kāyaṃ apakassati, na cittaṃ. Yo hi araññepi kho viharati, kāmavitakkādayo pana vitakketi, ayaṃ kāyameva apakassati, na cittaṃ. Yo gāmante vasati , kāmavitakkādayopi kho na ca vitakketi, ayaṃ cittameva apakassati, na kāyaṃ. Yo pana araññe ceva vasati, kāmavitakkādayo ca na vitakketi, ayaṃ ubhayampi apakassati. Evarūpā hutvā kulāni upasaṅkamathāti dīpento ‘‘apakasseva kāyaṃ apakassa citta’’nti āha.
нижжанавагаад̇и нижжам̣ навагаава, ааг̇анд̇угасад̣̇исаа зва худ̇ваад̇и ад̇т̇о. ааг̇анд̇уго хи бадибаадияаа самбад̇д̇аг̇зхам̣ бависид̇ваа сажз нам̣ гхарасаамигаа д̣̇исваа, ‘‘амхаагам̣ буд̇д̇абхаад̇аро виббаваасам̣ г̇ад̇аа звам̣ вижарим̣суу’’д̇и анугамбамаанаа нисийд̣̇аабзд̇ваа бхож̇знд̇и, бхуд̇д̇амад̇д̇оязва ‘‘д̇умхаагам̣ бхааж̇анам̣ г̇ан̣хат̇аа’’д̇и удтааяа баггамад̇и, на д̇зхи сад̣̇д̇хим̣ сант̇авам̣ ваа гарод̇и, на гижжагаран̣ийяаани ваа сам̣вид̣̇ахад̇и, звам̣ д̇умхзби бадибаадияаа самбад̇д̇агхарам̣ бависид̇ваа яам̣ ирияаабат̇зсу басаннаа мануссаа д̣̇знд̇и, д̇ам̣ г̇ахзд̇ваа чиннасант̇аваа, д̇зсам̣ гижжагаран̣ийяз аб̣яаавадаа худ̇ваа нигкамат̇аад̇и д̣̇ийбзд̇и.
Niccanavakāti niccaṃ navakāva, āgantukasadisā eva hutvāti attho. Āgantuko hi paṭipāṭiyā sampattagehaṃ pavisitvā sace naṃ gharasāmikā disvā, ‘‘amhākaṃ puttabhātaro vippavāsaṃ gatā evaṃ vicariṃsū’’ti anukampamānā nisīdāpetvā bhojenti, bhuttamattoyeva ‘‘tumhākaṃ bhājanaṃ gaṇhathā’’ti uṭṭhāya pakkamati, na tehi saddhiṃ santhavaṃ vā karoti, na kiccakaraṇīyāni vā saṃvidahati, evaṃ tumhepi paṭipāṭiyā sampattagharaṃ pavisitvā yaṃ iriyāpathesu pasannā manussā denti, taṃ gahetvā chinnasanthavā, tesaṃ kiccakaraṇīye abyāvaṭā hutvā nikkhamathāti dīpeti.
имасса бана нижжанавагабхаавасса аавибхаавад̇т̇ам̣ д̣̇взбхаад̇игавад̇т̇у гат̇зд̇аб̣б̣ам̣ – васаал̣анаг̇араг̇аамад̇о гира д̣̇вз бхаад̇игаа нигкамид̇ваа баб̣б̣аж̇ид̇аа, д̇з жуул̣анааг̇ад̇т̇зро жа махаанааг̇ад̇т̇зро жаад̇и бан̃н̃ааяим̣су. д̇з жид̇д̇алабаб̣б̣ад̇з д̇им̣са вассаани васид̇ваа арахад̇д̇ам̣ бад̇д̇аа ‘‘маад̇арам̣ бассиссаамаа’’д̇и ааг̇анд̇ваа васаал̣анаг̇аравихаарз васид̇ваа бунад̣̇ивасз маад̇уг̇аамам̣ бин̣д̣ааяа бависим̣су. маад̇ааби д̇зсам̣ ул̣ун̇гзна яааг̇ум̣ нийхарид̇ваа згасса бад̇д̇з аагири. д̇ассаа д̇ам̣ ологаяамаанааяа буд̇д̇асинзхо уббаж̇ж̇и. ат̇а нам̣ ааха – ‘‘д̇вам̣, д̇аад̇а, маяхам̣ буд̇д̇о махаанааг̇о’’д̇и. т̇зро ‘‘бажчимам̣ т̇зрам̣ бужча убаасигз’’д̇и вад̇ваа баггаами. бажчимат̇зрассаби яааг̇ум̣ д̣̇ад̇ваа, ‘‘д̇аад̇а, д̇вам̣ маяхам̣ буд̇д̇о жуул̣анааг̇о’’д̇и бужчи? т̇зро ‘‘гим̣, убаасигз, буримам̣ т̇зрам̣ на бужчасий’’д̇и? вад̇ваа баггаами. звам̣ маад̇арааби сад̣̇д̇хим̣ чиннасант̇аво бхигку нижжанаваго наама ход̇и.
Imassa pana niccanavakabhāvassa āvibhāvatthaṃ dvebhātikavatthu kathetabbaṃ – vasāḷanagaragāmato kira dve bhātikā nikkhamitvā pabbajitā, te cūḷanāgatthero ca mahānāgatthero cāti paññāyiṃsu. Te cittalapabbate tiṃsa vassāni vasitvā arahattaṃ pattā ‘‘mātaraṃ passissāmā’’ti āgantvā vasāḷanagaravihāre vasitvā punadivase mātugāmaṃ piṇḍāya pavisiṃsu. Mātāpi tesaṃ uḷuṅkena yāguṃ nīharitvā ekassa patte ākiri. Tassā taṃ olokayamānāya puttasineho uppajji. Atha naṃ āha – ‘‘tvaṃ, tāta, mayhaṃ putto mahānāgo’’ti. Thero ‘‘pacchimaṃ theraṃ puccha upāsike’’ti vatvā pakkāmi. Pacchimatherassapi yāguṃ datvā, ‘‘tāta, tvaṃ mayhaṃ putto cūḷanāgo’’ti pucchi? Thero ‘‘kiṃ, upāsike, purimaṃ theraṃ na pucchasī’’ti? Vatvā pakkāmi. Evaṃ mātarāpi saddhiṃ chinnasanthavo bhikkhu niccanavako nāma hoti.
аббаг̇аб̣бхаад̇и на баг̇аб̣бхаа, адтадтаанзна гааяабааг̇аб̣бхиязна, жад̇удтаанзна важийбааг̇аб̣бхиязна, анзгадтаанзна манобааг̇аб̣бхиязна жа вирахид̇аад̇и ад̇т̇о. адтадтаанам̣ гааяабааг̇аб̣бхияам̣ наама сан̇гхаг̇ан̣абуг̇г̇ала-бхож̇анасаалаа-ж̇анд̇аагхаранахаанад̇ид̇т̇а-бхигкаажаарамаг̇г̇а-анд̇арагхараббавзсанзсу гааязна аббад̇ируубагаран̣ам̣. сзяяат̇ид̣̇ам̣ – ид̇хзгажжо сан̇гхамаж̇жхз баллад̇т̇игааяа ваа нисийд̣̇ад̇и баад̣̇з баад̣̇ам̣ аад̇хааяид̇ваа ваад̇и звамаад̣̇и (махаани. 165). д̇ат̇аа г̇ан̣амаж̇жхз. г̇ан̣амаж̇жхзд̇и жад̇убарисасаннибаад̇з ваа суд̇д̇анд̇игаг̇ан̣аад̣̇исаннибаад̇з ваа. д̇ат̇аа вуд̣дхад̇арз буг̇г̇алз. бхож̇анасаалааяа бана вуд̣дхаанам̣ аасанам̣ на д̣̇зд̇и, наваанам̣ аасанам̣ бадиб̣аахад̇и. д̇ат̇аа ж̇анд̇аагхарз. вуд̣дхз жзд̇т̇а анаабужчаа аг̇г̇иж̇аланаад̣̇ийни гарод̇и. нхаанад̇ид̇т̇з жа яад̣̇ид̣̇ам̣ ‘‘д̣̇ахаро вуд̣дход̇и бамаан̣ам̣ агад̇ваа ааг̇ад̇абадибаадияаа нхааяид̇аб̣б̣а’’нд̇и вуд̇д̇ам̣, д̇амби анаад̣̇ияанд̇о бажчаа ааг̇анд̇ваа уд̣̇агам̣ од̇арид̇ваа вуд̣дхз жа навз жа б̣аад̇хад̇и. бхигкаажаарамаг̇г̇з бана аг̇г̇аасанааг̇г̇од̣̇агааг̇г̇абин̣д̣аанам̣ ад̇т̇ааяа бурад̇о г̇ажчад̇и б̣аахааяа б̣аахам̣ бахаранд̇о. анд̇арагхараббавзсанз вуд̣дхзхи батамад̇арам̣ бависад̇и, д̣̇ахарзхи сад̣̇д̇хим̣ гааяагийл̣анагам̣ гарод̇ийд̇и звамаад̣̇и.
Appagabbhāti na pagabbhā, aṭṭhaṭṭhānena kāyapāgabbhiyena, catuṭṭhānena vacīpāgabbhiyena, anekaṭṭhānena manopāgabbhiyena ca virahitāti attho. Aṭṭhaṭṭhānaṃ kāyapāgabbhiyaṃ nāma saṅghagaṇapuggala-bhojanasālā-jantāgharanahānatittha-bhikkhācāramagga-antaragharappavesanesu kāyena appatirūpakaraṇaṃ. Seyyathidaṃ – idhekacco saṅghamajjhe pallatthikāya vā nisīdati pāde pādaṃ ādhāyitvā vāti evamādi (mahāni. 165). Tathā gaṇamajjhe. Gaṇamajjheti catuparisasannipāte vā suttantikagaṇādisannipāte vā. Tathā vuḍḍhatare puggale. Bhojanasālāya pana vuḍḍhānaṃ āsanaṃ na deti, navānaṃ āsanaṃ paṭibāhati. Tathā jantāghare. Vuḍḍhe cettha anāpucchā aggijalanādīni karoti. Nhānatitthe ca yadidaṃ ‘‘daharo vuḍḍhoti pamāṇaṃ akatvā āgatapaṭipāṭiyā nhāyitabba’’nti vuttaṃ, tampi anādiyanto pacchā āgantvā udakaṃ otaritvā vuḍḍhe ca nave ca bādhati. Bhikkhācāramagge pana aggāsanaaggodakaaggapiṇḍānaṃ atthāya purato gacchati bāhāya bāhaṃ paharanto. Antaragharappavesane vuḍḍhehi paṭhamataraṃ pavisati, daharehi saddhiṃ kāyakīḷanakaṃ karotīti evamādi.
жад̇удтаанам̣ важийбааг̇аб̣бхияам̣ наама сан̇гхаг̇ан̣абуг̇г̇алаанд̇арагхарзсу аббад̇ируубаваажаанижчааран̣ам̣. сзяяат̇ид̣̇ам̣ – ид̇хзгажжо сан̇гхамаж̇жхз анаабужчаа д̇хаммам̣ бхаасад̇и. д̇ат̇аа буб̣б̣з вуд̇д̇аббагаарасса г̇ан̣асса маж̇жхз буг̇г̇аласса жа санд̇игз, д̇ад̇т̇зва мануссзхи бан̃хам̣ будто вуд̣дхад̇арам̣ анаабужчаа виссаж̇ж̇зд̇и. анд̇арагхарз бана ‘‘ид̇т̇аннаамз гим̣ ад̇т̇и? гим̣ яааг̇у, уд̣̇ааху каад̣̇анийяам̣ бхож̇анийяам̣? гим̣ мз д̣̇ассаси? гим̣ аж̇ж̇а каад̣̇иссаама? гим̣ бхун̃ж̇иссаама? гим̣ бивиссаамаа’’д̇иаад̣̇ийни бхаасад̇и.
Catuṭṭhānaṃ vacīpāgabbhiyaṃ nāma saṅghagaṇapuggalaantaragharesu appatirūpavācānicchāraṇaṃ. Seyyathidaṃ – idhekacco saṅghamajjhe anāpucchā dhammaṃ bhāsati. Tathā pubbe vuttappakārassa gaṇassa majjhe puggalassa ca santike, tattheva manussehi pañhaṃ puṭṭho vuḍḍhataraṃ anāpucchā vissajjeti. Antaraghare pana ‘‘itthannāme kiṃ atthi? Kiṃ yāgu, udāhu khādanīyaṃ bhojanīyaṃ? Kiṃ me dassasi? Kiṃ ajja khādissāma? Kiṃ bhuñjissāma? Kiṃ pivissāmā’’tiādīni bhāsati.
анзгадтаанам̣ манобааг̇аб̣бхияам̣ наама д̇зсу д̇зсу таанзсу гааяаваажаахи аж̇жхаажаарам̣ анаабаж̇ж̇ид̇вааби манасаава гаамавид̇аггаад̣̇ийнам̣ вид̇агганам̣. абижа д̣̇уссийлассзва сад̇о ‘‘сийлаваад̇и мам̣ ж̇ано ж̇аанаад̇уу’’д̇и звам̣ бавад̇д̇аа баабижчад̇ааби манобааг̇аб̣бхияам̣. ид̇и саб̣б̣зсамби имзсам̣ бааг̇аб̣бхияаанам̣ абхаавзна аббаг̇аб̣бхаа худ̇ваа убасан̇гамат̇аад̇и вад̣̇ад̇и.
Anekaṭṭhānaṃ manopāgabbhiyaṃ nāma tesu tesu ṭhānesu kāyavācāhi ajjhācāraṃ anāpajjitvāpi manasāva kāmavitakkādīnaṃ vitakkanaṃ. Apica dussīlasseva sato ‘‘sīlavāti maṃ jano jānātū’’ti evaṃ pavattā pāpicchatāpi manopāgabbhiyaṃ. Iti sabbesampi imesaṃ pāgabbhiyānaṃ abhāvena appagabbhā hutvā upasaṅkamathāti vadati.
ж̇аруд̣̇абаананд̇и ж̇ин̣н̣агуубам̣. баб̣б̣ад̇ависаманд̇и баб̣б̣ад̇з висамам̣ бабаад̇адтаанам̣. над̣̇ийвид̣̇уг̇г̇анд̇и над̣̇ияаа вид̣̇уг̇г̇ам̣ чиннад̇ададтаанам̣. абагассзва гааяанд̇и д̇аад̣̇исаани таанаани яо кид̣д̣аад̣̇ибасуд̇о гааяам̣ анабагасса згад̇обхаарияам̣ агад̇ваава вааяубад̇т̇амбхагам̣ аг̇г̇аахаабзд̇ваа жид̇д̇амби анабагасса ‘‘зд̇т̇а бад̇ид̇о хад̇т̇абаад̣̇абхан̃ж̇анаад̣̇ийни баабун̣аад̇ий’’д̇и анаад̣̇ийнавад̣̇ассаавид̇ааяа ануб̣б̣зж̇зд̇ваа самбияааяамаано ологзд̇и, со бад̇ид̇ваа хад̇т̇абаад̣̇абхан̃ж̇анаад̣̇ианад̇т̇ам̣ баабун̣аад̇и. яо бана уд̣̇агад̇т̇иго ваа ан̃н̃зна ваа гзнажи гижжзна ологзд̇угаамо гааяам̣ абагасса згад̇о бхаарияам̣ гад̇ваа вааяубад̇т̇амбхагам̣ г̇аахаабзд̇ваа, жид̇д̇амби абагасса аад̣̇ийнавад̣̇ассанзна сам̣взж̇зд̇ваа ологзд̇и, со на бад̇ад̇и, яат̇ааружим̣ ологзд̇ваа сукий язнагаамам̣ баггамад̇и.
Jarudapānanti jiṇṇakūpaṃ. Pabbatavisamanti pabbate visamaṃ papātaṭṭhānaṃ. Nadīvidugganti nadiyā viduggaṃ chinnataṭaṭṭhānaṃ. Apakasseva kāyanti tādisāni ṭhānāni yo khiḍḍādipasuto kāyaṃ anapakassa ekatobhāriyaṃ akatvāva vāyupatthambhakaṃ aggāhāpetvā cittampi anapakassa ‘‘ettha patito hatthapādabhañjanādīni pāpuṇātī’’ti anādīnavadassāvitāya anubbejetvā sampiyāyamāno oloketi, so patitvā hatthapādabhañjanādianatthaṃ pāpuṇāti. Yo pana udakatthiko vā aññena vā kenaci kiccena oloketukāmo kāyaṃ apakassa ekato bhāriyaṃ katvā vāyupatthambhakaṃ gāhāpetvā, cittampi apakassa ādīnavadassanena saṃvejetvā oloketi, so na patati, yathāruciṃ oloketvā sukhī yenakāmaṃ pakkamati.
звамзва код̇и зд̇т̇а ид̣̇ам̣ обаммасам̣санд̣̇анам̣ – ж̇аруд̣̇абаанаад̣̇аяо вияа хи жад̇д̇аари гулаани, ологанабурисо вияа бхигку. яат̇аа анабагадтагааяажид̇д̇о д̇аани ологзнд̇о бурисо д̇ад̇т̇а бад̇ад̇и, звам̣ арагкид̇зхи гааяаад̣̇ийхи гулаани убасан̇гаманд̇о бхигку гулзсу б̣аж̇жхад̇и, д̇ад̇о наанаббагаарам̣ сийлабаад̣̇абхан̃ж̇анаад̣̇ианад̇т̇ам̣ баабун̣аад̇и. яат̇аа бана абагадтагааяажид̇д̇о бурисо д̇ад̇т̇а на бад̇ад̇и, звам̣ рагкид̇знзва гааязна рагкид̇зхи жид̇д̇зхи рагкид̇ааяа ваажааяа суббадтид̇ааяа сад̇ияаа абагадтагааяажид̇д̇о худ̇ваа гулаани убасан̇гаманд̇о бхигку гулзсу на б̣аж̇жхад̇и. ат̇асса яат̇аа д̇ад̇т̇а абад̇ид̇асса бурисасса, на баад̣̇аа бхан̃ж̇анд̇и, звам̣ сийлабаад̣̇о на бхиж̇ж̇ад̇и. яат̇аа хад̇т̇аа на бхан̃ж̇анд̇и, звам̣ сад̣̇д̇хаахад̇т̇о на бхиж̇ж̇ад̇и. яат̇аа гужчи на бхиж̇ж̇ад̇и, звам̣ самаад̇хигужчи на бхиж̇ж̇ад̇и. яат̇аа сийсам̣ на бхиж̇ж̇ад̇и, звам̣ н̃аан̣асийсам̣ на бхиж̇ж̇ад̇и, яат̇аа жа д̇ам̣ каан̣уган̣дагаад̣̇аяо на виж̇жханд̇и, звамимам̣ рааг̇аган̣дагаад̣̇аяо на виж̇жханд̇и. яат̇аа со нирубад̣̇д̣̇аво яат̇ааружи ологзд̇ваа сукий язнагаамам̣ баггамад̇и, звам̣ бхигку гулаани ниссааяа жийвараад̣̇аяо бажжаяз бадисзванд̇о гаммадтаанам̣ вад̣дхзд̇ваа сан̇каарз саммасанд̇о арахад̇д̇ам̣ бад̇ваа логуд̇д̇арасукзна сукид̇о язнагаамам̣ аг̇ад̇абуб̣б̣ам̣ ниб̣б̣аанад̣̇исам̣ г̇ажчад̇и.
Evamevakhoti ettha idaṃ opammasaṃsandanaṃ – jarudapānādayo viya hi cattāri kulāni, olokanapuriso viya bhikkhu. Yathā anapakaṭṭhakāyacitto tāni olokento puriso tattha patati, evaṃ arakkhitehi kāyādīhi kulāni upasaṅkamanto bhikkhu kulesu bajjhati, tato nānappakāraṃ sīlapādabhañjanādianatthaṃ pāpuṇāti. Yathā pana apakaṭṭhakāyacitto puriso tattha na patati, evaṃ rakkhiteneva kāyena rakkhitehi cittehi rakkhitāya vācāya suppaṭṭhitāya satiyā apakaṭṭhakāyacitto hutvā kulāni upasaṅkamanto bhikkhu kulesu na bajjhati. Athassa yathā tattha apatitassa purisassa, na pādā bhañjanti, evaṃ sīlapādo na bhijjati. Yathā hatthā na bhañjanti, evaṃ saddhāhattho na bhijjati. Yathā kucchi na bhijjati, evaṃ samādhikucchi na bhijjati. Yathā sīsaṃ na bhijjati, evaṃ ñāṇasīsaṃ na bhijjati, yathā ca taṃ khāṇukaṇṭakādayo na vijjhanti, evamimaṃ rāgakaṇṭakādayo na vijjhanti. Yathā so nirupaddavo yathāruci oloketvā sukhī yenakāmaṃ pakkamati, evaṃ bhikkhu kulāni nissāya cīvarādayo paccaye paṭisevanto kammaṭṭhānaṃ vaḍḍhetvā saṅkhāre sammasanto arahattaṃ patvā lokuttarasukhena sukhito yenakāmaṃ agatapubbaṃ nibbānadisaṃ gacchati.
ид̣̇аани яо хийнаад̇химуд̇д̇иго мижчаабадибанно звам̣ вад̣̇зяяа ‘‘саммаасамб̣уд̣̇д̇хо ‘д̇ивид̇хам̣ бааг̇аб̣бхияам̣ бахааяа нижжанавагад̇д̇зна жанд̣̇уубамаа гулаани убасан̇гамат̇аа’д̇и вад̣̇анд̇о адтаанз табзд̇и, асаяхам̣ бхаарам̣ ааробзд̇и, яам̣ на саггаа гаад̇ум̣ д̇ам̣ гаарзд̇ий’’д̇и, д̇асса ваад̣̇абат̇ам̣ бажчинд̣̇ид̇ваа, ‘‘саггаа звам̣ гаад̇ум̣, ад̇т̇и зваруубо бхигкуу’’д̇и д̣̇ассзнд̇о гассабо, бхигкавзд̇иаад̣̇имааха.
Idāni yo hīnādhimuttiko micchāpaṭipanno evaṃ vadeyya ‘‘sammāsambuddho ‘tividhaṃ pāgabbhiyaṃ pahāya niccanavakattena candūpamā kulāni upasaṅkamathā’ti vadanto aṭṭhāne ṭhapeti, asayhaṃ bhāraṃ āropeti, yaṃ na sakkā kātuṃ taṃ kāretī’’ti, tassa vādapathaṃ pacchinditvā, ‘‘sakkā evaṃ kātuṃ, atthi evarūpo bhikkhū’’ti dassento kassapo, bhikkhavetiādimāha.
аагаасз баан̣им̣ жаалзсийд̇и нийлз г̇аг̇ананд̇арз яамагавиж̇ж̇уд̇ам̣ жаараяамаано вияа хздтаабхааг̇ам̣ убарибхааг̇ам̣ убхад̇обассзсу баан̣им̣ сан̃жаарзси. ид̣̇ан̃жа бана д̇збидагз б̣уд̣̇д̇хаважанз асамбхиннабад̣̇ам̣ наама. ад̇д̇аманод̇и д̇удтажид̇д̇о сагамано, на д̣̇оманассзна бажчинд̣̇ид̇ваа г̇ахид̇амано. гассабасса, бхигкавзд̇и ид̣̇амби буриманаязнзва бараваад̣̇ам̣ бажчинд̣̇ид̇ваа ад̇т̇и зваруубо бхигкууд̇и д̣̇ассанад̇т̇ам̣ вуд̇д̇ам̣.
Ākāse pāṇiṃ cālesīti nīle gaganantare yamakavijjutaṃ cārayamāno viya heṭṭhābhāgaṃ uparibhāgaṃ ubhatopassesu pāṇiṃ sañcāresi. Idañca pana tepiṭake buddhavacane asambhinnapadaṃ nāma. Attamanoti tuṭṭhacitto sakamano, na domanassena pacchinditvā gahitamano. Kassapassa, bhikkhaveti idampi purimanayeneva paravādaṃ pacchinditvā atthi evarūpo bhikkhūti dassanatthaṃ vuttaṃ.
басаннаагаарам̣ гарзяяунд̇и жийвараад̣̇аяо бажжаяз д̣̇ад̣̇зяяум̣. д̇ат̇ад̇д̇ааяа бадибаж̇ж̇зяяунд̇и сийласса ааг̇ад̇адтаанз сийлам̣ буураяамаанаа, самаад̇хивибассанаа маг̇г̇апалаанам̣ ааг̇ад̇адтаанз д̇аани д̇аани самбаад̣̇аяамаанаа д̇ат̇аабхаавааяа бадибаж̇ж̇зяяум̣. ануд̣̇аяанд̇и рагкан̣абхаавам̣. анугамбанд̇и муд̣̇ужид̇д̇ад̇ам̣. убхаяан̃жзд̇ам̣ гаарун̃н̃ассзва взважанам̣. гассабо, бхигкавзд̇и ид̣̇амби буриманаязнзва бараваад̣̇ам̣ бажчинд̣̇ид̇ваа ад̇т̇и зваруубо бхигкууд̇и д̣̇ассанад̇т̇ам̣ вуд̇д̇ам̣. гассабзна ваад̇и зд̇т̇а жанд̣̇обамаад̣̇ивасзна яож̇анам̣ гад̇ваа буриманаязнзва ад̇т̇о взд̣̇ид̇аб̣б̣о. д̇ад̇ияам̣.
Pasannākāraṃkareyyunti cīvarādayo paccaye dadeyyuṃ. Tathattāya paṭipajjeyyunti sīlassa āgataṭṭhāne sīlaṃ pūrayamānā, samādhivipassanā maggaphalānaṃ āgataṭṭhāne tāni tāni sampādayamānā tathābhāvāya paṭipajjeyyuṃ. Anudayanti rakkhaṇabhāvaṃ. Anukampanti muducittataṃ. Ubhayañcetaṃ kāruññasseva vevacanaṃ. Kassapo, bhikkhaveti idampi purimanayeneva paravādaṃ pacchinditvā atthi evarūpo bhikkhūti dassanatthaṃ vuttaṃ. Kassapena vāti ettha candopamādivasena yojanaṃ katvā purimanayeneva attho veditabbo. Tatiyaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 3. жанд̣̇уубамасуд̇д̇ам̣ • 3. Candūpamasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 3. жанд̣̇уубамасуд̇д̇аван̣н̣анаа • 3. Candūpamasuttavaṇṇanā
