| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
3. жанд̣̇уубамасуд̇д̇аван̣н̣анаа
3. Candūpamasuttavaṇṇanā
146. бияаманаабанижжанавагаад̣̇иг̇ун̣зхи жанд̣̇о убамаа зд̇зсанд̇и жанд̣̇уубамаа. сант̇аваад̣̇ийни бад̣̇аани ан̃н̃аман̃н̃авзважанаани. барияудтаанам̣ буна жид̇д̇з гилзсаад̇хиг̇амо. саб̣б̣зхиби бад̣̇зхи гад̇т̇ажи сад̇д̇з анурод̇харод̇хаабхаавамааха. ад̇д̇ано бана соммабхаавзна махааж̇анасса бияо манаабо. яад̣̇ад̇т̇амзд̇т̇а жанд̣̇уубамаа аахадаа, д̇ам̣ д̣̇ассзнд̇о ‘‘зва’’нд̇иаад̣̇имааха. на гзвалам̣ жанд̣̇уубамад̇ааяа зд̇д̇аго зва г̇ун̣о, ат̇а ко ан̃н̃зби санд̇ийд̇и д̇з д̣̇ассзд̇ум̣ ‘‘абижаа’’д̇иаад̣̇и вуд̇д̇ам̣. звамаад̣̇ийхийд̇и аад̣̇и-сад̣̇д̣̇зна яат̇аа. жанд̣̇о логаануг̇г̇ахзна аж̇авийт̇иаад̣̇игаа наанаавийт̇ияо бадибаж̇ж̇ад̇и, звам̣ бхигку д̇ам̣ д̇ам̣ д̣̇исам̣ убаг̇ажчад̇и гулаануд̣̇д̣̇аяааяа. яат̇аа жанд̣̇о ган̣хабагкад̇о суггабагкам̣ убаг̇ажчанд̇о галаахи вад̣дхамаано худ̇ваа нижжанаво ход̇и, звам̣ бхигку ган̣хабагкам̣ бахааяа суггабагкам̣ убаг̇анд̇ваа г̇ун̣зхи вад̣дхамаано логасса ваа баамож̇ж̇абаасам̣сад̇т̇о нижжанавад̇ааяа жанд̣̇асамажид̇д̇о ад̇хунубасамбанно вияа жа нижжанаво худ̇ваа жарад̇и.
146. Piyamanāpaniccanavakādiguṇehi cando upamā etesanti candūpamā. Santhavādīni padāni aññamaññavevacanāni. Pariyuṭṭhānaṃ puna citte kilesādhigamo. Sabbehipi padehi katthaci satte anurodharodhābhāvamāha. Attano pana sommabhāvena mahājanassa piyo manāpo. Yadatthamettha candūpamā āhaṭā, taṃ dassento ‘‘eva’’ntiādimāha. Na kevalaṃ candūpamatāya ettako eva guṇo, atha kho aññepi santīti te dassetuṃ ‘‘apicā’’tiādi vuttaṃ. Evamādīhīti ādi-saddena yathā. Cando lokānuggahena ajavīthiādikā nānāvīthiyo paṭipajjati, evaṃ bhikkhu taṃ taṃ disaṃ upagacchati kulānuddayāya. Yathā cando kaṇhapakkhato sukkapakkhaṃ upagacchanto kalāhi vaḍḍhamāno hutvā niccanavo hoti, evaṃ bhikkhu kaṇhapakkhaṃ pahāya sukkapakkhaṃ upagantvā guṇehi vaḍḍhamāno lokassa vā pāmojjapāsaṃsattho niccanavatāya candasamacitto adhunupasampanno viya ca niccanavo hutvā carati.
абагассид̇ваад̇и гилзсагаамавад̇т̇угаамзхи вивзжзд̇ваа. д̇ам̣ нзгкаммаабхимукам̣ гааяажид̇д̇аанам̣ аагад̣дханам̣ гааяад̇о абанаяанан̃жа ход̇ийд̇и ааха ‘‘аагад̣дхид̇ваа абанзд̇ваад̇и ад̇т̇о’’д̇и. жад̇угган̃жзд̇т̇а самбхавад̇ийд̇и д̇ам̣ д̣̇ассзд̇ум̣ ‘‘яо хи бхигкуу’’д̇иаад̣̇и вуд̇д̇ам̣.
Apakassitvāti kilesakāmavatthukāmehi vivecetvā. Taṃ nekkhammābhimukhaṃ kāyacittānaṃ ākaḍḍhanaṃ kāyato apanayanañca hotīti āha ‘‘ākaḍḍhitvā apanetvāti attho’’ti. Catukkañcettha sambhavatīti taṃ dassetuṃ ‘‘yo hi bhikkhū’’tiādi vuttaṃ.
нижжанаваяаад̇и ‘‘нижжанавагаа’’ижжзва вуд̇д̇ам̣ ход̇и. га-сад̣̇д̣̇зна хи бад̣̇ам̣ вад̣дхид̇ам̣, га-гаарасса жа яа-гаараад̣̇зсо. звам̣ вижарим̣сууд̇и гин̃ж̇агкавасзна бариг̇г̇ахаабхаавзна яат̇аа имз, звам̣ вижарим̣су ан̃н̃зд̇и анугамбамаанаа.
Niccanavayāti ‘‘niccanavakā’’icceva vuttaṃ hoti. Ka-saddena hi padaṃ vaḍḍhitaṃ, ka-kārassa ca ya-kārādeso. Evaṃ vicariṃsūti kiñjakkhavasena pariggahābhāvena yathā ime, evaṃ vicariṃsu aññeti anukampamānā.
д̣̇взбхаад̇игавад̇т̇ууд̇и д̣̇взбхаад̇игад̇т̇зрабадиб̣ад̣̇д̇хам̣ вад̇т̇ум̣. аббад̇ируубагаран̣анд̇и бхигкуунам̣ асааруббагаран̣ам̣. аад̇хааяид̇ваад̇и ааробанам̣ табзд̇ваа. д̇ат̇аад̇и яат̇аа сан̇гхамаж̇жхз г̇ан̣амаж̇жхз жа, д̇ат̇аа вуд̣дхад̇арз буг̇г̇алз аббад̇ируубагаран̣ам̣. звамаад̣̇ийд̇и аад̣̇и-сад̣̇д̣̇зна анд̇арагхараббавзсанз ан̃н̃ад̇т̇а жа яат̇аавуд̇д̇ад̇о ан̃н̃ам̣ асааруббагирияам̣ сан̇г̇ан̣хаад̇и. д̇ад̇т̇зваад̇и сан̇гхамаж̇жхз г̇ан̣амаж̇жхз буг̇г̇аласса жа вуд̣дхасса санд̇игз.
Dvebhātikavatthūti dvebhātikattherapaṭibaddhaṃ vatthuṃ. Appatirūpakaraṇanti bhikkhūnaṃ asāruppakaraṇaṃ. Ādhāyitvāti āropanaṃ ṭhapetvā. Tathāti yathā saṅghamajjhe gaṇamajjhe ca, tathā vuḍḍhatare puggale appatirūpakaraṇaṃ. Evamādīti ādi-saddena antaragharappavesane aññattha ca yathāvuttato aññaṃ asāruppakiriyaṃ saṅgaṇhāti. Tatthevāti saṅghamajjhe gaṇamajjhe puggalassa ca vuḍḍhassa santike.
яат̇аавуд̇д̇зсу ан̃н̃зсу жа д̇зсу таанзсу. баабижчад̇ааби манобааг̇аб̣бхияанд̇и зд̇знзва год̇хуубанаахаад̣̇ийнам̣ самуд̣̇аажааро манобааг̇аб̣бхияанд̇и д̣̇ассид̇ам̣ ход̇и.
Yathāvuttesu aññesu ca tesu ṭhānesu. Pāpicchatāpi manopāgabbhiyanti eteneva kodhūpanāhādīnaṃ samudācāro manopāgabbhiyanti dassitaṃ hoti.
згад̇о бхаарияанд̇и бидтибассад̇о онад̇ам̣. вааяубад̇т̇амбханд̇и жид̇д̇асамудтаанавааяунаа убад̇т̇амбханам̣. ануб̣б̣зж̇зд̇ваа жид̇д̇анд̇и аанзд̇ваа самб̣анд̇хо. жид̇д̇асса хи д̇ад̇о ануб̣б̣зж̇анам̣ д̇ад̣̇анунаяанам̣. д̇знааха ‘‘самбияааяамаано ологзд̇ий’’д̇и. вааяубад̇т̇амбхагам̣ г̇аахаабзд̇ваад̇и гааяам̣ д̇ат̇аа убад̇т̇амбхагам̣ гад̇ваа.
Ekato bhāriyanti piṭṭhipassato onataṃ. Vāyupatthambhanti cittasamuṭṭhānavāyunā upatthambhanaṃ. Anubbejetvā cittanti ānetvā sambandho. Cittassa hi tato anubbejanaṃ tadanunayanaṃ. Tenāha ‘‘sampiyāyamāno oloketī’’ti. Vāyupatthambhakaṃ gāhāpetvāti kāyaṃ tathā upatthambhakaṃ katvā.
обаммасам̣санд̣̇анам̣ сувин̃н̃зяяамзва. гаамаг̇ид̣̇д̇хад̇ааяа хийнаад̇химуд̇д̇иго, ависуд̣̇д̇хасийлаажаарад̇ааяа мижчаабадибанно.
Opammasaṃsandanaṃ suviññeyyameva. Kāmagiddhatāya hīnādhimuttiko, avisuddhasīlācāratāya micchāpaṭipanno.
ан̇г̇улийхи нигканд̇абабхаа аагаасасан̃жаланзна д̣̇иг̇ун̣аа худ̇ваа аагаасз вижарим̣сууд̇и ааха ‘‘яамагавиж̇ж̇уд̇ам̣ жаараяамаано вияаа’’д̇и. ‘‘аагаасз баан̣им̣ жаалзсий’’д̇и бад̣̇асса ан̃н̃ад̇т̇а анааг̇ад̇ад̇д̇аа ‘‘асамбхиннабад̣̇а’’нд̇и вуд̇д̇ам̣. ад̇д̇аманод̇и бийд̇исоманассзхи г̇ахид̇амано. яан̃хи жид̇д̇ам̣ анаваж̇ж̇ам̣ бийд̇исоманассасахид̇ам̣, д̇ам̣ сасанд̇агам̣ хид̇асукаавахад̇д̇аа. д̇знааха ‘‘сагамано’’д̇иаад̣̇и. на д̣̇оманассзна…бз… г̇ахид̇амано сагажид̇д̇асса д̇аб̣б̣ируд̣̇д̇хад̇д̇аа. буриманаязнзваад̇и ‘‘ид̣̇аани яо хийнаад̇химуд̇д̇иго’’д̇иаад̣̇инаа буб̣б̣з вуд̇д̇анаязнзва.
Aṅgulīhi nikkhantapabhā ākāsasañcalanena diguṇā hutvā ākāse vicariṃsūti āha ‘‘yamakavijjutaṃ cārayamāno viyā’’ti. ‘‘Ākāse pāṇiṃ cālesī’’ti padassa aññattha anāgatattā ‘‘asambhinnapada’’nti vuttaṃ. Attamanoti pītisomanassehi gahitamano. Yañhi cittaṃ anavajjaṃ pītisomanassasahitaṃ, taṃ sasantakaṃ hitasukhāvahattā. Tenāha ‘‘sakamano’’tiādi. Na domanassena…pe… gahitamano sakacittassa tabbiruddhattā. Purimanayenevāti ‘‘idāni yo hīnādhimuttiko’’tiādinā pubbe vuttanayeneva.
басаннаагааранд̇и басаннзхи гаад̇аб̣б̣агирияам̣. д̇ам̣ саруубад̇о д̣̇ассзд̇и ‘‘жийвараад̣̇аяо бажжаяз д̣̇ад̣̇зяяу’’нд̇и. д̇ат̇абхаавааяаад̇и яад̣̇ад̇т̇ам̣ бхаг̇авад̇аа д̇хаммо д̣̇зсид̇о, яад̣̇ад̇т̇ан̃жа саасанз баб̣б̣аж̇ж̇аа, д̇ад̣̇ад̇т̇ааяа . рагкан̣абхааванд̇и абааяабхаяад̇о жа рагкан̣аж̇жхаасаяам̣. жанд̣̇обамаад̣̇ивасзнаад̇и аад̣̇и-сад̣̇д̣̇зна аагаасз жалид̇абаан̣и вияа гад̇т̇ажи алаг̇г̇ад̇ааяа барисуд̣̇д̇хаж̇жхаасаяад̇аа сад̇д̇зсу гаарун̃н̃анд̇и звамаад̣̇ийнам̣ сан̇г̇ахо.
Pasannākāranti pasannehi kātabbakiriyaṃ. Taṃ sarūpato dasseti ‘‘cīvarādayo paccaye dadeyyu’’nti. Tathabhāvāyāti yadatthaṃ bhagavatā dhammo desito, yadatthañca sāsane pabbajjā, tadatthāya . Rakkhaṇabhāvanti apāyabhayato ca rakkhaṇajjhāsayaṃ. Candopamādivasenāti ādi-saddena ākāse calitapāṇi viya katthaci alaggatāya parisuddhajjhāsayatā sattesu kāruññanti evamādīnaṃ saṅgaho.
жанд̣̇уубамасуд̇д̇аван̣н̣анаа нидтид̇аа.
Candūpamasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 3. жанд̣̇уубамасуд̇д̇ам̣ • 3. Candūpamasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 3. жанд̣̇уубамасуд̇д̇аван̣н̣анаа • 3. Candūpamasuttavaṇṇanā
