| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
8. жан̇гаманад̣̇ааяагад̇т̇зраабад̣̇аанаван̣н̣анаа
8. Caṅkamanadāyakattheraapadānavaṇṇanā
ад̇т̇ад̣̇ассисса мунинод̇иаад̣̇игам̣ ааяасмад̇о жан̇гаманад̣̇ааяагад̇т̇зрасса абад̣̇аанам̣. аяамбааяасмаа буримаб̣уд̣̇д̇хзсу гад̇аад̇хигааро д̇зсу д̇зсу бхавзсу виваддуубаниссаяаани бун̃н̃аани убажинанд̇о ад̇т̇ад̣̇ассисса бхаг̇авад̇о гаалз згасмим̣ гулаг̇зхз ниб̣б̣ад̇д̇о вин̃н̃уд̇ам̣ бад̇д̇о сад̇т̇ари басийд̣̇ид̇ваа ужжавад̇т̇угам̣ суд̇хаабаригаммагад̇ам̣ раж̇ад̇араасисад̣̇исам̣ собхамаанам̣ жан̇гамам̣ гаарзд̇ваа муд̇д̇ад̣̇аласад̣̇исам̣ сзд̇абулинам̣ ад̇т̇арид̇ваа бхаг̇авад̇о ад̣̇ааси. бадиг̇г̇ахзси бхаг̇аваа, жан̇гамам̣ бадиг̇г̇ахзд̇ваа жа бана сукам̣ гааяажид̇д̇асамаад̇хим̣ аббзд̇ваа ‘‘аяам̣ анааг̇ад̇з г̇од̇амасса бхаг̇авад̇о саасанз сааваго бхависсад̇ий’’д̇и б̣яаагааси. со д̇зна бун̃н̃агаммзна д̣̇звамануссзсу абараабарам̣ сам̣саранд̇о д̣̇вз самбад̇д̇ияо анубхавид̇ваа имасмим̣ б̣уд̣̇д̇хуббаад̣̇з згасмим̣ гулаг̇зхз ниб̣б̣ад̇д̇о вуд̣̇д̇хиббад̇д̇о сад̣̇д̇хаасамбанно саасанз баб̣б̣аж̇ид̇ваа нажирассзва арахад̇д̇ам̣ бад̇ваа гад̇абун̃н̃анаамзна жан̇гаманад̣̇ааяагад̇т̇зрод̇и баагадо ахоси.
Atthadassissamuninotiādikaṃ āyasmato caṅkamanadāyakattherassa apadānaṃ. Ayampāyasmā purimabuddhesu katādhikāro tesu tesu bhavesu vivaṭṭūpanissayāni puññāni upacinanto atthadassissa bhagavato kāle ekasmiṃ kulagehe nibbatto viññutaṃ patto satthari pasīditvā uccavatthukaṃ sudhāparikammakataṃ rajatarāsisadisaṃ sobhamānaṃ caṅkamaṃ kāretvā muttadalasadisaṃ setapulinaṃ attharitvā bhagavato adāsi. Paṭiggahesi bhagavā, caṅkamaṃ paṭiggahetvā ca pana sukhaṃ kāyacittasamādhiṃ appetvā ‘‘ayaṃ anāgate gotamassa bhagavato sāsane sāvako bhavissatī’’ti byākāsi. So tena puññakammena devamanussesu aparāparaṃ saṃsaranto dve sampattiyo anubhavitvā imasmiṃ buddhuppāde ekasmiṃ kulagehe nibbatto vuddhippatto saddhāsampanno sāsane pabbajitvā nacirasseva arahattaṃ patvā katapuññanāmena caṅkamanadāyakattheroti pākaṭo ahosi.
93. со згад̣̇ивасам̣ ад̇д̇анаа буб̣б̣з гад̇абун̃н̃агаммам̣ сарид̇ваа соманассаж̇аад̇о буб̣б̣ажарид̇аабад̣̇аанам̣ багаасзнд̇о ад̇т̇ад̣̇ассисса мунинод̇иаад̣̇имааха. д̇ад̇т̇а ад̇т̇ад̣̇ассиссаад̇и ад̇т̇ам̣ баяож̇анам̣ вуд̣̇д̇хим̣ вируул̣хим̣ ниб̣б̣аанам̣ д̣̇агкад̇и бассад̇ийд̇и ад̇т̇ад̣̇ассий, ат̇а ваа ад̇т̇ам̣ ниб̣б̣аанам̣ д̣̇ассанасийло ж̇аананасийлод̇и ад̇т̇ад̣̇ассий, д̇асса ад̇т̇ад̣̇ассисса мунино монзна н̃аан̣зна саманнааг̇ад̇асса бхаг̇авад̇о манорамам̣ маналлийнам̣ бхааванийяам̣ манаси гаад̇аб̣б̣ам̣ жан̇гамам̣ гаарзсинд̇и самб̣анд̇хо. сзсам̣ вуд̇д̇анаяаанусаарзнзва сувин̃н̃зяяамзваад̇и.
93. So ekadivasaṃ attanā pubbe katapuññakammaṃ saritvā somanassajāto pubbacaritāpadānaṃ pakāsento atthadassissa muninotiādimāha. Tattha atthadassissāti atthaṃ payojanaṃ vuddhiṃ virūḷhiṃ nibbānaṃ dakkhati passatīti atthadassī, atha vā atthaṃ nibbānaṃ dassanasīlo jānanasīloti atthadassī, tassa atthadassissa munino monena ñāṇena samannāgatassa bhagavato manoramaṃ manallīnaṃ bhāvanīyaṃ manasi kātabbaṃ caṅkamaṃ kāresinti sambandho. Sesaṃ vuttanayānusāreneva suviññeyyamevāti.
жан̇гаманад̣̇ааяагад̇т̇зраабад̣̇аанаван̣н̣анаа самад̇д̇аа.
Caṅkamanadāyakattheraapadānavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 8. жан̇гаманад̣̇ааяагад̇т̇зраабад̣̇аанам̣ • 8. Caṅkamanadāyakattheraapadānaṃ
