| Library / Tipiṭaka / ਤਿਪਿਟਕ • Tipiṭaka / ਅਪਦਾਨ-ਅਟ੍ਠਕਥਾ • Apadāna-aṭṭhakathā |
੮. ਚਙ੍ਕਮਨਦਾਯਕਤ੍ਥੇਰਅਪਦਾਨવਣ੍ਣਨਾ
8. Caṅkamanadāyakattheraapadānavaṇṇanā
ਅਤ੍ਥਦਸ੍ਸਿਸ੍ਸ ਮੁਨਿਨੋਤਿਆਦਿਕਂ ਆਯਸ੍ਮਤੋ ਚਙ੍ਕਮਨਦਾਯਕਤ੍ਥੇਰਸ੍ਸ ਅਪਦਾਨਂ। ਅਯਮ੍ਪਾਯਸ੍ਮਾ ਪੁਰਿਮਬੁਦ੍ਧੇਸੁ ਕਤਾਧਿਕਾਰੋ ਤੇਸੁ ਤੇਸੁ ਭવੇਸੁ વਿવਟ੍ਟੂਪਨਿਸ੍ਸਯਾਨਿ ਪੁਞ੍ਞਾਨਿ ਉਪਚਿਨਨ੍ਤੋ ਅਤ੍ਥਦਸ੍ਸਿਸ੍ਸ ਭਗવਤੋ ਕਾਲੇ ਏਕਸ੍ਮਿਂ ਕੁਲਗੇਹੇ ਨਿਬ੍ਬਤ੍ਤੋ વਿਞ੍ਞੁਤਂ ਪਤ੍ਤੋ ਸਤ੍ਥਰਿ ਪਸੀਦਿਤ੍વਾ ਉਚ੍ਚવਤ੍ਥੁਕਂ ਸੁਧਾਪਰਿਕਮ੍ਮਕਤਂ ਰਜਤਰਾਸਿਸਦਿਸਂ ਸੋਭਮਾਨਂ ਚਙ੍ਕਮਂ ਕਾਰੇਤ੍વਾ ਮੁਤ੍ਤਦਲਸਦਿਸਂ ਸੇਤਪੁਲਿਨਂ ਅਤ੍ਥਰਿਤ੍વਾ ਭਗવਤੋ ਅਦਾਸਿ। ਪਟਿਗ੍ਗਹੇਸਿ ਭਗવਾ, ਚਙ੍ਕਮਂ ਪਟਿਗ੍ਗਹੇਤ੍વਾ ਚ ਪਨ ਸੁਖਂ ਕਾਯਚਿਤ੍ਤਸਮਾਧਿਂ ਅਪ੍ਪੇਤ੍વਾ ‘‘ਅਯਂ ਅਨਾਗਤੇ ਗੋਤਮਸ੍ਸ ਭਗવਤੋ ਸਾਸਨੇ ਸਾવਕੋ ਭવਿਸ੍ਸਤੀ’’ਤਿ ਬ੍ਯਾਕਾਸਿ। ਸੋ ਤੇਨ ਪੁਞ੍ਞਕਮ੍ਮੇਨ ਦੇવਮਨੁਸ੍ਸੇਸੁ ਅਪਰਾਪਰਂ ਸਂਸਰਨ੍ਤੋ ਦ੍વੇ ਸਮ੍ਪਤ੍ਤਿਯੋ ਅਨੁਭવਿਤ੍વਾ ਇਮਸ੍ਮਿਂ ਬੁਦ੍ਧੁਪ੍ਪਾਦੇ ਏਕਸ੍ਮਿਂ ਕੁਲਗੇਹੇ ਨਿਬ੍ਬਤ੍ਤੋ વੁਦ੍ਧਿਪ੍ਪਤ੍ਤੋ ਸਦ੍ਧਾਸਮ੍ਪਨ੍ਨੋ ਸਾਸਨੇ ਪਬ੍ਬਜਿਤ੍વਾ ਨਚਿਰਸ੍ਸੇવ ਅਰਹਤ੍ਤਂ ਪਤ੍વਾ ਕਤਪੁਞ੍ਞਨਾਮੇਨ ਚਙ੍ਕਮਨਦਾਯਕਤ੍ਥੇਰੋਤਿ ਪਾਕਟੋ ਅਹੋਸਿ।
Atthadassissamuninotiādikaṃ āyasmato caṅkamanadāyakattherassa apadānaṃ. Ayampāyasmā purimabuddhesu katādhikāro tesu tesu bhavesu vivaṭṭūpanissayāni puññāni upacinanto atthadassissa bhagavato kāle ekasmiṃ kulagehe nibbatto viññutaṃ patto satthari pasīditvā uccavatthukaṃ sudhāparikammakataṃ rajatarāsisadisaṃ sobhamānaṃ caṅkamaṃ kāretvā muttadalasadisaṃ setapulinaṃ attharitvā bhagavato adāsi. Paṭiggahesi bhagavā, caṅkamaṃ paṭiggahetvā ca pana sukhaṃ kāyacittasamādhiṃ appetvā ‘‘ayaṃ anāgate gotamassa bhagavato sāsane sāvako bhavissatī’’ti byākāsi. So tena puññakammena devamanussesu aparāparaṃ saṃsaranto dve sampattiyo anubhavitvā imasmiṃ buddhuppāde ekasmiṃ kulagehe nibbatto vuddhippatto saddhāsampanno sāsane pabbajitvā nacirasseva arahattaṃ patvā katapuññanāmena caṅkamanadāyakattheroti pākaṭo ahosi.
੯੩. ਸੋ ਏਕਦਿવਸਂ ਅਤ੍ਤਨਾ ਪੁਬ੍ਬੇ ਕਤਪੁਞ੍ਞਕਮ੍ਮਂ ਸਰਿਤ੍વਾ ਸੋਮਨਸ੍ਸਜਾਤੋ ਪੁਬ੍ਬਚਰਿਤਾਪਦਾਨਂ ਪਕਾਸੇਨ੍ਤੋ ਅਤ੍ਥਦਸ੍ਸਿਸ੍ਸ ਮੁਨਿਨੋਤਿਆਦਿਮਾਹ। ਤਤ੍ਥ ਅਤ੍ਥਦਸ੍ਸਿਸ੍ਸਾਤਿ ਅਤ੍ਥਂ ਪਯੋਜਨਂ વੁਦ੍ਧਿਂ વਿਰੂਲ਼੍ਹਿਂ ਨਿਬ੍ਬਾਨਂ ਦਕ੍ਖਤਿ ਪਸ੍ਸਤੀਤਿ ਅਤ੍ਥਦਸ੍ਸੀ, ਅਥ વਾ ਅਤ੍ਥਂ ਨਿਬ੍ਬਾਨਂ ਦਸ੍ਸਨਸੀਲੋ ਜਾਨਨਸੀਲੋਤਿ ਅਤ੍ਥਦਸ੍ਸੀ, ਤਸ੍ਸ ਅਤ੍ਥਦਸ੍ਸਿਸ੍ਸ ਮੁਨਿਨੋ ਮੋਨੇਨ ਞਾਣੇਨ ਸਮਨ੍ਨਾਗਤਸ੍ਸ ਭਗવਤੋ ਮਨੋਰਮਂ ਮਨਲ੍ਲੀਨਂ ਭਾવਨੀਯਂ ਮਨਸਿ ਕਾਤਬ੍ਬਂ ਚਙ੍ਕਮਂ ਕਾਰੇਸਿਨ੍ਤਿ ਸਮ੍ਬਨ੍ਧੋ। ਸੇਸਂ વੁਤ੍ਤਨਯਾਨੁਸਾਰੇਨੇવ ਸੁવਿਞ੍ਞੇਯ੍ਯਮੇવਾਤਿ।
93. So ekadivasaṃ attanā pubbe katapuññakammaṃ saritvā somanassajāto pubbacaritāpadānaṃ pakāsento atthadassissa muninotiādimāha. Tattha atthadassissāti atthaṃ payojanaṃ vuddhiṃ virūḷhiṃ nibbānaṃ dakkhati passatīti atthadassī, atha vā atthaṃ nibbānaṃ dassanasīlo jānanasīloti atthadassī, tassa atthadassissa munino monena ñāṇena samannāgatassa bhagavato manoramaṃ manallīnaṃ bhāvanīyaṃ manasi kātabbaṃ caṅkamaṃ kāresinti sambandho. Sesaṃ vuttanayānusāreneva suviññeyyamevāti.
ਚਙ੍ਕਮਨਦਾਯਕਤ੍ਥੇਰਅਪਦਾਨવਣ੍ਣਨਾ ਸਮਤ੍ਤਾ।
Caṅkamanadāyakattheraapadānavaṇṇanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਅਪਦਾਨਪਾਲ਼ਿ • Apadānapāḷi / ੮. ਚਙ੍ਕਮਨਦਾਯਕਤ੍ਥੇਰਅਪਦਾਨਂ • 8. Caṅkamanadāyakattheraapadānaṃ
