| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
5. жан̇гамасуд̇д̇ам̣
5. Caṅkamasuttaṃ
99. згам̣ самаяам̣ бхаг̇аваа рааж̇аг̇ахз вихарад̇и г̇иж̇жхагуудз баб̣б̣ад̇з. д̇зна ко бана самаязна ааяасмаа саарибуд̇д̇о самб̣ахулзхи бхигкуухи сад̣̇д̇хим̣ бхаг̇авад̇о авид̣̇уурз жан̇гамад̇и; ааяасмааби ко махаамог̇г̇аллаано самб̣ахулзхи бхигкуухи сад̣̇д̇хим̣ бхаг̇авад̇о авид̣̇уурз жан̇гамад̇и; ааяасмааби ко махаагассабо самб̣ахулзхи бхигкуухи сад̣̇д̇хим̣ бхаг̇авад̇о авид̣̇уурз жан̇гамад̇и; ааяасмааби ко ануруд̣̇д̇хо самб̣ахулзхи бхигкуухи сад̣̇д̇хим̣ бхаг̇авад̇о авид̣̇уурз жан̇гамад̇и; ааяасмааби ко бун̣н̣о манд̇аанибуд̇д̇о самб̣ахулзхи бхигкуухи сад̣̇д̇хим̣ бхаг̇авад̇о авид̣̇уурз жан̇гамад̇и; ааяасмааби ко убаали самб̣ахулзхи бхигкуухи сад̣̇д̇хим̣ бхаг̇авад̇о авид̣̇уурз жан̇гамад̇и; ааяасмааби ко аананд̣̇о самб̣ахулзхи бхигкуухи сад̣̇д̇хим̣ бхаг̇авад̇о авид̣̇уурз жан̇гамад̇и; д̣̇звад̣̇ад̇д̇оби ко самб̣ахулзхи бхигкуухи сад̣̇д̇хим̣ бхаг̇авад̇о авид̣̇уурз жан̇гамад̇и.
99. Ekaṃ samayaṃ bhagavā rājagahe viharati gijjhakūṭe pabbate. Tena kho pana samayena āyasmā sāriputto sambahulehi bhikkhūhi saddhiṃ bhagavato avidūre caṅkamati; āyasmāpi kho mahāmoggallāno sambahulehi bhikkhūhi saddhiṃ bhagavato avidūre caṅkamati; āyasmāpi kho mahākassapo sambahulehi bhikkhūhi saddhiṃ bhagavato avidūre caṅkamati; āyasmāpi kho anuruddho sambahulehi bhikkhūhi saddhiṃ bhagavato avidūre caṅkamati; āyasmāpi kho puṇṇo mantāniputto sambahulehi bhikkhūhi saddhiṃ bhagavato avidūre caṅkamati; āyasmāpi kho upāli sambahulehi bhikkhūhi saddhiṃ bhagavato avidūre caṅkamati; āyasmāpi kho ānando sambahulehi bhikkhūhi saddhiṃ bhagavato avidūre caṅkamati; devadattopi kho sambahulehi bhikkhūhi saddhiṃ bhagavato avidūre caṅkamati.
ат̇а ко бхаг̇аваа бхигкуу ааманд̇зси – ‘‘бассат̇а но д̇умхз, бхигкавз, саарибуд̇д̇ам̣ самб̣ахулзхи бхигкуухи сад̣̇д̇хим̣ жан̇гаманд̇а’’нд̇и? ‘‘звам̣, бханд̇з’’. ‘‘саб̣б̣з ко зд̇з, бхигкавз, бхигкуу махаабан̃н̃аа. бассат̇а но д̇умхз, бхигкавз, мог̇г̇аллаанам̣ самб̣ахулзхи бхигкуухи сад̣̇д̇хим̣ жан̇гаманд̇а’’нд̇и? ‘‘звам̣, бханд̇з’’. ‘‘саб̣б̣з ко зд̇з, бхигкавз, бхигкуу махид̣̇д̇хигаа. бассат̇а но д̇умхз, бхигкавз, гассабам̣ самб̣ахулзхи бхигкуухи сад̣̇д̇хим̣ жан̇гаманд̇а’’нд̇и? ‘‘звам̣ , бханд̇з’’. ‘‘саб̣б̣з ко зд̇з, бхигкавз, бхигкуу д̇худ̇аваад̣̇аа. бассат̇а но д̇умхз, бхигкавз, ануруд̣̇д̇хам̣ самб̣ахулзхи бхигкуухи сад̣̇д̇хим̣ жан̇гаманд̇а’’нд̇и? ‘‘звам̣, бханд̇з’’. ‘‘саб̣б̣з ко зд̇з, бхигкавз, бхигкуу д̣̇иб̣б̣ажагкугаа. бассат̇а но д̇умхз, бхигкавз, бун̣н̣ам̣ манд̇аанибуд̇д̇ам̣ самб̣ахулзхи бхигкуухи сад̣̇д̇хим̣ жан̇гаманд̇а’’нд̇и? ‘‘звам̣, бханд̇з’’. ‘‘саб̣б̣з ко зд̇з, бхигкавз, бхигкуу д̇хаммагат̇игаа. бассат̇а но д̇умхз, бхигкавз, убаалим̣ самб̣ахулзхи бхигкуухи сад̣̇д̇хим̣ жан̇гаманд̇а’’нд̇и? ‘‘звам̣, бханд̇з’’. ‘‘саб̣б̣з ко зд̇з, бхигкавз, бхигкуу винаяад̇хараа. бассат̇а но д̇умхз, бхигкавз, аананд̣̇ам̣ самб̣ахулзхи бхигкуухи сад̣̇д̇хим̣ жан̇гаманд̇а’’нд̇и? ‘‘звам̣, бханд̇з’’. ‘‘саб̣б̣з ко зд̇з, бхигкавз, бхигкуу б̣ахуссуд̇аа. бассат̇а но д̇умхз, бхигкавз, д̣̇звад̣̇ад̇д̇ам̣ самб̣ахулзхи бхигкуухи сад̣̇д̇хим̣ жан̇гаманд̇а’’нд̇и? ‘‘звам̣, бханд̇з’’. ‘‘саб̣б̣з ко зд̇з, бхигкавз, бхигкуу баабижчаа’’.
Atha kho bhagavā bhikkhū āmantesi – ‘‘passatha no tumhe, bhikkhave, sāriputtaṃ sambahulehi bhikkhūhi saddhiṃ caṅkamanta’’nti? ‘‘Evaṃ, bhante’’. ‘‘Sabbe kho ete, bhikkhave, bhikkhū mahāpaññā. Passatha no tumhe, bhikkhave, moggallānaṃ sambahulehi bhikkhūhi saddhiṃ caṅkamanta’’nti? ‘‘Evaṃ, bhante’’. ‘‘Sabbe kho ete, bhikkhave, bhikkhū mahiddhikā. Passatha no tumhe, bhikkhave, kassapaṃ sambahulehi bhikkhūhi saddhiṃ caṅkamanta’’nti? ‘‘Evaṃ , bhante’’. ‘‘Sabbe kho ete, bhikkhave, bhikkhū dhutavādā. Passatha no tumhe, bhikkhave, anuruddhaṃ sambahulehi bhikkhūhi saddhiṃ caṅkamanta’’nti? ‘‘Evaṃ, bhante’’. ‘‘Sabbe kho ete, bhikkhave, bhikkhū dibbacakkhukā. Passatha no tumhe, bhikkhave, puṇṇaṃ mantāniputtaṃ sambahulehi bhikkhūhi saddhiṃ caṅkamanta’’nti? ‘‘Evaṃ, bhante’’. ‘‘Sabbe kho ete, bhikkhave, bhikkhū dhammakathikā. Passatha no tumhe, bhikkhave, upāliṃ sambahulehi bhikkhūhi saddhiṃ caṅkamanta’’nti? ‘‘Evaṃ, bhante’’. ‘‘Sabbe kho ete, bhikkhave, bhikkhū vinayadharā. Passatha no tumhe, bhikkhave, ānandaṃ sambahulehi bhikkhūhi saddhiṃ caṅkamanta’’nti? ‘‘Evaṃ, bhante’’. ‘‘Sabbe kho ete, bhikkhave, bhikkhū bahussutā. Passatha no tumhe, bhikkhave, devadattaṃ sambahulehi bhikkhūhi saddhiṃ caṅkamanta’’nti? ‘‘Evaṃ, bhante’’. ‘‘Sabbe kho ete, bhikkhave, bhikkhū pāpicchā’’.
‘‘д̇хаад̇усова, бхигкавз, сад̇д̇аа сам̣санд̣̇анд̇и самзнд̇и. хийнаад̇химуд̇д̇игаа хийнаад̇химуд̇д̇игзхи сад̣̇д̇хим̣ сам̣санд̣̇анд̇и самзнд̇и; галяаан̣аад̇химуд̇д̇игаа галяаан̣аад̇химуд̇д̇игзхи сад̣̇д̇хим̣ сам̣санд̣̇анд̇и самзнд̇и. ад̇ийд̇амби ко, бхигкавз, ад̣̇д̇хаанам̣ д̇хаад̇усова сад̇д̇аа сам̣санд̣̇им̣су самим̣су. хийнаад̇химуд̇д̇игаа хийнаад̇химуд̇д̇игзхи сад̣̇д̇хим̣ сам̣санд̣̇им̣су самим̣су; галяаан̣аад̇химуд̇д̇игаа галяаан̣аад̇химуд̇д̇игзхи сад̣̇д̇хим̣ сам̣санд̣̇им̣су самим̣су.
‘‘Dhātusova, bhikkhave, sattā saṃsandanti samenti. Hīnādhimuttikā hīnādhimuttikehi saddhiṃ saṃsandanti samenti; kalyāṇādhimuttikā kalyāṇādhimuttikehi saddhiṃ saṃsandanti samenti. Atītampi kho, bhikkhave, addhānaṃ dhātusova sattā saṃsandiṃsu samiṃsu. Hīnādhimuttikā hīnādhimuttikehi saddhiṃ saṃsandiṃsu samiṃsu; kalyāṇādhimuttikā kalyāṇādhimuttikehi saddhiṃ saṃsandiṃsu samiṃsu.
‘‘анааг̇ад̇амби ко, бхигкавз, ад̣̇д̇хаанам̣ д̇хаад̇усова сад̇д̇аа сам̣санд̣̇иссанд̇и самзссанд̇и. хийнаад̇химуд̇д̇игаа хийнаад̇химуд̇д̇игзхи сад̣̇д̇хим̣ сам̣санд̣̇иссанд̇и самзссанд̇и; галяаан̣аад̇химуд̇д̇игаа галяаан̣аад̇химуд̇д̇игзхи сад̣̇д̇хим̣ сам̣санд̣̇иссанд̇и самзссанд̇и.
‘‘Anāgatampi kho, bhikkhave, addhānaṃ dhātusova sattā saṃsandissanti samessanti. Hīnādhimuttikā hīnādhimuttikehi saddhiṃ saṃsandissanti samessanti; kalyāṇādhimuttikā kalyāṇādhimuttikehi saddhiṃ saṃsandissanti samessanti.
‘‘зд̇арахиби ко, бхигкавз, бажжуббаннам̣ ад̣̇д̇хаанам̣ д̇хаад̇усова сад̇д̇аа сам̣санд̣̇анд̇и самзнд̇и. хийнаад̇химуд̇д̇игаа хийнаад̇химуд̇д̇игзхи сад̣̇д̇хим̣ сам̣санд̣̇анд̇и самзнд̇и; галяаан̣аад̇химуд̇д̇игаа галяаан̣аад̇химуд̇д̇игзхи сад̣̇д̇хим̣ сам̣санд̣̇анд̇и самзнд̇ий’’д̇и. бан̃жамам̣.
‘‘Etarahipi kho, bhikkhave, paccuppannaṃ addhānaṃ dhātusova sattā saṃsandanti samenti. Hīnādhimuttikā hīnādhimuttikehi saddhiṃ saṃsandanti samenti; kalyāṇādhimuttikā kalyāṇādhimuttikehi saddhiṃ saṃsandanti samentī’’ti. Pañcamaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 5. жан̇гамасуд̇д̇аван̣н̣анаа • 5. Caṅkamasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 5. жан̇гамасуд̇д̇аван̣н̣анаа • 5. Caṅkamasuttavaṇṇanā
