| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
9. சங்கமஸுத்தவண்ணனா
9. Caṅkamasuttavaṇṇanā
29. நவமே அத்³தா⁴னக்க²மோ ஹோதீதி தூ³ரங் அத்³தா⁴னமக்³க³ங் க³ச்ச²ந்தோ க²மதி, அதி⁴வாஸேதுங் ஸக்கோதி. பதா⁴னக்க²மோதி வீரியக்க²மோ. சங்கமாதி⁴க³தோ ஸமாதீ⁴தி சங்கமங் அதி⁴ட்ட²ஹந்தேன அதி⁴க³தோ அட்ட²ன்னங் ஸமாபத்தீனங் அஞ்ஞதரஸமாதி⁴. சிரட்டி²திகோ ஹோதீதி சிரங் திட்ட²தி. டி²தகேன க³ஹிதனிமித்தஞ்ஹி நிஸின்னஸ்ஸ நஸ்ஸதி, நிஸின்னேன க³ஹிதனிமித்தங் நிபன்னஸ்ஸ. சங்கமங் அதி⁴ட்ட²ஹந்தேன சலிதாரம்மணே க³ஹிதனிமித்தங் பன டி²தஸ்ஸபி நிஸின்னஸ்ஸபி நிபன்னஸ்ஸபி ந நஸ்ஸதீதி.
29. Navame addhānakkhamo hotīti dūraṃ addhānamaggaṃ gacchanto khamati, adhivāsetuṃ sakkoti. Padhānakkhamoti vīriyakkhamo. Caṅkamādhigato samādhīti caṅkamaṃ adhiṭṭhahantena adhigato aṭṭhannaṃ samāpattīnaṃ aññatarasamādhi. Ciraṭṭhitiko hotīti ciraṃ tiṭṭhati. Ṭhitakena gahitanimittañhi nisinnassa nassati, nisinnena gahitanimittaṃ nipannassa. Caṅkamaṃ adhiṭṭhahantena calitārammaṇe gahitanimittaṃ pana ṭhitassapi nisinnassapi nipannassapi na nassatīti.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 9. சங்கமஸுத்தங் • 9. Caṅkamasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 8-9. பஞ்சங்கி³கஸுத்தாதி³வண்ணனா • 8-9. Pañcaṅgikasuttādivaṇṇanā
