| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
5. жан̇гамасуд̇д̇аван̣н̣анаа
5. Caṅkamasuttavaṇṇanā
99. махаабан̃н̃зсууд̇и вибулабан̃н̃зсу. нанд̇и саарибуд̇д̇ад̇т̇зрам̣. канд̇ханд̇аранд̇и канд̇хавибхааг̇ам̣, канд̇хаанам̣ ваа анд̇арам̣ висзсо ад̇т̇ийд̇и канд̇ханд̇аро. зса наяо сзсзсуби. баригамманд̇и ид̣̇д̇хивид̇хаад̇хиг̇амасса буб̣б̣абхааг̇абаригамман̃жзва уд̇д̇арабаригамман̃жа. аанисам̣санд̇и ид̣̇д̇хаанисам̣сан̃жзва аанисам̣сан̃жа. ад̇хидтаанам̣ вигуб̣б̣ананд̇и ад̇хидтаанавид̇хаанан̃жзва вигуб̣б̣анавид̇хаанан̃жа. вуд̇д̇анаязнзваад̇и ‘‘бат̇авим̣ бад̇т̇аранд̇о вияаа’’д̇иаад̣̇инаа.
99.Mahāpaññesūti vipulapaññesu. Nanti sāriputtattheraṃ. Khandhantaranti khandhavibhāgaṃ, khandhānaṃ vā antaraṃ viseso atthīti khandhantaro. Esa nayo sesesupi. Parikammanti iddhividhādhigamassa pubbabhāgaparikammañceva uttaraparikammañca. Ānisaṃsanti iddhānisaṃsañceva ānisaṃsañca. Adhiṭṭhānaṃ vikubbananti adhiṭṭhānavidhānañceva vikubbanavidhānañca. Vuttanayenevāti ‘‘pathaviṃ pattharanto viyā’’tiādinā.
д̇худ̇ан̇г̇абарихааранд̇и д̇худ̇ан̇г̇аанам̣ барихаран̣авид̇хим̣. барихаран̣аг̇г̇ахан̣знзва самаад̣̇аанам̣ сид̣̇д̇хам̣ ход̇ийд̇и д̇ам̣ на г̇ахид̇ам̣. аанисам̣санд̇и д̇ам̣д̇ам̣д̇худ̇ан̇г̇абарихаран̣з д̣̇адтаб̣б̣ам̣ аанисам̣самзва. самод̇хаананд̇и ‘‘зд̇д̇агаа бин̣д̣абаад̇абадисам̣яуд̇д̇аа, зд̇д̇агаа сзнаасанабадисам̣яуд̇д̇аа’’д̇и бажжаяавасзна ан̃н̃аман̃н̃ан̃жа анд̇ог̇ад̇хад̇д̇аа. ад̇хидтаананд̇и ад̇хидтаанавид̇хим̣. бхзд̣̇анд̇и уггадтаад̣̇ибхзд̣̇ан̃жзва бхиннаагааран̃жа.
Dhutaṅgaparihāranti dhutaṅgānaṃ pariharaṇavidhiṃ. Pariharaṇaggahaṇeneva samādānaṃ siddhaṃ hotīti taṃ na gahitaṃ. Ānisaṃsanti taṃtaṃdhutaṅgapariharaṇe daṭṭhabbaṃ ānisaṃsameva. Samodhānanti ‘‘ettakā piṇḍapātapaṭisaṃyuttā, ettakā senāsanapaṭisaṃyuttā’’ti paccayavasena aññamaññañca antogadhattā. Adhiṭṭhānanti adhiṭṭhānavidhiṃ. Bhedanti ukkaṭṭhādibhedañceva bhinnākārañca.
баригамманд̇и ‘‘д̣̇иб̣б̣ажагку звам̣ уббаад̣̇зд̇аб̣б̣ам̣, звам̣ висод̇хзд̇аб̣б̣а’’нд̇иаад̣̇инаа баригаммавид̇хаанам̣. аанисам̣санд̇и барзсам̣ аж̇жхаасаяаануруубааяад̇анаад̣̇иаанисам̣сабабхзд̣̇ам̣. убаггилзсанд̇и саад̇хааран̣ам̣ асаад̇хааран̣ам̣ д̣̇увид̇хам̣ убаггилзсам̣. вибассанаабхааванубаггилзсаа хи д̣̇иб̣б̣ажагкусса убаггилзсаад̇и взд̣̇ид̇аб̣б̣аа.
Parikammanti ‘‘dibbacakkhu evaṃ uppādetabbaṃ, evaṃ visodhetabba’’ntiādinā parikammavidhānaṃ. Ānisaṃsanti paresaṃ ajjhāsayānurūpāyatanādiānisaṃsapabhedaṃ. Upakkilesanti sādhāraṇaṃ asādhāraṇaṃ duvidhaṃ upakkilesaṃ. Vipassanābhāvanupakkilesā hi dibbacakkhussa upakkilesāti veditabbā.
сан̇кзбавид̇т̇аараг̇амбхийруд̇д̇аанавижид̇рагат̇аад̣̇ийсууд̇и сан̇кзбо вид̇т̇ааро г̇амбхийрад̇аа уд̇д̇аанад̇аа вижид̇рабхааво нзяяад̇т̇ад̇аа нийд̇ад̇т̇ад̇аад̇и звамаад̣̇ийсу д̇хаммасса гат̇зд̇аб̣б̣аббагаарзсу д̇ам̣ д̇ам̣ гат̇зд̇аб̣б̣аагаарам̣.
Saṅkhepavitthāragambhīruttānavicitrakathādīsūti saṅkhepo vitthāro gambhīratā uttānatā vicitrabhāvo neyyatthatā nītatthatāti evamādīsu dhammassa kathetabbappakāresu taṃ taṃ kathetabbākāraṃ.
ид̇и-сад̣̇д̣̇о аад̣̇иад̇т̇о, багаарад̇т̇о ваа. д̇зна –
Iti-saddo ādiattho, pakārattho vā. Tena –
‘‘аад̣̇имхи сийлам̣ д̣̇зсзяяа, (д̣̇ий. ни. адта. 1.190; ма. ни. адта. 1.291)
‘‘Ādimhi sīlaṃ deseyya, (dī. ni. aṭṭha. 1.190; ma. ni. aṭṭha. 1.291)
маж̇жхз жид̇д̇ам̣ винид̣̇д̣̇исз;
Majjhe cittaṃ viniddise;
анд̇з бан̃н̃аа гат̇зд̇аб̣б̣аа,
Ante paññā kathetabbā,
зсо д̇хаммагат̇аавид̇хо’’д̇и. –
Eso dhammakathāvidho’’ti. –
звам̣ гат̇зд̇аб̣б̣аагаарам̣ сан̇г̇ан̣хаад̇и.
Evaṃ kathetabbākāraṃ saṅgaṇhāti.
‘‘сит̇илам̣ д̇ханид̇ан̃жа д̣̇ийгхарассам̣, г̇аругам̣ лахуган̃жа ниг̇г̇ахийд̇ам̣;
‘‘Sithilaṃ dhanitañca dīgharassaṃ, garukaṃ lahukañca niggahītaṃ;
самб̣анд̇хам̣ вавад̇т̇ид̇ам̣ вимуд̇д̇ам̣, д̣̇асад̇хаа б̣яан̃ж̇анаб̣уд̣̇д̇хияаа бабхзд̣̇о’’д̇и. (д̣̇ий. ни. 1.190; ма. ни. адта. 1.291; бари. 485) –
Sambandhaṃ vavatthitaṃ vimuttaṃ, dasadhā byañjanabuddhiyā pabhedo’’ti. (dī. ni. 1.190; ma. ni. aṭṭha. 1.291; pari. 485) –
звам̣ вуд̇д̇ам̣ д̣̇асавид̇хам̣ б̣яан̃ж̇анаб̣уд̣̇д̇хим̣. адтуббад̇д̇инд̇и д̇асса д̇асса суд̇д̇асса ж̇аад̇агасса жа адтуббад̇д̇им̣. анусанд̇хинд̇и бажчаанусанд̇хиаад̣̇ианусанд̇хим̣. буб̣б̣аабаранд̇и самб̣анд̇хам̣. ид̣̇ам̣ бад̣̇ам̣ звам̣ вад̇д̇аб̣б̣ам̣, ид̣̇ам̣ буб̣б̣аабарам̣ звам̣ г̇ахзд̇аб̣б̣анд̇и.
Evaṃ vuttaṃ dasavidhaṃ byañjanabuddhiṃ. Aṭṭhuppattinti tassa tassa suttassa jātakassa ca aṭṭhuppattiṃ. Anusandhinti pacchānusandhiādianusandhiṃ. Pubbāparanti sambandhaṃ. Idaṃ padaṃ evaṃ vattabbaṃ, idaṃ pubbāparaṃ evaṃ gahetabbanti.
гуласан̇г̇ан̣ханабарихааранд̇и лаабхуббаад̣̇анад̇т̇ам̣ гулаанам̣ сан̇г̇ан̣ханавид̇хино барихаран̣ам̣ д̇аннияамид̇ам̣ зганд̇игам̣ гуласан̇г̇ахан̣авид̇хим̣.
Kulasaṅgaṇhanaparihāranti lābhuppādanatthaṃ kulānaṃ saṅgaṇhanavidhino pariharaṇaṃ tanniyamitaṃ ekantikaṃ kulasaṅgahaṇavidhiṃ.
жан̇гамасуд̇д̇аван̣н̣анаа нидтид̇аа.
Caṅkamasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 5. жан̇гамасуд̇д̇ам̣ • 5. Caṅkamasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 5. жан̇гамасуд̇д̇аван̣н̣анаа • 5. Caṅkamasuttavaṇṇanā
