| Library / Tipiṭaka / तिपिटक • Tipiṭaka / अङ्गुत्तरनिकाय (अट्ठकथा) • Aṅguttaranikāya (aṭṭhakathā) |
९. चङ्कमसुत्तवण्णना
9. Caṅkamasuttavaṇṇanā
२९. नवमे अद्धानक्खमो होतीति दूरं अद्धानमग्गं गच्छन्तो खमति, अधिवासेतुं सक्कोति। पधानक्खमोति वीरियक्खमो। चङ्कमाधिगतो समाधीति चङ्कमं अधिट्ठहन्तेन अधिगतो अट्ठन्नं समापत्तीनं अञ्ञतरसमाधि। चिरट्ठितिको होतीति चिरं तिट्ठति। ठितकेन गहितनिमित्तञ्हि निसिन्नस्स नस्सति, निसिन्नेन गहितनिमित्तं निपन्नस्स। चङ्कमं अधिट्ठहन्तेन चलितारम्मणे गहितनिमित्तं पन ठितस्सपि निसिन्नस्सपि निपन्नस्सपि न नस्सतीति।
29. Navame addhānakkhamo hotīti dūraṃ addhānamaggaṃ gacchanto khamati, adhivāsetuṃ sakkoti. Padhānakkhamoti vīriyakkhamo. Caṅkamādhigato samādhīti caṅkamaṃ adhiṭṭhahantena adhigato aṭṭhannaṃ samāpattīnaṃ aññatarasamādhi. Ciraṭṭhitiko hotīti ciraṃ tiṭṭhati. Ṭhitakena gahitanimittañhi nisinnassa nassati, nisinnena gahitanimittaṃ nipannassa. Caṅkamaṃ adhiṭṭhahantena calitārammaṇe gahitanimittaṃ pana ṭhitassapi nisinnassapi nipannassapi na nassatīti.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / अङ्गुत्तरनिकाय • Aṅguttaranikāya / ९. चङ्कमसुत्तं • 9. Caṅkamasuttaṃ
टीका • Tīkā / सुत्तपिटक (टीका) • Suttapiṭaka (ṭīkā) / अङ्गुत्तरनिकाय (टीका) • Aṅguttaranikāya (ṭīkā) / ८-९. पञ्चङ्गिकसुत्तादिवण्णना • 8-9. Pañcaṅgikasuttādivaṇṇanā
