| Library / Tipiṭaka / д̇ибидага • Tipiṭaka / маж̇жхиманигааяа • Majjhimanikāya |
5. жан̇гийсуд̇д̇ам̣
5. Caṅkīsuttaṃ
422. звам̣ мз суд̇ам̣ – згам̣ самаяам̣ бхаг̇аваа госалзсу жааригам̣ жарамаано махад̇аа бхигкусан̇гхзна сад̣̇д̇хим̣ язна обаасаад̣̇ам̣ наама госалаанам̣ б̣раахман̣аг̇аамо д̇ад̣̇авасари. д̇ад̇ра суд̣̇ам̣ бхаг̇аваа обаасаад̣̇з вихарад̇и уд̇д̇арзна обаасаад̣̇ам̣ д̣̇зваванз саалаванз. д̇зна ко бана самаязна жан̇гий б̣раахман̣о обаасаад̣̇ам̣ аж̇жхаавасад̇и сад̇д̇уссад̣̇ам̣ сад̇ин̣агадтод̣̇агам̣ сад̇хан̃н̃ам̣ рааж̇абхог̇г̇ам̣ ран̃н̃аа басзнад̣̇инаа госалзна д̣̇иннам̣ рааж̇ад̣̇ааяам̣ б̣рахмад̣̇зяяам̣. ассосум̣ ко обаасаад̣̇агаа б̣раахман̣аг̇ахабад̇игаа – ‘‘саман̣о калу, бхо, г̇од̇амо сагяабуд̇д̇о сагяагулаа баб̣б̣аж̇ид̇о госалзсу жааригам̣ жарамаано махад̇аа бхигкусан̇гхзна сад̣̇д̇хим̣ обаасаад̣̇ам̣ ануббад̇д̇о, обаасаад̣̇з вихарад̇и уд̇д̇арзна обаасаад̣̇ам̣ д̣̇зваванз саалаванз. д̇ам̣ ко бана бхаванд̇ам̣ г̇од̇амам̣ звам̣ галяаан̣о гид̇д̇исад̣̇д̣̇о аб̣бхуг̇г̇ад̇о – ‘ид̇иби со бхаг̇аваа арахам̣ саммаасамб̣уд̣̇д̇хо виж̇ж̇аажаран̣асамбанно суг̇ад̇о логавид̣̇уу ануд̇д̇аро бурисад̣̇аммасаарат̇и сад̇т̇аа д̣̇звамануссаанам̣ б̣уд̣̇д̇хо бхаг̇аваа’д̇и. со имам̣ логам̣ сад̣̇звагам̣ самаарагам̣ саб̣рахмагам̣ сассаман̣аб̣раахман̣им̣ баж̇ам̣ сад̣̇звамануссам̣ саяам̣ абхин̃н̃аа сажчигад̇ваа бавзд̣̇зд̇и. со д̇хаммам̣ д̣̇зсзд̇и аад̣̇игаляаан̣ам̣ маж̇жхзгаляаан̣ам̣ барияосаанагаляаан̣ам̣ саад̇т̇ам̣ саб̣яан̃ж̇анам̣, гзвалабарибун̣н̣ам̣ барисуд̣̇д̇хам̣ б̣рахмажарияам̣ багаасзд̇и. саад̇ху ко бана д̇ат̇ааруубаанам̣ арахад̇ам̣ д̣̇ассанам̣ ход̇ий’’д̇и.
422. Evaṃ me sutaṃ – ekaṃ samayaṃ bhagavā kosalesu cārikaṃ caramāno mahatā bhikkhusaṅghena saddhiṃ yena opāsādaṃ nāma kosalānaṃ brāhmaṇagāmo tadavasari. Tatra sudaṃ bhagavā opāsāde viharati uttarena opāsādaṃ devavane sālavane. Tena kho pana samayena caṅkī brāhmaṇo opāsādaṃ ajjhāvasati sattussadaṃ satiṇakaṭṭhodakaṃ sadhaññaṃ rājabhoggaṃ raññā pasenadinā kosalena dinnaṃ rājadāyaṃ brahmadeyyaṃ. Assosuṃ kho opāsādakā brāhmaṇagahapatikā – ‘‘samaṇo khalu, bho, gotamo sakyaputto sakyakulā pabbajito kosalesu cārikaṃ caramāno mahatā bhikkhusaṅghena saddhiṃ opāsādaṃ anuppatto, opāsāde viharati uttarena opāsādaṃ devavane sālavane. Taṃ kho pana bhavantaṃ gotamaṃ evaṃ kalyāṇo kittisaddo abbhuggato – ‘itipi so bhagavā arahaṃ sammāsambuddho vijjācaraṇasampanno sugato lokavidū anuttaro purisadammasārathi satthā devamanussānaṃ buddho bhagavā’ti. So imaṃ lokaṃ sadevakaṃ samārakaṃ sabrahmakaṃ sassamaṇabrāhmaṇiṃ pajaṃ sadevamanussaṃ sayaṃ abhiññā sacchikatvā pavedeti. So dhammaṃ deseti ādikalyāṇaṃ majjhekalyāṇaṃ pariyosānakalyāṇaṃ sātthaṃ sabyañjanaṃ, kevalaparipuṇṇaṃ parisuddhaṃ brahmacariyaṃ pakāseti. Sādhu kho pana tathārūpānaṃ arahataṃ dassanaṃ hotī’’ti.
423. ат̇а ко обаасаад̣̇агаа б̣раахман̣аг̇ахабад̇игаа обаасаад̣̇аа нигкамид̇ваа сан̇гхасан̇гхий г̇ан̣ийбхууд̇аа уд̇д̇арзнамукаа г̇ажчанд̇и язна д̣̇зваванам̣ саалаванам̣. д̇зна ко бана самаязна жан̇гий б̣раахман̣о убарибаасаад̣̇з д̣̇иваасзяяам̣ убаг̇ад̇о. ад̣̇д̣̇асаа ко жан̇гий б̣раахман̣о обаасаад̣̇агз б̣раахман̣аг̇ахабад̇игз обаасаад̣̇аа нигкамид̇ваа сан̇гхасан̇гхий г̇ан̣ийбхууд̇з уд̇д̇арзна мукам̣ язна д̣̇зваванам̣ саалаванам̣ д̇знубасан̇гаманд̇з. д̣̇исваа кад̇д̇ам̣ ааманд̇зси – ‘‘гим̣ ну ко, бхо кад̇д̇з, обаасаад̣̇агаа б̣раахман̣аг̇ахабад̇игаа обаасаад̣̇аа нигкамид̇ваа сан̇гхасан̇гхий г̇ан̣ийбхууд̇аа уд̇д̇арзнамукаа г̇ажчанд̇и язна д̣̇зваванам̣ саалавана’’нд̇и? ‘‘ад̇т̇и, бхо жан̇гий, саман̣о г̇од̇амо сагяабуд̇д̇о сагяагулаа баб̣б̣аж̇ид̇о госалзсу жааригам̣ жарамаано махад̇аа бхигкусан̇гхзна сад̣̇д̇хим̣ обаасаад̣̇ам̣ ануббад̇д̇о, обаасаад̣̇з вихарад̇и уд̇д̇арзна обаасаад̣̇ам̣ д̣̇зваванз саалаванз. д̇ам̣ ко бана бхаванд̇ам̣ г̇од̇амам̣ звам̣ галяаан̣о гид̇д̇исад̣̇д̣̇о аб̣бхуг̇г̇ад̇о – ‘ид̇иби со бхаг̇аваа арахам̣ саммаасамб̣уд̣̇д̇хо виж̇ж̇аажаран̣асамбанно суг̇ад̇о логавид̣̇уу ануд̇д̇аро бурисад̣̇аммасаарат̇и сад̇т̇аа д̣̇звамануссаанам̣ б̣уд̣̇д̇хо бхаг̇аваа’д̇и. д̇амзд̇з бхаванд̇ам̣ г̇од̇амам̣ д̣̇ассанааяа г̇ажчанд̇ий’’д̇и. ‘‘д̇зна хи, бхо кад̇д̇з, язна обаасаад̣̇агаа б̣раахман̣аг̇ахабад̇игаа д̇знубасан̇гама; убасан̇гамид̇ваа обаасаад̣̇агз б̣раахман̣аг̇ахабад̇игз звам̣ вад̣̇зхи – ‘жан̇гий, бхо, б̣раахман̣о звамааха – ааг̇амзнд̇у гира бхонд̇о, жан̇гийби б̣раахман̣о саман̣ам̣ г̇од̇амам̣ д̣̇ассанааяа убасан̇гамиссад̇ий’’’д̇и. ‘‘звам̣, бхо’’д̇и ко со кад̇д̇о жан̇гисса б̣раахман̣асса бадиссуд̇ваа язна обаасаад̣̇агаа б̣раахман̣аг̇ахабад̇игаа д̇знубасан̇гами; убасан̇гамид̇ваа обаасаад̣̇агз б̣раахман̣аг̇ахабад̇игз зд̇ад̣̇авожа – ‘‘жан̇гий, бхо, б̣раахман̣о звамааха – ‘ааг̇амзнд̇у гира бхонд̇о, жан̇гийби б̣раахман̣о саман̣ам̣ г̇од̇амам̣ д̣̇ассанааяа убасан̇гамиссад̇ий’’’д̇и.
423. Atha kho opāsādakā brāhmaṇagahapatikā opāsādā nikkhamitvā saṅghasaṅghī gaṇībhūtā uttarenamukhā gacchanti yena devavanaṃ sālavanaṃ. Tena kho pana samayena caṅkī brāhmaṇo uparipāsāde divāseyyaṃ upagato. Addasā kho caṅkī brāhmaṇo opāsādake brāhmaṇagahapatike opāsādā nikkhamitvā saṅghasaṅghī gaṇībhūte uttarena mukhaṃ yena devavanaṃ sālavanaṃ tenupasaṅkamante. Disvā khattaṃ āmantesi – ‘‘kiṃ nu kho, bho khatte, opāsādakā brāhmaṇagahapatikā opāsādā nikkhamitvā saṅghasaṅghī gaṇībhūtā uttarenamukhā gacchanti yena devavanaṃ sālavana’’nti? ‘‘Atthi, bho caṅkī, samaṇo gotamo sakyaputto sakyakulā pabbajito kosalesu cārikaṃ caramāno mahatā bhikkhusaṅghena saddhiṃ opāsādaṃ anuppatto, opāsāde viharati uttarena opāsādaṃ devavane sālavane. Taṃ kho pana bhavantaṃ gotamaṃ evaṃ kalyāṇo kittisaddo abbhuggato – ‘itipi so bhagavā arahaṃ sammāsambuddho vijjācaraṇasampanno sugato lokavidū anuttaro purisadammasārathi satthā devamanussānaṃ buddho bhagavā’ti. Tamete bhavantaṃ gotamaṃ dassanāya gacchantī’’ti. ‘‘Tena hi, bho khatte, yena opāsādakā brāhmaṇagahapatikā tenupasaṅkama; upasaṅkamitvā opāsādake brāhmaṇagahapatike evaṃ vadehi – ‘caṅkī, bho, brāhmaṇo evamāha – āgamentu kira bhonto, caṅkīpi brāhmaṇo samaṇaṃ gotamaṃ dassanāya upasaṅkamissatī’’’ti. ‘‘Evaṃ, bho’’ti kho so khatto caṅkissa brāhmaṇassa paṭissutvā yena opāsādakā brāhmaṇagahapatikā tenupasaṅkami; upasaṅkamitvā opāsādake brāhmaṇagahapatike etadavoca – ‘‘caṅkī, bho, brāhmaṇo evamāha – ‘āgamentu kira bhonto, caṅkīpi brāhmaṇo samaṇaṃ gotamaṃ dassanāya upasaṅkamissatī’’’ti.
424. д̇зна ко бана самаязна наанаавзраж̇ж̇агаанам̣ б̣раахман̣аанам̣ бан̃жамад̇д̇аани б̣раахман̣асад̇аани обаасаад̣̇з бадивасанд̇и гзнажид̣̇зва гаран̣ийязна. ассосум̣ ко д̇з б̣раахман̣аа – ‘‘жан̇гий гира б̣раахман̣о саман̣ам̣ г̇од̇амам̣ д̣̇ассанааяа убасан̇гамиссад̇ий’’д̇и. ат̇а ко д̇з б̣раахман̣аа язна жан̇гий б̣раахман̣о д̇знубасан̇гамим̣су; убасан̇гамид̇ваа жан̇гим̣ б̣раахман̣ам̣ зд̇ад̣̇авожум̣ – ‘‘сажжам̣ гира бхавам̣ жан̇гий саман̣ам̣ г̇од̇амам̣ д̣̇ассанааяа убасан̇гамиссад̇ий’’д̇и? ‘‘звам̣ ко мз, бхо, ход̇и – ‘ахам̣ саман̣ам̣ г̇од̇амам̣ д̣̇ассанааяа убасан̇гамиссаамий’’’д̇и. ‘‘маа бхавам̣ жан̇гий саман̣ам̣ г̇од̇амам̣ д̣̇ассанааяа убасан̇гами. на арахад̇и бхавам̣ жан̇гий саман̣ам̣ г̇од̇амам̣ д̣̇ассанааяа убасан̇гамид̇ум̣; саман̣од̇взва г̇од̇амо арахад̇и бхаванд̇ам̣ жан̇гим̣ д̣̇ассанааяа убасан̇гамид̇ум̣. бхаван̃хи жан̇гий убхад̇о суж̇аад̇о маад̇ид̇о жа бид̇ид̇о жа сам̣суд̣̇д̇хаг̇ахан̣иго яаава сад̇д̇амаа бид̇аамахаяуг̇аа агкид̇д̇о анубаггудто ж̇аад̇иваад̣̇зна. яамби бхавам̣ жан̇гий убхад̇о суж̇аад̇о маад̇ид̇о жа бид̇ид̇о жа сам̣суд̣̇д̇хаг̇ахан̣иго яаава сад̇д̇амаа бид̇аамахаяуг̇аа агкид̇д̇о анубаггудто ж̇аад̇иваад̣̇зна, иминаабан̇г̇зна на арахад̇и бхавам̣ жан̇гий саман̣ам̣ г̇од̇амам̣ д̣̇ассанааяа убасан̇гамид̇ум̣; саман̣од̇взва г̇од̇амо арахад̇и бхаванд̇ам̣ жан̇гим̣ д̣̇ассанааяа убасан̇гамид̇ум̣. бхаван̃хи жан̇гий ад̣дхо махад̣̇д̇хано махаабхог̇о…бз… бхаван̃хи жан̇гий д̇ин̣н̣ам̣ взд̣̇аанам̣ баараг̇уу санигхан̣д̣угздубхаанам̣ саагкараббабхзд̣̇аанам̣ ид̇ихаасабан̃жамаанам̣, бад̣̇аго, взяяаагаран̣о, логааяад̇амахаабурисалагкан̣зсу анаваяо…бз… бхаван̃хи жан̇гий абхируубо д̣̇ассанийяо баасаад̣̇иго барамааяа ван̣н̣абогкарад̇ааяа саманнааг̇ад̇о б̣рахмаван̣н̣ий б̣рахмаважчасий 1 акуд̣̇д̣̇аавагаасо д̣̇ассанааяа…бз… бхаван̃хи жан̇гий сийлаваа вуд̣̇д̇хасийлий вуд̣̇д̇хасийлзна саманнааг̇ад̇о…бз… бхаван̃хи жан̇гий галяаан̣аваажо галяаан̣авааггаран̣о борияаа ваажааяа саманнааг̇ад̇о виссадтааяа анзлаг̇алааяа ад̇т̇асса вин̃н̃аабанияаа…бз… бхаван̃хи жан̇гий б̣ахуунам̣ аажарияабаажарияо, д̇ийн̣и маан̣авагасад̇аани манд̇з ваажзд̇и…бз… бхаван̃хи жан̇гий ран̃н̃о басзнад̣̇исса госаласса саггад̇о г̇аругад̇о маанид̇о бууж̇ид̇о абажид̇о…бз… бхаван̃хи жан̇гий б̣раахман̣асса богкарасаад̇исса саггад̇о г̇аругад̇о маанид̇о бууж̇ид̇о абажид̇о…бз… бхаван̃хи жан̇гий обаасаад̣̇ам̣ аж̇жхаавасад̇и сад̇д̇уссад̣̇ам̣ сад̇ин̣агадтод̣̇агам̣ сад̇хан̃н̃ам̣ рааж̇абхог̇г̇ам̣ ран̃н̃аа басзнад̣̇инаа госалзна д̣̇иннам̣ рааж̇ад̣̇ааяам̣ б̣рахмад̣̇зяяам̣. яамби бхавам̣ жан̇гий обаасаад̣̇ам̣ аж̇жхаавасад̇и сад̇д̇уссад̣̇ам̣ сад̇ин̣агадтод̣̇агам̣ сад̇хан̃н̃ам̣ рааж̇абхог̇г̇ам̣ ран̃н̃аа басзнад̣̇инаа госалзна д̣̇иннам̣ рааж̇ад̣̇ааяам̣ б̣рахмад̣̇зяяам̣, иминаабан̇г̇зна на арахад̇и бхавам̣ жан̇гий саман̣ам̣ г̇од̇амам̣ д̣̇ассанааяа убасан̇гамид̇ум̣; саман̣од̇взва г̇од̇амо арахад̇и бхаванд̇ам̣ жан̇гим̣ д̣̇ассанааяа убасан̇гамид̇у’’нд̇и.
424. Tena kho pana samayena nānāverajjakānaṃ brāhmaṇānaṃ pañcamattāni brāhmaṇasatāni opāsāde paṭivasanti kenacideva karaṇīyena. Assosuṃ kho te brāhmaṇā – ‘‘caṅkī kira brāhmaṇo samaṇaṃ gotamaṃ dassanāya upasaṅkamissatī’’ti. Atha kho te brāhmaṇā yena caṅkī brāhmaṇo tenupasaṅkamiṃsu; upasaṅkamitvā caṅkiṃ brāhmaṇaṃ etadavocuṃ – ‘‘saccaṃ kira bhavaṃ caṅkī samaṇaṃ gotamaṃ dassanāya upasaṅkamissatī’’ti? ‘‘Evaṃ kho me, bho, hoti – ‘ahaṃ samaṇaṃ gotamaṃ dassanāya upasaṅkamissāmī’’’ti. ‘‘Mā bhavaṃ caṅkī samaṇaṃ gotamaṃ dassanāya upasaṅkami. Na arahati bhavaṃ caṅkī samaṇaṃ gotamaṃ dassanāya upasaṅkamituṃ; samaṇotveva gotamo arahati bhavantaṃ caṅkiṃ dassanāya upasaṅkamituṃ. Bhavañhi caṅkī ubhato sujāto mātito ca pitito ca saṃsuddhagahaṇiko yāva sattamā pitāmahayugā akkhitto anupakkuṭṭho jātivādena. Yampi bhavaṃ caṅkī ubhato sujāto mātito ca pitito ca saṃsuddhagahaṇiko yāva sattamā pitāmahayugā akkhitto anupakkuṭṭho jātivādena, imināpaṅgena na arahati bhavaṃ caṅkī samaṇaṃ gotamaṃ dassanāya upasaṅkamituṃ; samaṇotveva gotamo arahati bhavantaṃ caṅkiṃ dassanāya upasaṅkamituṃ. Bhavañhi caṅkī aḍḍho mahaddhano mahābhogo…pe… bhavañhi caṅkī tiṇṇaṃ vedānaṃ pāragū sanighaṇḍukeṭubhānaṃ sākkharappabhedānaṃ itihāsapañcamānaṃ, padako, veyyākaraṇo, lokāyatamahāpurisalakkhaṇesu anavayo…pe… bhavañhi caṅkī abhirūpo dassanīyo pāsādiko paramāya vaṇṇapokkharatāya samannāgato brahmavaṇṇī brahmavacchasī 2 akhuddāvakāso dassanāya…pe… bhavañhi caṅkī sīlavā vuddhasīlī vuddhasīlena samannāgato…pe… bhavañhi caṅkī kalyāṇavāco kalyāṇavākkaraṇo poriyā vācāya samannāgato vissaṭṭhāya anelagalāya atthassa viññāpaniyā…pe… bhavañhi caṅkī bahūnaṃ ācariyapācariyo, tīṇi māṇavakasatāni mante vāceti…pe… bhavañhi caṅkī rañño pasenadissa kosalassa sakkato garukato mānito pūjito apacito…pe… bhavañhi caṅkī brāhmaṇassa pokkharasātissa sakkato garukato mānito pūjito apacito…pe… bhavañhi caṅkī opāsādaṃ ajjhāvasati sattussadaṃ satiṇakaṭṭhodakaṃ sadhaññaṃ rājabhoggaṃ raññā pasenadinā kosalena dinnaṃ rājadāyaṃ brahmadeyyaṃ. Yampi bhavaṃ caṅkī opāsādaṃ ajjhāvasati sattussadaṃ satiṇakaṭṭhodakaṃ sadhaññaṃ rājabhoggaṃ raññā pasenadinā kosalena dinnaṃ rājadāyaṃ brahmadeyyaṃ, imināpaṅgena na arahati bhavaṃ caṅkī samaṇaṃ gotamaṃ dassanāya upasaṅkamituṃ; samaṇotveva gotamo arahati bhavantaṃ caṅkiṃ dassanāya upasaṅkamitu’’nti.
425. звам̣ вуд̇д̇з, жан̇гий б̣раахман̣о д̇з б̣раахман̣з зд̇ад̣̇авожа – ‘‘д̇зна хи, бхо, мамаби сун̣аат̇а, яат̇аа маяамзва арахаама д̇ам̣ саман̣ам̣ г̇од̇амам̣ д̣̇ассанааяа убасан̇гамид̇ум̣; над̇взва арахад̇и со бхавам̣ г̇од̇амо амхаагам̣ д̣̇ассанааяа убасан̇гамид̇ум̣. саман̣о калу, бхо, г̇од̇амо убхад̇о суж̇аад̇о маад̇ид̇о жа бид̇ид̇о жа сам̣суд̣̇д̇хаг̇ахан̣иго яаава сад̇д̇амаа бид̇аамахаяуг̇аа агкид̇д̇о анубаггудто ж̇аад̇иваад̣̇зна. яамби, бхо, саман̣о г̇од̇амо убхад̇о суж̇аад̇о маад̇ид̇о жа бид̇ид̇о жа сам̣суд̣̇д̇хаг̇ахан̣иго яаава сад̇д̇амаа бид̇аамахаяуг̇аа агкид̇д̇о анубаггудто ж̇аад̇иваад̣̇зна, иминаабан̇г̇зна на арахад̇и со бхавам̣ г̇од̇амо амхаагам̣ д̣̇ассанааяа убасан̇гамид̇ум̣; ат̇а ко маяамзва арахаама д̇ам̣ бхаванд̇ам̣ г̇од̇амам̣ д̣̇ассанааяа убасан̇гамид̇ум̣ 3. саман̣о калу, бхо, г̇од̇амо бахууд̇ам̣ хиран̃н̃асуван̣н̣ам̣ охааяа баб̣б̣аж̇ид̇о бхуумиг̇ад̇ан̃жа взхаасадтан̃жа…бз… саман̣о калу, бхо, г̇од̇амо д̣̇ахарова самаано яуваа сусугаал̣агзсо бхад̣̇рзна яоб̣б̣анзна саманнааг̇ад̇о батамзна ваяасаа аг̇аарасмаа анаг̇аарияам̣ баб̣б̣аж̇ид̇о…бз… саман̣о калу, бхо, г̇од̇амо агаамагаанам̣ маад̇аабид̇уунам̣ ассумукаанам̣ руд̣̇анд̇аанам̣ гзсамассум̣ охаарзд̇ваа гаасааяаани вад̇т̇аани ажчаад̣̇зд̇ваа аг̇аарасмаа анаг̇аарияам̣ баб̣б̣аж̇ид̇о…бз… саман̣о калу, бхо, г̇од̇амо абхируубо д̣̇ассанийяо баасаад̣̇иго барамааяа ван̣н̣абогкарад̇ааяа саманнааг̇ад̇о б̣рахмаван̣н̣ий б̣рахмаважчасий акуд̣̇д̣̇аавагаасо д̣̇ассанааяа…бз… саман̣о калу, бхо, г̇од̇амо сийлаваа арияасийлий гусаласийлий гусалзна сийлзна саманнааг̇ад̇о…бз… саман̣о калу, бхо, г̇од̇амо галяаан̣аваажо галяаан̣авааггаран̣о борияаа ваажааяа саманнааг̇ад̇о виссадтааяа анзлаг̇алааяа ад̇т̇асса вин̃н̃аабанияаа…бз… саман̣о калу, бхо, г̇од̇амо б̣ахуунам̣ аажарияабаажарияо…бз… саман̣о калу, бхо, г̇од̇амо кийн̣агаамарааг̇о виг̇ад̇ажаабалло…бз… саман̣о калу, бхо, г̇од̇амо гаммаваад̣̇ий гирияаваад̣̇ий абаабабурзгкааро б̣рахман̃н̃ааяа баж̇ааяа…бз… саман̣о калу, бхо, г̇од̇амо ужжаа гулаа баб̣б̣аж̇ид̇о асамбхиннаа кад̇д̇ияагулаа…бз… саман̣о калу, бхо, г̇од̇амо ад̣дхаа гулаа баб̣б̣аж̇ид̇о махад̣̇д̇ханаа махаабхог̇аа…бз… саман̣ам̣ калу, бхо, г̇од̇амам̣ д̇ирорадтаа д̇ирож̇анабад̣̇аа сам̣бужчид̇ум̣ ааг̇ажчанд̇и…бз… саман̣ам̣ калу, бхо, г̇од̇амам̣ анзгаани д̣̇звад̇аасахассаани баан̣зхи саран̣ам̣ г̇ад̇аани…бз… саман̣ам̣ калу, бхо, г̇од̇амам̣ звам̣ галяаан̣о гид̇д̇исад̣̇д̣̇о аб̣бхуг̇г̇ад̇о – ‘ид̇иби со бхаг̇аваа арахам̣ саммаасамб̣уд̣̇д̇хо виж̇ж̇аажаран̣асамбанно суг̇ад̇о логавид̣̇уу ануд̇д̇аро бурисад̣̇аммасаарат̇и сад̇т̇аа д̣̇звамануссаанам̣ б̣уд̣̇д̇хо бхаг̇аваа’д̇и…бз… саман̣о калу, бхо, г̇од̇амо д̣̇вад̇д̇им̣самахаабурисалагкан̣зхи саманнааг̇ад̇о…бз… 4 саман̣ам̣ калу, бхо, г̇од̇амам̣ рааж̇аа мааг̇ад̇хо сзнияо б̣имб̣исааро сабуд̇д̇ад̣̇ааро баан̣зхи саран̣ам̣ г̇ад̇о…бз… саман̣ам̣ калу, бхо, г̇од̇амам̣ рааж̇аа басзнад̣̇и госало сабуд̇д̇ад̣̇ааро баан̣зхи саран̣ам̣ г̇ад̇о…бз… саман̣ам̣ калу, бхо, г̇од̇амам̣ б̣раахман̣о богкарасаад̇и сабуд̇д̇ад̣̇ааро баан̣зхи саран̣ам̣ г̇ад̇о…бз… саман̣о калу, бхо, г̇од̇амо обаасаад̣̇ам̣ ануббад̇д̇о обаасаад̣̇з вихарад̇и уд̇д̇арзна обаасаад̣̇ам̣ д̣̇зваванз саалаванз. яз ко д̇з саман̣аа ваа б̣раахман̣аа ваа амхаагам̣ г̇аамагкзд̇д̇ам̣ ааг̇ажчанд̇и, ад̇ит̇ий но д̇з хонд̇и. ад̇ит̇ий ко банамхзхи саггаад̇аб̣б̣аа г̇аругаад̇аб̣б̣аа маанзд̇аб̣б̣аа бууж̇зд̇аб̣б̣аа. яамби саман̣о г̇од̇амо обаасаад̣̇ам̣ ануббад̇д̇о обаасаад̣̇з вихарад̇и уд̇д̇арзна обаасаад̣̇ам̣ д̣̇зваванз саалаванз, ад̇ит̇имхаагам̣ саман̣о г̇од̇амо. ад̇ит̇и ко банамхзхи саггаад̇аб̣б̣о г̇аругаад̇аб̣б̣о маанзд̇аб̣б̣о бууж̇зд̇аб̣б̣о. иминаабан̇г̇зна на арахад̇и со бхавам̣ г̇од̇амо амхаагам̣ д̣̇ассанааяа убасан̇гамид̇ум̣; ат̇а ко маяамзва арахаама д̇ам̣ бхаванд̇ам̣ г̇од̇амам̣ д̣̇ассанааяа убасан̇гамид̇ум̣. зд̇д̇агз ко ахам̣, бхо, д̇асса бход̇о г̇од̇амасса ван̣н̣з барияаабун̣аами, но жа ко со бхавам̣ г̇од̇амо зд̇д̇агаван̣н̣о; абаримаан̣аван̣н̣о хи со бхавам̣ г̇од̇амо. згамзгзнаби д̇зна 5 ан̇г̇зна саманнааг̇ад̇о на арахад̇и, со, бхавам̣ г̇од̇амо амхаагам̣ д̣̇ассанааяа убасан̇гамид̇ум̣; ат̇а ко маяамзва арахаама д̇ам̣ бхаванд̇ам̣ г̇од̇амам̣ д̣̇ассанааяа убасан̇гамид̇унд̇и. д̇зна хи, бхо, саб̣б̣зва маяам̣ саман̣ам̣ г̇од̇амам̣ д̣̇ассанааяа убасан̇гамиссаамаа’’д̇и.
425. Evaṃ vutte, caṅkī brāhmaṇo te brāhmaṇe etadavoca – ‘‘tena hi, bho, mamapi suṇātha, yathā mayameva arahāma taṃ samaṇaṃ gotamaṃ dassanāya upasaṅkamituṃ; natveva arahati so bhavaṃ gotamo amhākaṃ dassanāya upasaṅkamituṃ. Samaṇo khalu, bho, gotamo ubhato sujāto mātito ca pitito ca saṃsuddhagahaṇiko yāva sattamā pitāmahayugā akkhitto anupakkuṭṭho jātivādena. Yampi, bho, samaṇo gotamo ubhato sujāto mātito ca pitito ca saṃsuddhagahaṇiko yāva sattamā pitāmahayugā akkhitto anupakkuṭṭho jātivādena, imināpaṅgena na arahati so bhavaṃ gotamo amhākaṃ dassanāya upasaṅkamituṃ; atha kho mayameva arahāma taṃ bhavantaṃ gotamaṃ dassanāya upasaṅkamituṃ 6. Samaṇo khalu, bho, gotamo pahūtaṃ hiraññasuvaṇṇaṃ ohāya pabbajito bhūmigatañca vehāsaṭṭhañca…pe… samaṇo khalu, bho, gotamo daharova samāno yuvā susukāḷakeso bhadrena yobbanena samannāgato paṭhamena vayasā agārasmā anagāriyaṃ pabbajito…pe… samaṇo khalu, bho, gotamo akāmakānaṃ mātāpitūnaṃ assumukhānaṃ rudantānaṃ kesamassuṃ ohāretvā kāsāyāni vatthāni acchādetvā agārasmā anagāriyaṃ pabbajito…pe… samaṇo khalu, bho, gotamo abhirūpo dassanīyo pāsādiko paramāya vaṇṇapokkharatāya samannāgato brahmavaṇṇī brahmavacchasī akhuddāvakāso dassanāya…pe… samaṇo khalu, bho, gotamo sīlavā ariyasīlī kusalasīlī kusalena sīlena samannāgato…pe… samaṇo khalu, bho, gotamo kalyāṇavāco kalyāṇavākkaraṇo poriyā vācāya samannāgato vissaṭṭhāya anelagalāya atthassa viññāpaniyā…pe… samaṇo khalu, bho, gotamo bahūnaṃ ācariyapācariyo…pe… samaṇo khalu, bho, gotamo khīṇakāmarāgo vigatacāpallo…pe… samaṇo khalu, bho, gotamo kammavādī kiriyavādī apāpapurekkhāro brahmaññāya pajāya…pe… samaṇo khalu, bho, gotamo uccā kulā pabbajito asambhinnā khattiyakulā…pe… samaṇo khalu, bho, gotamo aḍḍhā kulā pabbajito mahaddhanā mahābhogā…pe… samaṇaṃ khalu, bho, gotamaṃ tiroraṭṭhā tirojanapadā saṃpucchituṃ āgacchanti…pe… samaṇaṃ khalu, bho, gotamaṃ anekāni devatāsahassāni pāṇehi saraṇaṃ gatāni…pe… samaṇaṃ khalu, bho, gotamaṃ evaṃ kalyāṇo kittisaddo abbhuggato – ‘itipi so bhagavā arahaṃ sammāsambuddho vijjācaraṇasampanno sugato lokavidū anuttaro purisadammasārathi satthā devamanussānaṃ buddho bhagavā’ti…pe… samaṇo khalu, bho, gotamo dvattiṃsamahāpurisalakkhaṇehi samannāgato…pe… 7 samaṇaṃ khalu, bho, gotamaṃ rājā māgadho seniyo bimbisāro saputtadāro pāṇehi saraṇaṃ gato…pe… samaṇaṃ khalu, bho, gotamaṃ rājā pasenadi kosalo saputtadāro pāṇehi saraṇaṃ gato…pe… samaṇaṃ khalu, bho, gotamaṃ brāhmaṇo pokkharasāti saputtadāro pāṇehi saraṇaṃ gato…pe… samaṇo khalu, bho, gotamo opāsādaṃ anuppatto opāsāde viharati uttarena opāsādaṃ devavane sālavane. Ye kho te samaṇā vā brāhmaṇā vā amhākaṃ gāmakkhettaṃ āgacchanti, atithī no te honti. Atithī kho panamhehi sakkātabbā garukātabbā mānetabbā pūjetabbā. Yampi samaṇo gotamo opāsādaṃ anuppatto opāsāde viharati uttarena opāsādaṃ devavane sālavane, atithimhākaṃ samaṇo gotamo. Atithi kho panamhehi sakkātabbo garukātabbo mānetabbo pūjetabbo. Imināpaṅgena na arahati so bhavaṃ gotamo amhākaṃ dassanāya upasaṅkamituṃ; atha kho mayameva arahāma taṃ bhavantaṃ gotamaṃ dassanāya upasaṅkamituṃ. Ettake kho ahaṃ, bho, tassa bhoto gotamassa vaṇṇe pariyāpuṇāmi, no ca kho so bhavaṃ gotamo ettakavaṇṇo; aparimāṇavaṇṇo hi so bhavaṃ gotamo. Ekamekenapi tena 8 aṅgena samannāgato na arahati, so, bhavaṃ gotamo amhākaṃ dassanāya upasaṅkamituṃ; atha kho mayameva arahāma taṃ bhavantaṃ gotamaṃ dassanāya upasaṅkamitunti. Tena hi, bho, sabbeva mayaṃ samaṇaṃ gotamaṃ dassanāya upasaṅkamissāmā’’ti.
426. ат̇а ко жан̇гий б̣раахман̣о махад̇аа б̣раахман̣аг̇ан̣зна сад̣̇д̇хим̣ язна бхаг̇аваа д̇знубасан̇гами; убасан̇гамид̇ваа бхаг̇авад̇аа сад̣̇д̇хим̣ саммод̣̇и. саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇и. д̇зна ко бана самаязна бхаг̇аваа вуд̣̇д̇хзхи вуд̣̇д̇хзхи б̣раахман̣зхи сад̣̇д̇хим̣ гин̃жи гин̃жи гат̇ам̣ сааран̣ийяам̣ вийд̇исаарзд̇ваа нисинно ход̇и. д̇зна ко бана самаязна гаабадиго 9 наама маан̣аво д̣̇ахаро вуд̇д̇асиро сол̣асавассуд̣̇д̣̇зсиго ж̇аад̇ияаа, д̇ин̣н̣ам̣ взд̣̇аанам̣ баараг̇уу санигхан̣д̣угздубхаанам̣ саагкараббабхзд̣̇аанам̣ ид̇ихаасабан̃жамаанам̣, бад̣̇аго, взяяаагаран̣о, логааяад̇амахаабурисалагкан̣зсу анаваяо д̇ассам̣ барисааяам̣ нисинно ход̇и. со вуд̣̇д̇хаанам̣ вуд̣̇д̇хаанам̣ б̣раахман̣аанам̣ бхаг̇авад̇аа сад̣̇д̇хим̣ манд̇аяамаанаанам̣ анд̇аранд̇араа гат̇ам̣ обаад̇зд̇и. ат̇а ко бхаг̇аваа гаабадигам̣ маан̣авам̣ абасаад̣̇зд̇и – ‘‘мааяасмаа бхаарад̣̇вааж̇о вуд̣̇д̇хаанам̣ вуд̣̇д̇хаанам̣ б̣раахман̣аанам̣ манд̇аяамаанаанам̣ анд̇аранд̇араа гат̇ам̣ обаад̇зд̇у. гат̇аабарияосаанам̣ ааяасмаа бхаарад̣̇вааж̇о ааг̇амзд̇уу’’д̇и. звам̣ вуд̇д̇з, жан̇гий б̣раахман̣о бхаг̇аванд̇ам̣ зд̇ад̣̇авожа – ‘‘маа бхавам̣ г̇од̇амо гаабадигам̣ маан̣авам̣ абасаад̣̇зси. гулабуд̇д̇о жа гаабадиго маан̣аво, б̣ахуссуд̇о жа гаабадиго маан̣аво, бан̣д̣ид̇о жа гаабадиго маан̣аво, галяаан̣авааггаран̣о жа гаабадиго маан̣аво, баход̇и жа гаабадиго маан̣аво бход̇аа г̇од̇амзна сад̣̇д̇хим̣ асмим̣ важанз бадиманд̇зд̇у’’нд̇и. ат̇а ко бхаг̇авад̇о зд̇ад̣̇ахоси – ‘‘ад̣̇д̇хаа ко гаабадигасса 10 маан̣авасса д̇звиж̇ж̇агз бааважанз гат̇аа 11 бхависсад̇и. д̇ат̇аа хи нам̣ б̣раахман̣аа сам̣бурзгкаронд̇ий’’д̇и. ат̇а ко гаабадигасса маан̣авасса зд̇ад̣̇ахоси – ‘‘яад̣̇аа мз саман̣о г̇од̇амо жагкум̣ убасам̣хариссад̇и, ат̇аахам̣ саман̣ам̣ г̇од̇амам̣ бан̃хам̣ бужчиссаамий’’д̇и. ат̇а ко бхаг̇аваа гаабадигасса маан̣авасса жзд̇асаа жзд̇обаривид̇аггаман̃н̃ааяа язна гаабадиго маан̣аво д̇зна жагкууни убасам̣хааси.
426. Atha kho caṅkī brāhmaṇo mahatā brāhmaṇagaṇena saddhiṃ yena bhagavā tenupasaṅkami; upasaṅkamitvā bhagavatā saddhiṃ sammodi. Sammodanīyaṃ kathaṃ sāraṇīyaṃ vītisāretvā ekamantaṃ nisīdi. Tena kho pana samayena bhagavā vuddhehi vuddhehi brāhmaṇehi saddhiṃ kiñci kiñci kathaṃ sāraṇīyaṃ vītisāretvā nisinno hoti. Tena kho pana samayena kāpaṭiko 12 nāma māṇavo daharo vuttasiro soḷasavassuddesiko jātiyā, tiṇṇaṃ vedānaṃ pāragū sanighaṇḍukeṭubhānaṃ sākkharappabhedānaṃ itihāsapañcamānaṃ, padako, veyyākaraṇo, lokāyatamahāpurisalakkhaṇesu anavayo tassaṃ parisāyaṃ nisinno hoti. So vuddhānaṃ vuddhānaṃ brāhmaṇānaṃ bhagavatā saddhiṃ mantayamānānaṃ antarantarā kathaṃ opāteti. Atha kho bhagavā kāpaṭikaṃ māṇavaṃ apasādeti – ‘‘māyasmā bhāradvājo vuddhānaṃ vuddhānaṃ brāhmaṇānaṃ mantayamānānaṃ antarantarā kathaṃ opātetu. Kathāpariyosānaṃ āyasmā bhāradvājo āgametū’’ti. Evaṃ vutte, caṅkī brāhmaṇo bhagavantaṃ etadavoca – ‘‘mā bhavaṃ gotamo kāpaṭikaṃ māṇavaṃ apasādesi. Kulaputto ca kāpaṭiko māṇavo, bahussuto ca kāpaṭiko māṇavo, paṇḍito ca kāpaṭiko māṇavo, kalyāṇavākkaraṇo ca kāpaṭiko māṇavo, pahoti ca kāpaṭiko māṇavo bhotā gotamena saddhiṃ asmiṃ vacane paṭimantetu’’nti. Atha kho bhagavato etadahosi – ‘‘addhā kho kāpaṭikassa 13 māṇavassa tevijjake pāvacane kathā 14 bhavissati. Tathā hi naṃ brāhmaṇā saṃpurekkharontī’’ti. Atha kho kāpaṭikassa māṇavassa etadahosi – ‘‘yadā me samaṇo gotamo cakkhuṃ upasaṃharissati, athāhaṃ samaṇaṃ gotamaṃ pañhaṃ pucchissāmī’’ti. Atha kho bhagavā kāpaṭikassa māṇavassa cetasā cetoparivitakkamaññāya yena kāpaṭiko māṇavo tena cakkhūni upasaṃhāsi.
427. ат̇а ко гаабадигасса маан̣авасса зд̇ад̣̇ахоси – ‘‘саманнаахарад̇и ко мам̣ саман̣о г̇од̇амо. яам̣нуунаахам̣ саман̣ам̣ г̇од̇амам̣ бан̃хам̣ бужчзяяа’’нд̇и. ат̇а ко гаабадиго маан̣аво бхаг̇аванд̇ам̣ зд̇ад̣̇авожа – ‘‘яад̣̇ид̣̇ам̣, бхо г̇од̇ама, б̣раахман̣аанам̣ бораан̣ам̣ манд̇абад̣̇ам̣ ид̇ихид̇ихабарамбарааяа бидагасамбад̣̇ааяа, д̇ад̇т̇а жа б̣раахман̣аа згам̣сзна нидтам̣ г̇ажчанд̇и – ‘ид̣̇амзва сажжам̣, могхаман̃н̃а’нд̇и. ид̇ха бхавам̣ г̇од̇амо гимаахаа’’д̇и? ‘‘гим̣ бана, бхаарад̣̇вааж̇а, ад̇т̇и гожи б̣раахман̣аанам̣ згаб̣раахман̣оби яо звамааха – ‘ахамзд̇ам̣ ж̇аанаами, ахамзд̇ам̣ бассаами. ид̣̇амзва сажжам̣, могхаман̃н̃а’’’нд̇и? ‘‘но хид̣̇ам̣, бхо г̇од̇ама’’. ‘‘гим̣ бана, бхаарад̣̇вааж̇а, ад̇т̇и гожи б̣раахман̣аанам̣ згаажарияоби , згаажарияабаажарияоби, яаава сад̇д̇амаа аажарияамахаяуг̇ааби, яо звамааха – ‘ахамзд̇ам̣ ж̇аанаами, ахамзд̇ам̣ бассаами. ид̣̇амзва сажжам̣, могхаман̃н̃а’’’нд̇и? ‘‘но хид̣̇ам̣, бхо г̇од̇ама’’. ‘‘гим̣ бана, бхаарад̣̇вааж̇а, язби д̇з б̣раахман̣аанам̣ буб̣б̣агаа исаяо манд̇аанам̣ гад̇д̇ааро манд̇аанам̣ бавад̇д̇ааро язсамид̣̇ам̣ зд̇арахи б̣раахман̣аа бораан̣ам̣ манд̇абад̣̇ам̣ г̇ийд̇ам̣ бавуд̇д̇ам̣ самихид̇ам̣ д̇ад̣̇ануг̇ааяанд̇и д̇ад̣̇анубхаасанд̇и бхаасид̇аманубхаасанд̇и ваажид̇амануваажзнд̇и сзяяат̇ид̣̇ам̣ – адтаго ваамаго ваамад̣̇зво взссаамид̇д̇о яамад̇аг̇г̇и ан̇г̇ийрасо бхаарад̣̇вааж̇о ваасздто гассабо бхаг̇у, д̇зби звамаахам̣су – ‘маяамзд̇ам̣ ж̇аанаама, маяамзд̇ам̣ бассаама. ид̣̇амзва сажжам̣, могхаман̃н̃а’’’нд̇и? ‘‘но хид̣̇ам̣, бхо г̇од̇ама’’.
427. Atha kho kāpaṭikassa māṇavassa etadahosi – ‘‘samannāharati kho maṃ samaṇo gotamo. Yaṃnūnāhaṃ samaṇaṃ gotamaṃ pañhaṃ puccheyya’’nti. Atha kho kāpaṭiko māṇavo bhagavantaṃ etadavoca – ‘‘yadidaṃ, bho gotama, brāhmaṇānaṃ porāṇaṃ mantapadaṃ itihitihaparamparāya piṭakasampadāya, tattha ca brāhmaṇā ekaṃsena niṭṭhaṃ gacchanti – ‘idameva saccaṃ, moghamañña’nti. Idha bhavaṃ gotamo kimāhā’’ti? ‘‘Kiṃ pana, bhāradvāja, atthi koci brāhmaṇānaṃ ekabrāhmaṇopi yo evamāha – ‘ahametaṃ jānāmi, ahametaṃ passāmi. Idameva saccaṃ, moghamañña’’’nti? ‘‘No hidaṃ, bho gotama’’. ‘‘Kiṃ pana, bhāradvāja, atthi koci brāhmaṇānaṃ ekācariyopi , ekācariyapācariyopi, yāva sattamā ācariyamahayugāpi, yo evamāha – ‘ahametaṃ jānāmi, ahametaṃ passāmi. Idameva saccaṃ, moghamañña’’’nti? ‘‘No hidaṃ, bho gotama’’. ‘‘Kiṃ pana, bhāradvāja, yepi te brāhmaṇānaṃ pubbakā isayo mantānaṃ kattāro mantānaṃ pavattāro yesamidaṃ etarahi brāhmaṇā porāṇaṃ mantapadaṃ gītaṃ pavuttaṃ samihitaṃ tadanugāyanti tadanubhāsanti bhāsitamanubhāsanti vācitamanuvācenti seyyathidaṃ – aṭṭhako vāmako vāmadevo vessāmitto yamataggi aṅgīraso bhāradvājo vāseṭṭho kassapo bhagu, tepi evamāhaṃsu – ‘mayametaṃ jānāma, mayametaṃ passāma. Idameva saccaṃ, moghamañña’’’nti? ‘‘No hidaṃ, bho gotama’’.
‘‘ид̇и гира, бхаарад̣̇вааж̇а, над̇т̇и гожи б̣раахман̣аанам̣ згаб̣раахман̣оби яо звамааха – ‘ахамзд̇ам̣ ж̇аанаами, ахамзд̇ам̣ бассаами. ид̣̇амзва сажжам̣, могхаман̃н̃а’нд̇и; над̇т̇и гожи б̣раахман̣аанам̣ згаажарияоби згаажарияабаажарияоби, яаава сад̇д̇амаа аажарияамахаяуг̇ааби, яо звамааха – ‘ахамзд̇ам̣ ж̇аанаами, ахамзд̇ам̣ бассаами. ид̣̇амзва сажжам̣, могхаман̃н̃а’нд̇и; язби д̇з б̣раахман̣аанам̣ буб̣б̣агаа исаяо манд̇аанам̣ гад̇д̇ааро манд̇аанам̣ бавад̇д̇ааро язсамид̣̇ам̣ зд̇арахи б̣раахман̣аа бораан̣ам̣ манд̇абад̣̇ам̣ г̇ийд̇ам̣ бавуд̇д̇ам̣ самихид̇ам̣ д̇ад̣̇ануг̇ааяанд̇и д̇ад̣̇анубхаасанд̇и бхаасид̇аманубхаасанд̇и ваажид̇амануваажзнд̇и сзяяат̇ид̣̇ам̣ – адтаго ваамаго ваамад̣̇зво взссаамид̇д̇о яамад̇аг̇г̇и ан̇г̇ийрасо бхаарад̣̇вааж̇о ваасздто гассабо бхаг̇у, д̇зби на звамаахам̣су – ‘маяамзд̇ам̣ ж̇аанаама, маяамзд̇ам̣ бассаама. ид̣̇амзва сажжам̣, могхаман̃н̃а’нд̇и.
‘‘Iti kira, bhāradvāja, natthi koci brāhmaṇānaṃ ekabrāhmaṇopi yo evamāha – ‘ahametaṃ jānāmi, ahametaṃ passāmi. Idameva saccaṃ, moghamañña’nti; natthi koci brāhmaṇānaṃ ekācariyopi ekācariyapācariyopi, yāva sattamā ācariyamahayugāpi, yo evamāha – ‘ahametaṃ jānāmi, ahametaṃ passāmi. Idameva saccaṃ, moghamañña’nti; yepi te brāhmaṇānaṃ pubbakā isayo mantānaṃ kattāro mantānaṃ pavattāro yesamidaṃ etarahi brāhmaṇā porāṇaṃ mantapadaṃ gītaṃ pavuttaṃ samihitaṃ tadanugāyanti tadanubhāsanti bhāsitamanubhāsanti vācitamanuvācenti seyyathidaṃ – aṭṭhako vāmako vāmadevo vessāmitto yamataggi aṅgīraso bhāradvājo vāseṭṭho kassapo bhagu, tepi na evamāhaṃsu – ‘mayametaṃ jānāma, mayametaṃ passāma. Idameva saccaṃ, moghamañña’nti.
428. ‘‘сзяяат̇ааби, бхаарад̣̇вааж̇а, анд̇хавзн̣и барамбараасам̣сад̇д̇аа буримоби на бассад̇и маж̇жхимоби на бассад̇и бажчимоби на бассад̇и; звамзва ко, бхаарад̣̇вааж̇а, анд̇хавзн̣уубамам̣ ман̃н̃з б̣раахман̣аанам̣ бхаасид̇ам̣ самбаж̇ж̇ад̇и – буримоби на бассад̇и маж̇жхимоби на бассад̇и бажчимоби на бассад̇и. д̇ам̣ гим̣ ман̃н̃аси, бхаарад̣̇вааж̇а , нану звам̣ санд̇з б̣раахман̣аанам̣ амуулигаа сад̣̇д̇хаа самбаж̇ж̇ад̇ий’’д̇и? ‘‘на квзд̇т̇а, бхо г̇од̇ама, б̣раахман̣аа сад̣̇д̇хааязва баяирубаасанд̇и, ануссаваабзд̇т̇а б̣раахман̣аа баяирубаасанд̇ий’’д̇и. ‘‘буб̣б̣зва ко д̇вам̣, бхаарад̣̇вааж̇а, сад̣̇д̇хам̣ аг̇амааси, ануссавам̣ ид̣̇аани вад̣̇зси. бан̃жа ко имз, бхаарад̣̇вааж̇а, д̇хаммаа д̣̇идтзва д̇хаммз д̣̇взд̇хаа вибаагаа. гад̇амз бан̃жа? сад̣̇д̇хаа, ружи, ануссаво, аагаарабаривид̇агго, д̣̇идтиниж̇жхаанагканд̇и – имз ко, бхаарад̣̇вааж̇а , бан̃жа д̇хаммаа д̣̇идтзва д̇хаммз д̣̇взд̇хаа вибаагаа. аби жа, бхаарад̣̇вааж̇а, сусад̣̇д̣̇ахид̇ам̣язва ход̇и, д̇ан̃жа ход̇и рид̇д̇ам̣ д̇ужчам̣ мусаа; но жзби сусад̣̇д̣̇ахид̇ам̣ ход̇и, д̇ан̃жа ход̇и бхууд̇ам̣ д̇ажчам̣ анан̃н̃ат̇аа. аби жа, бхаарад̣̇вааж̇а , суружид̇ам̣язва ход̇и…бз… сваануссуд̇ам̣язва ход̇и…бз… субаривид̇аггид̇ам̣язва ход̇и…бз… суниж̇жхааяид̇ам̣язва ход̇и, д̇ан̃жа ход̇и рид̇д̇ам̣ д̇ужчам̣ мусаа; но жзби суниж̇жхааяид̇ам̣ ход̇и, д̇ан̃жа ход̇и бхууд̇ам̣ д̇ажчам̣ анан̃н̃ат̇аа. сажжаманурагкад̇аа, бхаарад̣̇вааж̇а, вин̃н̃унаа бурисзна нааламзд̇т̇а згам̣сзна нидтам̣ г̇анд̇ум̣ – ‘ид̣̇амзва сажжам̣, могхаман̃н̃а’’’нд̇и.
428. ‘‘Seyyathāpi, bhāradvāja, andhaveṇi paramparāsaṃsattā purimopi na passati majjhimopi na passati pacchimopi na passati; evameva kho, bhāradvāja, andhaveṇūpamaṃ maññe brāhmaṇānaṃ bhāsitaṃ sampajjati – purimopi na passati majjhimopi na passati pacchimopi na passati. Taṃ kiṃ maññasi, bhāradvāja , nanu evaṃ sante brāhmaṇānaṃ amūlikā saddhā sampajjatī’’ti? ‘‘Na khvettha, bho gotama, brāhmaṇā saddhāyeva payirupāsanti, anussavāpettha brāhmaṇā payirupāsantī’’ti. ‘‘Pubbeva kho tvaṃ, bhāradvāja, saddhaṃ agamāsi, anussavaṃ idāni vadesi. Pañca kho ime, bhāradvāja, dhammā diṭṭheva dhamme dvedhā vipākā. Katame pañca? Saddhā, ruci, anussavo, ākāraparivitakko, diṭṭhinijjhānakkhanti – ime kho, bhāradvāja , pañca dhammā diṭṭheva dhamme dvedhā vipākā. Api ca, bhāradvāja, susaddahitaṃyeva hoti, tañca hoti rittaṃ tucchaṃ musā; no cepi susaddahitaṃ hoti, tañca hoti bhūtaṃ tacchaṃ anaññathā. Api ca, bhāradvāja , surucitaṃyeva hoti…pe… svānussutaṃyeva hoti…pe… suparivitakkitaṃyeva hoti…pe… sunijjhāyitaṃyeva hoti, tañca hoti rittaṃ tucchaṃ musā; no cepi sunijjhāyitaṃ hoti, tañca hoti bhūtaṃ tacchaṃ anaññathā. Saccamanurakkhatā, bhāradvāja, viññunā purisena nālamettha ekaṃsena niṭṭhaṃ gantuṃ – ‘idameva saccaṃ, moghamañña’’’nti.
429. ‘‘гид̇д̇аавад̇аа бана, бхо г̇од̇ама, сажжаанурагкан̣аа ход̇и, гид̇д̇аавад̇аа сажжаманурагкад̇и? сажжаанурагкан̣ам̣ маяам̣ бхаванд̇ам̣ г̇од̇амам̣ бужчаамаа’’д̇и. ‘‘сад̣̇д̇хаа жзби, бхаарад̣̇вааж̇а, бурисасса ход̇и; ‘звам̣ мз сад̣̇д̇хаа’д̇и – ид̇и вад̣̇ам̣ сажжаманурагкад̇и 15, над̇взва д̇аава згам̣сзна нидтам̣ г̇ажчад̇и – ‘ид̣̇амзва сажжам̣, могхаман̃н̃а’нд̇и ( ) 16. ружи жзби, бхаарад̣̇вааж̇а, бурисасса ход̇и…бз… ануссаво жзби, бхаарад̣̇вааж̇а, бурисасса ход̇и…бз… аагаарабаривид̇агго жзби, бхаарад̣̇вааж̇а, бурисасса ход̇и…бз… д̣̇идтиниж̇жхаанагканд̇и жзби, бхаарад̣̇вааж̇а, бурисасса ход̇и; ‘звам̣ мз д̣̇идтиниж̇жхаанагканд̇ий’д̇и – ид̇и вад̣̇ам̣ сажжаманурагкад̇и, над̇взва д̇аава згам̣сзна нидтам̣ г̇ажчад̇и – ‘ид̣̇амзва сажжам̣, могхаман̃н̃а’нд̇и. зд̇д̇аавад̇аа ко, бхаарад̣̇вааж̇а, сажжаанурагкан̣аа ход̇и, зд̇д̇аавад̇аа сажжаманурагкад̇и, зд̇д̇аавад̇аа жа маяам̣ сажжаанурагкан̣ам̣ бан̃н̃абзма; на д̇взва д̇аава сажжаануб̣од̇хо ход̇ий’’д̇и.
429. ‘‘Kittāvatā pana, bho gotama, saccānurakkhaṇā hoti, kittāvatā saccamanurakkhati? Saccānurakkhaṇaṃ mayaṃ bhavantaṃ gotamaṃ pucchāmā’’ti. ‘‘Saddhā cepi, bhāradvāja, purisassa hoti; ‘evaṃ me saddhā’ti – iti vadaṃ saccamanurakkhati 17, natveva tāva ekaṃsena niṭṭhaṃ gacchati – ‘idameva saccaṃ, moghamañña’nti ( ) 18. Ruci cepi, bhāradvāja, purisassa hoti…pe… anussavo cepi, bhāradvāja, purisassa hoti…pe… ākāraparivitakko cepi, bhāradvāja, purisassa hoti…pe… diṭṭhinijjhānakkhanti cepi, bhāradvāja, purisassa hoti; ‘evaṃ me diṭṭhinijjhānakkhantī’ti – iti vadaṃ saccamanurakkhati, natveva tāva ekaṃsena niṭṭhaṃ gacchati – ‘idameva saccaṃ, moghamañña’nti. Ettāvatā kho, bhāradvāja, saccānurakkhaṇā hoti, ettāvatā saccamanurakkhati, ettāvatā ca mayaṃ saccānurakkhaṇaṃ paññapema; na tveva tāva saccānubodho hotī’’ti.
430. ‘‘зд̇д̇аавад̇аа, бхо г̇од̇ама, сажжаанурагкан̣аа ход̇и, зд̇д̇аавад̇аа сажжаманурагкад̇и, зд̇д̇аавад̇аа жа маяам̣ сажжаанурагкан̣ам̣ бзгкаама. гид̇д̇аавад̇аа бана, бхо г̇од̇ама, сажжаануб̣од̇хо ход̇и, гид̇д̇аавад̇аа сажжамануб̣уж̇жхад̇и? сажжаануб̣од̇хам̣ маяам̣ бхаванд̇ам̣ г̇од̇амам̣ бужчаамаа’’д̇и. ‘‘ид̇ха 19, бхаарад̣̇вааж̇а, бхигку ан̃н̃ад̇арам̣ г̇аамам̣ ваа ниг̇амам̣ ваа убаниссааяа вихарад̇и. д̇амзнам̣ г̇ахабад̇и ваа г̇ахабад̇ибуд̇д̇о ваа убасан̇гамид̇ваа д̇ийсу д̇хаммзсу саманнзсад̇и – лобханийязсу д̇хаммзсу, д̣̇осанийязсу д̇хаммзсу, моханийязсу д̇хаммзсу. ад̇т̇и ну ко имассааяасмад̇о д̇ат̇ааруубаа лобханийяаа д̇хаммаа яат̇ааруубзхи лобханийязхи д̇хаммзхи барияаад̣̇иннажид̇д̇о аж̇аанам̣ ваа вад̣̇зяяа – ж̇аанаамийд̇и, абассам̣ ваа вад̣̇зяяа – бассаамийд̇и, барам̣ ваа д̇ад̣̇ад̇т̇ааяа самаад̣̇абзяяа яам̣ барзсам̣ асса д̣̇ийгхарад̇д̇ам̣ ахид̇ааяа д̣̇угкааяаад̇и? д̇амзнам̣ саманнзсамаано звам̣ ж̇аанаад̇и – ‘над̇т̇и ко имассааяасмад̇о д̇ат̇ааруубаа лобханийяаа д̇хаммаа яат̇ааруубзхи лобханийязхи д̇хаммзхи барияаад̣̇иннажид̇д̇о аж̇аанам̣ ваа вад̣̇зяяа – ж̇аанаамийд̇и, абассам̣ ваа вад̣̇зяяа – бассаамийд̇и, барам̣ ваа д̇ад̣̇ад̇т̇ааяа самаад̣̇абзяяа яам̣ барзсам̣ асса д̣̇ийгхарад̇д̇ам̣ ахид̇ааяа д̣̇угкааяа 20. д̇ат̇ааруубо 21 ко банимассааяасмад̇о гааяасамаажааро д̇ат̇ааруубо 22 важийсамаажааро яат̇аа д̇ам̣ алуд̣̇д̇хасса. яам̣ ко бана аяамааяасмаа д̇хаммам̣ д̣̇зсзд̇и, г̇амбхийро со д̇хаммо д̣̇уд̣̇д̣̇асо д̣̇урануб̣од̇хо санд̇о бан̣ийд̇о ад̇аггааважаро нибун̣о бан̣д̣ид̇авзд̣̇анийяо; на со д̇хаммо суд̣̇зсияо луд̣̇д̇хзнаа’’’д̇и.
430. ‘‘Ettāvatā, bho gotama, saccānurakkhaṇā hoti, ettāvatā saccamanurakkhati, ettāvatā ca mayaṃ saccānurakkhaṇaṃ pekkhāma. Kittāvatā pana, bho gotama, saccānubodho hoti, kittāvatā saccamanubujjhati? Saccānubodhaṃ mayaṃ bhavantaṃ gotamaṃ pucchāmā’’ti. ‘‘Idha 23, bhāradvāja, bhikkhu aññataraṃ gāmaṃ vā nigamaṃ vā upanissāya viharati. Tamenaṃ gahapati vā gahapatiputto vā upasaṅkamitvā tīsu dhammesu samannesati – lobhanīyesu dhammesu, dosanīyesu dhammesu, mohanīyesu dhammesu. Atthi nu kho imassāyasmato tathārūpā lobhanīyā dhammā yathārūpehi lobhanīyehi dhammehi pariyādinnacitto ajānaṃ vā vadeyya – jānāmīti, apassaṃ vā vadeyya – passāmīti, paraṃ vā tadatthāya samādapeyya yaṃ paresaṃ assa dīgharattaṃ ahitāya dukkhāyāti? Tamenaṃ samannesamāno evaṃ jānāti – ‘natthi kho imassāyasmato tathārūpā lobhanīyā dhammā yathārūpehi lobhanīyehi dhammehi pariyādinnacitto ajānaṃ vā vadeyya – jānāmīti, apassaṃ vā vadeyya – passāmīti, paraṃ vā tadatthāya samādapeyya yaṃ paresaṃ assa dīgharattaṃ ahitāya dukkhāya 24. Tathārūpo 25 kho panimassāyasmato kāyasamācāro tathārūpo 26 vacīsamācāro yathā taṃ aluddhassa. Yaṃ kho pana ayamāyasmā dhammaṃ deseti, gambhīro so dhammo duddaso duranubodho santo paṇīto atakkāvacaro nipuṇo paṇḍitavedanīyo; na so dhammo sudesiyo luddhenā’’’ti.
431. ‘‘яад̇о нам̣ саманнзсамаано висуд̣̇д̇хам̣ лобханийязхи д̇хаммзхи саманубассад̇и д̇ад̇о нам̣ уд̇д̇ари саманнзсад̇и д̣̇осанийязсу д̇хаммзсу. ад̇т̇и ну ко имассааяасмад̇о д̇ат̇ааруубаа д̣̇осанийяаа д̇хаммаа яат̇ааруубзхи д̣̇осанийязхи д̇хаммзхи барияаад̣̇иннажид̇д̇о аж̇аанам̣ ваа вад̣̇зяяа – ж̇аанаамийд̇и, абассам̣ ваа вад̣̇зяяа – бассаамийд̇и, барам̣ ваа д̇ад̣̇ад̇т̇ааяа самаад̣̇абзяяа яам̣ барзсам̣ асса д̣̇ийгхарад̇д̇ам̣ ахид̇ааяа д̣̇угкааяаад̇и? д̇амзнам̣ саманнзсамаано звам̣ ж̇аанаад̇и – ‘над̇т̇и ко имассааяасмад̇о д̇ат̇ааруубаа д̣̇осанийяаа д̇хаммаа яат̇ааруубзхи д̣̇осанийязхи д̇хаммзхи барияаад̣̇иннажид̇д̇о аж̇аанам̣ ваа вад̣̇зяяа – ж̇аанаамийд̇и, абассам̣ ваа вад̣̇зяяа – бассаамийд̇и, барам̣ ваа д̇ад̣̇ад̇т̇ааяа самаад̣̇абзяяа яам̣ барзсам̣ асса д̣̇ийгхарад̇д̇ам̣ ахид̇ааяа д̣̇угкааяа. д̇ат̇ааруубо ко банимассааяасмад̇о гааяасамаажааро д̇ат̇ааруубо важийсамаажааро яат̇аа д̇ам̣ ад̣̇удтасса. яам̣ ко бана аяамааяасмаа д̇хаммам̣ д̣̇зсзд̇и, г̇амбхийро со д̇хаммо д̣̇уд̣̇д̣̇асо д̣̇урануб̣од̇хо санд̇о бан̣ийд̇о ад̇аггааважаро нибун̣о бан̣д̣ид̇авзд̣̇анийяо; на со д̇хаммо суд̣̇зсияо д̣̇удтзнаа’’’д̇и.
431. ‘‘Yato naṃ samannesamāno visuddhaṃ lobhanīyehi dhammehi samanupassati tato naṃ uttari samannesati dosanīyesu dhammesu. Atthi nu kho imassāyasmato tathārūpā dosanīyā dhammā yathārūpehi dosanīyehi dhammehi pariyādinnacitto ajānaṃ vā vadeyya – jānāmīti, apassaṃ vā vadeyya – passāmīti, paraṃ vā tadatthāya samādapeyya yaṃ paresaṃ assa dīgharattaṃ ahitāya dukkhāyāti? Tamenaṃ samannesamāno evaṃ jānāti – ‘natthi kho imassāyasmato tathārūpā dosanīyā dhammā yathārūpehi dosanīyehi dhammehi pariyādinnacitto ajānaṃ vā vadeyya – jānāmīti, apassaṃ vā vadeyya – passāmīti, paraṃ vā tadatthāya samādapeyya yaṃ paresaṃ assa dīgharattaṃ ahitāya dukkhāya. Tathārūpo kho panimassāyasmato kāyasamācāro tathārūpo vacīsamācāro yathā taṃ aduṭṭhassa. Yaṃ kho pana ayamāyasmā dhammaṃ deseti, gambhīro so dhammo duddaso duranubodho santo paṇīto atakkāvacaro nipuṇo paṇḍitavedanīyo; na so dhammo sudesiyo duṭṭhenā’’’ti.
432. ‘‘яад̇о нам̣ саманнзсамаано висуд̣̇д̇хам̣ д̣̇осанийязхи д̇хаммзхи саманубассад̇и , д̇ад̇о нам̣ уд̇д̇ари саманнзсад̇и моханийязсу д̇хаммзсу. ад̇т̇и ну ко имассааяасмад̇о д̇ат̇ааруубаа моханийяаа д̇хаммаа яат̇ааруубзхи моханийязхи д̇хаммзхи барияаад̣̇иннажид̇д̇о аж̇аанам̣ ваа вад̣̇зяяа – ж̇аанаамийд̇и, абассам̣ ваа вад̣̇зяяа – бассаамийд̇и, барам̣ ваа д̇ад̣̇ад̇т̇ааяа самаад̣̇абзяяа яам̣ барзсам̣ асса д̣̇ийгхарад̇д̇ам̣ ахид̇ааяа д̣̇угкааяаад̇и? д̇амзнам̣ саманнзсамаано звам̣ ж̇аанаад̇и – ‘над̇т̇и ко имассааяасмад̇о д̇ат̇ааруубаа моханийяаа д̇хаммаа яат̇ааруубзхи моханийязхи д̇хаммзхи барияаад̣̇иннажид̇д̇о аж̇аанам̣ ваа вад̣̇зяяа – ж̇аанаамийд̇и, абассам̣ ваа вад̣̇зяяа – бассаамийд̇и, барам̣ ваа д̇ад̣̇ад̇т̇ааяа самаад̣̇абзяяа яам̣ барзсам̣ асса д̣̇ийгхарад̇д̇ам̣ ахид̇ааяа д̣̇угкааяа. д̇ат̇ааруубо ко банимассааяасмад̇о гааяасамаажааро д̇ат̇ааруубо важийсамаажааро яат̇аа д̇ам̣ амуул̣хасса. яам̣ ко бана аяамааяасмаа д̇хаммам̣ д̣̇зсзд̇и, г̇амбхийро со д̇хаммо д̣̇уд̣̇д̣̇асо д̣̇урануб̣од̇хо санд̇о бан̣ийд̇о ад̇аггааважаро нибун̣о бан̣д̣ид̇авзд̣̇анийяо; на со д̇хаммо суд̣̇зсияо муул̣хзнаа’’’д̇и.
432. ‘‘Yato naṃ samannesamāno visuddhaṃ dosanīyehi dhammehi samanupassati , tato naṃ uttari samannesati mohanīyesu dhammesu. Atthi nu kho imassāyasmato tathārūpā mohanīyā dhammā yathārūpehi mohanīyehi dhammehi pariyādinnacitto ajānaṃ vā vadeyya – jānāmīti, apassaṃ vā vadeyya – passāmīti, paraṃ vā tadatthāya samādapeyya yaṃ paresaṃ assa dīgharattaṃ ahitāya dukkhāyāti? Tamenaṃ samannesamāno evaṃ jānāti – ‘natthi kho imassāyasmato tathārūpā mohanīyā dhammā yathārūpehi mohanīyehi dhammehi pariyādinnacitto ajānaṃ vā vadeyya – jānāmīti, apassaṃ vā vadeyya – passāmīti, paraṃ vā tadatthāya samādapeyya yaṃ paresaṃ assa dīgharattaṃ ahitāya dukkhāya. Tathārūpo kho panimassāyasmato kāyasamācāro tathārūpo vacīsamācāro yathā taṃ amūḷhassa. Yaṃ kho pana ayamāyasmā dhammaṃ deseti, gambhīro so dhammo duddaso duranubodho santo paṇīto atakkāvacaro nipuṇo paṇḍitavedanīyo; na so dhammo sudesiyo mūḷhenā’’’ti.
‘‘яад̇о нам̣ саманнзсамаано висуд̣̇д̇хам̣ моханийязхи д̇хаммзхи саманубассад̇и ; ат̇а д̇амхи сад̣̇д̇хам̣ нивзсзд̇и, сад̣̇д̇хааж̇аад̇о убасан̇гамад̇и, убасан̇гаманд̇о баяирубаасад̇и, баяирубаасанд̇о сод̇ам̣ од̣̇ахад̇и, охид̇асод̇о д̇хаммам̣ сун̣аад̇и, суд̇ваа д̇хаммам̣ д̇хаарзд̇и, д̇хад̇аанам̣ 27 д̇хаммаанам̣ ад̇т̇ам̣ убабаригкад̇и, ад̇т̇ам̣ убабаригкад̇о д̇хаммаа ниж̇жхаанам̣ каманд̇и, д̇хамманиж̇жхаанагканд̇ияаа сад̇и чанд̣̇о ж̇ааяад̇и, чанд̣̇аж̇аад̇о уссахад̇и, уссахид̇ваа д̇улзд̇и, д̇улаяид̇ваа бад̣̇ахад̇и, бахид̇ад̇д̇о самаано гааязна жзва барамасажжам̣ сажчигарод̇и бан̃н̃ааяа жа нам̣ ад̇ивиж̇жха бассад̇и. зд̇д̇аавад̇аа ко, бхаарад̣̇вааж̇а, сажжаануб̣од̇хо ход̇и, зд̇д̇аавад̇аа сажжамануб̣уж̇жхад̇и, зд̇д̇аавад̇аа жа маяам̣ сажжаануб̣од̇хам̣ бан̃н̃абзма; на д̇взва д̇аава сажжаануббад̇д̇и ход̇ий’’д̇и.
‘‘Yato naṃ samannesamāno visuddhaṃ mohanīyehi dhammehi samanupassati ; atha tamhi saddhaṃ niveseti, saddhājāto upasaṅkamati, upasaṅkamanto payirupāsati, payirupāsanto sotaṃ odahati, ohitasoto dhammaṃ suṇāti, sutvā dhammaṃ dhāreti, dhatānaṃ 28 dhammānaṃ atthaṃ upaparikkhati, atthaṃ upaparikkhato dhammā nijjhānaṃ khamanti, dhammanijjhānakkhantiyā sati chando jāyati, chandajāto ussahati, ussahitvā tuleti, tulayitvā padahati, pahitatto samāno kāyena ceva paramasaccaṃ sacchikaroti paññāya ca naṃ ativijjha passati. Ettāvatā kho, bhāradvāja, saccānubodho hoti, ettāvatā saccamanubujjhati, ettāvatā ca mayaṃ saccānubodhaṃ paññapema; na tveva tāva saccānuppatti hotī’’ti.
433. ‘‘зд̇д̇аавад̇д̇аа, бхо г̇од̇ама, сажжаануб̣од̇хо ход̇и, зд̇д̇аавад̇аа сажжамануб̣уж̇жхад̇и, зд̇д̇аавад̇аа жа маяам̣ сажжаануб̣од̇хам̣ бзгкаама. гид̇д̇аавад̇аа бана, бхо г̇од̇ама, сажжаануббад̇д̇и ход̇и, гид̇д̇аавад̇аа сажжаманубаабун̣аад̇и? сажжаануббад̇д̇им̣ маяам̣ бхаванд̇ам̣ г̇од̇амам̣ бужчаамаа’’д̇и. ‘‘д̇зсам̣яз , бхаарад̣̇вааж̇а, д̇хаммаанам̣ аасзванаа бхааванаа б̣ахулийгаммам̣ сажжаануббад̇д̇и ход̇и. зд̇д̇аавад̇аа ко, бхаарад̣̇вааж̇а, сажжаануббад̇д̇и ход̇и, зд̇д̇аавад̇аа сажжаманубаабун̣аад̇и, зд̇д̇аавад̇аа жа маяам̣ сажжаануббад̇д̇им̣ бан̃н̃абзмаа’’д̇и.
433. ‘‘Ettāvattā, bho gotama, saccānubodho hoti, ettāvatā saccamanubujjhati, ettāvatā ca mayaṃ saccānubodhaṃ pekkhāma. Kittāvatā pana, bho gotama, saccānuppatti hoti, kittāvatā saccamanupāpuṇāti? Saccānuppattiṃ mayaṃ bhavantaṃ gotamaṃ pucchāmā’’ti. ‘‘Tesaṃye , bhāradvāja, dhammānaṃ āsevanā bhāvanā bahulīkammaṃ saccānuppatti hoti. Ettāvatā kho, bhāradvāja, saccānuppatti hoti, ettāvatā saccamanupāpuṇāti, ettāvatā ca mayaṃ saccānuppattiṃ paññapemā’’ti.
434. ‘‘зд̇д̇аавад̇аа, бхо г̇од̇ама, сажжаануббад̇д̇и ход̇и, зд̇д̇аавад̇аа сажжаманубаабун̣аад̇и, зд̇д̇аавад̇аа жа маяам̣ сажжаануббад̇д̇им̣ бзгкаама. сажжаануббад̇д̇ияаа бана, бхо г̇од̇ама, гад̇амо д̇хаммо б̣ахугааро? сажжаануббад̇д̇ияаа б̣ахугаарам̣ д̇хаммам̣ маяам̣ бхаванд̇ам̣ г̇од̇амам̣ бужчаамаа’’д̇и. ‘‘сажжаануббад̇д̇ияаа ко, бхаарад̣̇вааж̇а, бад̇хаанам̣ б̣ахугаарам̣. но жзд̇ам̣ бад̣̇ахзяяа, наяид̣̇ам̣ сажжаманубаабун̣зяяа. яасмаа жа ко бад̣̇ахад̇и д̇асмаа сажжаманубаабун̣аад̇и. д̇асмаа сажжаануббад̇д̇ияаа бад̇хаанам̣ б̣ахугаара’’нд̇и.
434. ‘‘Ettāvatā, bho gotama, saccānuppatti hoti, ettāvatā saccamanupāpuṇāti, ettāvatā ca mayaṃ saccānuppattiṃ pekkhāma. Saccānuppattiyā pana, bho gotama, katamo dhammo bahukāro? Saccānuppattiyā bahukāraṃ dhammaṃ mayaṃ bhavantaṃ gotamaṃ pucchāmā’’ti. ‘‘Saccānuppattiyā kho, bhāradvāja, padhānaṃ bahukāraṃ. No cetaṃ padaheyya, nayidaṃ saccamanupāpuṇeyya. Yasmā ca kho padahati tasmā saccamanupāpuṇāti. Tasmā saccānuppattiyā padhānaṃ bahukāra’’nti.
‘‘бад̇хаанасса бана, бхо г̇од̇ама, гад̇амо д̇хаммо б̣ахугааро? бад̇хаанасса б̣ахугаарам̣ д̇хаммам̣ маяам̣ бхаванд̇ам̣ г̇од̇амам̣ бужчаамаа’’д̇и. ‘‘бад̇хаанасса ко, бхаарад̣̇вааж̇а, д̇уланаа б̣ахугаараа. но жзд̇ам̣ д̇улзяяа, наяид̣̇ам̣ бад̣̇ахзяяа. яасмаа жа ко д̇улзд̇и д̇асмаа бад̣̇ахад̇и. д̇асмаа бад̇хаанасса д̇уланаа б̣ахугаараа’’д̇и.
‘‘Padhānassa pana, bho gotama, katamo dhammo bahukāro? Padhānassa bahukāraṃ dhammaṃ mayaṃ bhavantaṃ gotamaṃ pucchāmā’’ti. ‘‘Padhānassa kho, bhāradvāja, tulanā bahukārā. No cetaṃ tuleyya, nayidaṃ padaheyya. Yasmā ca kho tuleti tasmā padahati. Tasmā padhānassa tulanā bahukārā’’ti.
‘‘д̇уланааяа бана, бхо г̇од̇ама, гад̇амо д̇хаммо б̣ахугааро? д̇уланааяа б̣ахугаарам̣ д̇хаммам̣ маяам̣ бхаванд̇ам̣ г̇од̇амам̣ бужчаамаа’’д̇и. ‘‘д̇уланааяа ко, бхаарад̣̇вааж̇а, уссаахо б̣ахугааро. но жзд̇ам̣ уссахзяяа, наяид̣̇ам̣ д̇улзяяа. яасмаа жа ко уссахад̇и д̇асмаа д̇улзд̇и. д̇асмаа д̇уланааяа уссаахо б̣ахугааро’’д̇и.
‘‘Tulanāya pana, bho gotama, katamo dhammo bahukāro? Tulanāya bahukāraṃ dhammaṃ mayaṃ bhavantaṃ gotamaṃ pucchāmā’’ti. ‘‘Tulanāya kho, bhāradvāja, ussāho bahukāro. No cetaṃ ussaheyya, nayidaṃ tuleyya. Yasmā ca kho ussahati tasmā tuleti. Tasmā tulanāya ussāho bahukāro’’ti.
‘‘уссаахасса бана, бхо г̇од̇ама, гад̇амо д̇хаммо б̣ахугааро? уссаахасса б̣ахугаарам̣ д̇хаммам̣ маяам̣ бхаванд̇ам̣ г̇од̇амам̣ бужчаамаа’’д̇и. ‘‘уссаахасса ко, бхаарад̣̇вааж̇а, чанд̣̇о б̣ахугааро. но жзд̇ам̣ чанд̣̇о ж̇ааязт̇а, наяид̣̇ам̣ уссахзяяа. яасмаа жа ко чанд̣̇о ж̇ааяад̇и д̇асмаа уссахад̇и. д̇асмаа уссаахасса чанд̣̇о б̣ахугааро’’д̇и.
‘‘Ussāhassa pana, bho gotama, katamo dhammo bahukāro? Ussāhassa bahukāraṃ dhammaṃ mayaṃ bhavantaṃ gotamaṃ pucchāmā’’ti. ‘‘Ussāhassa kho, bhāradvāja, chando bahukāro. No cetaṃ chando jāyetha, nayidaṃ ussaheyya. Yasmā ca kho chando jāyati tasmā ussahati. Tasmā ussāhassa chando bahukāro’’ti.
‘‘чанд̣̇асса бана, бхо г̇од̇ама, гад̇амо д̇хаммо б̣ахугааро ? чанд̣̇асса б̣ахугаарам̣ д̇хаммам̣ маяам̣ бхаванд̇ам̣ г̇од̇амам̣ бужчаамаа’’д̇и. ‘‘чанд̣̇асса ко, бхаарад̣̇вааж̇а, д̇хамманиж̇жхаанагканд̇и б̣ахугаараа. но жзд̇з д̇хаммаа ниж̇жхаанам̣ камзяяум̣, наяид̣̇ам̣ чанд̣̇о ж̇ааязт̇а. яасмаа жа ко д̇хаммаа ниж̇жхаанам̣ каманд̇и д̇асмаа чанд̣̇о ж̇ааяад̇и. д̇асмаа чанд̣̇асса д̇хамманиж̇жхаанагканд̇и б̣ахугаараа’’д̇и.
‘‘Chandassa pana, bho gotama, katamo dhammo bahukāro ? Chandassa bahukāraṃ dhammaṃ mayaṃ bhavantaṃ gotamaṃ pucchāmā’’ti. ‘‘Chandassa kho, bhāradvāja, dhammanijjhānakkhanti bahukārā. No cete dhammā nijjhānaṃ khameyyuṃ, nayidaṃ chando jāyetha. Yasmā ca kho dhammā nijjhānaṃ khamanti tasmā chando jāyati. Tasmā chandassa dhammanijjhānakkhanti bahukārā’’ti.
‘‘д̇хамманиж̇жхаанагканд̇ияаа бана, бхо г̇од̇ама, гад̇амо д̇хаммо б̣ахугааро? д̇хамманиж̇жхаанагканд̇ияаа б̣ахугаарам̣ д̇хаммам̣ маяам̣ бхаванд̇ам̣ г̇од̇амам̣ бужчаамаа’’д̇и. ‘‘д̇хамманиж̇жхаанагканд̇ияаа ко, бхаарад̣̇вааж̇а, ад̇т̇уубабаригкаа б̣ахугаараа. но жзд̇ам̣ ад̇т̇ам̣ убабаригкзяяа, наяид̣̇ам̣ д̇хаммаа ниж̇жхаанам̣ камзяяум̣. яасмаа жа ко ад̇т̇ам̣ убабаригкад̇и д̇асмаа д̇хаммаа ниж̇жхаанам̣ каманд̇и. д̇асмаа д̇хамманиж̇жхаанагканд̇ияаа ад̇т̇уубабаригкаа б̣ахугаараа’’д̇и.
‘‘Dhammanijjhānakkhantiyā pana, bho gotama, katamo dhammo bahukāro? Dhammanijjhānakkhantiyā bahukāraṃ dhammaṃ mayaṃ bhavantaṃ gotamaṃ pucchāmā’’ti. ‘‘Dhammanijjhānakkhantiyā kho, bhāradvāja, atthūpaparikkhā bahukārā. No cetaṃ atthaṃ upaparikkheyya, nayidaṃ dhammā nijjhānaṃ khameyyuṃ. Yasmā ca kho atthaṃ upaparikkhati tasmā dhammā nijjhānaṃ khamanti. Tasmā dhammanijjhānakkhantiyā atthūpaparikkhā bahukārā’’ti.
‘‘ад̇т̇уубабаригкааяа бана, бхо г̇од̇ама, гад̇амо д̇хаммо б̣ахугааро? ад̇т̇уубабаригкааяа б̣ахугаарам̣ д̇хаммам̣ маяам̣ бхаванд̇ам̣ г̇од̇амам̣ бужчаамаа’’д̇и. ‘‘ад̇т̇уубабаригкааяа ко, бхаарад̣̇вааж̇а, д̇хаммад̇хааран̣аа б̣ахугаараа. но жзд̇ам̣ д̇хаммам̣ д̇хаарзяяа, наяид̣̇ам̣ ад̇т̇ам̣ убабаригкзяяа. яасмаа жа ко д̇хаммам̣ д̇хаарзд̇и д̇асмаа ад̇т̇ам̣ убабаригкад̇и. д̇асмаа ад̇т̇уубабаригкааяа д̇хаммад̇хааран̣аа б̣ахугаараа’’д̇и.
‘‘Atthūpaparikkhāya pana, bho gotama, katamo dhammo bahukāro? Atthūpaparikkhāya bahukāraṃ dhammaṃ mayaṃ bhavantaṃ gotamaṃ pucchāmā’’ti. ‘‘Atthūpaparikkhāya kho, bhāradvāja, dhammadhāraṇā bahukārā. No cetaṃ dhammaṃ dhāreyya, nayidaṃ atthaṃ upaparikkheyya. Yasmā ca kho dhammaṃ dhāreti tasmā atthaṃ upaparikkhati. Tasmā atthūpaparikkhāya dhammadhāraṇā bahukārā’’ti.
‘‘д̇хаммад̇хааран̣ааяа бана, бхо г̇од̇ама, гад̇амо д̇хаммо б̣ахугааро? д̇хаммад̇хааран̣ааяа б̣ахугаарам̣ д̇хаммам̣ маяам̣ бхаванд̇ам̣ г̇од̇амам̣ бужчаамаа’’д̇и. ‘‘д̇хаммад̇хааран̣ааяа ко, бхаарад̣̇вааж̇а, д̇хаммассаванам̣ б̣ахугаарам̣. но жзд̇ам̣ д̇хаммам̣ сун̣зяяа, наяид̣̇ам̣ д̇хаммам̣ д̇хаарзяяа. яасмаа жа ко д̇хаммам̣ сун̣аад̇и д̇асмаа д̇хаммам̣ д̇хаарзд̇и. д̇асмаа д̇хаммад̇хааран̣ааяа д̇хаммассаванам̣ б̣ахугаара’’нд̇и.
‘‘Dhammadhāraṇāya pana, bho gotama, katamo dhammo bahukāro? Dhammadhāraṇāya bahukāraṃ dhammaṃ mayaṃ bhavantaṃ gotamaṃ pucchāmā’’ti. ‘‘Dhammadhāraṇāya kho, bhāradvāja, dhammassavanaṃ bahukāraṃ. No cetaṃ dhammaṃ suṇeyya, nayidaṃ dhammaṃ dhāreyya. Yasmā ca kho dhammaṃ suṇāti tasmā dhammaṃ dhāreti. Tasmā dhammadhāraṇāya dhammassavanaṃ bahukāra’’nti.
‘‘д̇хаммассаванасса бана, бхо г̇од̇ама, гад̇амо д̇хаммо б̣ахугааро? д̇хаммассаванасса б̣ахугаарам̣ д̇хаммам̣ маяам̣ бхаванд̇ам̣ г̇од̇амам̣ бужчаамаа’’д̇и . ‘‘д̇хаммассаванасса ко, бхаарад̣̇вааж̇а, сод̇аавад̇хаанам̣ б̣ахугаарам̣ . но жзд̇ам̣ сод̇ам̣ од̣̇ахзяяа, наяид̣̇ам̣ д̇хаммам̣ сун̣зяяа. яасмаа жа ко сод̇ам̣ од̣̇ахад̇и д̇асмаа д̇хаммам̣ сун̣аад̇и. д̇асмаа д̇хаммассаванасса сод̇аавад̇хаанам̣ б̣ахугаара’’нд̇и.
‘‘Dhammassavanassa pana, bho gotama, katamo dhammo bahukāro? Dhammassavanassa bahukāraṃ dhammaṃ mayaṃ bhavantaṃ gotamaṃ pucchāmā’’ti . ‘‘Dhammassavanassa kho, bhāradvāja, sotāvadhānaṃ bahukāraṃ . No cetaṃ sotaṃ odaheyya, nayidaṃ dhammaṃ suṇeyya. Yasmā ca kho sotaṃ odahati tasmā dhammaṃ suṇāti. Tasmā dhammassavanassa sotāvadhānaṃ bahukāra’’nti.
‘‘сод̇аавад̇хаанасса бана, бхо г̇од̇ама, гад̇амо д̇хаммо б̣ахугааро? сод̇аавад̇хаанасса б̣ахугаарам̣ д̇хаммам̣ маяам̣ бхаванд̇ам̣ г̇од̇амам̣ бужчаамаа’’д̇и. ‘‘сод̇аавад̇хаанасса ко, бхаарад̣̇вааж̇а, баяирубаасанаа б̣ахугаараа. но жзд̇ам̣ баяирубаасзяяа, наяид̣̇ам̣ сод̇ам̣ од̣̇ахзяяа. яасмаа жа ко баяирубаасад̇и д̇асмаа сод̇ам̣ од̣̇ахад̇и. д̇асмаа сод̇аавад̇хаанасса баяирубаасанаа б̣ахугаараа’’д̇и.
‘‘Sotāvadhānassa pana, bho gotama, katamo dhammo bahukāro? Sotāvadhānassa bahukāraṃ dhammaṃ mayaṃ bhavantaṃ gotamaṃ pucchāmā’’ti. ‘‘Sotāvadhānassa kho, bhāradvāja, payirupāsanā bahukārā. No cetaṃ payirupāseyya, nayidaṃ sotaṃ odaheyya. Yasmā ca kho payirupāsati tasmā sotaṃ odahati. Tasmā sotāvadhānassa payirupāsanā bahukārā’’ti.
‘‘баяирубаасанааяа бана, бхо г̇од̇ама, гад̇амо д̇хаммо б̣ахугааро? баяирубаасанааяа б̣ахугаарам̣ д̇хаммам̣ маяам̣ бхаванд̇ам̣ г̇од̇амам̣ бужчаамаа’’д̇и. ‘‘баяирубаасанааяа ко, бхаарад̣̇вааж̇а, убасан̇гаманам̣ б̣ахугаарам̣. но жзд̇ам̣ убасан̇гамзяяа, наяид̣̇ам̣ баяирубаасзяяа. яасмаа жа ко убасан̇гамад̇и д̇асмаа баяирубаасад̇и. д̇асмаа баяирубаасанааяа убасан̇гаманам̣ б̣ахугаара’’нд̇и.
‘‘Payirupāsanāya pana, bho gotama, katamo dhammo bahukāro? Payirupāsanāya bahukāraṃ dhammaṃ mayaṃ bhavantaṃ gotamaṃ pucchāmā’’ti. ‘‘Payirupāsanāya kho, bhāradvāja, upasaṅkamanaṃ bahukāraṃ. No cetaṃ upasaṅkameyya, nayidaṃ payirupāseyya. Yasmā ca kho upasaṅkamati tasmā payirupāsati. Tasmā payirupāsanāya upasaṅkamanaṃ bahukāra’’nti.
‘‘убасан̇гаманасса бана, бхо г̇од̇ама, гад̇амо д̇хаммо б̣ахугааро? убасан̇гаманасса б̣ахугаарам̣ д̇хаммам̣ маяам̣ бхаванд̇ам̣ г̇од̇амам̣ бужчаамаа’’д̇и. ‘‘убасан̇гаманасса ко, бхаарад̣̇вааж̇а, сад̣̇д̇хаа б̣ахугаараа. но жзд̇ам̣ сад̣̇д̇хаа ж̇ааязт̇а, наяид̣̇ам̣ убасан̇гамзяяа. яасмаа жа ко сад̣̇д̇хаа ж̇ааяад̇и д̇асмаа убасан̇гамад̇и. д̇асмаа убасан̇гаманасса сад̣̇д̇хаа б̣ахугаараа’’д̇и.
‘‘Upasaṅkamanassa pana, bho gotama, katamo dhammo bahukāro? Upasaṅkamanassa bahukāraṃ dhammaṃ mayaṃ bhavantaṃ gotamaṃ pucchāmā’’ti. ‘‘Upasaṅkamanassa kho, bhāradvāja, saddhā bahukārā. No cetaṃ saddhā jāyetha, nayidaṃ upasaṅkameyya. Yasmā ca kho saddhā jāyati tasmā upasaṅkamati. Tasmā upasaṅkamanassa saddhā bahukārā’’ti.
435. ‘‘сажжаанурагкан̣ам̣ маяам̣ бхаванд̇ам̣ г̇од̇амам̣ абужчимха, сажжаанурагкан̣ам̣ бхавам̣ г̇од̇амо б̣яаагааси; д̇ан̃жа банамхаагам̣ ружжад̇и жзва камад̇и жа д̇зна жамха ад̇д̇аманаа. сажжаануб̣од̇хам̣ маяам̣ бхаванд̇ам̣ г̇од̇амам̣ абужчимха, сажжаануб̣од̇хам̣ бхавам̣ г̇од̇амо б̣яаагааси; д̇ан̃жа банамхаагам̣ ружжад̇и жзва камад̇и жа д̇зна жамха ад̇д̇аманаа. сажжаануббад̇д̇им̣ маяам̣ бхаванд̇ам̣ г̇од̇амам̣ абужчимха, сажжаануббад̇д̇им̣ бхавам̣ г̇од̇амо б̣яаагааси; д̇ан̃жа банамхаагам̣ ружжад̇и жзва камад̇и жа д̇зна жамха ад̇д̇аманаа . сажжаануббад̇д̇ияаа б̣ахугаарам̣ д̇хаммам̣ маяам̣ бхаванд̇ам̣ г̇од̇амам̣ абужчимха, сажжаануббад̇д̇ияаа б̣ахугаарам̣ д̇хаммам̣ бхавам̣ г̇од̇амо б̣яаагааси; д̇ан̃жа банамхаагам̣ ружжад̇и жзва камад̇и жа д̇зна жамха ад̇д̇аманаа. яам̣яад̣̇зва жа маяам̣ бхаванд̇ам̣ г̇од̇амам̣ абужчимха д̇ам̣д̇ад̣̇зва бхавам̣ г̇од̇амо б̣яаагааси; д̇ан̃жа банамхаагам̣ ружжад̇и жзва камад̇и жа д̇зна жамха ад̇д̇аманаа. маяан̃хи, бхо г̇од̇ама, буб̣б̣з звам̣ ж̇аанаама – ‘гз жа мун̣д̣агаа саман̣агаа иб̣бхаа ган̣хаа б̣анд̇хубаад̣̇аабажжаа, гз жа д̇хаммасса ан̃н̃аад̇ааро’д̇и? аж̇анзси вад̇а мз бхавам̣ г̇од̇амо саман̣зсу саман̣абзмам̣, саман̣зсу саман̣абасаад̣̇ам̣, саман̣зсу саман̣аг̇ааравам̣. абхигганд̇ам̣, бхо г̇од̇ама…бз… убаасагам̣ мам̣ бхавам̣ г̇од̇амо д̇хаарзд̇у аж̇ж̇ад̇аг̇г̇з баан̣убзд̇ам̣ саран̣ам̣ г̇ад̇а’’нд̇и.
435. ‘‘Saccānurakkhaṇaṃ mayaṃ bhavantaṃ gotamaṃ apucchimha, saccānurakkhaṇaṃ bhavaṃ gotamo byākāsi; tañca panamhākaṃ ruccati ceva khamati ca tena camha attamanā. Saccānubodhaṃ mayaṃ bhavantaṃ gotamaṃ apucchimha, saccānubodhaṃ bhavaṃ gotamo byākāsi; tañca panamhākaṃ ruccati ceva khamati ca tena camha attamanā. Saccānuppattiṃ mayaṃ bhavantaṃ gotamaṃ apucchimha, saccānuppattiṃ bhavaṃ gotamo byākāsi; tañca panamhākaṃ ruccati ceva khamati ca tena camha attamanā . Saccānuppattiyā bahukāraṃ dhammaṃ mayaṃ bhavantaṃ gotamaṃ apucchimha, saccānuppattiyā bahukāraṃ dhammaṃ bhavaṃ gotamo byākāsi; tañca panamhākaṃ ruccati ceva khamati ca tena camha attamanā. Yaṃyadeva ca mayaṃ bhavantaṃ gotamaṃ apucchimha taṃtadeva bhavaṃ gotamo byākāsi; tañca panamhākaṃ ruccati ceva khamati ca tena camha attamanā. Mayañhi, bho gotama, pubbe evaṃ jānāma – ‘ke ca muṇḍakā samaṇakā ibbhā kaṇhā bandhupādāpaccā, ke ca dhammassa aññātāro’ti? Ajanesi vata me bhavaṃ gotamo samaṇesu samaṇapemaṃ, samaṇesu samaṇapasādaṃ, samaṇesu samaṇagāravaṃ. Abhikkantaṃ, bho gotama…pe… upāsakaṃ maṃ bhavaṃ gotamo dhāretu ajjatagge pāṇupetaṃ saraṇaṃ gata’’nti.
жан̇гийсуд̇д̇ам̣ нидтид̇ам̣ бан̃жамам̣.
Caṅkīsuttaṃ niṭṭhitaṃ pañcamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 5. жан̇гийсуд̇д̇аван̣н̣анаа • 5. Caṅkīsuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 5. жан̇гийсуд̇д̇аван̣н̣анаа • 5. Caṅkīsuttavaṇṇanā
