| Library / Tipiṭaka / д̇ибидага • Tipiṭaka / маж̇жхиманигааяа (адтагат̇аа) • Majjhimanikāya (aṭṭhakathā) |
5. жан̇гийсуд̇д̇аван̣н̣анаа
5. Caṅkīsuttavaṇṇanā
422. звам̣ мз суд̇анд̇и жан̇гийсуд̇д̇ам̣. д̇ад̇т̇а д̣̇зваванз саалаванзд̇и д̇асмим̣ гира д̣̇звад̇аанам̣ б̣алигаммам̣ гарийяад̇и, д̇зна д̇ам̣ д̣̇звавананд̇иби саалавананд̇иби вужжад̇и. обаасаад̣̇ам̣ аж̇жхаавасад̇ийд̇и обаасаад̣̇анаамагз б̣раахман̣аг̇аамз васад̇и, абхибхавид̇ваа ваа аавасад̇и, д̇асса саамий худ̇ваа яааяа марияаад̣̇ааяа д̇ад̇т̇а васид̇аб̣б̣ам̣, д̇ааяа марияаад̣̇ааяа васад̇и. убасаг̇г̇авасзна банзд̇т̇а бхуммад̇т̇з убаяог̇аважанам̣ взд̣̇ид̇аб̣б̣ам̣, д̇ат̇асса ануббаяог̇ад̇д̇аава сзсабад̣̇зсу. д̇ад̇т̇а лагкан̣ам̣ сад̣̇д̣̇асад̇т̇ад̇о бариязсид̇аб̣б̣ам̣. сад̇д̇уссад̣̇анд̇и сад̇д̇зхи уссад̣̇ам̣ уссаннам̣, б̣ахуж̇анам̣ аагин̣н̣амануссам̣ босааванияахад̇т̇иассаморамиг̇аад̣̇ианзгасад̇д̇асамаагин̣н̣ан̃жаад̇и ад̇т̇о. яасмаа бана со г̇аамо б̣ахи аавиж̇жхид̇ваа ж̇аад̇зна хад̇т̇иассаад̣̇ийнам̣ гхаасад̇ин̣зна жзва г̇зхажчад̣̇анад̇ин̣зна жа самбанно, д̇ат̇аа д̣̇ааругадтзхи жзва г̇зхасамбхаарагадтзхи жа, яасмаа жасса аб̣бханд̇арз ваддажад̇урассаад̣̇исан̣таанаа б̣ахуу богкаран̣ияо, ж̇алаж̇агусумавижид̇д̇аани жа б̣ахи анзгаани д̇ал̣аагаани ваа уд̣̇агасса нижжабхарид̇аанзва хонд̇и, д̇асмаа сад̇ин̣агадтод̣̇аганд̇и вуд̇д̇ам̣.
422.Evaṃme sutanti caṅkīsuttaṃ. Tattha devavane sālavaneti tasmiṃ kira devatānaṃ balikammaṃ karīyati, tena taṃ devavanantipi sālavanantipi vuccati. Opāsādaṃ ajjhāvasatīti opāsādanāmake brāhmaṇagāme vasati, abhibhavitvā vā āvasati, tassa sāmī hutvā yāya mariyādāya tattha vasitabbaṃ, tāya mariyādāya vasati. Upasaggavasena panettha bhummatthe upayogavacanaṃ veditabbaṃ, tathassa anuppayogattāva sesapadesu. Tattha lakkhaṇaṃ saddasatthato pariyesitabbaṃ. Sattussadanti sattehi ussadaṃ ussannaṃ, bahujanaṃ ākiṇṇamanussaṃ posāvaniyahatthiassamoramigādianekasattasamākiṇṇañcāti attho. Yasmā pana so gāmo bahi āvijjhitvā jātena hatthiassādīnaṃ ghāsatiṇena ceva gehacchadanatiṇena ca sampanno, tathā dārukaṭṭhehi ceva gehasambhārakaṭṭhehi ca, yasmā cassa abbhantare vaṭṭacaturassādisaṇṭhānā bahū pokkharaṇiyo, jalajakusumavicittāni ca bahi anekāni taḷākāni vā udakassa niccabharitāneva honti, tasmā satiṇakaṭṭhodakanti vuttaṃ.
саха д̇хан̃н̃зна сад̇хан̃н̃ам̣, буб̣б̣ан̣н̣аабаран̣н̣аад̣̇ибхзд̣̇ам̣ б̣ахуд̇хан̃н̃асаннижаяанд̇и ад̇т̇о. зд̇д̇аавад̇аа яасмим̣ г̇аамз б̣раахман̣о сзд̇ажчад̇д̇ам̣ уссаабзд̇ваа рааж̇алийлааяа васад̇и. д̇асса самид̣̇д̇хисамбад̇д̇и д̣̇ийбид̇аа ход̇и. рааж̇ад̇о лад̣̇д̇хам̣ бхог̇г̇ам̣ рааж̇абхог̇г̇ам̣. гзна д̣̇иннанд̇и жз, ран̃н̃аа басзнад̣̇инаа госалзна д̣̇иннам̣. рааж̇ад̣̇ааяанд̇и ран̃н̃о д̣̇ааяабхууд̇ам̣, д̣̇ааяаж̇ж̇анд̇и ад̇т̇о. б̣рахмад̣̇зяяанд̇и сздтад̣̇зяяам̣, чад̇д̇ам̣ уссаабзд̇ваа рааж̇асан̇кзбзна бхун̃ж̇ид̇аб̣б̣анд̇и ад̇т̇о. ат̇а ваа рааж̇абхог̇г̇анд̇и саб̣б̣ам̣ чзж̇ж̇абхзж̇ж̇ам̣ анусаасанд̇зна д̇ид̇т̇абаб̣б̣ад̇аад̣̇ийсу сун̇гам̣ г̇ан̣ханд̇зна сзд̇ажчад̇д̇ам̣ уссаабзд̇ваа ран̃н̃аа худ̇ваа бхун̃ж̇ид̇аб̣б̣ам̣. д̇ад̇т̇а ран̃н̃аа басзнад̣̇инаа госалзна д̣̇иннам̣ рааж̇ад̣̇ааяанд̇и. зд̇т̇а ран̃н̃аа д̣̇иннад̇д̇аа рааж̇ад̣̇ааяам̣, д̣̇ааяагарааж̇ад̣̇ийбанад̇т̇ам̣ банасса ‘‘ран̃н̃аа басзнад̣̇инаа госалзна д̣̇инна’’нд̇и ид̣̇ам̣ вуд̇д̇ам̣. б̣рахмад̣̇зяяанд̇и сздтад̣̇зяяам̣, яат̇аа д̣̇иннам̣ на буна г̇ахзд̇аб̣б̣ам̣ ход̇и ниссадтабарижжад̇д̇ам̣, звам̣ д̣̇иннанд̇и ад̇т̇о.
Saha dhaññena sadhaññaṃ, pubbaṇṇāparaṇṇādibhedaṃ bahudhaññasannicayanti attho. Ettāvatā yasmiṃ gāme brāhmaṇo setacchattaṃ ussāpetvā rājalīlāya vasati. Tassa samiddhisampatti dīpitā hoti. Rājato laddhaṃ bhoggaṃ rājabhoggaṃ. Kena dinnanti ce, raññā pasenadinā kosalena dinnaṃ. Rājadāyanti rañño dāyabhūtaṃ, dāyajjanti attho. Brahmadeyyanti seṭṭhadeyyaṃ, chattaṃ ussāpetvā rājasaṅkhepena bhuñjitabbanti attho. Atha vā rājabhogganti sabbaṃ chejjabhejjaṃ anusāsantena titthapabbatādīsu suṅkaṃ gaṇhantena setacchattaṃ ussāpetvā raññā hutvā bhuñjitabbaṃ. Tattha raññā pasenadinā kosalena dinnaṃ rājadāyanti. Ettha raññā dinnattā rājadāyaṃ, dāyakarājadīpanatthaṃ panassa ‘‘raññā pasenadinā kosalena dinna’’nti idaṃ vuttaṃ. Brahmadeyyanti seṭṭhadeyyaṃ, yathā dinnaṃ na puna gahetabbaṃ hoti nissaṭṭhapariccattaṃ, evaṃ dinnanti attho.
423. б̣ахуу б̣ахуу худ̇ваа сам̣хад̇аад̇и сан̇гхаа. згзгиссаа д̣̇исааяа сан̇гхо д̇зсам̣ ад̇т̇ийд̇и сан̇гхий. буб̣б̣з г̇аамасса анд̇о аг̇ан̣аа б̣ахи нигкамид̇ваа г̇ан̣аа самбаннаад̇и г̇ан̣ийбхууд̇аа. уд̇д̇арзнамукаад̇и уд̇д̇арад̣̇исаабхимукаа. кад̇д̇ам̣ ааманд̇зсийд̇и кад̇д̇аа вужжад̇и бужчид̇абан̃хаб̣яаагаран̣асамад̇т̇о махаамад̇д̇о, д̇ам̣ ааманд̇зси. ааг̇амзнд̇ууд̇и мухуд̇д̇ам̣ бадимаанзнд̇у, ажчанд̇ууд̇и вуд̇д̇ам̣ ход̇и.
423. Bahū bahū hutvā saṃhatāti saṅghā. Ekekissā disāya saṅgho tesaṃ atthīti saṅghī. Pubbe gāmassa anto agaṇā bahi nikkhamitvā gaṇā sampannāti gaṇībhūtā. Uttarenamukhāti uttaradisābhimukhā. Khattaṃ āmantesīti khattā vuccati pucchitapañhabyākaraṇasamattho mahāmatto, taṃ āmantesi. Āgamentūti muhuttaṃ paṭimānentu, acchantūti vuttaṃ hoti.
424. наанаавзраж̇ж̇агаананд̇и наанаавид̇хзсу раж̇ж̇зсу ан̃н̃зсу гаасигосалаад̣̇ийсу ж̇аад̇аа ваа нивасанд̇и ваа, д̇ад̇о ваа ааг̇ад̇аад̇и наанаавзраж̇ж̇агаа, д̇зсам̣ наанаавзраж̇ж̇агаанам̣. гзнажид̣̇зваад̇и анияамид̇зна яан̃н̃убаасанаад̣̇инаа гзнажи гижжзна. д̇з д̇асса г̇аманам̣ суд̇ваа жинд̇зсум̣ – ‘‘аяам̣, жан̇гий, уг̇г̇ад̇аб̣раахман̣о, язбхуяязна жа ан̃н̃з б̣раахман̣аа саман̣ам̣ г̇од̇амам̣ саран̣ам̣ г̇ад̇аа, аяамзва на г̇ад̇о. свааяам̣ сажз д̇ад̇т̇а г̇амиссад̇и, ад̣̇д̇хаа саман̣асса г̇од̇амасса аавадданияаа мааяааяа ааваддид̇о саран̣ам̣ г̇амиссад̇и. д̇ад̇о зд̇ассааби г̇зхад̣̇ваарз б̣раахман̣аанам̣ асаннибаад̇о бхависсад̇и. ханд̣̇асса г̇амананд̇арааяам̣ гаромаа’’д̇и самманд̇аяид̇ваа д̇ад̇т̇а аг̇амам̣су. д̇ам̣ санд̇хааяа ‘‘ат̇а ко д̇з б̣раахман̣аа’’д̇иаад̣̇и вуд̇д̇ам̣.
424.Nānāverajjakānanti nānāvidhesu rajjesu aññesu kāsikosalādīsu jātā vā nivasanti vā, tato vā āgatāti nānāverajjakā, tesaṃ nānāverajjakānaṃ. Kenacidevāti aniyamitena yaññupāsanādinā kenaci kiccena. Te tassa gamanaṃ sutvā cintesuṃ – ‘‘ayaṃ, caṅkī, uggatabrāhmaṇo, yebhuyyena ca aññe brāhmaṇā samaṇaṃ gotamaṃ saraṇaṃ gatā, ayameva na gato. Svāyaṃ sace tattha gamissati, addhā samaṇassa gotamassa āvaṭṭaniyā māyāya āvaṭṭito saraṇaṃ gamissati. Tato etassāpi gehadvāre brāhmaṇānaṃ asannipāto bhavissati. Handassa gamanantarāyaṃ karomā’’ti sammantayitvā tattha agamaṃsu. Taṃ sandhāya ‘‘atha kho te brāhmaṇā’’tiādi vuttaṃ.
д̇ад̇т̇а убхад̇од̇и д̣̇вийхи багкзхи. маад̇ид̇о жа бид̇ид̇о жаад̇и, бход̇о маад̇аа б̣раахман̣ий, маад̇умаад̇аа б̣раахман̣ий, д̇ассааби маад̇аа б̣раахман̣ий. бид̇аа б̣раахман̣о, бид̇убид̇аа б̣раахман̣о, д̇ассаби бид̇аа б̣раахман̣од̇и. звам̣ бхавам̣ убхад̇о суж̇аад̇о, маад̇ид̇о жа бид̇ид̇о жа. сам̣суд̣̇д̇хаг̇ахан̣игод̇и сам̣суд̣̇д̇хаа д̇з маад̇у г̇ахан̣ий, сам̣суд̣̇д̇хаа д̇з маад̇у гужчийд̇и ад̇т̇о. яаава сад̇д̇амаа бид̇аамахаяуг̇аад̇и зд̇т̇а бид̇у бид̇аа бид̇аамахо, бид̇аамахасса яуг̇ам̣ бид̇аамахаяуг̇ам̣. яуг̇анд̇и ааяуббамаан̣ам̣ вужжад̇и. абхилаабамад̇д̇амзва жзд̇ам̣, ад̇т̇ад̇о бана бид̇аамахова бид̇аамахаяуг̇ам̣. д̇ад̇о уд̣̇д̇хам̣ саб̣б̣зби буб̣б̣абурисаа бид̇аамахаг̇г̇ахан̣знзва г̇ахид̇аа. звам̣ яаава сад̇д̇амо бурисо, д̇аава сам̣суд̣̇д̇хаг̇ахан̣иго. ат̇а ваа агкид̇д̇о анубагудто ж̇аад̇иваад̣̇знаад̇и д̣̇ассзд̇и. агкид̇д̇од̇и абанзт̇а зд̇ам̣, гим̣ иминаад̇и звам̣ агкид̇д̇о анавагкид̇д̇о. анубаггудтод̇и на убагудто, на аггосам̣ ваа нинд̣̇ам̣ ваа бад̇д̇абуб̣б̣о. гзна гааран̣знаад̇и. ж̇аад̇иваад̣̇зна, ид̇иби хийнаж̇аад̇иго зсод̇и зваруубзна важанзнаад̇и ад̇т̇о. иминаабан̇г̇знаад̇и иминааби гааран̣зна.
Tattha ubhatoti dvīhi pakkhehi. Mātitoca pitito cāti, bhoto mātā brāhmaṇī, mātumātā brāhmaṇī, tassāpi mātā brāhmaṇī. Pitā brāhmaṇo, pitupitā brāhmaṇo, tassapi pitā brāhmaṇoti. Evaṃ bhavaṃ ubhato sujāto, mātito ca pitito ca. Saṃsuddhagahaṇikoti saṃsuddhā te mātu gahaṇī, saṃsuddhā te mātu kucchīti attho. Yāva sattamā pitāmahayugāti ettha pitu pitā pitāmaho, pitāmahassa yugaṃ pitāmahayugaṃ. Yuganti āyuppamāṇaṃ vuccati. Abhilāpamattameva cetaṃ, atthato pana pitāmahova pitāmahayugaṃ. Tato uddhaṃ sabbepi pubbapurisā pitāmahaggahaṇeneva gahitā. Evaṃ yāva sattamo puriso, tāva saṃsuddhagahaṇiko. Atha vā akkhitto anupakuṭṭho jātivādenāti dasseti. Akkhittoti apanetha etaṃ, kiṃ imināti evaṃ akkhitto anavakkhitto. Anupakkuṭṭhoti na upakuṭṭho, na akkosaṃ vā nindaṃ vā pattapubbo. Kena kāraṇenāti. Jātivādena, itipi hīnajātiko esoti evarūpena vacanenāti attho. Imināpaṅgenāti imināpi kāraṇena.
ад̣дход̇и иссаро. махад̣̇д̇ханод̇и махад̇аа д̇ханзна саманнааг̇ад̇о. бход̇о хи г̇зхз бат̇авияам̣ бам̣суваалигаа вияа б̣аху д̇ханам̣, саман̣о бана г̇од̇амо ад̇хано бхигкааяа уд̣̇арам̣ буурзд̇ваа яаабзд̇ийд̇и д̣̇ассзнд̇и . махаабхог̇од̇и бан̃жагаамаг̇ун̣авасзна махааубабхог̇о. звам̣ яам̣ яам̣ г̇ун̣ам̣ вад̣̇анд̇и, д̇асса д̇асса бадибагкавасзна бхаг̇авад̇о аг̇ун̣ам̣язва д̣̇ассзмаад̇и ман̃н̃амаанаа вад̣̇анд̇и.
Aḍḍhoti issaro. Mahaddhanoti mahatā dhanena samannāgato. Bhoto hi gehe pathaviyaṃ paṃsuvālikā viya bahu dhanaṃ, samaṇo pana gotamo adhano bhikkhāya udaraṃ pūretvā yāpetīti dassenti . Mahābhogoti pañcakāmaguṇavasena mahāupabhogo. Evaṃ yaṃ yaṃ guṇaṃ vadanti, tassa tassa paṭipakkhavasena bhagavato aguṇaṃyeva dassemāti maññamānā vadanti.
абхируубод̇и ан̃н̃зхи мануссзхи ад̇хигаруубо. д̣̇ассанийяод̇и д̣̇ивасамби бассанд̇аанам̣ ад̇ид̇д̇игаран̣ад̇о д̣̇ассанаяог̇г̇о, д̣̇ассанзнзва жид̇д̇абасаад̣̇аж̇ананад̇о баасаад̣̇иго. богкарад̇аа вужжад̇и сунд̣̇арабхааво, ван̣н̣асса богкарад̇аа ван̣н̣абогкарад̇аа, д̇ааяа ван̣н̣абогкарад̇ааяа, ван̣н̣асамбад̇д̇ияаад̇и ад̇т̇о. бораан̣аа бана богкаранд̇и сарийрам̣ вад̣̇анд̇и, ван̣н̣ам̣ ван̣н̣амзва. д̇зсам̣ мад̇зна ван̣н̣о жа богкаран̃жа ван̣н̣абогкараани, д̇зсам̣ бхааво ван̣н̣абогкарад̇аа. ид̇и барамааяа ван̣н̣абогкарад̇ааяаад̇и уд̇д̇амабарисуд̣̇д̇хзна ван̣н̣зна жзва сарийрасан̣таанасамбад̇д̇ияаа жаад̇и ад̇т̇о. б̣рахмаван̣н̣ийд̇и сздтаван̣н̣ий, барисуд̣̇д̇хаван̣н̣зсуби сздтзна суван̣н̣аван̣н̣знзва саманнааг̇ад̇од̇и ад̇т̇о. б̣рахмаважчасийд̇и махааб̣рахмуно сарийрасад̣̇исзна сарийрзна саманнааг̇ад̇о. акуд̣̇д̣̇аавагаасо д̣̇ассанааяаад̇и бход̇о сарийрз д̣̇ассанасса огаасо на куд̣̇д̣̇аго махаа. саб̣б̣аанзва д̇з ан̇г̇абажжан̇г̇аани д̣̇ассанийяаанзва, д̇аани жааби маханд̇аанзваад̇и д̣̇ийбзд̇и.
Abhirūpoti aññehi manussehi adhikarūpo. Dassanīyoti divasampi passantānaṃ atittikaraṇato dassanayoggo, dassaneneva cittapasādajananato pāsādiko. Pokkharatā vuccati sundarabhāvo, vaṇṇassa pokkharatā vaṇṇapokkharatā, tāya vaṇṇapokkharatāya, vaṇṇasampattiyāti attho. Porāṇā pana pokkharanti sarīraṃ vadanti, vaṇṇaṃ vaṇṇameva. Tesaṃ matena vaṇṇo ca pokkharañca vaṇṇapokkharāni, tesaṃ bhāvo vaṇṇapokkharatā. Iti paramāya vaṇṇapokkharatāyāti uttamaparisuddhena vaṇṇena ceva sarīrasaṇṭhānasampattiyā cāti attho. Brahmavaṇṇīti seṭṭhavaṇṇī, parisuddhavaṇṇesupi seṭṭhena suvaṇṇavaṇṇeneva samannāgatoti attho. Brahmavacchasīti mahābrahmuno sarīrasadisena sarīrena samannāgato. Akhuddāvakāso dassanāyāti bhoto sarīre dassanassa okāso na khuddako mahā. Sabbāneva te aṅgapaccaṅgāni dassanīyāneva, tāni cāpi mahantānevāti dīpeti.
сийламасса ад̇т̇ийд̇и сийлаваа. вуд̣̇д̇хам̣ вад̣дхид̇ам̣ сийламассаад̇и вуд̣̇д̇хасийлий. вуд̣̇д̇хасийлзнаад̇и вуд̣̇д̇хзна вад̣дхид̇зна сийлзна. саманнааг̇ад̇од̇и яуд̇д̇о, ид̣̇ам̣ вуд̣̇д̇хасийлийбад̣̇ассзва взважанам̣. саб̣б̣амзд̇ам̣ бан̃жасийламад̇д̇амзва санд̇хааяа вад̣̇анд̇и.
Sīlamassa atthīti sīlavā. Vuddhaṃ vaḍḍhitaṃ sīlamassāti vuddhasīlī. Vuddhasīlenāti vuddhena vaḍḍhitena sīlena. Samannāgatoti yutto, idaṃ vuddhasīlīpadasseva vevacanaṃ. Sabbametaṃ pañcasīlamattameva sandhāya vadanti.
гааляаан̣аваажод̇иаад̣̇ийсу галяаан̣аа сунд̣̇араа бариман̣д̣алабад̣̇аб̣яан̃ж̇анаа ваажаа ассаад̇и галяаан̣аваажо. галяаан̣ам̣ мад̇хурам̣ вааггаран̣ам̣ ассаад̇и галяаан̣авааггаран̣о. вааггаран̣анд̇и уд̣̇аахаран̣агхосо. г̇ун̣абарибун̣н̣абхаавзна бурз бхаваад̇и борий. бурз ваа бхавад̇д̇аа борий. нааг̇аригид̇т̇ияаа сукумаалад̇д̇анзна сад̣̇исаад̇иби борий. д̇ааяа борияаа. виссадтааяаад̇и абалиб̣уд̣̇д̇хааяа, санд̣̇идтавиламб̣ид̇аад̣̇ид̣̇осарахид̇ааяа. анзлаг̇алааяаад̇и злаг̇алзна вирахид̇ааяа. згажжасса хи гат̇знд̇асса злам̣ г̇алад̇и, лаалаа ваа баг̇гхарад̇и, кзл̣апусид̇аани ваа нигкаманд̇и, д̇асса ваажаа злаг̇алаа наама ход̇и. д̇аб̣б̣ибарид̇ааяаад̇и ад̇т̇о. ад̇т̇асса вин̃н̃аабанияаад̇иаад̣̇имаж̇жхабарияосаанам̣ баагадам̣ гад̇ваа бхаасид̇ад̇т̇асса вин̃н̃аабанасамад̇т̇ааяа. сзсамзд̇т̇а б̣раахман̣аван̣н̣з уд̇д̇аанамзва.
Kālyāṇavācotiādīsu kalyāṇā sundarā parimaṇḍalapadabyañjanā vācā assāti kalyāṇavāco. Kalyāṇaṃ madhuraṃ vākkaraṇaṃ assāti kalyāṇavākkaraṇo. Vākkaraṇanti udāharaṇaghoso. Guṇaparipuṇṇabhāvena pure bhavāti porī. Pure vā bhavattā porī. Nāgarikitthiyā sukhumālattanena sadisātipi porī. Tāya poriyā. Vissaṭṭhāyāti apalibuddhāya, sandiṭṭhavilambitādidosarahitāya. Anelagalāyāti elagalena virahitāya. Ekaccassa hi kathentassa elaṃ galati, lālā vā paggharati, kheḷaphusitāni vā nikkhamanti, tassa vācā elagalā nāma hoti. Tabbiparitāyāti attho. Atthassa viññāpaniyātiādimajjhapariyosānaṃ pākaṭaṃ katvā bhāsitatthassa viññāpanasamatthāya. Sesamettha brāhmaṇavaṇṇe uttānameva.
425. звам̣ вуд̇д̇зд̇и звам̣ д̇зхи б̣раахман̣зхи вуд̇д̇з, жан̇гий, ‘‘имз б̣раахман̣аа ад̇д̇ано ван̣н̣з вужжамаанз ад̇уссанагасад̇д̇о наама над̇т̇и, ван̣н̣амасса бхан̣ид̇ваа ниваарзссаамаад̇и ж̇аад̇иаад̣̇ийхи мама ван̣н̣ам̣ вад̣̇анд̇и, на ко бана мз яуд̇д̇ам̣ ад̇д̇ано ван̣н̣з раж̇ж̇ид̇ум̣. ханд̣̇аахам̣ зд̇зсам̣ ваад̣̇ам̣ бхинд̣̇ид̇ваа саман̣асса г̇од̇амасса маханд̇абхаавам̣ н̃аабзд̇ваа зд̇зсам̣ д̇ад̇т̇а г̇аманам̣ гаромий’’д̇и жинд̇зд̇ваа д̇зна хи, бхо, мамааби сун̣аат̇аад̇иаад̣̇имааха. д̇ад̇т̇а язби ‘‘убхад̇о суж̇аад̇о’’д̇иаад̣̇аяо ад̇д̇ано г̇ун̣зхи сад̣̇исаа г̇ун̣аа, д̇зби ‘‘го жаахам̣, гз жа саман̣асса г̇од̇амасса ж̇аад̇исамбад̇д̇иаад̣̇аяо г̇ун̣аа’’д̇и ад̇д̇ано г̇ун̣зхи уд̇д̇арид̇арзязва ман̃н̃амаано, ид̇арз бана зганд̇знзва бхаг̇авад̇о маханд̇абхаавад̣̇ийбанад̇т̇ам̣ багаасзд̇и. маяамзва арахаамаад̇и звам̣ нияамзнд̇о жзд̇т̇а ид̣̇ам̣ д̣̇ийбзд̇и – яад̣̇и г̇ун̣амаханд̇ад̇ааяа убасан̇гамид̇аб̣б̣о наама ход̇и, яат̇аа синзрум̣ убанид̇хааяа саасабо, махаасамуд̣̇д̣̇ам̣ убанид̇хааяа г̇обад̣̇агам̣, сад̇д̇асу махаасарзсу уд̣̇агам̣ убанид̇хааяа уссааваб̣инд̣̇у барид̇д̇о лаамаго, звамзвам̣ саман̣асса г̇од̇амасса ж̇аад̇исамбад̇д̇иаад̣̇аяо г̇ун̣з убанид̇хааяа амхаагам̣ г̇ун̣аа барид̇д̇аа лаамагаа, д̇асмаа маяамзва арахаама д̇ам̣ бхаванд̇ам̣ г̇од̇амам̣ д̣̇ассанааяа убасан̇гамид̇унд̇и.
425.Evaṃvutteti evaṃ tehi brāhmaṇehi vutte, caṅkī, ‘‘ime brāhmaṇā attano vaṇṇe vuccamāne atussanakasatto nāma natthi, vaṇṇamassa bhaṇitvā nivāressāmāti jātiādīhi mama vaṇṇaṃ vadanti, na kho pana me yuttaṃ attano vaṇṇe rajjituṃ. Handāhaṃ etesaṃ vādaṃ bhinditvā samaṇassa gotamassa mahantabhāvaṃ ñāpetvā etesaṃ tattha gamanaṃ karomī’’ti cintetvā tena hi, bho, mamāpi suṇāthātiādimāha. Tattha yepi ‘‘ubhato sujāto’’tiādayo attano guṇehi sadisā guṇā, tepi ‘‘ko cāhaṃ, ke ca samaṇassa gotamassa jātisampattiādayo guṇā’’ti attano guṇehi uttaritareyeva maññamāno, itare pana ekanteneva bhagavato mahantabhāvadīpanatthaṃ pakāseti. Mayameva arahāmāti evaṃ niyamento cettha idaṃ dīpeti – yadi guṇamahantatāya upasaṅkamitabbo nāma hoti, yathā sineruṃ upanidhāya sāsapo, mahāsamuddaṃ upanidhāya gopadakaṃ, sattasu mahāsaresu udakaṃ upanidhāya ussāvabindu paritto lāmako, evamevaṃ samaṇassa gotamassa jātisampattiādayo guṇe upanidhāya amhākaṃ guṇā parittā lāmakā, tasmā mayameva arahāma taṃ bhavantaṃ gotamaṃ dassanāya upasaṅkamitunti.
бхуумиг̇ад̇ан̃жа взхаасадтан̃жаад̇и зд̇т̇а рааж̇ан̇г̇ан̣з жзва уяяаанз жа суд̇хаамадтаа богкаран̣ияо сад̇д̇арад̇анабуурим̣ гад̇ваа бхуумияам̣ табид̇ам̣ д̇ханам̣ бхуумиг̇ад̇ам̣ наама, баасаад̣̇анияуухаад̣̇аяо бана буурзд̇ваа табид̇ам̣ взхаасадтам̣ наама. звам̣ д̇аава гулабарияааязна ааг̇ад̇ам̣. д̇ат̇ааг̇ад̇асса бана ж̇аад̇ад̣̇ивасзязва сан̇ко зло уббало бун̣д̣арийгод̇и жад̇д̇ааро нид̇хаяо убаг̇ад̇аа. д̇зсу сан̇ко г̇аавуд̇иго, зло ад̣дхаяож̇аниго, уббало д̇иг̇аавуд̇иго бун̣д̣арийго яож̇анигод̇и. д̇зсуби г̇ахид̇аг̇ахид̇адтаанам̣ буурад̇иязва. ид̇и бхаг̇аваа бахууд̇ам̣ хиран̃н̃асуван̣н̣ам̣ охааяа баб̣б̣аж̇ид̇од̇и взд̣̇ид̇аб̣б̣о. д̣̇ахаро ваад̇иаад̣̇ийни хздтаа вид̇т̇аарид̇аанзва.
Bhūmigatañca vehāsaṭṭhañcāti ettha rājaṅgaṇe ceva uyyāne ca sudhāmaṭṭhā pokkharaṇiyo sattaratanapūriṃ katvā bhūmiyaṃ ṭhapitaṃ dhanaṃ bhūmigataṃ nāma, pāsādaniyūhādayo pana pūretvā ṭhapitaṃ vehāsaṭṭhaṃ nāma. Evaṃ tāva kulapariyāyena āgataṃ. Tathāgatassa pana jātadivaseyeva saṅkho elo uppalo puṇḍarīkoti cattāro nidhayo upagatā. Tesu saṅkho gāvutiko, elo aḍḍhayojaniko, uppalo tigāvutiko puṇḍarīko yojanikoti. Tesupi gahitagahitaṭṭhānaṃ pūratiyeva. Iti bhagavā pahūtaṃ hiraññasuvaṇṇaṃ ohāya pabbajitoti veditabbo. Daharo vātiādīni heṭṭhā vitthāritāneva.
акуд̣̇д̣̇аавагаасод̇и зд̇т̇а бхаг̇авад̇и абаримаан̣оязва д̣̇ассанаавагаасод̇и взд̣̇ид̇аб̣б̣о. д̇ад̇рид̣̇ам̣ вад̇т̇ум̣ – рааж̇аг̇ахз гира ан̃н̃ад̇аро б̣раахман̣о ‘‘саман̣асса гира г̇од̇амасса бамаан̣ам̣ г̇ахзд̇ум̣ на саггаа’’д̇и суд̇ваа бхаг̇авад̇о бин̣д̣ааяа бависанагаалз садтихад̇т̇ам̣ взл̣ум̣ г̇ахзд̇ваа наг̇арад̣̇ваарасса б̣ахи тад̇ваа самбад̇д̇з бхаг̇авад̇и взл̣ум̣ г̇ахзд̇ваа самийбз адтааси, взл̣у бхаг̇авад̇о ж̇аан̣умад̇д̇ам̣ баабун̣и. бунад̣̇ивасз д̣̇вз взл̣уу гхадзд̇ваа самийбз адтааси , бхаг̇аваа д̣̇виннам̣ взл̣уунам̣ убари д̣̇вивзн̣умад̇д̇амзва бан̃н̃ааяамаано, ‘‘б̣раахман̣а, гим̣ гаросий’’д̇и ааха? д̇умхаагам̣ бамаан̣ам̣ г̇ан̣хаамийд̇и. ‘‘б̣раахман̣а, сажзби д̇вам̣ сагалажаггаваал̣аг̇аб̣бхам̣ буурзд̇ваа тид̇авзл̣ум̣ гхадзд̇ваа ааг̇амиссаси, нзва мз бамаан̣ам̣ г̇ахзд̇ум̣ сагкиссаси. на хи маяаа жад̇д̇аари асан̇кязяяаани габбасад̇асахассан̃жа д̇ат̇аа баарамияо буурид̇аа, яат̇аа мз баро бамаан̣ам̣ г̇ан̣хзяяа, ад̇уло б̣раахман̣а, д̇ат̇ааг̇ад̇о аббамзяяо’’д̇и вад̇ваа д̇хаммабад̣̇з г̇аат̇амааха. г̇аат̇аабарияосаанз жад̇ураасийд̇ибаан̣асахассаани амад̇ам̣ бивим̣су.
Akhuddāvakāsoti ettha bhagavati aparimāṇoyeva dassanāvakāsoti veditabbo. Tatridaṃ vatthuṃ – rājagahe kira aññataro brāhmaṇo ‘‘samaṇassa kira gotamassa pamāṇaṃ gahetuṃ na sakkā’’ti sutvā bhagavato piṇḍāya pavisanakāle saṭṭhihatthaṃ veḷuṃ gahetvā nagaradvārassa bahi ṭhatvā sampatte bhagavati veḷuṃ gahetvā samīpe aṭṭhāsi, veḷu bhagavato jāṇumattaṃ pāpuṇi. Punadivase dve veḷū ghaṭetvā samīpe aṭṭhāsi , bhagavā dvinnaṃ veḷūnaṃ upari dviveṇumattameva paññāyamāno, ‘‘brāhmaṇa, kiṃ karosī’’ti āha? Tumhākaṃ pamāṇaṃ gaṇhāmīti. ‘‘Brāhmaṇa, sacepi tvaṃ sakalacakkavāḷagabbhaṃ pūretvā ṭhitaveḷuṃ ghaṭetvā āgamissasi, neva me pamāṇaṃ gahetuṃ sakkhissasi. Na hi mayā cattāri asaṅkhyeyyāni kappasatasahassañca tathā pāramiyo pūritā, yathā me paro pamāṇaṃ gaṇheyya, atulo brāhmaṇa, tathāgato appameyyo’’ti vatvā dhammapade gāthamāha. Gāthāpariyosāne caturāsītipāṇasahassāni amataṃ piviṃsu.
абарамби вад̇т̇у – рааху гира асуринд̣̇о жад̇д̇аари яож̇анасахассаани адта жа яож̇анасад̇аани ужжо, б̣ааханд̇арамасса д̣̇ваад̣̇асаяож̇анасад̇аани, хад̇т̇ад̇алабаад̣̇ад̇алаанам̣ бут̇улад̇аа д̇ийн̣и яож̇анасад̇аани, ан̇г̇улибаб̣б̣аани бан̣н̣аасаяож̇анаани , бхамуганд̇арам̣ бан̣н̣аасаяож̇анам̣, налаадам̣ д̇ияож̇анасад̇ам̣, сийсам̣ наваяож̇анасад̇ам̣. со – ‘‘ахам̣ ужжосми, сад̇т̇аарам̣ онамид̇ваа ологзд̇ум̣ на сагкиссаамий’’д̇и на г̇ажчад̇и. со згад̣̇ивасам̣ бхаг̇авад̇о ван̣н̣ам̣ суд̇ваа ‘‘яат̇аа гат̇ан̃жа ологзссаамий’’д̇и ааг̇ад̇о. бхаг̇аваа д̇асса аж̇жхаасаяам̣ вид̣̇ид̇ваа ‘‘жад̇уусу ирияаабат̇зсу гад̇арзна д̣̇ассзмий’’д̇и жинд̇зд̇ваа ‘‘тид̇аго наама нийжоби ужжо вияа бан̃н̃ааяад̇и, нибанновасса ад̇д̇аанам̣ д̣̇ассзссаамий’’д̇и, ‘‘аананд̣̇а, г̇анд̇хагудибаривзн̣з ман̃жагам̣ бан̃н̃аабзхий’’д̇и вад̇ваа д̇ад̇т̇а сийхасзяяам̣ габбзси. рааху ааг̇анд̇ваа нибаннам̣ бхаг̇аванд̇ам̣ г̇ийвам̣ уннаамзд̇ваа набхамаж̇жхз бун̣н̣ажанд̣̇ам̣ вияа уллогзд̇и. гимид̣̇ам̣ асуринд̣̇аад̇и жа вуд̇д̇з, бхаг̇аваа онамид̇ваа ологзд̇ум̣ на сагкиссаамийд̇и на г̇ажчинд̇и. на маяаа асуринд̣̇а ад̇хомукзна баарамияо буурид̇аа, уд̣̇д̇хаг̇г̇ам̣ мз гад̇ваа д̣̇аанам̣ д̣̇иннанд̇и. д̇ам̣д̣̇ивасам̣ рааху саран̣ам̣ аг̇амааси. звам̣ бхаг̇аваа акуд̣̇д̣̇аавагаасо д̣̇ассанааяа.
Aparampi vatthu – rāhu kira asurindo cattāri yojanasahassāni aṭṭha ca yojanasatāni ucco, bāhantaramassa dvādasayojanasatāni, hatthatalapādatalānaṃ puthulatā tīṇi yojanasatāni, aṅgulipabbāni paṇṇāsayojanāni , bhamukantaraṃ paṇṇāsayojanaṃ, nalāṭaṃ tiyojanasataṃ, sīsaṃ navayojanasataṃ. So – ‘‘ahaṃ uccosmi, satthāraṃ onamitvā oloketuṃ na sakkhissāmī’’ti na gacchati. So ekadivasaṃ bhagavato vaṇṇaṃ sutvā ‘‘yathā kathañca olokessāmī’’ti āgato. Bhagavā tassa ajjhāsayaṃ viditvā ‘‘catūsu iriyāpathesu katarena dassemī’’ti cintetvā ‘‘ṭhitako nāma nīcopi ucco viya paññāyati, nipannovassa attānaṃ dassessāmī’’ti, ‘‘ānanda, gandhakuṭipariveṇe mañcakaṃ paññāpehī’’ti vatvā tattha sīhaseyyaṃ kappesi. Rāhu āgantvā nipannaṃ bhagavantaṃ gīvaṃ unnāmetvā nabhamajjhe puṇṇacandaṃ viya ulloketi. Kimidaṃ asurindāti ca vutte, bhagavā onamitvā oloketuṃ na sakkhissāmīti na gacchinti. Na mayā asurinda adhomukhena pāramiyo pūritā, uddhaggaṃ me katvā dānaṃ dinnanti. Taṃdivasaṃ rāhu saraṇaṃ agamāsi. Evaṃ bhagavā akhuddāvakāso dassanāya.
жад̇убаарисуд̣̇д̇хисийлзна сийлаваа. д̇ам̣ бана сийлам̣ арияам̣ уд̇д̇амам̣ барисуд̣̇д̇хам̣, д̇знааха арияасийлийд̇и. д̇ад̣̇зва анаваж̇ж̇адтзна гусалам̣, д̇знааха гусаласийлийд̇и. гусалзна сийлзнаад̇и ид̣̇амасса взважанам̣. б̣ахуунам̣ аажарияабаажарияод̇и бхаг̇авад̇о згзгааяа д̇хаммад̣̇зсанааяа жад̇ураасийд̇ибаан̣асахассаани абаримаан̣ааби д̣̇звамануссаа маг̇г̇апалаамад̇ам̣ биванд̇и. д̇асмаа б̣ахуунам̣ аажарияо, саавагавинзяяаанам̣ баажарияод̇и.
Catupārisuddhisīlena sīlavā. Taṃ pana sīlaṃ ariyaṃ uttamaṃ parisuddhaṃ, tenāha ariyasīlīti. Tadeva anavajjaṭṭhena kusalaṃ, tenāha kusalasīlīti. Kusalena sīlenāti idamassa vevacanaṃ. Bahūnaṃ ācariyapācariyoti bhagavato ekekāya dhammadesanāya caturāsītipāṇasahassāni aparimāṇāpi devamanussā maggaphalāmataṃ pivanti. Tasmā bahūnaṃ ācariyo, sāvakavineyyānaṃ pācariyoti.
кийн̣агаамарааг̇од̇и зд̇т̇а гаамам̣ бхаг̇авад̇о саб̣б̣зби гилзсаа кийн̣аа, б̣раахман̣о бана д̇з на ж̇аанаад̇и, ад̇д̇ано ж̇аананадтаанзязва г̇ун̣ам̣ гат̇зд̇и. виг̇ад̇ажаабаллод̇и ‘‘бад̇д̇аман̣д̣анаа жийвараман̣д̣анаа сзнаасанаман̣д̣анаа имасса ваа бууд̇игааяасса…бз… гзланаа бадигзланаа’’д̇и звам̣ вуд̇д̇ажаабаляавирахид̇о.
Khīṇakāmarāgoti ettha kāmaṃ bhagavato sabbepi kilesā khīṇā, brāhmaṇo pana te na jānāti, attano jānanaṭṭhāneyeva guṇaṃ katheti. Vigatacāpalloti ‘‘pattamaṇḍanā cīvaramaṇḍanā senāsanamaṇḍanā imassa vā pūtikāyassa…pe… kelanā paṭikelanā’’ti evaṃ vuttacāpalyavirahito.
абаабабурзгкаарод̇и абаабз навалогуд̇д̇арад̇хаммз бурад̇о гад̇ваа вижарад̇и. б̣рахман̃н̃ааяа баж̇ааяаад̇и саарибуд̇д̇амог̇г̇аллаанамахаагассабаад̣̇ибхзд̣̇ааяа б̣раахман̣абаж̇ааяа. (авируд̣̇д̇хо хи со) зд̇иссааяа баж̇ааяа бурзгкааро. аяан̃хи баж̇аа саман̣ам̣ г̇од̇амам̣ бурад̇о гад̇ваа жарад̇ийд̇и ад̇т̇о. абижа абаабабурзгкаарод̇и на баабубурзгкааро, на баабам̣ бурад̇о гад̇ваа жарад̇и, баабам̣ на ижчад̇ийд̇и ад̇т̇о. гасса? б̣рахман̃н̃ааяа баж̇ааяа ад̇д̇анаа сад̣̇д̇хим̣ бадивируд̣̇д̇хааяаби б̣раахман̣абаж̇ааяа авируд̣̇д̇хо хид̇асукад̇т̇игоязваад̇и вуд̇д̇ам̣ ход̇и.
Apāpapurekkhāroti apāpe navalokuttaradhamme purato katvā vicarati. Brahmaññāya pajāyāti sāriputtamoggallānamahākassapādibhedāya brāhmaṇapajāya. (Aviruddho hi so) etissāya pajāya purekkhāro. Ayañhi pajā samaṇaṃ gotamaṃ purato katvā caratīti attho. Apica apāpapurekkhāroti na pāpupurekkhāro, na pāpaṃ purato katvā carati, pāpaṃ na icchatīti attho. Kassa? Brahmaññāya pajāya attanā saddhiṃ paṭiviruddhāyapi brāhmaṇapajāya aviruddho hitasukhatthikoyevāti vuttaṃ hoti.
д̇ирорадтаад̇и барарадтад̇о. д̇ирож̇анабад̣̇аад̇и бараж̇анабад̣̇ад̇о. сам̣бужчид̇ум̣ ааг̇ажчанд̇ийд̇и кад̇д̇ияабан̣д̣ид̇аад̣̇аяо жзва б̣раахман̣аг̇анд̇хаб̣б̣аад̣̇аяо жа бан̃хз абхисан̇карид̇ваа бужчиссаамаад̇и ааг̇ажчанд̇и. д̇ад̇т̇а гзжи бужчааяа ваа д̣̇осам̣ виссаж̇ж̇анасамбадижчанз ваа асамад̇т̇ад̇ам̣ саллагкзд̇ваа абужчид̇ваава д̇ун̣хий нисийд̣̇анд̇и, гзжи бужчанд̇и, гзсан̃жи бхаг̇аваа бужчааяа уссаахам̣ ж̇анзд̇ваа виссаж̇ж̇зд̇и. звам̣ саб̣б̣зсамби д̇зсам̣ вимад̇ияо д̇ийрам̣ бад̇ваа махаасамуд̣̇д̣̇асса уумияо вияа бхаг̇аванд̇ам̣ бад̇ваава бхиж̇ж̇анд̇и. сзсамзд̇т̇а д̇ат̇ааг̇ад̇асса ван̣н̣з уд̇д̇аанамзва.
Tiroraṭṭhāti pararaṭṭhato. Tirojanapadāti parajanapadato. Saṃpucchituṃ āgacchantīti khattiyapaṇḍitādayo ceva brāhmaṇagandhabbādayo ca pañhe abhisaṅkharitvā pucchissāmāti āgacchanti. Tattha keci pucchāya vā dosaṃ vissajjanasampaṭicchane vā asamatthataṃ sallakkhetvā apucchitvāva tuṇhī nisīdanti, keci pucchanti, kesañci bhagavā pucchāya ussāhaṃ janetvā vissajjeti. Evaṃ sabbesampi tesaṃ vimatiyo tīraṃ patvā mahāsamuddassa ūmiyo viya bhagavantaṃ patvāva bhijjanti. Sesamettha tathāgatassa vaṇṇe uttānameva.
ад̇ит̇ий но д̇з хонд̇ийд̇и д̇з амхаагам̣ ааг̇анд̇угаа навагаа баахунагаа хонд̇ийд̇и ад̇т̇о. барияаабун̣аамийд̇и ж̇аанаами. абаримаан̣аван̣н̣од̇и д̇ат̇ааруубзнзва саб̣б̣ан̃н̃унааби аббамзяяаван̣н̣о, баг̇зва маад̣̇исзнаад̇и д̣̇ассзд̇и. вуд̇д̇амби жзд̇ам̣ –
Atithī no te hontīti te amhākaṃ āgantukā navakā pāhunakā hontīti attho. Pariyāpuṇāmīti jānāmi. Aparimāṇavaṇṇoti tathārūpeneva sabbaññunāpi appameyyavaṇṇo, pageva mādisenāti dasseti. Vuttampi cetaṃ –
‘‘б̣уд̣̇д̇хоби б̣уд̣̇д̇хасса бхан̣зяяа ван̣н̣ам̣,
‘‘Buddhopi buddhassa bhaṇeyya vaṇṇaṃ,
габбамби жз ан̃н̃амабхаасамаано;
Kappampi ce aññamabhāsamāno;
кийязт̇а габбо жирад̣̇ийгхаманд̇арз,
Khīyetha kappo ciradīghamantare,
ван̣н̣о на кийязт̇а д̇ат̇ааг̇ад̇ассаа’’д̇и.
Vaṇṇo na khīyetha tathāgatassā’’ti.
имам̣ бана г̇ун̣агат̇ам̣ суд̇ваа д̇з б̣раахман̣аа жинд̇аяим̣су ‘‘яат̇аа, жан̇гий, саман̣асса г̇од̇амасса ван̣н̣ам̣ бхаасад̇и, аномаг̇ун̣о со бхавам̣ г̇од̇амо, звам̣ д̇асса г̇ун̣з ж̇аанамаанзна ко бана иминаа ад̇ижирам̣ ад̇хиваасид̇ам̣, ханд̣̇а нам̣ анувад̇д̇аамаа’’д̇и анувад̇д̇амаанаа ‘‘д̇зна хи, бхо’’д̇иаад̣̇имаахам̣су.
Imaṃ pana guṇakathaṃ sutvā te brāhmaṇā cintayiṃsu ‘‘yathā, caṅkī, samaṇassa gotamassa vaṇṇaṃ bhāsati, anomaguṇo so bhavaṃ gotamo, evaṃ tassa guṇe jānamānena kho pana iminā aticiraṃ adhivāsitaṃ, handa naṃ anuvattāmā’’ti anuvattamānā ‘‘tena hi, bho’’tiādimāhaṃsu.
426. обаад̇зд̇ийд̇и бавзсзд̇и. сам̣бурзгкаронд̇ийд̇и буд̇д̇амад̇д̇анад̇д̇амад̇д̇амби самаанам̣ бурад̇о гад̇ваа вижаранд̇и.
426.Opātetīti paveseti. Saṃpurekkharontīti puttamattanattamattampi samānaṃ purato katvā vicaranti.
427. манд̇абад̣̇анд̇и манд̇ааязва манд̇абад̣̇ам̣, взд̣̇од̇и ад̇т̇о. ид̇ихид̇иха барамбарааяаад̇и звам̣ гира звам̣ гираад̇и барамбарабхаавзна ааг̇ад̇анд̇и д̣̇ийбзд̇и. бидагасамбад̣̇ааяаад̇и бааважанасан̇каад̇асамбад̇д̇ияаа. саавид̇д̇иаад̣̇ийхи чанд̣̇аб̣анд̇хзхи жа ваг̇г̇аб̣анд̇хзхи жа самбаад̣̇зд̇ваа ааг̇ад̇анд̇и д̣̇ассзд̇и. д̇ад̇т̇а жаад̇и д̇асмим̣ манд̇абад̣̇з. бавад̇д̇аарод̇и бавад̇д̇аяид̇ааро. язсанд̇и язсам̣ санд̇агам̣. манд̇абад̣̇анд̇и взд̣̇асан̇каад̇ам̣ манд̇амзва. г̇ийд̇анд̇и адтагаад̣̇ийхи д̣̇асахи бораан̣агаб̣раахман̣зхи бад̣̇асамбад̇д̇ивасзна саж̇жхааяид̇ам̣. бавуд̇д̇анд̇и ан̃н̃зсам̣ вуд̇д̇ам̣, ваажид̇анд̇и ад̇т̇о. самихид̇анд̇и самубаб̣яуул̣хам̣ раасигад̇ам̣, бин̣д̣ам̣ гад̇ваа табид̇анд̇и ад̇т̇о. д̇ад̣̇ануг̇ааяанд̇ийд̇и зд̇арахи б̣раахман̣аа д̇ам̣ д̇зхи буб̣б̣з г̇ийд̇ам̣ ануг̇ааяанд̇и анусаж̇жхааяанд̇и ваад̣̇знд̇и. д̇ад̣̇анубхаасанд̇ийд̇и д̇ам̣ анубхаасанд̇и, ид̣̇ам̣ буримассзва взважанам̣. бхаасид̇аманубхаасанд̇ийд̇и д̇зхи бхаасид̇ам̣ саж̇жхааяид̇ам̣ анусаж̇жхааяанд̇и. ваажид̇амануваажзнд̇ийд̇и д̇зхи ан̃н̃зсам̣ ваажид̇ам̣ ануваажзнд̇и. сзяяат̇ид̣̇анд̇и д̇з гад̇амзд̇и ад̇т̇о. адтагод̇иаад̣̇ийни д̇зсам̣ наамаани, д̇з гира д̣̇иб̣б̣зна жагкунаа ологзд̇ваа баруубагхаад̇ам̣ агад̇ваа гассабасаммаасамб̣уд̣̇д̇хасса бхаг̇авад̇о бааважанзна саха сам̣санд̣̇зд̇ваа манд̇з г̇ант̇зсум̣, абараабарз бана б̣раахман̣аа баан̣аад̇ибаад̇аад̣̇ийни багкибид̇ваа д̇аяо взд̣̇з бхинд̣̇ид̇ваа б̣уд̣̇д̇хаважанзна сад̣̇д̇хим̣ вируд̣̇д̇хз агам̣су.
427.Mantapadanti mantāyeva mantapadaṃ, vedoti attho. Itihitiha paramparāyāti evaṃ kira evaṃ kirāti paramparabhāvena āgatanti dīpeti. Piṭakasampadāyāti pāvacanasaṅkhātasampattiyā. Sāvittiādīhi chandabandhehi ca vaggabandhehi ca sampādetvā āgatanti dasseti. Tattha cāti tasmiṃ mantapade. Pavattāroti pavattayitāro. Yesanti yesaṃ santakaṃ. Mantapadanti vedasaṅkhātaṃ mantameva. Gītanti aṭṭhakādīhi dasahi porāṇakabrāhmaṇehi padasampattivasena sajjhāyitaṃ. Pavuttanti aññesaṃ vuttaṃ, vācitanti attho. Samihitanti samupabyūḷhaṃ rāsikataṃ, piṇḍaṃ katvā ṭhapitanti attho. Tadanugāyantīti etarahi brāhmaṇā taṃ tehi pubbe gītaṃ anugāyanti anusajjhāyanti vādenti. Tadanubhāsantīti taṃ anubhāsanti, idaṃ purimasseva vevacanaṃ. Bhāsitamanubhāsantīti tehi bhāsitaṃ sajjhāyitaṃ anusajjhāyanti. Vācitamanuvācentīti tehi aññesaṃ vācitaṃ anuvācenti. Seyyathidanti te katameti attho. Aṭṭhakotiādīni tesaṃ nāmāni, te kira dibbena cakkhunā oloketvā parūpaghātaṃ akatvā kassapasammāsambuddhassa bhagavato pāvacanena saha saṃsandetvā mante ganthesuṃ, aparāpare pana brāhmaṇā pāṇātipātādīni pakkhipitvā tayo vede bhinditvā buddhavacanena saddhiṃ viruddhe akaṃsu.
428. анд̇хавзн̣ийд̇и анд̇хабавзн̣ий. згзна хи жагкумад̇аа г̇ахид̇аяадтияаа годим̣ зго анд̇хо г̇ан̣хаад̇и, д̇ам̣ анд̇хам̣ ан̃н̃о, д̇ам̣ ан̃н̃од̇и звам̣ бан̣н̣ааса садти анд̇хаа бадибаадияаа гхадид̇аа анд̇хавзн̣ийд̇и вужжад̇и. барамбараасам̣сад̇д̇аад̇и ан̃н̃аман̃н̃ам̣ лаг̇г̇аа, яадтиг̇г̇аахагзнаби жагкумад̇аа вирахид̇аад̇и ад̇т̇о. зго гира д̇худ̇д̇о анд̇хаг̇ан̣ам̣ д̣̇исваа ‘‘асугасмим̣ наама г̇аамз каж̇ж̇абхож̇ж̇ам̣ сулабха’’нд̇и уссаахзд̇ваа д̇зхи ‘‘д̇ад̇т̇а но саами нзхи, ид̣̇ам̣ наама д̇з д̣̇змаа’’д̇и вуд̇д̇з лан̃ж̇ам̣ г̇ахзд̇ваа анд̇араамаг̇г̇з маг̇г̇аа оггамма маханд̇ам̣ г̇ажчам̣ анубариг̇анд̇ваа буримасса хад̇т̇зна бажчимасса гажчам̣ г̇ан̣хаабзд̇ваа ‘‘гин̃жи гаммам̣ ад̇т̇и, г̇ажчат̇а д̇аава д̇умхз’’д̇и вад̇ваа балааяи. д̇з д̣̇ивасамби г̇анд̇ваа маг̇г̇ам̣ авинд̣̇амаанаа ‘‘гахам̣, бхо, жагкумаа гахам̣ маг̇г̇о’’д̇и барид̣̇звид̇ваа маг̇г̇ам̣ авинд̣̇амаанаа д̇ад̇т̇зва марим̣су. д̇з санд̇хааяа вуд̇д̇ам̣ ‘‘барамбараасам̣сад̇д̇аа’’д̇и. буримобийд̇и буримзсу д̣̇асасу б̣раахман̣зсу згоби. маж̇жхимобийд̇и маж̇жхз аажарияабаажариязсу згоби. бажчимобийд̇и ид̣̇аани б̣раахман̣зсу згоби.
428.Andhaveṇīti andhapaveṇī. Ekena hi cakkhumatā gahitayaṭṭhiyā koṭiṃ eko andho gaṇhāti, taṃ andhaṃ añño, taṃ aññoti evaṃ paṇṇāsa saṭṭhi andhā paṭipāṭiyā ghaṭitā andhaveṇīti vuccati. Paramparāsaṃsattāti aññamaññaṃ laggā, yaṭṭhiggāhakenapi cakkhumatā virahitāti attho. Eko kira dhutto andhagaṇaṃ disvā ‘‘asukasmiṃ nāma gāme khajjabhojjaṃ sulabha’’nti ussāhetvā tehi ‘‘tattha no sāmi nehi, idaṃ nāma te demā’’ti vutte lañjaṃ gahetvā antarāmagge maggā okkamma mahantaṃ gacchaṃ anuparigantvā purimassa hatthena pacchimassa kacchaṃ gaṇhāpetvā ‘‘kiñci kammaṃ atthi, gacchatha tāva tumhe’’ti vatvā palāyi. Te divasampi gantvā maggaṃ avindamānā ‘‘kahaṃ, bho, cakkhumā kahaṃ maggo’’ti paridevitvā maggaṃ avindamānā tattheva mariṃsu. Te sandhāya vuttaṃ ‘‘paramparāsaṃsattā’’ti. Purimopīti purimesu dasasu brāhmaṇesu ekopi. Majjhimopīti majjhe ācariyapācariyesu ekopi. Pacchimopīti idāni brāhmaṇesu ekopi.
бан̃жа код̇и баал̣иааг̇ад̇зсу д̣̇вийсу ан̃н̃зби зваруубз д̇аяо багкибид̇ваа вад̣̇ад̇и. д̣̇взд̇хаавибаагаад̇и бхууд̇авибаагаа ваа абхууд̇авибаагаа ваа. нааламзд̇т̇аад̇и, бхаарад̣̇вааж̇а, сажжам̣ анурагкиссаамийд̇и бадибаннзна вин̃н̃унаа ‘‘яам̣ маяаа г̇ахид̇ам̣, ид̣̇амзва сажжам̣ могхаман̃н̃а’’нд̇и зд̇т̇а згам̣сзнзва нидтам̣ г̇анд̇ум̣ наалам̣ на яуд̇д̇анд̇и убари бужчааяа маг̇г̇ам̣ виварид̇ваа табзси.
Pañcakhoti pāḷiāgatesu dvīsu aññepi evarūpe tayo pakkhipitvā vadati. Dvedhāvipākāti bhūtavipākā vā abhūtavipākā vā. Nālametthāti, bhāradvāja, saccaṃ anurakkhissāmīti paṭipannena viññunā ‘‘yaṃ mayā gahitaṃ, idameva saccaṃ moghamañña’’nti ettha ekaṃseneva niṭṭhaṃ gantuṃ nālaṃ na yuttanti upari pucchāya maggaṃ vivaritvā ṭhapesi.
430. ид̇ха, бхаарад̣̇вааж̇а, бхигкууд̇и ж̇ийвагасуд̇д̇з (ма. ни. 2.51 аад̣̇аяо) вияа махааважчасуд̇д̇з (ма. ни. 2.193 аад̣̇аяо) вияа жа ад̇д̇аанан̃н̃зва санд̇хааяа вад̣̇ад̇и. лобханийязсу д̇хаммзсууд̇и лобхад̇хаммзсу. сзсабад̣̇ад̣̇ваязби зсзва наяо.
430.Idha, bhāradvāja, bhikkhūti jīvakasutte (ma. ni. 2.51 ādayo) viya mahāvacchasutte (ma. ni. 2.193 ādayo) viya ca attānaññeva sandhāya vadati. Lobhanīyesu dhammesūti lobhadhammesu. Sesapadadvayepi eseva nayo.
432. сад̣̇д̇хам̣ нивзсзд̇ийд̇и огаббанияасад̣̇д̇хам̣ нивзсзд̇и. убасан̇гамад̇ийд̇и убаг̇ажчад̇и. баяирубаасад̇ийд̇и санд̇игз нисийд̣̇ад̇и. сод̇анд̇и басаад̣̇асод̇ам̣ од̣̇ахад̇и. д̇хамманд̇и д̣̇зсанаад̇хаммам̣ сун̣аад̇и. д̇хаарзд̇ийд̇и баг̇ун̣ам̣ гад̇ваа д̇хаарзд̇и. убабаригкад̇ийд̇и ад̇т̇ад̇о жа гааран̣ад̇о жа виймам̣сад̇и. ниж̇жхаанам̣ каманд̇ийд̇и ологанам̣ каманд̇и, ид̇ха сийлам̣ гат̇ид̇ам̣, ид̇ха самаад̇хийд̇и звам̣ убадтаханд̇ийд̇и ад̇т̇о. чанд̣̇од̇и гад̇д̇угамяад̇аа чанд̣̇о. уссахад̇ийд̇и вааяамад̇и. д̇улзд̇ийд̇и анижжаад̣̇ивасзна д̇ийрзд̇и. бад̣̇ахад̇ийд̇и маг̇г̇абад̇хаанам̣ бад̣̇ахад̇и. гааязна жзва барамасажжанд̇и сахаж̇аад̇анаамагааязна жа ниб̣б̣аанам̣ сажчигарод̇и, бан̃н̃ааяа жа гилзсз ниб̣б̣иж̇жхид̇ваа д̇ад̣̇зва вибхууд̇ам̣ баагадам̣ гаронд̇о бассад̇и.
432.Saddhaṃ nivesetīti okappaniyasaddhaṃ niveseti. Upasaṅkamatīti upagacchati. Payirupāsatīti santike nisīdati. Sotanti pasādasotaṃ odahati. Dhammanti desanādhammaṃ suṇāti. Dhāretīti paguṇaṃ katvā dhāreti. Upaparikkhatīti atthato ca kāraṇato ca vīmaṃsati. Nijjhānaṃ khamantīti olokanaṃ khamanti, idha sīlaṃ kathitaṃ, idha samādhīti evaṃ upaṭṭhahantīti attho. Chandoti kattukamyatā chando. Ussahatīti vāyamati. Tuletīti aniccādivasena tīreti. Padahatīti maggapadhānaṃ padahati. Kāyena ceva paramasaccanti sahajātanāmakāyena ca nibbānaṃ sacchikaroti, paññāya ca kilese nibbijjhitvā tadeva vibhūtaṃ pākaṭaṃ karonto passati.
433. сажжаануб̣од̇ход̇и маг̇г̇аануб̣од̇хо. сажжаануббад̇д̇ийд̇и паласажчигирияаа. д̇зсам̣язваад̇и хздтаа вуд̇д̇аанам̣ д̣̇ваад̣̇асаннам̣, звам̣ д̣̇ийгхам̣ маг̇г̇аваад̣̇ам̣ ануломзд̇и, д̇асмаа нааяамад̇т̇о. аяам̣ банзд̇т̇а ад̇т̇о – д̇зсам̣язваад̇и д̇зсам̣ маг̇г̇асамбаяуд̇д̇ад̇хаммаанам̣. бад̇хаананд̇и маг̇г̇абад̇хаанам̣. д̇ан̃хи паласажчигирияасан̇каад̇ааяа сажжаануббад̇д̇ияаа б̣ахугаарам̣, маг̇г̇з асад̇и палаабхаавад̇од̇и. иминаа наязна саб̣б̣абад̣̇зсу ад̇т̇о взд̣̇ид̇аб̣б̣о. сзсам̣ саб̣б̣ад̇т̇а уд̇д̇аанамзваад̇и.
433.Saccānubodhoti maggānubodho. Saccānuppattīti phalasacchikiriyā. Tesaṃyevāti heṭṭhā vuttānaṃ dvādasannaṃ, evaṃ dīghaṃ maggavādaṃ anulometi, tasmā nāyamattho. Ayaṃ panettha attho – tesaṃyevāti tesaṃ maggasampayuttadhammānaṃ. Padhānanti maggapadhānaṃ. Tañhi phalasacchikiriyasaṅkhātāya saccānuppattiyā bahukāraṃ, magge asati phalābhāvatoti. Iminā nayena sabbapadesu attho veditabbo. Sesaṃ sabbattha uttānamevāti.
бабан̃жасууд̣̇анияаа маж̇жхиманигааяадтагат̇ааяа
Papañcasūdaniyā majjhimanikāyaṭṭhakathāya
жан̇гийсуд̇д̇аван̣н̣анаа нидтид̇аа.
Caṅkīsuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 5. жан̇гийсуд̇д̇ам̣ • 5. Caṅkīsuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 5. жан̇гийсуд̇д̇аван̣н̣анаа • 5. Caṅkīsuttavaṇṇanā
