| Library / Tipiṭaka / д̇ибидага • Tipiṭaka / маж̇жхиманигааяа (дийгаа) • Majjhimanikāya (ṭīkā) |
5. жан̇гийсуд̇д̇аван̣н̣анаа
5. Caṅkīsuttavaṇṇanā
422. д̇асминд̇и саалаванз. уд̇д̇арзна обаасаад̣̇анд̇и обаасаад̣̇аг̇аамасса уд̇д̇арад̣̇исааяам̣. уд̇д̇арзнаад̇и зна-сад̣̇д̣̇аяог̇зна хи обаасаад̣̇анд̇и убаяог̇аважанам̣. аж̇жхаавасад̇ийд̇и зд̇т̇а ад̇хи-аа-сад̣̇д̣̇аанам̣ анад̇т̇анд̇арад̇ам̣ хад̣̇аяз гад̇ваа ааха ‘‘васад̇ий’’д̇и. ид̣̇аани д̇зсам̣ ад̇т̇ависзсабхаавид̇ам̣ д̣̇ассзнд̇о ‘‘абхибхавид̇ваа ваа аавасад̇ий’’д̇иаад̣̇имааха. зд̇т̇аад̇и обаасаад̣̇абад̣̇з. сад̇д̇уссад̣̇анд̇иаад̣̇ийсу бана гат̇анд̇и ааха – ‘‘д̇асса ануббаяог̇ад̇д̇аава сзсабад̣̇зсуу’’д̇и. уба-ану-ад̇хи-ид̇и-звам̣-буб̣б̣агз васанагирияаяаадтаанз убаяог̇аважанамзва баабун̣аад̇ийд̇и сад̣̇д̣̇авид̣̇уу ижчанд̇ийд̇и ааха ‘‘лагкан̣ам̣ сад̣̇д̣̇асад̇т̇ад̇о бариязсид̇аб̣б̣а’’нд̇и. д̇ат̇аа хи вуд̇д̇ам̣ ‘‘убасаг̇г̇авасзна банзд̇т̇а бхуммад̇т̇з убаяог̇аважанам̣ взд̣̇ид̇аб̣б̣а’’нд̇и. уссад̣̇ад̇аа наамзд̇т̇а б̣ахулад̇аад̇и д̇ам̣ б̣ахулад̇ам̣ д̣̇ассзд̇ум̣ ‘‘б̣ахуж̇ана’’нд̇иаад̣̇и вуд̇д̇ам̣. ааваж̇ж̇ид̇ваад̇и баригкибид̇ваа.
422.Tasminti sālavane. Uttarena opāsādanti opāsādagāmassa uttaradisāyaṃ. Uttarenāti ena-saddayogena hi opāsādanti upayogavacanaṃ. Ajjhāvasatīti ettha adhi-ā-saddānaṃ anatthantarataṃ hadaye katvā āha ‘‘vasatī’’ti. Idāni tesaṃ atthavisesabhāvitaṃ dassento ‘‘abhibhavitvā vā āvasatī’’tiādimāha. Etthāti opāsādapade. Sattussadantiādīsu pana kathanti āha – ‘‘tassa anuppayogattāva sesapadesū’’ti. Upa-anu-adhi-iti-evaṃ-pubbake vasanakiriyayāṭṭhāne upayogavacanameva pāpuṇātīti saddavidū icchantīti āha ‘‘lakkhaṇaṃ saddasatthato pariyesitabba’’nti. Tathā hi vuttaṃ ‘‘upasaggavasena panettha bhummatthe upayogavacanaṃ veditabba’’nti. Ussadatā nāmettha bahulatāti taṃ bahulataṃ dassetuṃ ‘‘bahujana’’ntiādi vuttaṃ. Āvajjitvāti parikkhipitvā.
ран̃н̃аа вияа бхун̃ж̇ид̇аб̣б̣анд̇и ваа рааж̇абхог̇г̇ам̣. ран̃н̃о д̣̇ааяабхууд̇анд̇и гулабарамбарааяа бхог̇г̇абхаавзна ран̃н̃аа лад̣̇д̇хад̣̇ааяабхууд̇ам̣. д̇знааха ‘‘д̣̇ааяаж̇ж̇анд̇и ад̇т̇о’’д̇и. рааж̇анийхаарзна барибхун̃ж̇ид̇аб̣б̣ад̇о уд̣̇д̇хам̣ барибхог̇алаабхасса сздтад̣̇зяяад̇аа наама над̇т̇ийд̇и ааха – ‘‘чад̇д̇ам̣ уссаабзд̇ваа рааж̇асан̇кзбзна барибхун̃ж̇ид̇аб̣б̣а’’нд̇и. д̇ид̇т̇абаб̣б̣ад̇аад̣̇ийсууд̇и над̣̇ийд̇ид̇т̇абаб̣б̣ад̇абаад̣̇аг̇аамад̣̇ваараадавиймукаад̣̇ийсу. ниссадтабарижжад̇д̇анд̇и муд̇д̇ажааг̇авасзна барижжад̇д̇ам̣ гад̇ваа. зд̇зсам̣ б̣раахман̣аг̇ахабад̇игаанам̣.
Raññā viya bhuñjitabbanti vā rājabhoggaṃ. Rañño dāyabhūtanti kulaparamparāya bhoggabhāvena raññā laddhadāyabhūtaṃ. Tenāha ‘‘dāyajjanti attho’’ti. Rājanīhārena paribhuñjitabbato uddhaṃ paribhogalābhassa seṭṭhadeyyatā nāma natthīti āha – ‘‘chattaṃ ussāpetvā rājasaṅkhepena paribhuñjitabba’’nti. Titthapabbatādīsūti nadītitthapabbatapādagāmadvāraaṭavīmukhādīsu. Nissaṭṭhapariccattanti muttacāgavasena pariccattaṃ katvā. Etesaṃ brāhmaṇagahapatikānaṃ.
423. д̇и саннибад̇ид̇аа. яо гожи вин̃н̃уунам̣ ижчид̇о бан̃хо, д̇асса бужчид̇асса яаат̇аавад̇о гат̇анасамад̇т̇о бужчид̇абан̃хаб̣яаагаран̣асамад̇т̇о.гулаабад̣̇зсаад̣̇инаа махад̇ий мад̇д̇аа зд̇ассаад̇и махаамад̇д̇о.
423. Ti sannipatitā. Yo koci viññūnaṃ icchito pañho, tassa pucchitassa yāthāvato kathanasamattho pucchitapañhabyākaraṇasamattho.Kulāpadesādinā mahatī mattā etassāti mahāmatto.
424. д̇зд̇и ‘‘наанаавзраж̇ж̇агаа’’д̇и вуд̇д̇аб̣раахман̣аа. ‘‘убхад̇о суж̇аад̇о’’д̇и (д̣̇ий. ни. дий. 1.303; а. ни. дий. 3.5.134) зд̇д̇агз вуд̇д̇з язхи гзхижи д̣̇вийхи бхааг̇зхи суж̇аад̇ад̇аа вин̃н̃ааязяяа, суж̇аад̇асад̣̇д̣̇о жа ‘‘суж̇аад̇о жааруд̣̇ассано’’д̇иаад̣̇ийсу (ма. ни. 2.399; су. ни. 553; т̇зраг̇аа. 818) аарохабарин̣аахасамбад̇д̇ибарияааяод̇и ж̇аад̇ивасзнзва суж̇аад̇ад̇ам̣ вибхаавзд̇ум̣ ‘‘маад̇ид̇о жа бид̇ид̇о жаа’’д̇и вуд̇д̇ам̣. анорасабуд̇д̇авасзнаби логз маад̇убид̇усаман̃н̃аа д̣̇иссад̇и, ид̇ха банасса орасабуд̇д̇авасзнзва ижчийяад̇ийд̇и д̣̇ассзд̇ум̣ ‘‘сам̣суд̣̇д̇хаг̇ахан̣ийго’’д̇и вуд̇д̇ам̣. бид̇аа жа маад̇аа жа бид̇аро, бид̇уунам̣ бид̇аро бид̇аамахаа, д̇зсам̣ яуг̇о бид̇аамахаяуг̇о, д̇асмаа яаава сад̇д̇амаа бид̇аамахаяуг̇аад̇и звамзд̇т̇а ад̇т̇о д̣̇адтаб̣б̣о. яуг̇асад̣̇д̣̇о жзд̇т̇а згасзсанаязна д̣̇адтаб̣б̣о ‘‘яуг̇о жа яуг̇о жа яуг̇аа’’д̇и. зван̃хи д̇ад̇т̇а д̇ад̇т̇а д̣̇виннам̣ г̇ахид̇амзва ход̇и. д̇знааха – ‘‘д̇ад̇о уд̣̇д̇хам̣ саб̣б̣зби буб̣б̣абурисаа бид̇аамахаг̇г̇ахан̣знзва г̇ахид̇аа’’д̇и. бурисаг̇г̇ахан̣ан̃жзд̇т̇а уггадтанид̣̇д̣̇зсавасзна гад̇анд̇и д̣̇адтаб̣б̣ам̣. зван̃хи ‘‘маад̇ид̇о’’д̇и баал̣иважанам̣ самад̇т̇ид̇ам̣ ход̇и. агкид̇д̇од̇и аббад̇д̇акзбо. анавагкид̇д̇од̇и сад̣̇д̇хат̇аалибаагаад̣̇ийсу на авагкид̇д̇о. ж̇аад̇иваад̣̇знаад̇и хзд̇умхи гаран̣аважананд̇и д̣̇ассзд̇ум̣ ‘‘гзна гааран̣знаа’’д̇иаад̣̇и вуд̇д̇ам̣. зд̇т̇а жа убхад̇о…бз… бид̇аамахаяуг̇аад̇и зд̇зна б̣раахман̣асса яонид̣̇осаабхааво д̣̇ассид̇о сам̣суд̣̇д̇хаг̇ахан̣игабхаавагид̇д̇анад̇о. агкид̇д̇од̇и иминаа гирияаабараад̇хаабхааво. гирияаабараад̇хзна хи сад̇д̇аа кзбам̣ баабун̣анд̇и. анубагудтод̇и иминаа аяуд̇д̇асам̣саг̇г̇аабхааво. аяуд̇д̇асам̣саг̇г̇амби хи бадижжа сад̇д̇аа аггосам̣ лабханд̇и.
424.Teti ‘‘nānāverajjakā’’ti vuttabrāhmaṇā. ‘‘Ubhato sujāto’’ti (dī. ni. ṭī. 1.303; a. ni. ṭī. 3.5.134) ettake vutte yehi kehici dvīhi bhāgehi sujātatā viññāyeyya, sujātasaddo ca ‘‘sujāto cārudassano’’tiādīsu (ma. ni. 2.399; su. ni. 553; theragā. 818) ārohapariṇāhasampattipariyāyoti jātivaseneva sujātataṃ vibhāvetuṃ ‘‘mātito ca pitito cā’’ti vuttaṃ. Anorasaputtavasenapi loke mātupitusamaññā dissati, idha panassa orasaputtavaseneva icchīyatīti dassetuṃ ‘‘saṃsuddhagahaṇīko’’ti vuttaṃ. Pitā ca mātā ca pitaro, pitūnaṃ pitaro pitāmahā, tesaṃ yugo pitāmahayugo, tasmā yāva sattamā pitāmahayugāti evamettha attho daṭṭhabbo. Yugasaddo cettha ekasesanayena daṭṭhabbo ‘‘yugo ca yugo ca yugā’’ti. Evañhi tattha tattha dvinnaṃ gahitameva hoti. Tenāha – ‘‘tato uddhaṃ sabbepi pubbapurisā pitāmahaggahaṇeneva gahitā’’ti. Purisaggahaṇañcettha ukkaṭṭhaniddesavasena katanti daṭṭhabbaṃ. Evañhi ‘‘mātito’’ti pāḷivacanaṃ samatthitaṃ hoti. Akkhittoti appattakhepo. Anavakkhittoti saddhathālipākādīsu na avakkhitto. Jātivādenāti hetumhi karaṇavacananti dassetuṃ ‘‘kena kāraṇenā’’tiādi vuttaṃ. Ettha ca ubhato…pe… pitāmahayugāti etena brāhmaṇassa yonidosābhāvo dassito saṃsuddhagahaṇikabhāvakittanato. Akkhittoti iminā kiriyāparādhābhāvo. Kiriyāparādhena hi sattā khepaṃ pāpuṇanti. Anupakuṭṭhoti iminā ayuttasaṃsaggābhāvo. Ayuttasaṃsaggampi hi paṭicca sattā akkosaṃ labhanti.
иссарод̇и ад̇хибад̇зяяасам̣вад̇д̇анияагаммапалзна ийсанасийло. саа банасса иссарад̇аа вибхавасамбад̇д̇ибажжаяаа баагадаа ж̇аад̇аад̇и ад̣дхад̇аабарияааяабхаавзна вад̣̇анд̇о ‘‘ад̣дход̇и иссаро’’д̇и ааха. маханд̇ам̣ д̇ханамасса бхуумиг̇ад̇ан̃жзва взхаасадтан̃жаад̇и махад̣̇д̇хано. д̇ассаад̇и д̇асса д̇асса. вад̣̇анд̇и ‘‘анваяад̇о б̣яад̇ирзгад̇о жа анубасан̇гаманагааран̣ам̣ гид̇д̇змаа’’д̇и.
Issaroti adhipateyyasaṃvattaniyakammaphalena īsanasīlo. Sā panassa issaratā vibhavasampattipaccayā pākaṭā jātāti aḍḍhatāpariyāyabhāvena vadanto ‘‘aḍḍhoti issaro’’ti āha. Mahantaṃ dhanamassa bhūmigatañceva vehāsaṭṭhañcāti mahaddhano. Tassāti tassa tassa. Vadanti ‘‘anvayato byatirekato ca anupasaṅkamanakāraṇaṃ kittemā’’ti.
ад̇хигаруубод̇и висидтаруубо уд̇д̇амасарийро. д̣̇ассанам̣ арахад̇ийд̇и д̣̇ассанийяо. д̇знааха ‘‘д̣̇ассанаяог̇г̇о’’д̇и. басаад̣̇ам̣ аавахад̇ийд̇и баасаад̣̇иго. д̇знааха ‘‘жид̇д̇абасаад̣̇аж̇ананад̇о’’д̇и. ван̣н̣ассаад̇и ван̣н̣ад̇хаад̇уяаа . сарийранд̇и саннивзсависидто гаражаран̣аг̇ийваасийсаад̣̇и аваяавасамуд̣̇ааяо, со жа сан̣таанамукзна г̇аяхад̇ийд̇и ‘‘барамааяа ван̣н̣абогкарад̇ааяаад̇и барамааяа…бз… самбад̇д̇ияаа жаа’’д̇и вуд̇д̇ам̣. саб̣б̣аван̣н̣зсу суван̣н̣аван̣н̣ова уд̇д̇амод̇и вуд̇д̇ам̣ ‘‘сздтзна суван̣н̣аван̣н̣зна саманнааг̇ад̇о’’д̇и. д̇ат̇аа хи б̣уд̣̇д̇хаа жаггавад̇д̇ино жа суван̣н̣аван̣н̣аава хонд̇и. б̣рахмаважчасийд̇и уд̇д̇амасарийраабхо суван̣н̣аабход̇и ад̇т̇о. имамзва хи ад̇т̇ам̣ санд̇хааяааха ‘‘махааб̣рахмуно сарийрасад̣̇исзна сарийрзна саманнааг̇ад̇о’’д̇и. на б̣рахмуж̇уг̇ад̇д̇ад̇ам̣. акуд̣̇д̣̇аавагаасо д̣̇ассанааяаад̇и аарохабарин̣аахасамбад̇д̇ияаа аваяавабаарибуурияаа жа д̣̇ассанааяа огаасо на куд̣̇д̣̇аго. д̇знааха ‘‘саб̣б̣аанзваа’’д̇иаад̣̇и.
Adhikarūpoti visiṭṭharūpo uttamasarīro. Dassanaṃ arahatīti dassanīyo. Tenāha ‘‘dassanayoggo’’ti. Pasādaṃ āvahatīti pāsādiko. Tenāha ‘‘cittapasādajananato’’ti. Vaṇṇassāti vaṇṇadhātuyā . Sarīranti sannivesavisiṭṭho karacaraṇagīvāsīsādi avayavasamudāyo, so ca saṇṭhānamukhena gayhatīti ‘‘paramāya vaṇṇapokkharatāyāti paramāya…pe… sampattiyā cā’’ti vuttaṃ. Sabbavaṇṇesu suvaṇṇavaṇṇova uttamoti vuttaṃ ‘‘seṭṭhena suvaṇṇavaṇṇena samannāgato’’ti. Tathā hi buddhā cakkavattino ca suvaṇṇavaṇṇāva honti. Brahmavacchasīti uttamasarīrābho suvaṇṇābhoti attho. Imameva hi atthaṃ sandhāyāha ‘‘mahābrahmuno sarīrasadisena sarīrena samannāgato’’ti. Na brahmujugattataṃ. Akhuddāvakāso dassanāyāti ārohapariṇāhasampattiyā avayavapāripūriyā ca dassanāya okāso na khuddako. Tenāha ‘‘sabbānevā’’tiādi.
яаманияамалагкан̣ам̣ сийламасса ад̇т̇ийд̇и сийлаваа, д̇ам̣ банасса рад̇д̇ан̃н̃уд̇ааяа вуд̣̇д̇хам̣ вад̣дхид̇ам̣ сийлам̣ асса ад̇т̇ийд̇и вуд̣̇д̇хасийлий, д̇зна жа саб̣б̣ад̣̇аа самааяог̇ад̇о вуд̣дхасийлзна саманнааг̇ад̇о. бан̃жасийламад̇д̇амзва санд̇хааяа вад̣̇анд̇и д̇ад̇о барам̣ сийласса д̇ад̇т̇а абхаавад̇о д̇зсан̃жа аж̇аананад̇о.
Yamaniyamalakkhaṇaṃ sīlamassa atthīti sīlavā, taṃ panassa rattaññutāya vuddhaṃ vaḍḍhitaṃ sīlaṃ assa atthīti vuddhasīlī, tena ca sabbadā samāyogato vuḍḍhasīlena samannāgato. Pañcasīlamattameva sandhāya vadanti tato paraṃ sīlassa tattha abhāvato tesañca ajānanato.
таанагаран̣асамбад̇д̇ияаа сигкаасамбад̇д̇ияаа жа гад̇т̇ажиби ануунад̇ааяа бариман̣д̣алабад̣̇аани б̣яан̃ж̇анаани агкараани зд̇иссаад̇и бариман̣д̣алабад̣̇аб̣яан̃ж̇анаа. ат̇а ваа баж̇ж̇ад̇и ад̇т̇о зд̇знаад̇и бад̣̇ам̣, наамаад̣̇и, яат̇аад̇хиббзд̇амад̇т̇ам̣ б̣яан̃ж̇зд̇ийд̇и б̣яан̃ж̇анам̣ ваагяам̣, д̇зсам̣ барибун̣н̣ад̇ааяа бариман̣д̣алабад̣̇аб̣яан̃ж̇анаа. ад̇т̇ан̃аабанасаад̇ханад̇ааяа ваажаава гаран̣анд̇и вааггаран̣ам̣, уд̣̇аахаран̣агхосо. г̇ун̣абарибун̣н̣абхаавзна д̇асса б̣раахман̣асса, д̇зна ваа бхаасид̇аб̣б̣аад̇т̇асса. буурз бун̣н̣абхаавз. буурзд̇и жа буримасмим̣ ад̇т̇з аад̇хаарз бхуммам̣, д̣̇уд̇ияасмим̣ висаяз. сукумаалад̇д̇анзнаад̇и иминаа д̇ассаа ваажааяа муд̣̇усан̣хабхаавамааха. абалиб̣уд̣̇д̇хааяа бид̇д̇асзмхаад̣̇ийхи. санд̣̇идтам̣ саб̣б̣ам̣ д̣̇ассзд̇ваа вияа згад̣̇зсагат̇анам̣. виламб̣ид̇ам̣ сан̣игам̣ жирааяид̇ваа гат̇анам̣. ‘‘санд̣̇ид̣̇д̇хавиламб̣ид̇аад̣̇ий’’д̇и ваа баато. д̇ад̇т̇а санд̣̇ид̣̇д̇хам̣ санд̣̇зхаж̇анагам̣. аад̣̇и-сад̣̇д̣̇зна калид̇аанугад̣дхид̇аад̣̇им̣ сан̇г̇ан̣хаад̇и. аад̣̇имаж̇жхабарияосаанам̣ баагадам̣ гад̇ваад̇и иминаа жасса ваажааяа ад̇т̇абаарибуурим̣ вад̣̇анд̇и.
Ṭhānakaraṇasampattiyā sikkhāsampattiyā ca katthacipi anūnatāya parimaṇḍalapadāni byañjanāni akkharāni etissāti parimaṇḍalapadabyañjanā. Atha vā pajjati attho etenāti padaṃ, nāmādi, yathādhippetamatthaṃ byañjetīti byañjanaṃ vākyaṃ, tesaṃ paripuṇṇatāya parimaṇḍalapadabyañjanā. Atthañāpanasādhanatāya vācāva karaṇanti vākkaraṇaṃ, udāharaṇaghoso. Guṇaparipuṇṇabhāvena tassa brāhmaṇassa, tena vā bhāsitabbaatthassa. Pūre puṇṇabhāve. Pūreti ca purimasmiṃ atthe ādhāre bhummaṃ, dutiyasmiṃ visaye. Sukhumālattanenāti iminā tassā vācāya mudusaṇhabhāvamāha. Apalibuddhāya pittasemhādīhi. Sandiṭṭhaṃ sabbaṃ dassetvā viya ekadesakathanaṃ. Vilambitaṃ saṇikaṃ cirāyitvā kathanaṃ. ‘‘Sandiddhavilambitādī’’ti vā pāṭho. Tattha sandiddhaṃ sandehajanakaṃ. Ādi-saddena khalitānukaḍḍhitādiṃ saṅgaṇhāti. Ādimajjhapariyosānaṃ pākaṭaṃ katvāti iminā cassa vācāya atthapāripūriṃ vadanti.
425. сад̣̇исаад̇и згад̣̇зсзна сад̣̇исаа. на хи б̣уд̣̇д̇хаанам̣ г̇ун̣зхи саб̣б̣ат̇аа сад̣̇исаа гзжиби г̇ун̣аа ан̃н̃зсу лаб̣бханд̇и. ид̇арзд̇и ад̇д̇ано г̇ун̣зхи асад̣̇исаг̇ун̣з. ид̣̇анд̇и ид̣̇ам̣ ад̇т̇аж̇аад̇ам̣. г̇обад̣̇аганд̇и г̇аавияаа бад̣̇з тид̇ауд̣̇агам̣. гулабарияааязнаад̇и гулаануггамзна.
425.Sadisāti ekadesena sadisā. Na hi buddhānaṃ guṇehi sabbathā sadisā kecipi guṇā aññesu labbhanti. Itareti attano guṇehi asadisaguṇe. Idanti idaṃ atthajātaṃ. Gopadakanti gāviyā pade ṭhitaudakaṃ. Kulapariyāyenāti kulānukkamena.
д̇ад̇т̇аад̇и ман̃жагз. сийхасзяяам̣ габбзсийд̇и яат̇аа рааху асуринд̣̇о ааяаамад̇о вид̇т̇аарад̇о уб̣б̣зд̇хад̇о жа бхаг̇авад̇о руубагааяасса барижчзд̣̇ам̣ г̇ахзд̇ум̣ на саггод̇и, д̇ат̇ааруубам̣ ид̣̇д̇хаабхисан̇каарам̣ абхисан̇каронд̇о сийхасзяяам̣ габбзси.
Tatthāti mañcake. Sīhaseyyaṃ kappesīti yathā rāhu asurindo āyāmato vitthārato ubbedhato ca bhagavato rūpakāyassa paricchedaṃ gahetuṃ na sakkoti, tathārūpaṃ iddhābhisaṅkhāraṃ abhisaṅkharonto sīhaseyyaṃ kappesi.
барисуд̣̇д̇хадтзна арияанд̇и ааха ‘‘арияам̣ уд̇д̇амам̣ барисуд̣̇д̇ха’’нд̇и. анаваж̇ж̇адтзна гусалам̣, на сукавибаагадтзна. гад̇т̇ажи жад̇ураасийд̇и баан̣асахассаани гад̇т̇ажи абаримаан̣ааби д̣̇звамануссаа яасмаа жад̇увийсад̇ияаа таанзсу асан̇кязяяаа абаримзяяаа маг̇г̇апалаамад̇ам̣ биванд̇и. годисад̇асахассаад̣̇ибаримаан̣знаби б̣ахуу зва. д̇асмаа ануд̇д̇араажаарасигкаабанавасзнзва бхаг̇аваа б̣ахуунам̣ аажарияо. д̇зд̇и гаамарааг̇ад̇о ан̃н̃з бхаг̇авад̇аа бахийнагилзсз.
Parisuddhaṭṭhena ariyanti āha ‘‘ariyaṃ uttamaṃ parisuddha’’nti. Anavajjaṭṭhena kusalaṃ, na sukhavipākaṭṭhena. Katthaci caturāsīti pāṇasahassāni katthaci aparimāṇāpi devamanussā yasmā catuvīsatiyā ṭhānesu asaṅkhyeyyā aparimeyyā maggaphalāmataṃ pivanti. Koṭisatasahassādiparimāṇenapi bahū eva. Tasmā anuttarācārasikkhāpanavaseneva bhagavā bahūnaṃ ācariyo. Teti kāmarāgato aññe bhagavatā pahīnakilese.
абаабабурзгкаарод̇и абаабзхи бурагкарийяад̇и, на ваа баабам̣ бурад̇о гарод̇ийд̇иби абаабабурзгкаарод̇и имамад̇т̇ам̣ д̣̇ассзд̇ум̣ ‘‘абаабз нава логуд̇д̇арад̇хаммз’’д̇иаад̣̇и вуд̇д̇ам̣. д̇ад̇т̇а абаабзд̇и баабабабадибагкз баабарахид̇з жа. б̣рахмани бхаваа, б̣рахмуно ваа хид̇аа г̇аругаран̣аад̣̇инаа, б̣рахмаанам̣ ваа маг̇г̇ам̣ ж̇аанаад̇ийд̇и б̣рахман̃н̃аа, д̇ассаа б̣рахман̃н̃ааяа баж̇ааяа.
Apāpapurekkhāroti apāpehi purakkharīyati, na vā pāpaṃ purato karotītipi apāpapurekkhāroti imamatthaṃ dassetuṃ ‘‘apāpe nava lokuttaradhamme’’tiādi vuttaṃ. Tattha apāpeti pāpapapaṭipakkhe pāparahite ca. Brahmani bhavā, brahmuno vā hitā garukaraṇādinā, brahmānaṃ vā maggaṃ jānātīti brahmaññā, tassā brahmaññāya pajāya.
д̇ирорадтаа д̇ирож̇анабад̣̇аад̇и зд̇т̇а раж̇ж̇ам̣ радтам̣ рааж̇анд̇и рааж̇аано зд̇знаад̇и гад̇ваа. д̇ад̣̇згад̣̇зсабхууд̇аа бад̣̇зсаа бана ж̇анабад̣̇о ж̇анаа баж̇ж̇анд̇и зд̇т̇а сукаж̇ийвигам̣ баабун̣анд̇ийд̇и гад̇ваа. бужчааяа д̣̇осам̣ саллагкзд̇ваад̇и самб̣анд̇хо. бхаг̇аваа виссаж̇ж̇зд̇и д̇зсам̣ убаниссаяасамбад̇д̇им̣ жинд̇зд̇ваад̇и ад̇хиббааяо. навагаад̇и ааг̇анд̇угабхаавзна амхаагам̣ абхинаваа.
Tiroraṭṭhātirojanapadāti ettha rajjaṃ raṭṭhaṃ rājanti rājāno etenāti katvā. Tadekadesabhūtā padesā pana janapado janā pajjanti ettha sukhajīvikaṃ pāpuṇantīti katvā. Pucchāya dosaṃ sallakkhetvāti sambandho. Bhagavā vissajjeti tesaṃ upanissayasampattiṃ cintetvāti adhippāyo. Navakāti āgantukabhāvena amhākaṃ abhinavā.
426. обаад̇зд̇и ниббаад̇зд̇ийд̇и ад̇т̇о. д̇ат̇аабхууд̇о жа д̇ад̇т̇а бзсид̇аа ход̇ийд̇и вуд̇д̇ам̣ ‘‘бавзсзд̇ий’’д̇и. сам̣бурагкаронд̇ийд̇и саггажжам̣ буб̣б̣ан̇г̇амам̣ гаронд̇и. д̇знааха ‘‘бурад̇о гад̇ваа вижаранд̇ий’’д̇и.
426.Opāteti nippātetīti attho. Tathābhūto ca tattha pesitā hotīti vuttaṃ ‘‘pavesetī’’ti. Saṃpurakkharontīti sakkaccaṃ pubbaṅgamaṃ karonti. Tenāha ‘‘purato katvā vicarantī’’ti.
427. суд̣̇д̣̇з б̣ахи гад̇ваа рахо саасид̇аб̣б̣адтзна манд̇аа зва д̇ам̣д̇ам̣ад̇т̇абадибад̇д̇ихзд̇уд̇ааяа бад̣̇анд̇и манд̇абад̣̇ам̣ взд̣̇ам̣. д̇знааха ‘‘взд̣̇о’’д̇и. звам̣ гираад̇и барамбарабхаавзна аабхад̇анд̇и аажарияабарамбарааяа аабхад̇ам̣. бааважанасан̇каад̇асамбад̇д̇ияаад̇и бамукаважанамхи уд̣̇ад̇д̇аад̣̇исамбад̇д̇ияаа. саавид̇д̇иаад̣̇ийхи чанд̣̇аб̣анд̇хзхи ваг̇г̇аб̣анд̇хзхи жаад̇и г̇ааяад̇д̇ийаад̣̇ийхи аж̇жхааяаануваагаад̣̇ийхи чанд̣̇аб̣анд̇хзхи жа ваг̇г̇аб̣анд̇хзхи жа. самбаад̣̇зд̇ваад̇и бад̣̇асамбад̇д̇им̣ ахаабзд̇ваа. бавад̇д̇аарод̇и ваа бааважанавасзна вад̇д̇ааро. саж̇жхааяид̇анд̇и г̇ааяанавасзна саж̇жхааяид̇ам̣, д̇ам̣ бана бад̣̇знзва ижчид̇анд̇и ааха ‘‘бад̣̇асамбад̇д̇ивасзнаа’’д̇и. ан̃н̃зсам̣ вуд̇д̇анд̇и бааважанавасзна ан̃н̃зсам̣ вуд̇д̇ам̣. раасигад̇анд̇и ирувзд̣̇аяаж̇увзд̣̇асаамавзд̣̇аад̣̇ивасзна, д̇ад̇т̇ааби бажжзгам̣ манд̇аб̣рахмаад̣̇ивасзна аж̇жхааяаануваагаад̣̇ивасзна раасигад̇ам̣. д̣̇иб̣б̣зна жагкунаа ологзд̇ваад̇и д̣̇иб̣б̣ажагкубарибхан̣д̣зна яат̇аагаммуубаг̇ан̃аан̣зна сад̇д̇аанам̣ гаммассагад̇ам̣, бажжагкад̇о д̣̇ассанадтзна д̣̇иб̣б̣ажагкусад̣̇исзна буб̣б̣зниваасан̃аан̣зна ад̇ийд̇агаббз б̣раахман̣аанам̣ манд̇аж̇жхзнавид̇хин̃жа ологзд̇ваа. бааважанзна саха сам̣санд̣̇зд̇ваад̇и гассабасаммаасамб̣уд̣̇д̇хасса яам̣ важанам̣ ваддасанниссид̇ам̣, д̇зна саха авируд̣̇д̇хам̣ гад̇ваа. на хи д̇зсам̣ виваддасанниссид̇о ад̇т̇о бажжагко ход̇и. абараабарзд̇и адтагаад̣̇ийхи абараабарз, бажчимаа оггаагарааж̇агаалаад̣̇ийсу уббаннаа. багкибид̇ваад̇и адтагаад̣̇ийхи г̇ант̇ид̇аманд̇абад̣̇зсу гилзсасанниссид̇абад̣̇аанам̣ д̇ад̇т̇а д̇ад̇т̇а бад̣̇з багкибанам̣ гад̇ваа. вируд̣̇д̇хз агам̣сууд̇и б̣раахман̣ад̇хаммигасуд̇д̇аад̣̇ийсу (ку. ни. б̣раахман̣ад̇хаммигасуд̇д̇ам̣) ааг̇ад̇анаязнзва сам̣гилзсигад̇т̇ад̣̇ийбанад̇о бажжанийгабхууд̇з агам̣су.
427. Sudde bahi katvā raho sāsitabbaṭṭhena mantā eva taṃtaṃatthapaṭipattihetutāya padanti mantapadaṃ vedaṃ. Tenāha ‘‘vedo’’ti. Evaṃ kirāti paramparabhāvena ābhatanti ācariyaparamparāya ābhataṃ. Pāvacanasaṅkhātasampattiyāti pamukhavacanamhi udattādisampattiyā. Sāvittiādīhi chandabandhehi vaggabandhehi cāti gāyattīādīhi ajjhāyānuvākādīhi chandabandhehi ca vaggabandhehi ca. Sampādetvāti padasampattiṃ ahāpetvā. Pavattāroti vā pāvacanavasena vattāro. Sajjhāyitanti gāyanavasena sajjhāyitaṃ, taṃ pana padeneva icchitanti āha ‘‘padasampattivasenā’’ti. Aññesaṃ vuttanti pāvacanavasena aññesaṃ vuttaṃ. Rāsikatanti iruvedayajuvedasāmavedādivasena, tatthāpi paccekaṃ mantabrahmādivasena ajjhāyānuvākādivasena rāsikataṃ. Dibbena cakkhunā oloketvāti dibbacakkhuparibhaṇḍena yathākammūpagañāṇena sattānaṃ kammassakataṃ, paccakkhato dassanaṭṭhena dibbacakkhusadisena pubbenivāsañāṇena atītakappe brāhmaṇānaṃ mantajjhenavidhiñca oloketvā. Pāvacanena saha saṃsandetvāti kassapasammāsambuddhassa yaṃ vacanaṃ vaṭṭasannissitaṃ, tena saha aviruddhaṃ katvā. Na hi tesaṃ vivaṭṭasannissito attho paccakkho hoti. Aparāpareti aṭṭhakādīhi aparāpare, pacchimā okkākarājakālādīsu uppannā. Pakkhipitvāti aṭṭhakādīhi ganthitamantapadesu kilesasannissitapadānaṃ tattha tattha pade pakkhipanaṃ katvā. Viruddhe akaṃsūti brāhmaṇadhammikasuttādīsu (khu. ni. brāhmaṇadhammikasuttaṃ) āgatanayeneva saṃkilesikatthadīpanato paccanīkabhūte akaṃsu.
428. бадибаадияаа гхадид̇аад̇и бадибаадияаа самб̣ад̣̇д̇хаа. барамбарасам̣сад̇д̇аад̇и аад̣̇аанияааяа яадтияаа сам̣сад̇д̇аа. д̇знааха ‘‘яадтиг̇г̇аахагзна жагкумад̇аа’’д̇и. буримассаад̇и ман̣д̣алаагаарзна тид̇ааяа анд̇хавзн̣ияаа саб̣б̣абуримасса хад̇т̇зна саб̣б̣абажчимасса гажчам̣ г̇ан̣хаабзд̇ваа. д̣̇ивасамбийд̇и анзгад̣̇ивасамби . жагкусса анааг̇ад̇абхавам̣ н̃ад̇ваа яат̇ааагганд̇адтаанзязва анубад̇ид̇ваа аггаманам̣ва саллагкзд̇ваа ‘‘гахам̣ жагкумаа гахам̣ маг̇г̇о’’д̇и баривзд̣̇ид̇ваа.
428.Paṭipāṭiyā ghaṭitāti paṭipāṭiyā sambaddhā. Paramparasaṃsattāti ādāniyāya yaṭṭhiyā saṃsattā. Tenāha ‘‘yaṭṭhiggāhakena cakkhumatā’’ti. Purimassāti maṇḍalākārena ṭhitāya andhaveṇiyā sabbapurimassa hatthena sabbapacchimassa kacchaṃ gaṇhāpetvā. Divasampīti anekadivasampi . Cakkhussa anāgatabhavaṃ ñatvā yathāakkantaṭṭhāneyeva anupatitvā akkamanaṃva sallakkhetvā ‘‘kahaṃ cakkhumā kahaṃ maggo’’ti pariveditvā.
баал̣иааг̇ад̇зсу д̣̇вийсууд̇и сад̣̇д̇хаа ануссавод̇и имзсу д̣̇вийсу. зваруубзд̇и яат̇аа сад̣̇д̇хаануссаваа, зваруубз зва бажжагкаг̇аахинод̇и ад̇т̇о. д̇аяод̇и ружиаагаарабаривид̇аггад̣̇идтиниж̇жхаанагканд̇ияо. бхууд̇авибаагаад̇и бхууд̇ад̇т̇анидтааяагаа ад̇хиббзд̇ад̇т̇асаад̇хагаа, вуд̇д̇авибарияааязна абхууд̇ад̇т̇авибаагаа взд̣̇ид̇аб̣б̣аа . зд̇т̇аад̇и зд̇зсу сад̣̇д̇хааяид̇аад̣̇ивад̇т̇уусу. згам̣сзнзва нидтам̣ г̇анд̇ум̣ наалам̣ анзганд̇игад̇д̇аа сад̣̇д̇хаад̣̇иг̇г̇аахасса. убари бужчааяа маг̇г̇ам̣ виварид̇ваа табзси сажжаанурагкааяа н̃аад̇угаамад̇ааяа уббаад̣̇ид̇ад̇д̇аа. бассад̇и хи бхаг̇аваа – маяаа ‘‘сажжаманурагкад̇аа…бз… нидтам̣ г̇анд̇у’’нд̇и вуд̇д̇з сажжаанурагкан̣ам̣ н̃аад̇угаамо маан̣аво ‘‘гид̇д̇аавад̇аа’’д̇иаад̣̇инаа бужчиссад̇и, д̇асса д̇ам̣ виссаж̇ж̇зд̇ваа сажжаануб̣од̇хз бужчааяа авасарам̣ д̣̇ад̇ваа д̇асса убаниссаяз убагаарад̇хаммз гат̇зссаамийд̇и. д̇зна вуд̇д̇ам̣ – ‘‘убари бужчааяа маг̇г̇ам̣ виварид̇ваа табзсий’’д̇и.
Pāḷiāgatesu dvīsūti saddhā anussavoti imesu dvīsu. Evarūpeti yathā saddhānussavā, evarūpe eva paccakkhagāhinoti attho. Tayoti ruciākāraparivitakkadiṭṭhinijjhānakkhantiyo. Bhūtavipākāti bhūtatthaniṭṭhāyakā adhippetatthasādhakā, vuttavipariyāyena abhūtatthavipākā veditabbā . Etthāti etesu saddhāyitādivatthūsu. Ekaṃseneva niṭṭhaṃ gantuṃ nālaṃ anekantikattā saddhādiggāhassa. Upari pucchāya maggaṃ vivaritvā ṭhapesi saccānurakkhāya ñātukāmatāya uppāditattā. Passati hi bhagavā – mayā ‘‘saccamanurakkhatā…pe… niṭṭhaṃ gantu’’nti vutte saccānurakkhaṇaṃ ñātukāmo māṇavo ‘‘kittāvatā’’tiādinā pucchissati, tassa taṃ vissajjetvā saccānubodhe pucchāya avasaraṃ datvā tassa upanissaye upakāradhamme kathessāmīti. Tena vuttaṃ – ‘‘upari pucchāya maggaṃ vivaritvā ṭhapesī’’ti.
430. ад̇д̇аанан̃н̃зва санд̇хааяа вад̣̇ад̇и, яад̇о вуд̇д̇ам̣ баал̣ияам̣ – ‘‘яам̣ ко банааяамааяасмаа д̇хаммам̣ д̣̇зсзд̇и, г̇амбхийро со д̇хаммо д̣̇уд̣̇д̣̇асо д̣̇урануб̣од̇хо’’д̇иаад̣̇и. луб̣бханд̇ийд̇и лобханийяаа яат̇аа ‘‘абааяаг̇аманийяаа’’д̇и ааха ‘‘лобханийязсу д̇хаммзсууд̇и лобхад̇хаммзсуу’’д̇и. яат̇аа ваа руубаад̣̇ид̇хаммаа лобханийяаа, звам̣ лобход̇и ааха ‘‘лобханийязсу д̇хаммзсууд̇и лобхад̇хаммзсуу’’д̇и. д̇знзвааха – ‘‘яам̣ логз бияаруубам̣ саад̇аруубам̣, зд̇т̇зсаа д̇ан̣хаа уббаж̇ж̇амаанаа уббаж̇ж̇ад̇и, зд̇т̇а нивисамаанаа нивисад̇ий’’д̇и (д̣̇ий. ни. 2.400; ма. ни. 1.133; вибха. 203). зсз наяо сзсабад̣̇ад̣̇ваязби.
430.Attānaññeva sandhāya vadati, yato vuttaṃ pāḷiyaṃ – ‘‘yaṃ kho panāyamāyasmā dhammaṃ deseti, gambhīro so dhammo duddaso duranubodho’’tiādi. Lubbhantīti lobhanīyā yathā ‘‘apāyagamanīyā’’ti āha ‘‘lobhanīyesu dhammesūti lobhadhammesū’’ti. Yathā vā rūpādidhammā lobhanīyā, evaṃ lobhoti āha ‘‘lobhanīyesu dhammesūti lobhadhammesū’’ti. Tenevāha – ‘‘yaṃ loke piyarūpaṃ sātarūpaṃ, etthesā taṇhā uppajjamānā uppajjati, ettha nivisamānā nivisatī’’ti (dī. ni. 2.400; ma. ni. 1.133; vibha. 203). Ese nayo sesapadadvayepi.
432. нивзсзд̇ийд̇и табзд̇и бадтабзд̇и. баяирубаасад̇ийд̇и убадтаанавасзна убаг̇анд̇ваа нисийд̣̇ад̇и. суяяад̇и зд̇знаад̇и сод̇анд̇и ааха ‘‘басаад̣̇асод̇а’’нд̇и. д̇ан̃хи саванааяа од̣̇ахид̇аб̣б̣анд̇и. д̇хаарзд̇и санд̇хаарзд̇и д̇ад̇т̇зва манам̣ табзд̇и. ад̇т̇ад̇од̇и яат̇аавуд̇д̇асса д̇хаммасса ад̇т̇ад̇о. гааран̣ад̇од̇и яуд̇д̇ид̇о хзд̇уд̣̇аахаран̣зхи убабад̇д̇ид̇о. ологананд̇и звамзд̇анд̇и яат̇аасабхаавад̇о бан̃н̃аажагкунаа д̣̇адтаб̣б̣ад̇ам̣ каманд̇и, д̇ан̃жа маханд̇асса ман̣ино баж̇ж̇аланд̇асса вияа аавигад̇ваа ад̇т̇асса жид̇д̇з убадтаананд̇и ааха ‘‘ид̇хаа’’д̇иаад̣̇и. гад̇д̇угамяад̇аачанд̣̇од̇и гад̇д̇угаамад̇аасан̇каад̇о гусалажчанд̣̇о. вааяамад̇ийд̇иаад̣̇ид̇о жад̇уннамби вийрияаанам̣ васзна вааяаамам̣ бараггамам̣ гарод̇и. маг̇г̇абад̇хаанам̣ бад̣̇ахад̇ийд̇и маг̇г̇аавахам̣ маг̇г̇абарияаабаннан̃жа саммаббад̇хаанам̣ бад̣̇ахад̇и, бад̣̇аханавасзна д̇ам̣ барибуурзд̇и. барамасажжанд̇и амогхад̇хаммад̇д̇аа барамад̇т̇асажжам̣. сахаж̇аад̇анаамагааязнаад̇и маг̇г̇абан̃н̃аасахаж̇аад̇анаамагааязна . д̇ад̣̇зваад̇и д̇ад̣̇зва барамасажжам̣ ниб̣б̣аанам̣. д̇знзвааха – ‘‘сажчигирияаабхисамаязна вибхууд̇ам̣ баагадам̣ гаронд̇о бассад̇ий’’д̇и.
432.Nivesetīti ṭhapeti paṭṭhapeti. Payirupāsatīti upaṭṭhānavasena upagantvā nisīdati. Suyyati etenāti sotanti āha ‘‘pasādasota’’nti. Tañhi savanāya odahitabbanti. Dhāreti sandhāreti tattheva manaṃ ṭhapeti. Atthatoti yathāvuttassa dhammassa atthato. Kāraṇatoti yuttito hetudāharaṇehi upapattito. Olokananti evametanti yathāsabhāvato paññācakkhunā daṭṭhabbataṃ khamanti, tañca mahantassa maṇino pajjalantassa viya āvikatvā atthassa citte upaṭṭhānanti āha ‘‘idhā’’tiādi. Kattukamyatāchandoti kattukāmatāsaṅkhāto kusalacchando. Vāyamatītiādito catunnampi vīriyānaṃ vasena vāyāmaṃ parakkamaṃ karoti. Maggapadhānaṃ padahatīti maggāvahaṃ maggapariyāpannañca sammappadhānaṃ padahati, padahanavasena taṃ paripūreti. Paramasaccanti amoghadhammattā paramatthasaccaṃ. Sahajātanāmakāyenāti maggapaññāsahajātanāmakāyena . Tadevāti tadeva paramasaccaṃ nibbānaṃ. Tenevāha – ‘‘sacchikiriyābhisamayena vibhūtaṃ pākaṭaṃ karonto passatī’’ti.
433-4. маг̇г̇аануб̣од̇ход̇и маг̇г̇абадибаадияаа б̣од̇хо б̣уж̇жханам̣, язсам̣ гилзсаанам̣ самужчинд̣̇анавасзна маг̇г̇аббадивзд̇хо, д̇зсам̣ бадибассамбханавасзна бавад̇д̇амаанам̣ сааман̃н̃апалам̣, маг̇г̇зна бадивид̣̇д̇хаани сажжаани, барамад̇т̇асажжамзва ваа ануруубаб̣уж̇жхананд̇и ад̇хиббааяо. ‘‘сажжаануббад̇д̇ийд̇и паласажчигирияаа’’д̇и вуд̇д̇ам̣. зван̃хи сад̇и хздтаа вуд̇д̇аа сад̣̇д̇хаабадилаабхаад̣̇аяо д̣̇ваад̣̇аса д̇хаммаа сажжаануббад̇д̇ияаа убагаараа хонд̇и, д̇асмаа вуд̇д̇ам̣ ‘‘д̇зсам̣язваад̇и хздтаа вуд̇д̇аанам̣ д̣̇ваад̣̇асанна’’нд̇и. нааяам̣ ‘‘д̇зсам̣язваа’’д̇и бад̣̇асса ад̇т̇о. сад̇иби гусалавибаагаад̣̇ибхаавзна наанад̇д̇з вад̇т̇аарамман̣абхуумигижжаад̣̇ивасзна бана сад̣̇исаад̇и убааяад̇ова маг̇г̇ад̇хаммаа аасзвид̇аа б̣ахулийгад̇аа палабхууд̇аад̇и вад̇д̇аб̣б̣ад̇ам̣ арахад̇ийд̇и д̇ам̣сад̣̇исз д̇аб̣б̣охаарам̣ гад̇ваа ‘‘д̇зсам̣ маг̇г̇асамбаяуд̇д̇ад̇хаммаана’’нд̇и вуд̇д̇ам̣. зван̃хи аасзванааг̇ахан̣ам̣ самад̇т̇ид̇ам̣, на ан̃н̃ат̇аа. на хи згажид̇д̇агкан̣игаанам̣ маг̇г̇ад̇хаммаанам̣ аасзванаа, б̣ахулийгаммам̣ ваа ад̇т̇ийд̇и. д̇уланаад̇и вибассанаа. саа хи вудтаанаг̇ааминибхууд̇аа маг̇г̇аббад̇хаанасса б̣ахугаараа д̇асса абхаавз маг̇г̇аббад̇хаанассзва абхаавад̇о, звам̣ уссаахо д̇уланааяа чанд̣̇о уссаахасса б̣ахугаарод̇иаад̣̇инаа хздтимасса убаримуубагаарад̇ам̣ сувин̃н̃зяяамзваад̇и ааха – ‘‘иминаа наязна саб̣б̣абад̣̇зсу ад̇т̇о взд̣̇ид̇аб̣б̣о’’д̇и. сзсам̣ сувин̃н̃зяяамзва.
433-4.Maggānubodhoti maggapaṭipāṭiyā bodho bujjhanaṃ, yesaṃ kilesānaṃ samucchindanavasena maggappaṭivedho, tesaṃ paṭipassambhanavasena pavattamānaṃ sāmaññaphalaṃ, maggena paṭividdhāni saccāni, paramatthasaccameva vā anurūpabujjhananti adhippāyo. ‘‘Saccānuppattīti phalasacchikiriyā’’ti vuttaṃ. Evañhi sati heṭṭhā vuttā saddhāpaṭilābhādayo dvādasa dhammā saccānuppattiyā upakārā honti, tasmā vuttaṃ ‘‘tesaṃyevāti heṭṭhā vuttānaṃ dvādasanna’’nti. Nāyaṃ ‘‘tesaṃyevā’’ti padassa attho. Satipi kusalavipākādibhāvena nānatte vatthārammaṇabhūmikiccādivasena pana sadisāti upāyatova maggadhammā āsevitā bahulīkatā phalabhūtāti vattabbataṃ arahatīti taṃsadise tabbohāraṃ katvā ‘‘tesaṃ maggasampayuttadhammāna’’nti vuttaṃ. Evañhi āsevanāgahaṇaṃ samatthitaṃ, na aññathā. Na hi ekacittakkhaṇikānaṃ maggadhammānaṃ āsevanā, bahulīkammaṃ vā atthīti. Tulanāti vipassanā. Sā hi vuṭṭhānagāminibhūtā maggappadhānassa bahukārā tassa abhāve maggappadhānasseva abhāvato, evaṃ ussāho tulanāya chando ussāhassa bahukārotiādinā heṭṭhimassa uparimūpakārataṃ suviññeyyamevāti āha – ‘‘iminā nayena sabbapadesu attho veditabbo’’ti. Sesaṃ suviññeyyameva.
жан̇гийсуд̇д̇аван̣н̣анааяа лийнад̇т̇аббагаасанаа самад̇д̇аа.
Caṅkīsuttavaṇṇanāya līnatthappakāsanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 5. жан̇гийсуд̇д̇ам̣ • 5. Caṅkīsuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 5. жан̇гийсуд̇д̇аван̣н̣анаа • 5. Caṅkīsuttavaṇṇanā
