| Library / Tipiṭaka / तिपिटक • Tipiṭaka / मिलिन्दपञ्हपाळि • Milindapañhapāḷi |
८. चापङ्गपञ्हो
8. Cāpaṅgapañho
८. ‘‘भन्ते नागसेन, ‘चापस्स एकं अङ्गं गहेतब्ब’न्ति यं वदेसि, कतमं तं एकं अङ्गं गहेतब्ब’’न्ति? ‘‘यथा, महाराज, चापो सुतच्छितो नमितो 1 यावग्गमूलं समकमेव अनुनमति नप्पटित्थम्भति, एवमेव खो, महाराज, योगिना योगावचरेन थेरनवमज्झिमसमकेसु अनुनमितब्बं नप्पटिफरितब्बं। इदं, महाराज, चापस्स एकं अङ्गं गहेतब्बं। भासितम्पेतं, महाराज, भगवता देवातिदेवेन विधुर [पुण्णक] जातके –
8. ‘‘Bhante nāgasena, ‘cāpassa ekaṃ aṅgaṃ gahetabba’nti yaṃ vadesi, katamaṃ taṃ ekaṃ aṅgaṃ gahetabba’’nti? ‘‘Yathā, mahārāja, cāpo sutacchito namito 2 yāvaggamūlaṃ samakameva anunamati nappaṭitthambhati, evameva kho, mahārāja, yoginā yogāvacarena theranavamajjhimasamakesu anunamitabbaṃ nappaṭipharitabbaṃ. Idaṃ, mahārāja, cāpassa ekaṃ aṅgaṃ gahetabbaṃ. Bhāsitampetaṃ, mahārāja, bhagavatā devātidevena vidhura [puṇṇaka] jātake –
पटिलोमं न वत्तेय्य, स राजवसतिं वसे’’’ति॥
Paṭilomaṃ na vatteyya, sa rājavasatiṃ vase’’’ti.
चापङ्गपञ्हो अट्ठमो।
Cāpaṅgapañho aṭṭhamo.
Footnotes:
