| Library / Tipiṭaka / д̇ибидага • Tipiṭaka / т̇зрийг̇аат̇аа-адтагат̇аа • Therīgāthā-aṭṭhakathā |
3. жаабаат̇зрийг̇аат̇ааван̣н̣анаа
3. Cāpātherīgāthāvaṇṇanā
ладтихад̇т̇о бурз аасийд̇иаад̣̇игаа жаабааяа т̇зрияаа г̇аат̇аа. аяамби буримаб̣уд̣̇д̇хзсу гад̇аад̇хигаараа д̇ад̇т̇а д̇ад̇т̇а бхавз виваддуубаниссаяам̣ гусалам̣ убажинанд̇ий, ануггамзна убажид̇агусаламуулаа самбхад̇авимогкасамбхаараа худ̇ваа имасмим̣ б̣уд̣̇д̇хуббаад̣̇з ван̇г̇ахаараж̇анабад̣̇з ан̃н̃ад̇арасмим̣ миг̇алуд̣̇д̣̇агаг̇аамз ж̇здтагамиг̇алуд̣̇д̣̇агасса д̇хийд̇аа худ̇ваа ниб̣б̣ад̇д̇и, жаабаад̇иссаа наамам̣ ахоси. д̇зна жа самаязна убаго ааж̇ийваго б̣од̇химан̣д̣ад̇о д̇хаммажаггам̣ бавад̇д̇зд̇ум̣ б̣аараан̣асим̣ уд̣̇д̣̇исса г̇ажчанд̇зна сад̇т̇аараа самааг̇ад̇о ‘‘виббасаннаани ко д̇з, аавусо, инд̣̇рияаани, барисуд̣̇д̇хо чавиван̣н̣о барияод̣̇аад̇о, гам̣си д̇вам̣, аавусо, уд̣̇д̣̇исса баб̣б̣аж̇ид̇о, го ваа д̇з сад̇т̇аа, гасса ваа д̇вам̣ д̇хаммам̣ рожзсий’’д̇и (махаава. 11; ма. ни. 1.285) бужчид̇ваа –
Laṭṭhihattho pure āsītiādikā cāpāya theriyā gāthā. Ayampi purimabuddhesu katādhikārā tattha tattha bhave vivaṭṭūpanissayaṃ kusalaṃ upacinantī, anukkamena upacitakusalamūlā sambhatavimokkhasambhārā hutvā imasmiṃ buddhuppāde vaṅgahārajanapade aññatarasmiṃ migaluddakagāme jeṭṭhakamigaluddakassa dhītā hutvā nibbatti, cāpātissā nāmaṃ ahosi. Tena ca samayena upako ājīvako bodhimaṇḍato dhammacakkaṃ pavattetuṃ bārāṇasiṃ uddissa gacchantena satthārā samāgato ‘‘vippasannāni kho te, āvuso, indriyāni, parisuddho chavivaṇṇo pariyodāto, kaṃsi tvaṃ, āvuso, uddissa pabbajito, ko vā te satthā, kassa vā tvaṃ dhammaṃ rocesī’’ti (mahāva. 11; ma. ni. 1.285) pucchitvā –
‘‘саб̣б̣аабхибхуу саб̣б̣авид̣̇уухамасми, саб̣б̣зсу д̇хаммзсу ануубалид̇д̇о;
‘‘Sabbābhibhū sabbavidūhamasmi, sabbesu dhammesu anūpalitto;
саб̣б̣ан̃ж̇ахо д̇ан̣хаагкаяз вимуд̇д̇о, саяам̣ абхин̃н̃ааяа гамуд̣̇д̣̇исзяяам̣. (д̇ха. ба. 353; махаава. 11; гат̇аа. 405; ма. ни. 1.285);
Sabbañjaho taṇhākkhaye vimutto, sayaṃ abhiññāya kamuddiseyyaṃ. (dha. pa. 353; mahāva. 11; kathā. 405; ma. ni. 1.285);
‘‘на мз аажарияо ад̇т̇и, сад̣̇исо мз на виж̇ж̇ад̇и;
‘‘Na me ācariyo atthi, sadiso me na vijjati;
сад̣̇звагасмим̣ логасмим̣, над̇т̇и мз бадибуг̇г̇ало.
Sadevakasmiṃ lokasmiṃ, natthi me paṭipuggalo.
‘‘ахан̃хи арахаа логз, ахам̣ сад̇т̇аа ануд̇д̇аро;
‘‘Ahañhi arahā loke, ahaṃ satthā anuttaro;
згомхи саммаасамб̣уд̣̇д̇хо, сийд̇ибхууд̇омхи ниб̣б̣уд̇о.
Ekomhi sammāsambuddho, sītibhūtomhi nibbuto.
‘‘д̇хаммажаггам̣ бавад̇д̇зд̇ум̣, г̇ажчаами гаасинам̣ бурам̣;
‘‘Dhammacakkaṃ pavattetuṃ, gacchāmi kāsinaṃ puraṃ;
анд̇хийбхууд̇асмим̣ логасмим̣, аахан̃чам̣ амад̇ад̣̇унд̣̇убхи’’нд̇и. (махаава. 11; гат̇аа. 405; ма. ни. 1.285) –
Andhībhūtasmiṃ lokasmiṃ, āhañchaṃ amatadundubhi’’nti. (mahāva. 11; kathā. 405; ma. ni. 1.285) –
сад̇т̇аараа ад̇д̇ано саб̣б̣ан̃н̃уб̣уд̣̇д̇хабхаавз д̇хаммажаггабавад̇д̇анз жа бавзд̣̇ид̇з басаннажид̇д̇о со ‘‘хубзяяабаавусо, арахаси ананд̇аж̇ино’’д̇и (махаава. 11; ма. ни. 1.285) вад̇ваа уммаг̇г̇ам̣ г̇ахзд̇ваа багганд̇о ван̇г̇ахаараж̇анабад̣̇ам̣ аг̇амааси. со д̇ад̇т̇а згам̣ миг̇алуд̣̇д̣̇агаг̇аамагам̣ убаниссааяа ваасам̣ габбзси. д̇ам̣ д̇ад̇т̇а ж̇здтагамиг̇алуд̣̇д̣̇аго убадтааси. со згад̣̇ивасам̣ д̣̇уурам̣ миг̇авам̣ г̇ажчанд̇о ‘‘маяхам̣ араханд̇з маа бамаж̇ж̇ий’’д̇и ад̇д̇ано д̇хийд̇арам̣ жаабам̣ аан̣аабзд̇ваа аг̇амааси сад̣̇д̇хим̣ буд̇д̇абхаад̇угзхи. саа жасса д̇хийд̇аа абхируубаа ход̇и д̣̇ассанийяаа.
Satthārā attano sabbaññubuddhabhāve dhammacakkapavattane ca pavedite pasannacitto so ‘‘hupeyyapāvuso, arahasi anantajino’’ti (mahāva. 11; ma. ni. 1.285) vatvā ummaggaṃ gahetvā pakkanto vaṅgahārajanapadaṃ agamāsi. So tattha ekaṃ migaluddakagāmakaṃ upanissāya vāsaṃ kappesi. Taṃ tattha jeṭṭhakamigaluddako upaṭṭhāsi. So ekadivasaṃ dūraṃ migavaṃ gacchanto ‘‘mayhaṃ arahante mā pamajjī’’ti attano dhītaraṃ cāpaṃ āṇāpetvā agamāsi saddhiṃ puttabhātukehi. Sā cassa dhītā abhirūpā hoti dassanīyā.
ат̇а ко убаго ааж̇ийваго бхигкаажааравзлааяам̣ миг̇алуд̣̇д̣̇агасса гхарам̣ г̇ад̇о баривисид̇ум̣ убаг̇ад̇ам̣ жаабам̣ д̣̇исваа рааг̇зна абхибхууд̇о бхун̃ж̇ид̇умби асаггонд̇о бхааж̇анзна бхад̇д̇ам̣ аад̣̇ааяа васанадтаанам̣ г̇анд̇ваа бхад̇д̇ам̣ згаманд̇з нигкибид̇ваа ‘‘сажз жаабам̣ лабхиссаами, ж̇ийваами, но жз, мариссаамий’’д̇и нираахааро нибаж̇ж̇и. сад̇д̇амз д̣̇ивасз миг̇алуд̣̇д̣̇аго ааг̇анд̇ваа д̇хийд̇арам̣ бужчи – ‘‘гим̣ маяхам̣ араханд̇з на бамаж̇ж̇ий’’д̇и? саа ‘‘згад̣̇ивасамзва ааг̇анд̇ваа буна нааг̇ад̇абуб̣б̣о’’д̇и ааха. миг̇алуд̣̇д̣̇аго жа д̇аавад̣̇звасса васанадтаанам̣ г̇анд̇ваа ‘‘гим̣, бханд̇з, апаасуга’’нд̇и баад̣̇з баримаж̇ж̇анд̇о бужчи. убаго нид̇т̇унанд̇о баривад̇д̇ад̇иязва. со ‘‘вад̣̇ат̇а, бханд̇з, яам̣ маяаа саггаа гаад̇ум̣, саб̣б̣ам̣ д̇ам̣ гариссаамий’’д̇и ааха. убаго згзна барияааязна ад̇д̇ано аж̇жхаасаяам̣ аарожзси. ‘‘ид̇аро ж̇аанааси бана, бханд̇з, гин̃жи сибба’’нд̇и. ‘‘на ж̇аанаамий’’д̇и. ‘‘на, бханд̇з, гин̃жи сиббам̣ аж̇аананд̇зна саггаа гхарам̣ аавасид̇у’’нд̇и. со ааха – ‘‘наахам̣ гин̃жи сиббам̣ ж̇аанаами, абижа д̇умхаагам̣ мам̣сахаараго бхависсаами, мам̣сан̃жа виггин̣иссаамий’’д̇и. мааг̇авиго ‘‘амхаагамби зд̇ад̣̇зва ружжад̇ий’’д̇и уд̇д̇арасаадагам̣ д̣̇ад̇ваа ад̇д̇ано сахааяагасса г̇зхз гад̇ибаахам̣ васаабзд̇ваа д̇аад̣̇исз д̣̇ивасз гхарам̣ аанзд̇ваа д̇хийд̇арам̣ ад̣̇ааси.
Atha kho upako ājīvako bhikkhācāravelāyaṃ migaluddakassa gharaṃ gato parivisituṃ upagataṃ cāpaṃ disvā rāgena abhibhūto bhuñjitumpi asakkonto bhājanena bhattaṃ ādāya vasanaṭṭhānaṃ gantvā bhattaṃ ekamante nikkhipitvā ‘‘sace cāpaṃ labhissāmi, jīvāmi, no ce, marissāmī’’ti nirāhāro nipajji. Sattame divase migaluddako āgantvā dhītaraṃ pucchi – ‘‘kiṃ mayhaṃ arahante na pamajjī’’ti? Sā ‘‘ekadivasameva āgantvā puna nāgatapubbo’’ti āha. Migaluddako ca tāvadevassa vasanaṭṭhānaṃ gantvā ‘‘kiṃ, bhante, aphāsuka’’nti pāde parimajjanto pucchi. Upako nitthunanto parivattatiyeva. So ‘‘vadatha, bhante, yaṃ mayā sakkā kātuṃ, sabbaṃ taṃ karissāmī’’ti āha. Upako ekena pariyāyena attano ajjhāsayaṃ ārocesi. ‘‘Itaro jānāsi pana, bhante, kiñci sippa’’nti. ‘‘Na jānāmī’’ti. ‘‘Na, bhante, kiñci sippaṃ ajānantena sakkā gharaṃ āvasitu’’nti. So āha – ‘‘nāhaṃ kiñci sippaṃ jānāmi, apica tumhākaṃ maṃsahārako bhavissāmi, maṃsañca vikkiṇissāmī’’ti. Māgaviko ‘‘amhākampi etadeva ruccatī’’ti uttarasāṭakaṃ datvā attano sahāyakassa gehe katipāhaṃ vasāpetvā tādise divase gharaṃ ānetvā dhītaraṃ adāsi.
ат̇а гаалз г̇ажчанд̇з д̇зсам̣ сам̣ваасаманвааяа буд̇д̇о ниб̣б̣ад̇д̇и, субхад̣̇д̣̇од̇исса наамам̣ агам̣су. жаабаа д̇асса род̣̇анагаалз ‘‘убагасса буд̇д̇а, ааж̇ийвагасса буд̇д̇а, мам̣сахаарагасса буд̇д̇а, маа род̣̇и маа род̣̇ий’’д̇иаад̣̇инаа буд̇д̇ад̇осанаг̇ийд̇зна убагам̣ уббан̣д̣зси. со ‘‘маа д̇вам̣ жаабз мам̣ ‘анаат̇о’д̇и ман̃н̃и, ад̇т̇и мз сахааяо ананд̇аж̇ино наама, д̇ассаахам̣ санд̇игам̣ г̇амиссаамий’’д̇и ааха. жаабаа ‘‘звамаяам̣ аддийяад̇ий’’д̇и н̃ад̇ваа бунаббунам̣ д̇ат̇аа гат̇зсиязва. со згад̣̇ивасам̣ д̇ааяа д̇ат̇аа вуд̇д̇о гуж̇жхид̇ваа г̇анд̇умаарад̣̇д̇хо. д̇ааяа д̇ам̣ д̇ам̣ вад̇ваа анунийяамааноби сан̃н̃ад̇д̇им̣ анааг̇ажчанд̇о бажчимад̣̇исаабхимуко баггаами.
Atha kāle gacchante tesaṃ saṃvāsamanvāya putto nibbatti, subhaddotissa nāmaṃ akaṃsu. Cāpā tassa rodanakāle ‘‘upakassa putta, ājīvakassa putta, maṃsahārakassa putta, mā rodi mā rodī’’tiādinā puttatosanagītena upakaṃ uppaṇḍesi. So ‘‘mā tvaṃ cāpe maṃ ‘anātho’ti maññi, atthi me sahāyo anantajino nāma, tassāhaṃ santikaṃ gamissāmī’’ti āha. Cāpā ‘‘evamayaṃ aṭṭīyatī’’ti ñatvā punappunaṃ tathā kathesiyeva. So ekadivasaṃ tāya tathā vutto kujjhitvā gantumāraddho. Tāya taṃ taṃ vatvā anunīyamānopi saññattiṃ anāgacchanto pacchimadisābhimukho pakkāmi.
бхаг̇аваа жа д̇зна самаязна саавад̇т̇ияам̣ ж̇зд̇аванз вихаранд̇о бхигкуунам̣ аажигки – ‘‘яо, бхигкавз, аж̇ж̇а ‘гухим̣ ананд̇аж̇ино’д̇и ид̇хааг̇анд̇ваа бужчад̇и, д̇ам̣ мама санд̇игам̣ бзсзт̇аа’’д̇и. убагоби ‘‘гухим̣ ананд̇аж̇ино васад̇ий’’д̇и д̇ад̇т̇а д̇ад̇т̇а бужчанд̇о анубуб̣б̣зна саавад̇т̇им̣ г̇анд̇ваа вихаарам̣ бависид̇ваа вихаарамаж̇жхз тад̇ваа ‘‘гухим̣ ананд̇аж̇ино’’д̇и бужчи. д̇ам̣ бхигкуу бхаг̇авад̇о санд̇игам̣ наяим̣су. со бхаг̇аванд̇ам̣ д̣̇исваа ‘‘ж̇аанаат̇а мам̣ бхаг̇аваа’’д̇и ааха. ‘‘аама, ж̇аанаами, гухим̣ бана д̇вам̣ зд̇д̇агам̣ гаалам̣ васий’’д̇и? ‘‘ван̇г̇ахаараж̇анабад̣̇з, бханд̇з’’д̇и. ‘‘убага, ид̣̇аани махаллаго ж̇аад̇о баб̣б̣аж̇ид̇ум̣ сагкиссасий’’д̇и? ‘‘баб̣б̣аж̇иссаами, бханд̇з’’д̇и. сад̇т̇аа ан̃н̃ад̇арам̣ бхигкум̣ аан̣аабзси – ‘‘зхи д̇вам̣, бхигку, имам̣ баб̣б̣ааж̇зхий’’д̇и. со д̇ам̣ баб̣б̣ааж̇зси. со баб̣б̣аж̇ид̇о сад̇т̇у санд̇игз гаммадтаанам̣ г̇ахзд̇ваа бхааванам̣ ануяун̃ж̇анд̇о на жирассзва анааг̇аамипалз бад̇идтааяа гаалам̣ гад̇ваа авихзсу ниб̣б̣ад̇д̇о, ниб̣б̣ад̇д̇агкан̣зязва арахад̇д̇ам̣ баабун̣и. авихзсу ниб̣б̣ад̇д̇амад̇д̇аа сад̇д̇а ж̇анаа арахад̇д̇ам̣ бад̇д̇аа, д̇зсам̣ аяам̣ ан̃н̃ад̇аро. вуд̇д̇ан̃хзд̇ам̣ –
Bhagavā ca tena samayena sāvatthiyaṃ jetavane viharanto bhikkhūnaṃ ācikkhi – ‘‘yo, bhikkhave, ajja ‘kuhiṃ anantajino’ti idhāgantvā pucchati, taṃ mama santikaṃ pesethā’’ti. Upakopi ‘‘kuhiṃ anantajino vasatī’’ti tattha tattha pucchanto anupubbena sāvatthiṃ gantvā vihāraṃ pavisitvā vihāramajjhe ṭhatvā ‘‘kuhiṃ anantajino’’ti pucchi. Taṃ bhikkhū bhagavato santikaṃ nayiṃsu. So bhagavantaṃ disvā ‘‘jānātha maṃ bhagavā’’ti āha. ‘‘Āma, jānāmi, kuhiṃ pana tvaṃ ettakaṃ kālaṃ vasī’’ti? ‘‘Vaṅgahārajanapade, bhante’’ti. ‘‘Upaka, idāni mahallako jāto pabbajituṃ sakkhissasī’’ti? ‘‘Pabbajissāmi, bhante’’ti. Satthā aññataraṃ bhikkhuṃ āṇāpesi – ‘‘ehi tvaṃ, bhikkhu, imaṃ pabbājehī’’ti. So taṃ pabbājesi. So pabbajito satthu santike kammaṭṭhānaṃ gahetvā bhāvanaṃ anuyuñjanto na cirasseva anāgāmiphale patiṭṭhāya kālaṃ katvā avihesu nibbatto, nibbattakkhaṇeyeva arahattaṃ pāpuṇi. Avihesu nibbattamattā satta janā arahattaṃ pattā, tesaṃ ayaṃ aññataro. Vuttañhetaṃ –
‘‘авихам̣ убабаннаасз, вимуд̇д̇аа сад̇д̇а бхигкаво;
‘‘Avihaṃ upapannāse, vimuttā satta bhikkhavo;
рааг̇ад̣̇осабаригкийн̣аа, д̇ин̣н̣аа логз висад̇д̇игам̣.
Rāgadosaparikkhīṇā, tiṇṇā loke visattikaṃ.
‘‘убагобалаг̇ан̣д̣о жа, баггусаад̇и жа д̇з д̇аяо;
‘‘Upakopalagaṇḍo ca, pakkusāti ca te tayo;
бхад̣̇д̣̇ияо кан̣д̣ад̣̇зво жа, б̣аахураг̇г̇и жа син̇г̇ияо;
Bhaddiyo khaṇḍadevo ca, bāhuraggi ca siṅgiyo;
д̇з хид̇ваа маанусам̣ д̣̇зхам̣, д̣̇иб̣б̣аяог̇ам̣ убажжаг̇у’’нд̇и. (сам̣. ни. 1.105);
Te hitvā mānusaṃ dehaṃ, dibbayogaṃ upaccagu’’nti. (saṃ. ni. 1.105);
убагз бана багганд̇з ниб̣б̣инд̣̇ахад̣̇аяаа жаабаа д̣̇аарагам̣ аяяагасса нияяаад̣̇зд̇ваа буб̣б̣з убагзна г̇ад̇амаг̇г̇ам̣ г̇ажчанд̇ий саавад̇т̇им̣ г̇анд̇ваа бхигкунийнам̣ санд̇игз баб̣б̣аж̇ид̇ваа вибассанааяа гаммам̣ гаронд̇ий маг̇г̇абадибаадияаа арахад̇д̇з бад̇идтид̇аа, ад̇д̇ано бадибад̇д̇им̣ бажжавзгкид̇ваа буб̣б̣з убагзна ад̇д̇анаа жа гат̇ид̇аг̇аат̇ааяо уд̣̇аанавасзна згаж̇жхам̣ гад̇ваа –
Upake pana pakkante nibbindahadayā cāpā dārakaṃ ayyakassa niyyādetvā pubbe upakena gatamaggaṃ gacchantī sāvatthiṃ gantvā bhikkhunīnaṃ santike pabbajitvā vipassanāya kammaṃ karontī maggapaṭipāṭiyā arahatte patiṭṭhitā, attano paṭipattiṃ paccavekkhitvā pubbe upakena attanā ca kathitagāthāyo udānavasena ekajjhaṃ katvā –
292.
292.
‘‘ладтихад̇т̇о бурз ааси, со д̣̇аани миг̇алуд̣̇д̣̇аго;
‘‘Laṭṭhihattho pure āsi, so dāni migaluddako;
аасааяа балибаа гхораа, наасагки баарамзд̇авз.
Āsāya palipā ghorā, nāsakkhi pārametave.
293.
293.
‘‘сумад̇д̇ам̣ мам̣ ман̃н̃амаанаа, жааби буд̇д̇амад̇осаяи;
‘‘Sumattaṃ maṃ maññamānā, cāpi puttamatosayi;
жаабааяа б̣анд̇ханам̣ чзд̇ваа, баб̣б̣аж̇иссам̣ бунобахам̣.
Cāpāya bandhanaṃ chetvā, pabbajissaṃ punopahaṃ.
294.
294.
‘‘маа мз гуж̇жхи махаавийра, маа мз гуж̇жхи махаамуни;
‘‘Mā me kujjhi mahāvīra, mā me kujjhi mahāmuni;
на хи год̇хабарзд̇асса, суд̣̇д̇хи ад̇т̇и гуд̇о д̇або.
Na hi kodhaparetassa, suddhi atthi kuto tapo.
295.
295.
‘‘баггамиссан̃жа наал̣аад̇о, год̇ха наал̣ааяа важчад̇и;
‘‘Pakkamissañca nāḷāto, kodha nāḷāya vacchati;
б̣анд̇ханд̇ий ид̇т̇ируубзна, саман̣з д̇хаммаж̇ийвино.
Bandhantī itthirūpena, samaṇe dhammajīvino.
296.
296.
‘‘зхи гаал̣а нивад̇д̇ассу, бхун̃ж̇а гаамз яат̇аа бурз;
‘‘Ehi kāḷa nivattassu, bhuñja kāme yathā pure;
ахан̃жа д̇з васийгад̇аа, яз жа мз санд̇и н̃аад̇агаа.
Ahañca te vasīkatā, ye ca me santi ñātakā.
297.
297.
‘‘зд̇д̇о жаабз жад̇уб̣бхааг̇ам̣, яат̇аа бхаасаси д̇ван̃жа мз;
‘‘Etto cāpe catubbhāgaṃ, yathā bhāsasi tvañca me;
д̇аяи рад̇д̇асса босасса, ул̣аарам̣ вад̇а д̇ам̣ сияаа.
Tayi rattassa posassa, uḷāraṃ vata taṃ siyā.
298.
298.
‘‘гаал̣ан̇г̇иним̣ва д̇аггаарим̣, бубпид̇ам̣ г̇иримуд̣̇д̇хани;
‘‘Kāḷaṅginiṃva takkāriṃ, pupphitaṃ girimuddhani;
пуллам̣ д̣̇аалималадтим̣ва, анд̇од̣̇ийбзва баадалим̣.
Phullaṃ dālimalaṭṭhiṃva, antodīpeva pāṭaliṃ.
299.
299.
‘‘харижанд̣̇аналид̇д̇ан̇г̇им̣, гаасигуд̇д̇амад̇хаариним̣;
‘‘Haricandanalittaṅgiṃ, kāsikuttamadhāriniṃ;
д̇ам̣ мам̣ руубавад̇им̣ санд̇им̣, гасса охааяам̣ г̇ажчаси.
Taṃ maṃ rūpavatiṃ santiṃ, kassa ohāyaṃ gacchasi.
300.
300.
‘‘саагунд̇игова сагун̣им̣, яат̇аа б̣анд̇хид̇умижчад̇и;
‘‘Sākuntikova sakuṇiṃ, yathā bandhitumicchati;
аахаримзна руубзна, на мам̣ д̇вам̣ б̣аад̇хаяиссаси.
Āharimena rūpena, na maṃ tvaṃ bādhayissasi.
301.
301.
‘‘иман̃жа мз буд̇д̇апалам̣, гаал̣а уббаад̣̇ид̇ам̣ д̇аяаа;
‘‘Imañca me puttaphalaṃ, kāḷa uppāditaṃ tayā;
д̇ам̣ мам̣ буд̇д̇авад̇им̣ санд̇им̣, гасса охааяа г̇ажчаси.
Taṃ maṃ puttavatiṃ santiṃ, kassa ohāya gacchasi.
302.
302.
‘‘ж̇аханд̇и буд̇д̇з саббан̃н̃аа, д̇ад̇о н̃аад̇ий д̇ад̇о д̇ханам̣;
‘‘Jahanti putte sappaññā, tato ñātī tato dhanaṃ;
баб̣б̣аж̇анд̇и махаавийраа, нааг̇о чзд̇ваава б̣анд̇ханам̣.
Pabbajanti mahāvīrā, nāgo chetvāva bandhanaṃ.
303.
303.
‘‘ид̣̇аани д̇з имам̣ буд̇д̇ам̣, д̣̇ан̣д̣зна чуригааяа ваа;
‘‘Idāni te imaṃ puttaṃ, daṇḍena churikāya vā;
бхуумияам̣ ваа нисумбхиссам̣, буд̇д̇асогаа на г̇ажчаси.
Bhūmiyaṃ vā nisumbhissaṃ, puttasokā na gacchasi.
304.
304.
‘‘сажз буд̇д̇ам̣ син̇г̇аалаанам̣, гуггураанам̣ бад̣̇аахиси;
‘‘Sace puttaṃ siṅgālānaṃ, kukkurānaṃ padāhisi;
на мам̣ буд̇д̇агад̇д̇з ж̇амми, бунараавад̇д̇аяиссаси.
Na maṃ puttakatte jammi, punarāvattayissasi.
305.
305.
‘‘ханд̣̇а ко д̣̇аани бхад̣̇д̣̇анд̇з, гухим̣ гаал̣а г̇амиссаси;
‘‘Handa kho dāni bhaddante, kuhiṃ kāḷa gamissasi;
гад̇амам̣ г̇ааманиг̇амам̣, наг̇арам̣ рааж̇ад̇хаанияо.
Katamaṃ gāmanigamaṃ, nagaraṃ rājadhāniyo.
306.
306.
‘‘ахумха буб̣б̣з г̇ан̣ино, ассаман̣аа саман̣амаанино;
‘‘Ahumha pubbe gaṇino, assamaṇā samaṇamānino;
г̇аамзна г̇аамам̣ вижаримха, наг̇арз рааж̇ад̇хаанияо.
Gāmena gāmaṃ vicarimha, nagare rājadhāniyo.
307.
307.
‘‘зсо хи бхаг̇аваа б̣уд̣̇д̇хо, над̣̇им̣ нзран̃ж̇арам̣ бад̇и;
‘‘Eso hi bhagavā buddho, nadiṃ nerañjaraṃ pati;
саб̣б̣ад̣̇угкаббахаанааяа, д̇хаммам̣ д̣̇зсзд̇и баан̣инам̣;
Sabbadukkhappahānāya, dhammaṃ deseti pāṇinaṃ;
д̇ассаахам̣ санд̇игам̣ г̇ажчам̣, со мз сад̇т̇аа бхависсад̇и.
Tassāhaṃ santikaṃ gacchaṃ, so me satthā bhavissati.
308.
308.
‘‘ванд̣̇анам̣ д̣̇аани мз важ̇ж̇ааси, логанаат̇ам̣ ануд̇д̇арам̣;
‘‘Vandanaṃ dāni me vajjāsi, lokanāthaṃ anuttaraṃ;
бад̣̇агкин̣ан̃жа гад̇ваана, аад̣̇исзяяааси д̣̇агкин̣ам̣.
Padakkhiṇañca katvāna, ādiseyyāsi dakkhiṇaṃ.
309.
309.
‘‘зд̇ам̣ ко лаб̣бхамамхзхи, яат̇аа бхаасаси д̇ван̃жа мз;
‘‘Etaṃ kho labbhamamhehi, yathā bhāsasi tvañca me;
ванд̣̇анам̣ д̣̇аани д̇з важ̇ж̇ам̣, логанаат̇ам̣ ануд̇д̇арам̣;
Vandanaṃ dāni te vajjaṃ, lokanāthaṃ anuttaraṃ;
бад̣̇агкин̣ан̃жа гад̇ваана, аад̣̇исиссаами д̣̇агкин̣ам̣.
Padakkhiṇañca katvāna, ādisissāmi dakkhiṇaṃ.
310.
310.
‘‘д̇ад̇о жа гаал̣о баггаами, над̣̇им̣ нзран̃ж̇арам̣ бад̇и;
‘‘Tato ca kāḷo pakkāmi, nadiṃ nerañjaraṃ pati;
со ад̣̇д̣̇асааси самб̣уд̣̇д̇хам̣, д̣̇зсзнд̇ам̣ амад̇ам̣ бад̣̇ам̣.
So addasāsi sambuddhaṃ, desentaṃ amataṃ padaṃ.
311.
311.
‘‘д̣̇угкам̣ д̣̇угкасамуббаад̣̇ам̣, д̣̇угкасса жа ад̇иггамам̣;
‘‘Dukkhaṃ dukkhasamuppādaṃ, dukkhassa ca atikkamaṃ;
арияам̣ жадтан̇г̇игам̣ маг̇г̇ам̣, д̣̇угкуубасамаг̇ааминам̣.
Ariyaṃ caṭṭhaṅgikaṃ maggaṃ, dukkhūpasamagāminaṃ.
312.
312.
‘‘д̇асса баад̣̇аани ванд̣̇ид̇ваа, гад̇ваана нам̣ бад̣̇агкин̣ам̣;
‘‘Tassa pādāni vanditvā, katvāna naṃ padakkhiṇaṃ;
жаабааяа аад̣̇исид̇ваана, баб̣б̣аж̇им̣ анаг̇аарияам̣;
Cāpāya ādisitvāna, pabbajiṃ anagāriyaṃ;
д̇иссо виж̇ж̇аа ануббад̇д̇аа, гад̇ам̣ б̣уд̣̇д̇хасса саасана’’нд̇и. –
Tisso vijjā anuppattā, kataṃ buddhassa sāsana’’nti. –
имаа г̇аат̇аа абхааси.
Imā gāthā abhāsi.
д̇ад̇т̇а ладтихад̇т̇од̇и д̣̇ан̣д̣ахад̇т̇о. бурзд̇и буб̣б̣з бариб̣б̣ааж̇агагаалз жан̣д̣аг̇он̣агуггураад̣̇ийнам̣ барихаран̣ад̇т̇ам̣ д̣̇ан̣д̣ам̣ хад̇т̇зна г̇ахзд̇ваа вижаран̣аго ахоси. со д̣̇аани миг̇алуд̣̇д̣̇агод̇и со ид̣̇аани миг̇алуд̣̇д̣̇зхи сад̣̇д̇хим̣ самбхог̇асам̣ваасзхи миг̇алуд̣̇д̣̇о мааг̇авиго ж̇аад̇о. аасааяаад̇и д̇ан̣хааяа. ‘‘аасаяаа’’д̇иби баато, аж̇жхаасаяахзд̇ууд̇и ад̇т̇о. балибаад̇и гаамабан̇гад̇о д̣̇идтибан̇гад̇о жа. гхораад̇и авид̣̇ид̇авибулаанад̇т̇аавахад̇д̇аа д̣̇аарун̣ад̇о гхораа. наасагки баарамзд̇авзд̇и д̇ассзва балибасса баарабхууд̇ам̣ ниб̣б̣аанам̣ зд̇ум̣ г̇анд̇ум̣ на асагки, на абхисамбхунийд̇и ад̇д̇аанамзва санд̇хааяа убаго вад̣̇ад̇и.
Tattha laṭṭhihatthoti daṇḍahattho. Pureti pubbe paribbājakakāle caṇḍagoṇakukkurādīnaṃ pariharaṇatthaṃ daṇḍaṃ hatthena gahetvā vicaraṇako ahosi. So dāni migaluddakoti so idāni migaluddehi saddhiṃ sambhogasaṃvāsehi migaluddo māgaviko jāto. Āsāyāti taṇhāya. ‘‘Āsayā’’tipi pāṭho, ajjhāsayahetūti attho. Palipāti kāmapaṅkato diṭṭhipaṅkato ca. Ghorāti aviditavipulānatthāvahattā dāruṇato ghorā. Nāsakkhi pārametaveti tasseva palipassa pārabhūtaṃ nibbānaṃ etuṃ gantuṃ na asakkhi, na abhisambhunīti attānameva sandhāya upako vadati.
сумад̇д̇ам̣ мам̣ ман̃н̃амаанаад̇и ад̇д̇ани судту мад̇д̇ам̣ мад̣̇аббад̇д̇ам̣ гаамаг̇зд̇хавасзна лаг̇г̇ам̣ бамад̇д̇ам̣ ваа гад̇ваа мам̣ саллагканд̇ий. жаабаа буд̇д̇амад̇осаяийд̇и миг̇алуд̣̇д̣̇асса д̇хийд̇аа жаабаа ‘‘ааж̇ийвагасса буд̇д̇аа’’д̇иаад̣̇инаа мам̣ гхаддзнд̇ий буд̇д̇ам̣ д̇осзси гзл̣ааяаси. ‘‘субад̇и мам̣ ман̃н̃амаанаа’’д̇и жа батанд̇и, субад̇ийд̇и мам̣ ман̃н̃амаанаад̇и ад̇т̇о. жаабааяа б̣анд̇ханам̣ чзд̇ваад̇и жаабааяа д̇аяи уббаннам̣ гилзсаб̣анд̇ханам̣ чинд̣̇ид̇ваа. баб̣б̣аж̇иссам̣ бунобаханд̇и буна д̣̇уд̇ияаваарамби ахам̣ баб̣б̣аж̇иссаами.
Sumattaṃ maṃ maññamānāti attani suṭṭhu mattaṃ madappattaṃ kāmagedhavasena laggaṃ pamattaṃ vā katvā maṃ sallakkhantī. Cāpā puttamatosayīti migaluddassa dhītā cāpā ‘‘ājīvakassa puttā’’tiādinā maṃ ghaṭṭentī puttaṃ tosesi keḷāyasi. ‘‘Supati maṃ maññamānā’’ti ca paṭhanti, supatīti maṃ maññamānāti attho. Cāpāya bandhanaṃ chetvāti cāpāya tayi uppannaṃ kilesabandhanaṃ chinditvā. Pabbajissaṃ punopahanti puna dutiyavārampi ahaṃ pabbajissāmi.
ид̣̇аани д̇ассаа ‘‘маяхам̣ ад̇т̇о над̇т̇ий’’д̇и вад̣̇ад̇и, д̇ам̣ суд̇ваа жаабаа камаабзнд̇ий ‘‘маа мз гуж̇жхий’’д̇и г̇аат̇амааха. д̇ад̇т̇а маа мз гуж̇жхийд̇и гзл̣игаран̣амад̇д̇зна маа маяхам̣ гуж̇жхи. махаавийра, махаамунийд̇и убагам̣ аалабад̇и. д̇ан̃хи саа буб̣б̣зби баб̣б̣аж̇ид̇о, ид̣̇ааниби баб̣б̣аж̇ид̇угаамод̇и гад̇ваа канд̇ин̃жа бажжаасийсанд̇ий ‘‘махаамуний’’д̇и ааха. д̇знзвааха – ‘‘на хи год̇хабарзд̇асса, суд̣̇д̇хи ад̇т̇и гуд̇о д̇або’’д̇и, д̇вам̣ зд̇д̇агамби асаханд̇о гат̇ам̣ жид̇д̇ам̣ д̣̇амзссаси, гат̇ам̣ ваа д̇абам̣ жариссасийд̇и ад̇хиббааяо.
Idāni tassā ‘‘mayhaṃ attho natthī’’ti vadati, taṃ sutvā cāpā khamāpentī ‘‘mā me kujjhī’’ti gāthamāha. Tattha mā me kujjhīti keḷikaraṇamattena mā mayhaṃ kujjhi. Mahāvīra, mahāmunīti upakaṃ ālapati. Tañhi sā pubbepi pabbajito, idānipi pabbajitukāmoti katvā khantiñca paccāsīsantī ‘‘mahāmunī’’ti āha. Tenevāha – ‘‘na hi kodhaparetassa, suddhi atthi kuto tapo’’ti, tvaṃ ettakampi asahanto kathaṃ cittaṃ damessasi, kathaṃ vā tapaṃ carissasīti adhippāyo.
ат̇а наал̣ам̣ г̇анд̇ваа ж̇ийвид̇угаамосийд̇и жаабааяа вуд̇д̇о ааха – ‘‘баггамиссан̃жа наал̣аад̇о, год̇ха наал̣ааяа важчад̇ий’’д̇и го ид̇ха наал̣ааяа васиссад̇и, наал̣аад̇ова ахам̣ баггамиссаамзва. со хи д̇асса ж̇аад̇аг̇аамо, д̇ад̇о нигкамид̇ваа баб̣б̣аж̇и. со жа маг̇ад̇харадтз б̣од̇химан̣д̣асса аасаннабад̣̇зсз, д̇ам̣ санд̇хааяа вуд̇д̇ам̣. б̣анд̇ханд̇ий ид̇т̇ируубзна, саман̣з д̇хаммаж̇ийвинод̇и жаабз д̇вам̣ д̇хаммзна ж̇ийванд̇з д̇хаммигз баб̣б̣аж̇ид̇з ад̇д̇ано ид̇т̇ируубзна ид̇т̇игуд̇д̇аагаббзхи б̣анд̇ханд̇ий д̇идтаси. язнаахам̣ ид̣̇аани зд̣̇исо ж̇аад̇о, д̇асмаа д̇ам̣ барижжаж̇аамийд̇и ад̇хиббааяо.
Atha nāḷaṃ gantvā jīvitukāmosīti cāpāya vutto āha – ‘‘pakkamissañca nāḷāto, kodha nāḷāya vacchatī’’ti ko idha nāḷāya vasissati, nāḷātova ahaṃ pakkamissāmeva. So hi tassa jātagāmo, tato nikkhamitvā pabbaji. So ca magadharaṭṭhe bodhimaṇḍassa āsannapadese, taṃ sandhāya vuttaṃ. Bandhantī itthirūpena, samaṇe dhammajīvinoti cāpe tvaṃ dhammena jīvante dhammike pabbajite attano itthirūpena itthikuttākappehi bandhantī tiṭṭhasi. Yenāhaṃ idāni ediso jāto, tasmā taṃ pariccajāmīti adhippāyo.
звам̣ вуд̇д̇з жаабаа д̇ам̣ нивад̇д̇зд̇угаамаа ‘‘зхи, гаал̣аа’’д̇и г̇аат̇амааха. д̇ассад̇т̇о – гаал̣аван̣н̣ад̇ааяа, гаал̣а, убага, зхи нивад̇д̇ассу маа баггами, буб̣б̣з вияа гаамз барибхун̃ж̇а, ахан̃жа яз жа мз санд̇и н̃аад̇агаа, д̇з саб̣б̣зва д̇уяхам̣ маа баггамид̇угаамад̇ааяа васийгад̇аа васавад̇д̇ино гад̇аад̇и.
Evaṃ vutte cāpā taṃ nivattetukāmā ‘‘ehi, kāḷā’’ti gāthamāha. Tassattho – kāḷavaṇṇatāya, kāḷa, upaka, ehi nivattassu mā pakkami, pubbe viya kāme paribhuñja, ahañca ye ca me santi ñātakā, te sabbeva tuyhaṃ mā pakkamitukāmatāya vasīkatā vasavattino katāti.
д̇ам̣ суд̇ваа убаго ‘‘зд̇д̇о жаабз’’д̇и г̇аат̇амааха. д̇ад̇т̇а жаабзд̇и жаабз. жаабасад̣̇исаан̇г̇аладтид̇ааяа хи саа, жаабаад̇и наамам̣ лабхи, д̇асмаа, жаабаад̇и вужжад̇и. д̇вам̣ жаабз, яат̇аа бхаасаси, ид̣̇аани яаад̣̇исам̣ гат̇зси, ид̇о жад̇уб̣бхааг̇амзва бияасамуд̣̇аажаарам̣ гарзяяааси. д̇аяи рад̇д̇асса рааг̇аабхибхууд̇асса бурисасса ул̣аарам̣ вад̇а д̇ам̣ сияаа, ахам̣ банзд̇арахи д̇аяи гаамзсу жа вирад̇д̇о, д̇асмаа жаабааяа важанз на д̇идтаамийд̇и ад̇хиббааяо.
Taṃ sutvā upako ‘‘etto cāpe’’ti gāthamāha. Tattha cāpeti cāpe. Cāpasadisaaṅgalaṭṭhitāya hi sā, cāpāti nāmaṃ labhi, tasmā, cāpāti vuccati. Tvaṃ cāpe, yathā bhāsasi, idāni yādisaṃ kathesi, ito catubbhāgameva piyasamudācāraṃ kareyyāsi. Tayi rattassa rāgābhibhūtassa purisassa uḷāraṃ vata taṃ siyā, ahaṃ panetarahi tayi kāmesu ca viratto, tasmā cāpāya vacane na tiṭṭhāmīti adhippāyo.
буна, жаабаа, ад̇д̇ани д̇асса аасад̇д̇им̣ уббаад̣̇зд̇угаамаа ‘‘гаал̣ан̇г̇ини’’нд̇и ааха. д̇ад̇т̇а, гаал̣аад̇и д̇ассаалабанам̣. ан̇г̇ининд̇и ан̇г̇аладтисамбаннам̣. иваад̇и убамааяа нибаад̇о. д̇аггаарим̣ бубпид̇ам̣ г̇иримуд̣̇д̇ханийд̇и баб̣б̣ад̇амуд̣̇д̇хани тид̇ам̣ субубпид̇ад̣̇аалималадтим̣ вияа. ‘‘уггааг̇аари’’нд̇и жа гзжи батанд̇и, ан̇г̇ад̇т̇иладтим̣ вияаад̇и ад̇т̇о. г̇иримуд̣̇д̇ханийд̇и жа ид̣̇ам̣ гзнажи анубахад̇асобхад̇аад̣̇ассанад̇т̇ам̣ вуд̇д̇ам̣. гзжи ‘‘гаалин̇г̇ини’’нд̇и баатам̣ вад̇ваа д̇асса гумбхан̣д̣алад̇аасад̣̇исанд̇и ад̇т̇ам̣ вад̣̇анд̇и. пуллам̣ д̣̇аалималадтим̣ваад̇и бубпид̇ам̣ б̣ийж̇абууралад̇ам̣ вияа. анд̇од̣̇ийбзва баадалинд̇и д̣̇ийбагаб̣бханд̇арз бубпид̇абаадалиругкам̣ вияа, д̣̇ийбаг̇г̇ахан̣ан̃жзд̇т̇а собхаабаадихаарияад̣̇ассанад̇т̇амзва.
Puna, cāpā, attani tassa āsattiṃ uppādetukāmā ‘‘kāḷaṅgini’’nti āha. Tattha, kāḷāti tassālapanaṃ. Aṅgininti aṅgalaṭṭhisampannaṃ. Ivāti upamāya nipāto. Takkāriṃ pupphitaṃ girimuddhanīti pabbatamuddhani ṭhitaṃ supupphitadālimalaṭṭhiṃ viya. ‘‘Ukkāgāri’’nti ca keci paṭhanti, aṅgatthilaṭṭhiṃ viyāti attho. Girimuddhanīti ca idaṃ kenaci anupahatasobhatādassanatthaṃ vuttaṃ. Keci ‘‘kāliṅgini’’nti pāṭhaṃ vatvā tassa kumbhaṇḍalatāsadisanti atthaṃ vadanti. Phullaṃ dālimalaṭṭhiṃvāti pupphitaṃ bījapūralataṃ viya. Antodīpeva pāṭalinti dīpakabbhantare pupphitapāṭalirukkhaṃ viya, dīpaggahaṇañcettha sobhāpāṭihāriyadassanatthameva.
харижанд̣̇аналид̇д̇ан̇г̇инд̇и лохид̇ажанд̣̇анзна анулид̇д̇асаб̣б̣ан̇г̇им̣. гаасигуд̇д̇амад̇хаарининд̇и уд̇д̇амагаасигавад̇т̇ад̇харам̣. д̇ам̣ манд̇и д̇аад̣̇исам̣ мам̣. руубавад̇им̣ санд̇инд̇и руубасамбаннам̣ самаанам̣. гасса охааяа г̇ажчасийд̇и гасса наама сад̇д̇асса, гасса ваа хзд̇уно, гзна гааран̣зна, охааяа бахааяа барижжаж̇ид̇ваа г̇ажчаси.
Haricandanalittaṅginti lohitacandanena anulittasabbaṅgiṃ. Kāsikuttamadhārininti uttamakāsikavatthadharaṃ. Taṃ manti tādisaṃ maṃ. Rūpavatiṃ santinti rūpasampannaṃ samānaṃ. Kassaohāya gacchasīti kassa nāma sattassa, kassa vā hetuno, kena kāraṇena, ohāya pahāya pariccajitvā gacchasi.
ид̇о барамби д̇зсам̣ важанабадиважанаг̇аат̇аава табзд̇ваа барияосаанз д̇иссо г̇аат̇аа. д̇ад̇т̇а саагунд̇иговаад̇и сагун̣алуд̣̇д̣̇о вияа. аахаримзна руубзнаад̇и гзсаман̣д̣анаад̣̇инаа сарийраж̇аг̇г̇анзна жзва вад̇т̇аабхаран̣аад̣̇инаа жа абхисан̇кааригзна руубзна ван̣н̣зна гид̇д̇имзна жаад̇уриязнаад̇и ад̇т̇о. на мам̣ д̇вам̣ б̣аад̇хаяиссасийд̇и буб̣б̣з вияа ид̣̇аани мам̣ д̇вам̣ на б̣аад̇хид̇ум̣ сагкиссаси.
Ito parampi tesaṃ vacanapaṭivacanagāthāva ṭhapetvā pariyosāne tisso gāthā. Tattha sākuntikovāti sakuṇaluddo viya. Āharimena rūpenāti kesamaṇḍanādinā sarīrajagganena ceva vatthābharaṇādinā ca abhisaṅkhārikena rūpena vaṇṇena kittimena cāturiyenāti attho. Na maṃ tvaṃ bādhayissasīti pubbe viya idāni maṃ tvaṃ na bādhituṃ sakkhissasi.
буд̇д̇апаланд̇и буд̇д̇асан̇каад̇ам̣ палам̣ буд̇д̇абасаво.
Puttaphalanti puttasaṅkhātaṃ phalaṃ puttapasavo.
саббан̃н̃аад̇и бан̃н̃аванд̇о, сам̣саарз аад̣̇ийнававибхаавинияаа бан̃н̃ааяа саманнааг̇ад̇аад̇и ад̇хиббааяо. д̇з хи аббам̣ ваа маханд̇ам̣ ваа н̃аад̇ибариваддам̣ бхог̇агканд̇хам̣ ваа бахааяа баб̣б̣аж̇анд̇и. д̇знааха – ‘‘баб̣б̣аж̇анд̇и махаавийраа, нааг̇о чзд̇ваава б̣анд̇хана’’нд̇и, аяаб̣анд̇ханам̣ вияа хад̇т̇инааг̇о г̇ихиб̣анд̇ханам̣ чинд̣̇ид̇ваа махаавийрияаава баб̣б̣аж̇анд̇и, на нихийнавийрияаад̇и ад̇т̇о.
Sappaññāti paññavanto, saṃsāre ādīnavavibhāviniyā paññāya samannāgatāti adhippāyo. Te hi appaṃ vā mahantaṃ vā ñātiparivaṭṭaṃ bhogakkhandhaṃ vā pahāya pabbajanti. Tenāha – ‘‘pabbajanti mahāvīrā, nāgo chetvāva bandhana’’nti, ayabandhanaṃ viya hatthināgo gihibandhanaṃ chinditvā mahāvīriyāva pabbajanti, na nihīnavīriyāti attho.
д̣̇ан̣д̣знаад̇и язна гзнажи д̣̇ан̣д̣зна. чуригааяаад̇и курзна. бхуумияам̣ ваа нисумбхиссанд̇и бат̇авияам̣ баад̇зд̇ваа бот̇анавиж̇жханаад̣̇инаа виб̣аад̇хиссаами. буд̇д̇асогаа на г̇ажчасийд̇и буд̇д̇асоганимид̇д̇ам̣ на г̇ажчиссаси.
Daṇḍenāti yena kenaci daṇḍena. Churikāyāti khurena. Bhūmiyaṃ vā nisumbhissanti pathaviyaṃ pātetvā pothanavijjhanādinā vibādhissāmi. Puttasokā na gacchasīti puttasokanimittaṃ na gacchissasi.
бад̣̇аахисийд̇и д̣̇ассаси. буд̇д̇агад̇д̇зд̇и буд̇д̇агааран̣аа. ж̇аммийд̇и д̇ассаа аалабанам̣, лаамагзд̇и ад̇т̇о.
Padāhisīti dassasi. Puttakatteti puttakāraṇā. Jammīti tassā ālapanaṃ, lāmaketi attho.
ид̣̇аани д̇асса г̇аманам̣ ануж̇аанид̇ваа г̇аманадтаанам̣ ж̇аанид̇ум̣ ‘‘ханд̣̇а ко’’д̇и г̇аат̇амааха.
Idāni tassa gamanaṃ anujānitvā gamanaṭṭhānaṃ jānituṃ ‘‘handa kho’’ti gāthamāha.
ид̇аро буб̣б̣з ахам̣ анияяаанигам̣ саасанам̣ баг̇г̇аяха адтаасим̣, ид̣̇аани бана нияяаанигз ананд̇аж̇инасса саасанз таад̇угаамо, д̇асмаа д̇асса санд̇игам̣ г̇амиссаамийд̇и д̣̇ассзнд̇о ‘‘ахумхаа’’д̇иаад̣̇имааха. д̇ад̇т̇а г̇ан̣инод̇и г̇ан̣ад̇хараа. ассаман̣аад̇и на самид̇абаабаа. саман̣амаанинод̇и самид̇абаабаад̇и звам̣ сан̃н̃ино. вижаримхаад̇и бууран̣аад̣̇ийсу ад̇д̇аанам̣ багкибид̇ваа вад̣̇ад̇и.
Itaro pubbe ahaṃ aniyyānikaṃ sāsanaṃ paggayha aṭṭhāsiṃ, idāni pana niyyānike anantajinassa sāsane ṭhātukāmo, tasmā tassa santikaṃ gamissāmīti dassento ‘‘ahumhā’’tiādimāha. Tattha gaṇinoti gaṇadharā. Assamaṇāti na samitapāpā. Samaṇamāninoti samitapāpāti evaṃ saññino. Vicarimhāti pūraṇādīsu attānaṃ pakkhipitvā vadati.
нзран̃ж̇арам̣ бад̇ийд̇и нзран̃ж̇арааяа над̣̇ияаа самийбз д̇ассаа д̇ийрз. б̣уд̣̇д̇ход̇и абхисамб̣од̇хим̣ бад̇д̇о, абхисамб̣од̇хим̣ бад̇ваа д̇хаммам̣ д̣̇зсзнд̇о саб̣б̣агаалам̣ бхаг̇аваа д̇ад̇т̇зва васийд̇и ад̇хиббааязна вад̣̇ад̇и.
Nerañjaraṃpatīti nerañjarāya nadiyā samīpe tassā tīre. Buddhoti abhisambodhiṃ patto, abhisambodhiṃ patvā dhammaṃ desento sabbakālaṃ bhagavā tattheva vasīti adhippāyena vadati.
ванд̣̇анам̣ д̣̇аани мз важ̇ж̇аасийд̇и мама ванд̣̇анам̣ вад̣̇зяяааси, мама важанзна логанаат̇ам̣ ануд̇д̇арам̣ вад̣̇зяяаасийд̇и ад̇т̇о. бад̣̇агкин̣ан̃жа гад̇ваана, аад̣̇исзяяааси д̣̇агкин̣анд̇и б̣уд̣̇д̇хам̣ бхаг̇аванд̇ам̣ д̇игкад̇д̇ум̣ бад̣̇агкин̣ам̣ гад̇вааби жад̇уусу таанзсу ванд̣̇ид̇ваа, д̇ад̇о бун̃н̃ад̇о маяхам̣ бад̇д̇ид̣̇аанам̣ д̣̇знд̇о бад̣̇агкин̣ам̣ аад̣̇исзяяааси б̣уд̣̇д̇хаг̇ун̣аанам̣ суд̇абуб̣б̣ад̇д̇аа хзд̇усамбаннад̇ааяа жа звам̣ вад̣̇ад̇и.
Vandanaṃ dāni me vajjāsīti mama vandanaṃ vadeyyāsi, mama vacanena lokanāthaṃ anuttaraṃ vadeyyāsīti attho. Padakkhiṇañca katvāna, ādiseyyāsi dakkhiṇanti buddhaṃ bhagavantaṃ tikkhattuṃ padakkhiṇaṃ katvāpi catūsu ṭhānesu vanditvā, tato puññato mayhaṃ pattidānaṃ dento padakkhiṇaṃ ādiseyyāsi buddhaguṇānaṃ sutapubbattā hetusampannatāya ca evaṃ vadati.
зд̇ам̣ ко лаб̣бхамамхзхийд̇и зд̇ам̣ бад̣̇агкин̣агаран̣ам̣ бун̃н̃ам̣ амхзхи д̇ава д̣̇аад̇ум̣ саггаа, на нивад̇д̇анам̣, буб̣б̣з вияа гаамуубабхог̇о жа на саггаад̇и ад̇хиббааяо. д̇з важ̇ж̇анд̇и д̇ава ванд̣̇анам̣ важ̇ж̇ам̣ вагкаами.
Etaṃkho labbhamamhehīti etaṃ padakkhiṇakaraṇaṃ puññaṃ amhehi tava dātuṃ sakkā, na nivattanaṃ, pubbe viya kāmūpabhogo ca na sakkāti adhippāyo. Te vajjanti tava vandanaṃ vajjaṃ vakkhāmi.
сод̇и гаал̣о, ад̣̇д̣̇асаасийд̇и ад̣̇д̣̇агки.
Soti kāḷo, addasāsīti addakkhi.
сад̇т̇уд̣̇зсанааяам̣ сажжагат̇ааяа бад̇хаанад̇д̇аа д̇аб̣б̣инимуд̇д̇ааяа абхаавад̇о ‘‘д̣̇угка’’нд̇иаад̣̇и вуд̇д̇ам̣, сзсам̣ вуд̇д̇анаяамзва.
Satthudesanāyaṃ saccakathāya padhānattā tabbinimuttāya abhāvato ‘‘dukkha’’ntiādi vuttaṃ, sesaṃ vuttanayameva.
жаабаат̇зрийг̇аат̇ааван̣н̣анаа нидтид̇аа.
Cāpātherīgāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зрийг̇аат̇аабаал̣и • Therīgāthāpāḷi / 3. жаабаат̇зрийг̇аат̇аа • 3. Cāpātherīgāthā
