| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
2. சரவக்³கோ³
2. Caravaggo
1. சரஸுத்தவண்ணனா
1. Carasuttavaṇṇanā
11. து³தியஸ்ஸ பட²மே அதி⁴வாஸேதீதி சித்தங் அதி⁴ரோபெத்வா வாஸேதி. நப்பஜஹதீதி ந பரிச்சஜதி. ந வினோதே³தீதி ந நீஹரதி. ந ப்³யந்தீகரோதீதி ந விக³தந்தங் பரிச்சி²ன்னபரிவடுமங் கரோதி. ந அனபா⁴வங் க³மேதீதி ந அனுஅபா⁴வங் அவட்³டி⁴ங் வினாஸங் க³மேதி. சரம்பீதி சரந்தோபி. அனாதாபீதி நிப்³பீ³ரியோ. அனொத்தாபீதி உபவாத³ப⁴யரஹிதோ. ஸததந்தி நிச்சங். ஸமிதந்தி நிரந்தரங். ஏவங் ஸப்³ப³த்த² அத்த²ங் ஞத்வா ஸுக்கபக்கே² வுத்தவிபரியாயேன அத்தோ² வேதி³தப்³போ³.
11. Dutiyassa paṭhame adhivāsetīti cittaṃ adhiropetvā vāseti. Nappajahatīti na pariccajati. Na vinodetīti na nīharati. Na byantīkarotīti na vigatantaṃ paricchinnaparivaṭumaṃ karoti. Na anabhāvaṃ gametīti na anuabhāvaṃ avaḍḍhiṃ vināsaṃ gameti. Carampīti carantopi. Anātāpīti nibbīriyo. Anottāpīti upavādabhayarahito. Satatanti niccaṃ. Samitanti nirantaraṃ. Evaṃ sabbattha atthaṃ ñatvā sukkapakkhe vuttavipariyāyena attho veditabbo.
கா³தா²ஸு கே³ஹனிஸ்ஸிதந்தி கிலேஸனிஸ்ஸிதங். மோஹனெய்யேஸூதி மோஹஜனகேஸு ஆரம்மணேஸு. அப⁴ப்³போ³தி அபா⁴ஜனபூ⁴தோ. பு²ட்டு²ங் ஸம்போ³தி⁴முத்தமந்தி அரஹத்தமக்³க³ஸங்கா²தங் உத்தமஞாணங் பு²ஸிதுங்.
Gāthāsu gehanissitanti kilesanissitaṃ. Mohaneyyesūti mohajanakesu ārammaṇesu. Abhabboti abhājanabhūto. Phuṭṭhuṃ sambodhimuttamanti arahattamaggasaṅkhātaṃ uttamañāṇaṃ phusituṃ.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 1. சரஸுத்தங் • 1. Carasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 1. சரஸுத்தவண்ணனா • 1. Carasuttavaṇṇanā
