| Library / Tipiṭaka / तिपिटक • Tipiṭaka / अङ्गुत्तरनिकाय (अट्ठकथा) • Aṅguttaranikāya (aṭṭhakathā) |
२. चरवग्गो
2. Caravaggo
१. चरसुत्तवण्णना
1. Carasuttavaṇṇanā
११. दुतियस्स पठमे अधिवासेतीति चित्तं अधिरोपेत्वा वासेति। नप्पजहतीति न परिच्चजति। न विनोदेतीति न नीहरति। न ब्यन्तीकरोतीति न विगतन्तं परिच्छिन्नपरिवटुमं करोति। न अनभावं गमेतीति न अनुअभावं अवड्ढिं विनासं गमेति। चरम्पीति चरन्तोपि। अनातापीति निब्बीरियो। अनोत्तापीति उपवादभयरहितो। सततन्ति निच्चं। समितन्ति निरन्तरं। एवं सब्बत्थ अत्थं ञत्वा सुक्कपक्खे वुत्तविपरियायेन अत्थो वेदितब्बो।
11. Dutiyassa paṭhame adhivāsetīti cittaṃ adhiropetvā vāseti. Nappajahatīti na pariccajati. Na vinodetīti na nīharati. Na byantīkarotīti na vigatantaṃ paricchinnaparivaṭumaṃ karoti. Na anabhāvaṃ gametīti na anuabhāvaṃ avaḍḍhiṃ vināsaṃ gameti. Carampīti carantopi. Anātāpīti nibbīriyo. Anottāpīti upavādabhayarahito. Satatanti niccaṃ. Samitanti nirantaraṃ. Evaṃ sabbattha atthaṃ ñatvā sukkapakkhe vuttavipariyāyena attho veditabbo.
गाथासु गेहनिस्सितन्ति किलेसनिस्सितं। मोहनेय्येसूति मोहजनकेसु आरम्मणेसु। अभब्बोति अभाजनभूतो। फुट्ठुं सम्बोधिमुत्तमन्ति अरहत्तमग्गसङ्खातं उत्तमञाणं फुसितुं।
Gāthāsu gehanissitanti kilesanissitaṃ. Mohaneyyesūti mohajanakesu ārammaṇesu. Abhabboti abhājanabhūto. Phuṭṭhuṃ sambodhimuttamanti arahattamaggasaṅkhātaṃ uttamañāṇaṃ phusituṃ.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / अङ्गुत्तरनिकाय • Aṅguttaranikāya / १. चरसुत्तं • 1. Carasuttaṃ
टीका • Tīkā / सुत्तपिटक (टीका) • Suttapiṭaka (ṭīkā) / अङ्गुत्तरनिकाय (टीका) • Aṅguttaranikāya (ṭīkā) / १. चरसुत्तवण्णना • 1. Carasuttavaṇṇanā
