| Library / Tipiṭaka / ติปิฎก • Tipiṭaka / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) |
๒. จรวโคฺค
2. Caravaggo
๑. จรสุตฺตวณฺณนา
1. Carasuttavaṇṇanā
๑๑. ทุติยสฺส ปฐเม อธิวาเสตีติ จิตฺตํ อธิโรเปตฺวา วาเสติฯ นปฺปชหตีติ น ปริจฺจชติฯ น วิโนเทตีติ น นีหรติฯ น พฺยนฺตีกโรตีติ น วิคตนฺตํ ปริจฺฉินฺนปริวฎุมํ กโรติฯ น อนภาวํ คเมตีติ น อนุอภาวํ อวฑฺฒิํ วินาสํ คเมติฯ จรมฺปีติ จรโนฺตปิฯ อนาตาปีติ นิพฺพีริโยฯ อโนตฺตาปีติ อุปวาทภยรหิโตฯ สตตนฺติ นิจฺจํฯ สมิตนฺติ นิรนฺตรํฯ เอวํ สพฺพตฺถ อตฺถํ ญตฺวา สุกฺกปเกฺข วุตฺตวิปริยาเยน อโตฺถ เวทิตโพฺพฯ
11. Dutiyassa paṭhame adhivāsetīti cittaṃ adhiropetvā vāseti. Nappajahatīti na pariccajati. Na vinodetīti na nīharati. Na byantīkarotīti na vigatantaṃ paricchinnaparivaṭumaṃ karoti. Na anabhāvaṃ gametīti na anuabhāvaṃ avaḍḍhiṃ vināsaṃ gameti. Carampīti carantopi. Anātāpīti nibbīriyo. Anottāpīti upavādabhayarahito. Satatanti niccaṃ. Samitanti nirantaraṃ. Evaṃ sabbattha atthaṃ ñatvā sukkapakkhe vuttavipariyāyena attho veditabbo.
คาถาสุ เคหนิสฺสิตนฺติ กิเลสนิสฺสิตํฯ โมหเนเยฺยสูติ โมหชนเกสุ อารมฺมเณสุฯ อภโพฺพติ อภาชนภูโตฯ ผุฎฺฐุํ สโมฺพธิมุตฺตมนฺติ อรหตฺตมคฺคสงฺขาตํ อุตฺตมญาณํ ผุสิตุํฯ
Gāthāsu gehanissitanti kilesanissitaṃ. Mohaneyyesūti mohajanakesu ārammaṇesu. Abhabboti abhājanabhūto. Phuṭṭhuṃ sambodhimuttamanti arahattamaggasaṅkhātaṃ uttamañāṇaṃ phusituṃ.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / องฺคุตฺตรนิกาย • Aṅguttaranikāya / ๑. จรสุตฺตํ • 1. Carasuttaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / องฺคุตฺตรนิกาย (ฎีกา) • Aṅguttaranikāya (ṭīkā) / ๑. จรสุตฺตวณฺณนา • 1. Carasuttavaṇṇanā
