| Library / Tipiṭaka / តិបិដក • Tipiṭaka / អង្គុត្តរនិកាយ (អដ្ឋកថា) • Aṅguttaranikāya (aṭṭhakathā) |
២. ចរវគ្គោ
2. Caravaggo
១. ចរសុត្តវណ្ណនា
1. Carasuttavaṇṇanā
១១. ទុតិយស្ស បឋមេ អធិវាសេតីតិ ចិត្តំ អធិរោបេត្វា វាសេតិ។ នប្បជហតីតិ ន បរិច្ចជតិ។ ន វិនោទេតីតិ ន នីហរតិ។ ន ព្យន្តីករោតីតិ ន វិគតន្តំ បរិច្ឆិន្នបរិវដុមំ ករោតិ។ ន អនភាវំ គមេតីតិ ន អនុអភាវំ អវឌ្ឍិំ វិនាសំ គមេតិ។ ចរម្បីតិ ចរន្តោបិ។ អនាតាបីតិ និព្ពីរិយោ។ អនោត្តាបីតិ ឧបវាទភយរហិតោ។ សតតន្តិ និច្ចំ។ សមិតន្តិ និរន្តរំ។ ឯវំ សព្ពត្ថ អត្ថំ ញត្វា សុក្កបក្ខេ វុត្តវិបរិយាយេន អត្ថោ វេទិតព្ពោ។
11. Dutiyassa paṭhame adhivāsetīti cittaṃ adhiropetvā vāseti. Nappajahatīti na pariccajati. Na vinodetīti na nīharati. Na byantīkarotīti na vigatantaṃ paricchinnaparivaṭumaṃ karoti. Na anabhāvaṃ gametīti na anuabhāvaṃ avaḍḍhiṃ vināsaṃ gameti. Carampīti carantopi. Anātāpīti nibbīriyo. Anottāpīti upavādabhayarahito. Satatanti niccaṃ. Samitanti nirantaraṃ. Evaṃ sabbattha atthaṃ ñatvā sukkapakkhe vuttavipariyāyena attho veditabbo.
គាថាសុ គេហនិស្សិតន្តិ កិលេសនិស្សិតំ។ មោហនេយ្យេសូតិ មោហជនកេសុ អារម្មណេសុ។ អភព្ពោតិ អភាជនភូតោ។ ផុដ្ឋុំ សម្ពោធិមុត្តមន្តិ អរហត្តមគ្គសង្ខាតំ ឧត្តមញាណំ ផុសិតុំ។
Gāthāsu gehanissitanti kilesanissitaṃ. Mohaneyyesūti mohajanakesu ārammaṇesu. Abhabboti abhājanabhūto. Phuṭṭhuṃ sambodhimuttamanti arahattamaggasaṅkhātaṃ uttamañāṇaṃ phusituṃ.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / អង្គុត្តរនិកាយ • Aṅguttaranikāya / ១. ចរសុត្តំ • 1. Carasuttaṃ
ដីកា • Tīkā / សុត្តបិដក (ដីកា) • Suttapiṭaka (ṭīkā) / អង្គុត្តរនិកាយ (ដីកា) • Aṅguttaranikāya (ṭīkā) / ១. ចរសុត្តវណ្ណនា • 1. Carasuttavaṇṇanā
