| Library / Tipiṭaka / တိပိဋက • Tipiṭaka / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) |
၂. စရဝဂ္ဂော
2. Caravaggo
၁. စရသုတ္တဝဏ္ဏနာ
1. Carasuttavaṇṇanā
၁၁. ဒုတိယသ္သ ပဌမေ အဓိဝာသေတီတိ စိတ္တံ အဓိရောပေတ္ဝာ ဝာသေတိ။ နပ္ပဇဟတီတိ န ပရိစ္စဇတိ။ န ဝိနောဒေတီတိ န နီဟရတိ။ န ဗ္ယန္တီကရောတီတိ န ဝိဂတန္တံ ပရိစ္ဆိန္နပရိဝဋုမံ ကရောတိ။ န အနဘာဝံ ဂမေတီတိ န အနုအဘာဝံ အဝဍ္ဎိံ ဝိနာသံ ဂမေတိ။ စရမ္ပီတိ စရန္တောပိ။ အနာတာပီတိ နိဗ္ဗီရိယော။ အနောတ္တာပီတိ ဥပဝာဒဘယရဟိတော။ သတတန္တိ နိစ္စံ။ သမိတန္တိ နိရန္တရံ။ ဧဝံ သဗ္ဗတ္ထ အတ္ထံ ဉတ္ဝာ သုက္ကပက္ခေ ဝုတ္တဝိပရိယာယေန အတ္ထော ဝေဒိတဗ္ဗော။
11. Dutiyassa paṭhame adhivāsetīti cittaṃ adhiropetvā vāseti. Nappajahatīti na pariccajati. Na vinodetīti na nīharati. Na byantīkarotīti na vigatantaṃ paricchinnaparivaṭumaṃ karoti. Na anabhāvaṃ gametīti na anuabhāvaṃ avaḍḍhiṃ vināsaṃ gameti. Carampīti carantopi. Anātāpīti nibbīriyo. Anottāpīti upavādabhayarahito. Satatanti niccaṃ. Samitanti nirantaraṃ. Evaṃ sabbattha atthaṃ ñatvā sukkapakkhe vuttavipariyāyena attho veditabbo.
ဂာထာသု ဂေဟနိသ္သိတန္တိ ကိလေသနိသ္သိတံ။ မောဟနေယ္ယေသူတိ မောဟဇနကေသု အာရမ္မဏေသု။ အဘဗ္ဗောတိ အဘာဇနဘူတော။ ဖုဋ္ဌုံ သမ္ဗောဓိမုတ္တမန္တိ အရဟတ္တမဂ္ဂသင္ခာတံ ဥတ္တမဉာဏံ ဖုသိတုံ။
Gāthāsu gehanissitanti kilesanissitaṃ. Mohaneyyesūti mohajanakesu ārammaṇesu. Abhabboti abhājanabhūto. Phuṭṭhuṃ sambodhimuttamanti arahattamaggasaṅkhātaṃ uttamañāṇaṃ phusituṃ.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya / ၁. စရသုတ္တံ • 1. Carasuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၁. စရသုတ္တဝဏ္ဏနာ • 1. Carasuttavaṇṇanā
