| Library / Tipiṭaka / ತಿಪಿಟಕ • Tipiṭaka / ಅಙ್ಗುತ್ತರನಿಕಾಯ (ಅಟ್ಠಕಥಾ) • Aṅguttaranikāya (aṭṭhakathā) |
೨. ಚರವಗ್ಗೋ
2. Caravaggo
೧. ಚರಸುತ್ತವಣ್ಣನಾ
1. Carasuttavaṇṇanā
೧೧. ದುತಿಯಸ್ಸ ಪಠಮೇ ಅಧಿವಾಸೇತೀತಿ ಚಿತ್ತಂ ಅಧಿರೋಪೇತ್ವಾ ವಾಸೇತಿ। ನಪ್ಪಜಹತೀತಿ ನ ಪರಿಚ್ಚಜತಿ। ನ ವಿನೋದೇತೀತಿ ನ ನೀಹರತಿ। ನ ಬ್ಯನ್ತೀಕರೋತೀತಿ ನ ವಿಗತನ್ತಂ ಪರಿಚ್ಛಿನ್ನಪರಿವಟುಮಂ ಕರೋತಿ। ನ ಅನಭಾವಂ ಗಮೇತೀತಿ ನ ಅನುಅಭಾವಂ ಅವಡ್ಢಿಂ ವಿನಾಸಂ ಗಮೇತಿ। ಚರಮ್ಪೀತಿ ಚರನ್ತೋಪಿ। ಅನಾತಾಪೀತಿ ನಿಬ್ಬೀರಿಯೋ। ಅನೋತ್ತಾಪೀತಿ ಉಪವಾದಭಯರಹಿತೋ। ಸತತನ್ತಿ ನಿಚ್ಚಂ। ಸಮಿತನ್ತಿ ನಿರನ್ತರಂ। ಏವಂ ಸಬ್ಬತ್ಥ ಅತ್ಥಂ ಞತ್ವಾ ಸುಕ್ಕಪಕ್ಖೇ ವುತ್ತವಿಪರಿಯಾಯೇನ ಅತ್ಥೋ ವೇದಿತಬ್ಬೋ।
11. Dutiyassa paṭhame adhivāsetīti cittaṃ adhiropetvā vāseti. Nappajahatīti na pariccajati. Na vinodetīti na nīharati. Na byantīkarotīti na vigatantaṃ paricchinnaparivaṭumaṃ karoti. Na anabhāvaṃ gametīti na anuabhāvaṃ avaḍḍhiṃ vināsaṃ gameti. Carampīti carantopi. Anātāpīti nibbīriyo. Anottāpīti upavādabhayarahito. Satatanti niccaṃ. Samitanti nirantaraṃ. Evaṃ sabbattha atthaṃ ñatvā sukkapakkhe vuttavipariyāyena attho veditabbo.
ಗಾಥಾಸು ಗೇಹನಿಸ್ಸಿತನ್ತಿ ಕಿಲೇಸನಿಸ್ಸಿತಂ। ಮೋಹನೇಯ್ಯೇಸೂತಿ ಮೋಹಜನಕೇಸು ಆರಮ್ಮಣೇಸು। ಅಭಬ್ಬೋತಿ ಅಭಾಜನಭೂತೋ। ಫುಟ್ಠುಂ ಸಮ್ಬೋಧಿಮುತ್ತಮನ್ತಿ ಅರಹತ್ತಮಗ್ಗಸಙ್ಖಾತಂ ಉತ್ತಮಞಾಣಂ ಫುಸಿತುಂ।
Gāthāsu gehanissitanti kilesanissitaṃ. Mohaneyyesūti mohajanakesu ārammaṇesu. Abhabboti abhājanabhūto. Phuṭṭhuṃ sambodhimuttamanti arahattamaggasaṅkhātaṃ uttamañāṇaṃ phusituṃ.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಅಙ್ಗುತ್ತರನಿಕಾಯ • Aṅguttaranikāya / ೧. ಚರಸುತ್ತಂ • 1. Carasuttaṃ
ಟೀಕಾ • Tīkā / ಸುತ್ತಪಿಟಕ (ಟೀಕಾ) • Suttapiṭaka (ṭīkā) / ಅಙ್ಗುತ್ತರನಿಕಾಯ (ಟೀಕಾ) • Aṅguttaranikāya (ṭīkā) / ೧. ಚರಸುತ್ತವಣ್ಣನಾ • 1. Carasuttavaṇṇanā
