| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) |
2. චරවග්‌ගො
2. Caravaggo
1. චරසුත්‌තවණ්‌ණනා
1. Carasuttavaṇṇanā
11. දුතියස්‌ස පඨමෙ අධිවාසෙතීති චිත්‌තං අධිරොපෙත්‌වා වාසෙති. නප්‌පජහතීති න පරිච්‌චජති. න විනොදෙතීති න නීහරති. න බ්‍යන්‌තීකරොතීති න විගතන්‌තං පරිච්‌ඡින්‌නපරිවටුමං කරොති. න අනභාවං ගමෙතීති න අනුඅභාවං අවඩ්‌ඪිං විනාසං ගමෙති. චරම්‌පීති චරන්‌තොපි. අනාතාපීති නිබ්‌බීරියො. අනොත්‌තාපීති උපවාදභයරහිතො. සතතන්‌ති නිච්‌චං. සමිතන්‌ති නිරන්‌තරං. එවං සබ්‌බත්‌ථ අත්‌ථං ඤත්‌වා සුක්‌කපක්‌ඛෙ වුත්‌තවිපරියායෙන අත්‌ථො වෙදිතබ්‌බො.
11. Dutiyassa paṭhame adhivāsetīti cittaṃ adhiropetvā vāseti. Nappajahatīti na pariccajati. Na vinodetīti na nīharati. Na byantīkarotīti na vigatantaṃ paricchinnaparivaṭumaṃ karoti. Na anabhāvaṃ gametīti na anuabhāvaṃ avaḍḍhiṃ vināsaṃ gameti. Carampīti carantopi. Anātāpīti nibbīriyo. Anottāpīti upavādabhayarahito. Satatanti niccaṃ. Samitanti nirantaraṃ. Evaṃ sabbattha atthaṃ ñatvā sukkapakkhe vuttavipariyāyena attho veditabbo.
ගාථාසු ගෙහනිස්‌සිතන්‌ති කිලෙසනිස්‌සිතං. මොහනෙය්‍යෙසූති මොහජනකෙසු ආරම්‌මණෙසු. අභබ්‌බොති අභාජනභූතො. ඵුට්‌ඨුං සම්‌බොධිමුත්‌තමන්‌ති අරහත්‌තමග්‌ගසඞ්‌ඛාතං උත්‌තමඤාණං ඵුසිතුං.
Gāthāsu gehanissitanti kilesanissitaṃ. Mohaneyyesūti mohajanakesu ārammaṇesu. Abhabboti abhājanabhūto. Phuṭṭhuṃ sambodhimuttamanti arahattamaggasaṅkhātaṃ uttamañāṇaṃ phusituṃ.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / අඞ්‌ගුත්‌තරනිකාය • Aṅguttaranikāya / 1. චරසුත්‌තං • 1. Carasuttaṃ
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 1. චරසුත්‌තවණ්‌ණනා • 1. Carasuttavaṇṇanā
