| Library / Tipiṭaka / တိပိဋက • Tipiṭaka / ကင္ခာဝိတရဏီ-အဘိနဝ-ဋီကာ • Kaṅkhāvitaraṇī-abhinava-ṭīkā |
၁၀. စာရိကနပက္ကမနသိက္ခာပဒဝဏ္ဏနာ
10. Cārikanapakkamanasikkhāpadavaṇṇanā
ဓုရေ နိက္ခိတ္တမတ္တေတိ သစေ ဓုရံ နိက္ခိပိတ္ဝာ ပစ္ဆာ ပက္ကမတိ, အာပတ္တိယေဝာတိ အတ္ထော။ အန္တရာယေ သတီတိ ဒသဝိဓေသု အန္တရာယေသု အညတရသ္မိံ သတိ။ ‘‘ဂစ္ဆိသ္သာမီ’’တိ နိက္ခန္တာ, နဒီ ဝာ ပူရာ, ဝနဒာဟော ဝာ အာဂတော, စောရာ ဝာ မဂ္ဂေ ဟောန္တိ, မေဃော ဝာ ဥဋ္ဌဟတိ, နိဝတ္တိတုံ ဝဋ္ဋတိ။
Dhure nikkhittamatteti sace dhuraṃ nikkhipitvā pacchā pakkamati, āpattiyevāti attho. Antarāye satīti dasavidhesu antarāyesu aññatarasmiṃ sati. ‘‘Gacchissāmī’’ti nikkhantā, nadī vā pūrā, vanadāho vā āgato, corā vā magge honti, megho vā uṭṭhahati, nivattituṃ vaṭṭati.
စာရိကနပက္ကမနသိက္ခာပဒဝဏ္ဏနာ နိဋ္ဌိတာ။
Cārikanapakkamanasikkhāpadavaṇṇanā niṭṭhitā.
တုဝဋ္ဋဝဂ္ဂော စတုတ္ထော။
Tuvaṭṭavaggo catuttho.
