| Library / Tipiṭaka / திபிடக • Tipiṭaka / பாசித்யாதி³யோஜனாபாளி • Pācityādiyojanāpāḷi |
6. சாரித்தஸிக்கா²பத³ங்
6. Cārittasikkhāpadaṃ
294. ச²ட்டே² கஸ்மா தேஹி ‘‘தே³தா²வுஸோ ப⁴த்த’’ந்தி வுத்தங், நனு பி⁴க்கூ²னங் ஏவங் வத்துங் ந வட்டதீதி ஆஹ ‘‘எத்த² தங் கிரா’’திஆதி³. தஸ்மாதி யஸ்மா அபி⁴ஹடங் அஹோஸி, தஸ்மா.
294. Chaṭṭhe kasmā tehi ‘‘dethāvuso bhatta’’nti vuttaṃ, nanu bhikkhūnaṃ evaṃ vattuṃ na vaṭṭatīti āha ‘‘ettha taṃ kirā’’tiādi. Tasmāti yasmā abhihaṭaṃ ahosi, tasmā.
295. இத³ங் பன வசனங் ஆஹாதி ஸம்ப³ந்தோ⁴. பஸாத³ஞ்ஞத²த்தந்தி பஸாத³ஸ்ஸ அஞ்ஞேனாகாரேன பா⁴வோ. நந்தி கா²த³னீயங். ‘‘க³ஹெத்வா ஆக³மங்ஸூ’’திஇமினா ‘‘உஸ்ஸாரியித்தா²’’தி எத்த² உகாரஸ்ஸ உக்³க³ஹத்த²தஞ்ச ஸரதா⁴துஸ்ஸ க³த்யத்த²தஞ்ச அஜ்ஜதனிஞுங்விப⁴த்தியா த்த²த்தஞ்ச த³ஸ்ஸேதி, உக்³க³ஹெத்வா ஸாரிங்ஸு அக³மங்ஸூதி அத்தோ².
295. Idaṃ pana vacanaṃ āhāti sambandho. Pasādaññathattanti pasādassa aññenākārena bhāvo. Nanti khādanīyaṃ. ‘‘Gahetvā āgamaṃsū’’tiiminā ‘‘ussāriyitthā’’ti ettha ukārassa uggahatthatañca saradhātussa gatyatthatañca ajjataniñuṃvibhattiyā tthattañca dasseti, uggahetvā sāriṃsu agamaṃsūti attho.
298. யத்தா²தி யஸ்மிங் டா²னே. டி²தஸ்ஸ பி⁴க்கு²னோ சித்தங் உப்பன்னந்தி யோஜனா. ததோதி சித்துப்பன்னதோ. யந்தி பி⁴க்கு²ங். பகதிவசனேனாதி உச்சாஸத்³த³மகத்வா பவத்தேன ஸபா⁴வவசனேன. அந்தோவிஹாரேதி வசனஸ்ஸ அதிஸம்பா³த⁴த்தா அயுத்தபா⁴வங் மஞ்ஞமானோ ஆஹ ‘‘அபி ச அந்தோஉபசாரஸீமாயா’’தி.
298.Yatthāti yasmiṃ ṭhāne. Ṭhitassa bhikkhuno cittaṃ uppannanti yojanā. Tatoti cittuppannato. Yanti bhikkhuṃ. Pakativacanenāti uccāsaddamakatvā pavattena sabhāvavacanena. Antovihāreti vacanassa atisambādhattā ayuttabhāvaṃ maññamāno āha ‘‘api ca antoupacārasīmāyā’’ti.
302. கா³மஸ்ஸ அந்தரே ஆராமோ திட்ட²தீதி அந்தராராமோ விஹாரோ, தங் க³ச்ச²தீதி த³ஸ்ஸெந்தோ ஆஹ ‘‘அந்தோகா³மே’’திஆதீ³தி. ச²ட்ட²ங்.
302. Gāmassa antare ārāmo tiṭṭhatīti antarārāmo vihāro, taṃ gacchatīti dassento āha ‘‘antogāme’’tiādīti. Chaṭṭhaṃ.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவிப⁴ங்க³ • Mahāvibhaṅga / 5. அசேலகவக்³கோ³ • 5. Acelakavaggo
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவிப⁴ங்க³-அட்ட²கதா² • Mahāvibhaṅga-aṭṭhakathā / 6. சாரித்தஸிக்கா²பத³வண்ணனா • 6. Cārittasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / 6. சாரித்தஸிக்கா²பத³வண்ணனா • 6. Cārittasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / 6. சாரித்தஸிக்கா²பத³வண்ணனா • 6. Cārittasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / 6. சாரித்தஸிக்கா²பத³வண்ணனா • 6. Cārittasikkhāpadavaṇṇanā
